情人節無心型牛扒唔緊要，食高質阿根廷牛扒仲有儀式感呀。阿根廷牛作為牛扒界天花板，係於廣闊農場成長及食用天然草料，肉質特別彈牙、牛肉味濃郁。
歐洲紅磚小屋裝潢，置身異國氣氛。
窗邊座位好開揚，適合把酒談歡。
呢間阿根廷扒房“La Parilla”情人節套餐，特別推薦三大靚牛扒部位 — 封門牛柳(Hanger)及臀肉牛扒(Rump) 、帶骨肉眼(Cowboy Steak)，並以“Love is Gold”為主題，多道料理放上食用金箔點綴；甚至用食用金箔紙包住頂級牛扒，象徵堅貞愛情，用餐體驗好圓滿。
外籍大廚主理，定期引入各種阿根廷牛扒。
“La Parrilla”情人節套餐$598 /人
情人節梗係想同伴侶牛扒配紅酒，唔知揀咩酒可以+$198/人升級Wine Pairing。大廚已為前菜、主菜、甜品配上最夾酒品，可以專心享受每道料理美酒。
Starter (4選1) 牛骨髓 配金箔牛肉他他(Bone Marrow, Tartare, Edible Gold Flakes) 金箔松露布拉塔芝士(Truffled Burrata, Edible Gold Flakes) 餡餃Tasting Empanadas 金箔酸橘汁醃蝦仁(Shrimp Ceviche, Edible Gold Flakes) Wine Pairing: Trapiche Chardonnay
Main (3選1或升級至Cowboy) Golden Cowboy+$188/人 封門牛柳(Hanger) 及 臀肉牛扒(Rump) 羊排(Lamb Rack) 烤虎蝦(Grilled Tiger Prawns) Wine Pairing: Trapiche Broquel Malbec
Sides (5選2) 燒韮菜(Charred Leek) 忌廉菠菜(Creamy Spinach) 薯條(French Fries) 焗烤薯仔(Potatoes Fondant) 綠色沙律(Greenfield Salad)
Dessert (2選1) 金箔紅絲絨提拉米蘇(Red Velvet Tiramisu, Edible Gold Flakes) 金箔朱古力熔岩蛋糕(Chocolate Fondant, Edible Gold Flakes) Wine Pairing: Zuccardi Malamado Malbec Port
HK$598 / person |
【Starter (4選1)】
3款前菜都好精緻，牛骨髓配金箔牛肉他他綴以金箔，作為第一道菜揭開序幕好有驚喜。結合牛骨髓同牛肉他他，每啖都爆發牛脂香同原始肉味，鍾意天然牛味嘅話必試呀!!
牛骨髓 配金箔牛肉他他，每啖爆發牛脂香同原始肉味。
另一道松露布拉塔芝士有原個布拉塔芝士上枱，一切開即流出軟滑芝士好療癒。將芝士配埋松露、西葫蘆絲帶、松子仁、青醬等一齊食，獨特松露香又滲出芝士味。
原個布拉塔芝士上枱，一切開即流出軟滑芝士。
如果想食啲海鮮fresh吓，可以揀經典美洲料理—酸橘汁醃蝦仁(Shrimp Ceviche)。Ceviche係拉丁美洲傳統煮法，用檸橘汁「醃熟」海鮮，保留蝦肉天然風味且輕酸香辣。
酸橘汁醃蝦仁係經典拉丁美洲料理，用檸橘汁「醃熟」海鮮保留天然風味。
【Main (3選1)】
好值得升級嘅主菜Golden Cowboy(大理石花紋標誌著它的柔軟肉質)(+$188/人)!! 又或者一次食晒兩款靚肉位的兩種口味 — 封門牛柳(Hanger) 及 臀肉牛扒(Rump)，前者係牛腰肌肉(眾多部分較嫩的位置)，後者則屬臀肉位(牛味重及帶一層油脂)；。
Golden Cowboy(+$188/人)，一次品嚐兩款頂級肉品。
另一肉扒選擇—羊排係店家最受歡迎之一，肉味香濃不羶，放於烤蕃薯蓉同阿根廷青檸香菜醬上，味道更加豐富。
羊排係店家最受歡迎肉扒之一，肉味香濃不羶。
同場都有海鮮選擇—烤虎蝦，以高溫爐燒製令蝦殼蝦肉都帶有煙燻香氣，並瞬間封住大蝦鮮味，可配埋Criolla醬、檸檬提鮮。
海鮮選擇烤大蝦，高溫烤爐燒製帶有煙燻香氣。
【Sides (5選2)】
套餐仲有2款精緻香口配菜，好啱慢食飲酒，包括忌廉菠菜、薯條、焗烤薯仔、綠色沙律；又或特取最嫩韮菜心位嘅燒韮菜，燒後灑上帕爾瑪芝士好佐酒。
多款精緻香口配菜，好啱慢食飲酒。
【Dessert (2選1)】
2選1甜品有紅絲絨提拉米蘇、朱古力熔岩蛋糕選擇。紅絲絨提拉米蘇結合兩大經典甜品，再加上食用金箔，儼如成就一段愛情故事。紅絲絨蛋糕以香草波旁酒香氣調味，配搭提拉米蘇忌廉、新鮮覆盆子極富層次。
紅絲絨提拉米蘇結合兩大經典甜品，儼如成就一段愛情故事。
金箔朱古力熔岩蛋糕幸福感爆滿，一切開即刻流出軟滑朱古力漿，配埋雪糕一齊食，甜度啱啱好。
金箔朱古力熔岩蛋糕，一切開即刻流出軟滑朱古力漿。
La Parrilla Steakhouse
地址: 中環雲咸街77號嘉兆商業大廈1樓
電話: 26378555