叉燒丼家

營業中

休息中

經過新蒲崗Mikiki商場附近，無心插柳發現咗呢間新開嘅叉燒丼飯餐廳，以港式叉燒飯做招牌，作為叉燒控緊係要試下…先講賣相，擺盤好靚，兩大隻太陽蛋又夠晒吸睛！煎蛋都算得上係脆邊，但如果同銅鑼灣間「兩草」脆邊煎蛋比較，仍然差少少，未到「薯片脆」嘅感覺。至於叉燒…真心唔錯喎！餐牌寫明係「極上」其實係用咗靚梅頭肉。今次試咗肥叉，肉質夠軟腍，完全唔韌！咬落鬆化，部份更入口即熔，而且燶邊位夠脆，仲輕帶點炭火香。