Romanne Leisure Food Concept (砵蘭街) (已結業)

旺角一向出名多好野食，亦都有好多間樓上cafe！要係咁多競爭中突圍而出真係唔容易，Romanne leisure food cafe就以浪漫既環境同高質既食物出奇制勝！本身只係貪佢近朗豪坊，地點方便就腳而選擇佢，但係食落就真係十分有驚喜！我地一行四人，大家都係master既同學，完左sem一齊慶祝慶祝！一入到去，就見到好用心既裝修，環境好舒服！印象分已經大大增加左！睇埋menu，一d都唔貴，好抵食！除左set之外，仲有好多小食同前菜等，對於有選擇困難既我地黎講，係有少少難度千挑萬選下，我地揀左勁勁勁吸引又邪惡既黑松露薯條好耐無食過既曲薯呀曲薯岩岩炸起，勁脆，外脆內熱，絕對令人食唔停口！重點係旁邊既黑松露醬，超級香，連熱愛茄汁既我都選擇左勁點黑松露醬！之後我地揀左幾個set🥰🥰因爲真係抵食，set跟特飲只需要半價！前菜有沙律同南瓜湯！沙律菜新鮮，南瓜湯有好香既南瓜味，好creamy！重點係比足100分既蒜蓉包！真係好香既蒜蓉味，外面脆得黎入面好軟熟！點埋南瓜湯一齊食，真係要比夠5星！其中一個set叫左雞胸香橙沙律！作為健康既都市人，都係想食多d菜！雞胸比想像中更好食，有d食鴨胸咁既感覺！

Mk既cafe真係多到50隻手指都數唔哂，但係我呢位四圍去食好西既叔叔又真係試過中過好多次伏🤦‍♀️ Cafe並唔係間間都好食，有d仲要又貴又唔好食！今日就揀左一間以浪漫做主打既cafe- Romanne leisure cafe! 放心，介紹得比大家，又咁誠真推介，一定唔會中伏既！因為你一去到已經會見到好靚既環境，以木系為主，沙發上提供埋cushion，坐得好舒服！價錢適中！由平到貴，任君選擇！亦都有2人餐，4人餐等提供！我同朋友就揀左個2人餐，另外再叫左d小食拼盤同mock tail！沙律同南瓜湯好吸睛！南瓜湯好滑，味道調教剛剛好！沙律既煙三文魚分量足夠，3個人都夠食！仲有柚子，好開胃沙律菜十分嫩綠，全部都好新鮮，重點係夠凍同夠大碟好抵食呀！黑松露意大利飯有我喜歡既溫泉蛋！蛋黃好香，唔會煮得太熟！意大利飯有勁香濃既黑松露味，絕對無偷工減料！勁creamy既意大利飯，真係會令人愛上它仲有勁靚既mocktail！店員表示仲末有酒牌，所以暫時只提供mocktail，但係已經勁吸引了！呢杯zen有牛油果，檸檬，蘋果同蜜糖，有少少清香既牛油果味，加埋檸檬同蘋果，唔會話太過飽！配合埋咁靚既環境，

旺角餐廳很多，但食到都唔知有咩好食。適逢姊妹gathering，Search過依度環境氣氛不錯，很適合三五成群，上到去果然不負眾望，而且留下深刻印象。一入到去，侍應的服務有禮及充滿笑容， 接著有老闆熱誠地介紹他們的特式菜，最後我們決定試以下菜式：MOCKTAIL:Zen (Avocado+Lemon+apple + Honey) 鮮果製成，感覺很fresh, 如果牛油果味再重一點我更喜歡，這個放在前菜是十分適合。檸檬鹽蕃薯條細心的老闆驚我地太飽叫我地唔好點，最多送幾條，我地三個都鐘意食蕃薯條，點都要叫一碟！佢咸咸香香十分好食。如果襯啤酒就一流。白酒煮蜆蜆肉十分鮮甜亦很有肉地 ，而它跟一般的白酒煮蜆 很不同，好像多了一些香料味 ，很惹味，值得一試！黑松露什菌意大利飯63度溫泉蛋超香菇味，我好鐘意。好少rissoto 會加溫泉蛋，作為蛋料理粉絲的我，對此絕對加分！沖繩活性水飼豬扒三個女人真係一個墟，我地傾到慶起，食到最後一道，侍應見我地遲遲未開動，更提我地要襯熱食，發主動幫我地拎入廚房開件。十分窩心！講返豬扒，佢厚身但肉質非常鮮嫰，很少食豬扒食得咁開心。必食！APPLE CRUMBLE冰火

和老公在朗豪坊看完戲，便說去旁邊的晴朗坊吃晚餐在樓下有人派著餐廳傳單會有9折呢，於是上去餐廳看一看先八卦看menu，也發現到想吃的，便決定坐下吃晚餐，是最後一張枱呢我地叫左2個主菜加一個小食小食係打靶仔炸雞翼，菜名譯得很搞笑，即是Tabasco 雞翼侍應細心提醒味道會有點辣雞翼很快來到，雖然不是很大隻， 但用數量搭救顏色帶少少紅色， 因為是Tabasco 的關係雞翼炸得很香脆可口，只有輕微的辣， 怕吃辣的人不妨試下主菜之一要左傳統卡邦尼意粉配63度溫泉蛋意粉質感富彈性，忌廉汁較黏稠，加上蛋漿，每口都掛滿醬汁，食完不覺膩卡邦尼的醬汁是最重要，即使配搭簡單食材，加上口感濃郁的醬汁，瞬間也變成一道美味菜式吃完雞翼及意粉後，一直在等另一個主菜-沖繩活性水飼豬鞍扒，真的等了很久， 要再提醒侍應下，才馬上來到豬鞍扒很大塊， 巨形又厚實表面煎得微微焦香， 加上香草點綴， 賣相吸引肉質軟腍， 很容易切開， 一邊切一邊滲出不少肉汁裡面剛熟，呈粉紅色，脂肪不多， 只集中在一旁肉質愈接近脂肪的部位， 其實味道愈甘香， 很香但又怕肥， 令人很矛盾再吃掉配搭的薯角蔬菜， 真的很飽肚今晚想飲D 特別野，所以叫左兩

剛剛旅行完返嚟，一屋都喺行李、雜物，工作就故然積壓咗唔少，所以，是夜少有哋兩公婆出去食，乾手淨腳嘛。早排去咗太子一間酒吧餐廳，所做嘅西班牙小食（Tapas）甚有水準，晌食文都有提及過，依家唔少餐廳都有提供埋西班牙小食，今晚到訪嘅樓上鋪Romanne亦一樣有，而且，有水準之餘，定價十分相宜。旺角朗晴坊唔喺第一次嚟，到達7樓，就見餐廳門面，餐廳佔全層，而一踏入去就喺開放式廚房，更用上較少見嘅藍色燈光，非常型格玄幻， 可以遠觀大廚們做菜嘅姿態。不過，再走入啲喺用餐區，明顯如一般悠閒西餐廳。香港租金貴，就預咗枱櫈編排會有點逼，還好喺佈置有點心思，窗邊有唔少盆栽，枱上又有啲擺設，天花掛上電燈泡，讓整體環境添加少少氣氛，兩邊對外都喺玻璃窗，使空間唔會太侷促。細細嘅餐牌似喺自家印製，啲字開始有啲甩，而菜式分為沙律、前菜、主菜、意大利麵或飯、甜品、西班牙小食及飲品。另外，仲有兩個獨立嘅套餐餐牌，分二人（$368）及四人（$698），本來都有考慮點二人餐，因為認為划算啲，不過，部份嘢唔太啱我老婆，最後都喺散點。飲品選項中，除啡茶、汽水、什飲、果汁之外，更有店員推介嘅無酒精雞尾酒（$58 / 杯），見其中