主打精緻Omakase 嘅「彤」，單係細緻擺盤已睇得出非常用心。行政總廚擁超過20年日本料理經驗，帶領幾位逾10年經驗師傅製作時令日本料理。
呢度食材每日由日本豐州市場直送，並按四季引入各款時令食材，恰如日本師傅堅持不時不食。而家午市、晚市都有多款Omakase 套餐，味道擺盤同樣高質，性價比相當高。
【晚市Omakase 推介】
晚市推介「極」套餐，有漬物、刺身、熱食、壽司、手卷同烏冬等，相當豐富。
前菜漬物
師傅會按當日食材、食客口味即席設計料理，所以每次嚟食都有機會唔同㗎。今次漬物就有魷魚漬，Q彈微酸好開胃。
刺身6品
日本令和生蠔出名大隻厚肉，甫推出已經大受歡迎。而家亦係時令季節，鍾意肥美口感一定要試。
同場多款刺身都好新鮮鮮甜。
海膽超多呀！入口Creamy。
煮物
呢度不乏燒物，將鮮魚燒至外脆內嫩，上碟已見魚皮微焦金黃。
手握壽司10品
想睇一間日本料理店用心與否，細觀壽司飯就略知一二。師傅特別用新瀉魚沼越光米，並改良山吹赤醋，保持米粒Q彈微酸突出刺身鮮味。
Omakase 有機會食到坊間少見嘅壽司，而且拖羅都一定好肥美！
最後仲有熱湯、烏冬、甜品或水果。
