叉燒丼家

營業中

休息中

🐷🥚🍚叉燒丼飯配餐飲 $55～叉燒、煎雙蛋、菜、白飯、豉油蔥粒✨餐牌內L1寫了選用肥叉燒，L2寫了叉燒丼飯，今日試下叉燒丼飯先。食晏時段已經坐滿人，落單後店員好快就送飯過來，佢出名叉燒之餘還有脆邊煎蛋，兩隻煎蛋都好搶眼，叉燒邊係有點乾身，中間位置軟身啲，可能肥叉燒比較適合我，有一條菜心，蛋味好香，蛋汁包住粒粒飯，加埋豉油蔥粒配飯頂呱呱，如果多點豉油蔥粒更好🤣，對我來說飯比較多，都食唔晒添😜

🍳叉燒丼飯 $55叉燒肉質軟淋唔乾鞋帶誘人嘅炭燒味重點係好多燶邊 脆脆哋陣陣焦香大約8成瘦肉2成肥肉肥膏部份爽口脆脆哋上面兩隻煎蛋蛋黃金黃流心 但底部比較燶飯粒軟糯粒粒分明 配埋甜甜哋嘅叉燒蜜汁同埋蔥油🐽叉燒滑蛋丼飯 $52叉燒同上面丼飯一樣肉質軟淋帶少少肥膏但就係切條炒蛋炒蛋滑溜保留到蛋汁飯表面亦淋咗啲豉油 所以撈埋一齊就更濕潤同埋惹味

今天下午不知吃什麼好，一於看看手機應用程式有什麼好外賣選擇，看到有間叉燒丼飯不錯，所以點了叉燒丼飯、白灼菜心、叉燒漢堡配薯條和鹹牛肉炒蛋多士。外賣大約三十分鐘送到，包裝都乾淨衞生。因為買滿$120，可以有八折優惠，不用$150就有四款食物了。叉燒丼飯$66- 煎蛋煎得不錯，蛋黃汁拌飯好好吃。叉燒偏瘦，但肉質不乾不韌，口感不錯。下次可以試下肥叉燒飯。叉燒漢堡配薯條$58- 這個漢堡薯條令我有驚喜！尤其是炸薯條，雖然外賣涼一點不是熱騰騰的，但粗薯條口感還不錯挺脆的。我第一次吃叉燒漢堡包，好有新鮮感，漢堡入面有兩塊叉燒，相比起一般漢堡肉排就較薄較少了。叉燒都是偏瘦，想不到原來叉燒跟新鮮番茄、生菜、芝士、洋蔥圈和千島醬非常配搭，下次都會再叫來吃，推介！鹹牛肉炒蛋多士$31- 多士塗得過多牛油了，外賣膠盒底部有一層黃油，滲入麵包裏，令多士又油又軟，不好吃太油膩了。白灼菜心$22- 菜心分量都幾多，幾新鮮。

叉燒丼飯 $55幾唔錯幾足料叉燒偏瘦但一啲都唔乾柴 仲要幾淋添 （佢有肥叉燒丼飯揀 所以中意肥叉嘅都唔洗怕）仲要有雙太陽蛋 篤完啲蛋汁流落個飯度 加埋佢啲海量豉油 食落真係更滋味😂同埋飯係幾多架 我諗係正常飯量1.5-2碗左右Overall係唔錯derrr

一直想試呢間餐廳，係新蒲崗好似幾出名，今日終於有機會，最後食左佢lunch嘅叉燒丼飯（普通版，另有得貴$1蚊揀淨係肥叉）之前睇相以為碗丼飯會好似台灣肉燥飯個啲咁細碗，但嚟到發現比想像中大，賣相亦都唔錯，只係等左大約5分鐘就有味道方面，叉燒咬落都幾淋同埋有陣蜜汁味，瘦得離又有啲肥膏幾好味蛋嘅話，蛋黃係全流心，攞嚟撈飯一流，而蛋白就煎到個邊有啲燒焦，食落脆脆地總括來說呢碗丼飯性價比算高，大大碗味道就都高過average，有時間不妨試試

經過新蒲崗Mikiki商場附近，無心插柳發現咗呢間新開嘅叉燒丼飯餐廳，以港式叉燒飯做招牌，作為叉燒控緊係要試下…先講賣相，擺盤好靚，兩大隻太陽蛋又夠晒吸睛！煎蛋都算得上係脆邊，但如果同銅鑼灣間「兩草」脆邊煎蛋比較，仍然差少少，未到「薯片脆」嘅感覺。至於叉燒…真心唔錯喎！餐牌寫明係「極上」其實係用咗靚梅頭肉。今次試咗肥叉，肉質夠軟腍，完全唔韌！咬落鬆化，部份更入口即熔，而且燶邊位夠脆，仲輕帶點炭火香。

/叉燒丼家🇭🇰/➖➖➖之前喺嚐麥附近 見過有間叉燒專門店嘅茶記門口嘅menu嘅食物都幾吸引 而且價錢公道所以就去左試✨✨試左叉燒丼飯、蔥花炒蛋脆多士、咸牛肉炒蛋脆多士同埋紅豆冰😆😆➖➖➖1️⃣叉燒丼飯 $52配極上叉燒同脆邊雙蛋（加甜豉油、薑蔥）值得一讚係個賣相幾靚 好誘人🤤✨呢個飯一個人應該唔會食得曬因為真係好大碗 建議同人share🙈上次就食唔曬 所以打包睇其他食評 係有啲參差 相信係同叉燒肥瘦有關ღ叉燒今次係瘦叉燒 適合啲鍾意食瘦叉嘅人雖然係咁 但肉質都幾有咬口、頗鬆化唔會好乾好哽口如果肥瘦叉燒可以混合必定會更甘香可口肉質會更juicy✨✨ღ脆邊雙蛋呢個係幾有驚喜😀😀本身都無留意到雙蛋嘅字直至送到黎先發現到係雙黃🙈要讚嘅係個邊煎得幾香脆🤤而蛋黃嘅熟度剛好👍🏻▪️▪️▪️分數: 7.8/10▪️▪️▪️2️⃣蔥花炒蛋脆多士 $24三文治夾住一塊半溶厚切牛油同一份份量都幾足嘅炒滑蛋個人覺得邪惡得黎但幾惹味ღ麵包烘過 幾香脆✨麵包稍為薄身 有少少易散🙈ღ蔥花炒蛋要讚嘅係炒蛋炒得幾滑 而且都食到幾重蔥味鍾意蔥嘅人可以一試🤭🤭▪️▪️▪️分數: 7.5/10▪️▪️▪️▪️▪️▪️3️⃣咸牛肉炒蛋脆多士 $26基本上大致都同蔥花炒

叉燒丼飯 「黯然銷魂飯」$52 (包熱飲)睇相以為細細碗 原來好大碗好多飯絕對夠兩個人食😳兩隻完美的煎蛋 最緊要有脆邊蛋漿加上蔥油同甜豉油撈飯真係無得輸飯粒分明不會過腍 幾出色反而叉燒有點令人失望雖則我喜歡瘦叉但這個未免太瘦了吧😅丁點肥都沒有所以唔夠juicy好乾不過味道好濃好香 如果有點蜜汁會更好

早排係instagram 見到一碗睇到我流哂口水既叉燒蛋飯 原來係係新蒲崗 今日一於去試下係咪真係咁正🤤 呢到新開張 裝修好靚 座位亦好舒適👍🏻我地叫左個最經典既叉燒丼飯同2個小食 分別係蔥花炒蛋脆多士同炸大大雞脾🤩 叉燒丼飯真係碗碗都keep到水準勁靚😍 叉燒半肥瘦燒到香口 肉質細嫩口感一流 2隻太陽蛋蛋汁岩岩好撈哂成碗飯 非常滿足👅蔥花炒蛋脆多士亦好有驚喜 熱辣辣香脆既多士夾住蔥花炒蛋同一片厚牛油 蔥花係已調味 所以食落特別滋味👍🏻 加上溶化緊既牛油真係好邪惡好食😋 炸大大雞脾果然好大隻 外脆內嫩 加上調果得宜好滋味 一d雪味都無🍗主菜加特飲都只係+$6 揀左紅豆冰同菠蘿冰 我地更愛紅豆冰 紅豆夠哂腍 唔會好甜 不錯 仲有不得不讚既係佢地係用環保飲管添🌟

屋企附近開了一間新的港式茶餐廳- 叉燒丼家，但裝修是走深色型格路線，不像一般樸實的茶記。只睇店舖名就估到是主打食叉燒及丼飯，所以餐牌食物選擇不算多，價錢亦不貴。丼家推介有7款，我們當然點了最主打的叉燒丼飯，份量十足，叉燒是用半肥瘦的脢頭肉，用炭火燒得焦香，肉嫩多汁，肉厚味濃，配上脆邊煎雙蛋，蛋汁跟甜甜的醬油撈勻，好好味。另一款主打是蔥花炒蛋脆多士，烘得脆身的多士配上半融的牛油塊及蔥花炒蛋，好味又邪惡。另一邪惡之選是炸大大雞脾，炸得外脆內嫩，不油膩，雞脾切開，仍然肉汁滿滿。為了環保，餐廳用上蔗飲管，比紙飲管為佳。

今日同老婆阿仔黎呢度食叉燒丼飯！由於做緊開張優惠，今日的招牌叉燒丼飯（連飲品）只售30蚊，真係好抵食呀！...我同阿仔叫左叉燒丼飯，好味！不同於酒家的叉燒，這個有點出乎意料的好吃。叉燒用上靚脢頭，肉質柔軟，亦夾有爽口的肉筋，好有口感，而且肉味濃郁，味道很不錯。.至於白飯方面，當中已預先落左豉油，與蔥蓉、蛋黃汁同撈來吃，味道一拍即合。一口叉燒一口蔥油飯，真的很滋味。.食飯唔係阿仔的強項，佢食左一半就停手了，我幫手食埋餘下的，好飽呀.......老婆要食炸野，所以叫左炸豬扒常餐。我試左，覺得味道很不錯。首先炸豬扒是即炸即上，極之熱辣辣！然後外層脆卜卜得好緊要，裡層的豬扒肉汁飽滿，肉味十足，質地亦很爽彈。.至於炒蛋就好滑，而且好勁蛋味，不似溝了水或大量奶去發大體積的炒蛋。米粉好大碗，湯底是正常雞湯味，沒有死鹹。豬仔包就較失色，不太脆，較乾。....我自己選了凍啡，很不錯👍呢度使用甘蔗渣飲管，是成本頗高的環保飲管，令我很驚訝！...題外話：吃飽飽後，就帶阿仔去新蒲崗圖書館睇書，呢間圖書館真係令我好困擾，環境實在好嘈好嘈好嘈好嘈好嘈..........