唔想次次都去旺區食飯，其實東涌都有啲高質隱世餐廳。好似呢間“Maison Du Mezze”，就有好少地方食到嘅真·炭燒牛扒&肉串；並有一系列地道黎巴嫩料理—中東芝士羊肉餡餅(Arays)、鷹嘴豆餅(Falafel)、中東烤肉(Shish Tawok)等。
以上咁多款料理，喺午市時段都有優惠價㗎！提供餐湯、沙律及前菜、主菜、甜品自由選擇；並可追加各款冰茶、意大利氣泡酒、紅白酒等。
“Maison Du Mezze”曾入圍國際餐飲設計大賽，大空間好啱家庭樂、拍拖或朋友聚會。
【午市主菜】
午市優惠嘅主菜好有黎巴嫩風味，鍾意地道嘢可揀阿拉伯飯(Kabsa)、羊肉丸(Lamb Kofta)；一心想鋸扒又有燒西冷扒(Beef Striploin)揀等等等。越多人食，越可以嗌多幾樣share最划算啊。
阿拉伯飯(Kabsa)$188
用特殊長米煮製嘅阿拉伯飯，長米會吸滿各種香料、食材風味。可以揀羊肉、魚或大蝦口味，份量幾多，lunch嚟講真係好滿足。
羊肉丸(Lamb Kofta)$98
黎巴嫩菜嘅炭燒肉丸好出名，外形唔係我哋食開嘅圓形肉丸，而係將肉切碎再壓成條狀即燒，所以口感好紮實綿密，肉味濃郁。
燒肉拼盤(Mix Grill)$198
肉控必揀燒肉拼盤，有大大份燒羊肉丸(Lamb Kofta)、燒羊排(Lamb Chops)，加咗香料燒好惹味。
燒西冷扒(Beef Striploin)$198
想要鋸扒儀式感就有炭燒西冷扒，即叫即用炭爐燒，高溫猛火瞬間鎖住肉汁，仲有種獨特炭香㗎。
【特色甜品】
午市有3款甜品選擇—麵包布甸(Umm Ali)、黃金餃(Qatayef with Vanilla Ice-cream)、米布甸(Rice Pudding)。3款都各有特色風味，同平時普通食件cake好唔同啊。
(中)麵包布甸。外層金黃，富肉桂、堅果香味；
(右)黃金餃。中東傳統甜品，炸到脆卜卜同雪糕好夾；
(左)米布甸。軟滑布甸，配上堅果碎有雙重口感。
午市時段有優惠價，一享炭燒牛扒、炭燒肉串，以及一系列地道黎巴嫩料理。
Maison Du Mezze
地址: 東涌怡東路9號灣景薈地下G10號舖
電話: 23300131