しゃぶしゃぶ四季 (已結業)

一年四季都會打邊爐，仲邊會分午餐晚餐先可以打，下午茶都打得邊爐呀！😆😆成日經過見到擺個牌出嚟咁抵食...今日一於試試佢**********🐮特選美國牛肩肉套餐（$48）揀咗🍅蕃茄湯底配飯🍚蕃茄湯偏甜，配飯食好開胃牛肩肉大概有8-10細片，牛味唔算好濃，不過都唔差**********🐔特選雞腿肉套餐（$48）揀咗🐷豬骨湯底配讚歧烏冬雞腿肉有6件，肉質好嫩滑，新鮮冇雪味👍🏻**********下午茶份量唔會預佢有好多，有野菜盤同肉類一碟野菜盤好新鮮👍🏻跟胡麻醬同柚子醋，柚子醋好開胃，又可以解膩冇點飲品，加一後$105，兩個人下午茶有得食吓邊爐傾吓偈，幾抵食😆當日都見到有兩三枱係一個人嚟食添呀，等我下次挑戰吓😂

呢間shabu shabu係馬鞍山開左一段時間，開業初期幫襯過一次。 今晚突然好想打邊爐就決定同阿女再光顧。平日不是太多人，坐得舒服又唔太嘈。有選擇困難症下，叫左個2人餐。 個人都鐘意食辛辣野，所以今晚點個麻辣湯底，阿女要至愛蕃茄湯。 不過麻辣湯唔係好辣，得個色水。餐點包括左和牛，海鮮同蔬菜藍及豬肉。每樣都唔錯，除左豬肉口感麻麻。另外加多個肉拼盤，2個人食啱啱好。

今日和太太往shabu shabu shiki食午餐, 我們點了大盛南蠻炸雞飯和鹿兒島黑豚燒肉飯午餐。午餐配味噌湯, 柚子沙律和酸薑, 味噌湯好足料有瘦肉和紅羅白, 瘦肉肉味香濃, 紅羅白甜度適中, 湯鹹度適中, 大盛南蠻炸雞飯炸雞炸得金黃, 食落香脆, 肉質鮮嫩, 配上沙律醬食落惹味, 生菜食落爽口, 飯食落軟綿；最後鹿兒島黑豚燒肉飯黑豚肉燒得有少許焦香, 肉味香濃, 配上軟心溫泉蛋食落口感豐富。餐廳食物豐富, 口感十足, 食落美味, 食了一頓豐富午餐。

自從疫情之後, 都好少同公公婆婆🧓🏻👴🏻見面, 今日難得早收工就去左佢地屋企附近嘅商場同佢地食下好西😊, 兩老突然話好想食日式火鍋🍲, 作為佢地嘅乖孫當然乖乖聽話陪佢地食啦😊餐廳環境幾寛敞, 座位與座位之間都分隔好開, 坐得幾舒服! 食物方面, 餐廳提供一人鍋/二人鍋嘅套餐, 有牛🐂, 豬🐖, 雞🐔, 海鮮🦀🦐🐟同素食🥬🌽🥕選擇, 仲可以追加肉類, 海鮮, 丸類, 滑類, 蔬菜同小食等……湯底亦有和風, 洋風, 中華風共12種比你慢慢揀!😆我地3個人叫左個二人set再追加一份大滿足五品盛盒!😊 肉類嘅色澤幾靚, 肥瘦均勻, 肉質鮮甜柔嫩, 薄切牛舌爽口有彈性, 牛小排肉味濃而不膩, 豬肉肥美爽彈! 蔬菜新鮮款式多, 讚岐烏冬口感彈牙, 吸埋湯底精華非常惹味! 食飽飽都無好大陣火鍋油煙味, 整體性價比幾高!😊咖哩味湯底柚子鹽味湯底

大肥肥👦🏻帶我食一人一鍋🍲，呢間都幾高質，會員仲有78折。1️⃣西班牙黑毛豚腩肉涮涮鍋(+$10轉蕃茄湯底) $118肉嘅色質好靚，偏肥美。點蕃茄湯底感覺上健康少少🧏🏻‍♀️🙆🏻‍♀️美味指數:7.23/102️⃣美國特選去骨肩胛牛小排壽喜燒 $148必點之選!肉質爽彈有層次！點完壽喜燒湯底再點一點生蛋就係超正！烏冬一定要撈芝麻醬一齊食就最正🥰🙆🏻‍♀️美味指數:7.85/10💡整體來講，性價比高！しゃぶしゃぶ四季 (馬鞍山)地址🐾:馬鞍山鞍祿街18號新港城中心2樓2141號舖

係運動未開始之前，我同朋友去左呢間食下午茶shabu shabu。其實都幾新奇，日式打邊爐仲可以用食tea嘅時間慢慢歎。去果日係一個平常嘅星期六，唔使等位，直接入座點菜。坐得都幾舒服，又靜又可以用四人枱罷餸，唔使逼住逼住。但我諗平時人多嘅話都會幾大煙都逼夾。點左個清湯同日式醬油湯，好快就上茶。仲要配左個有好多平日屋企食唔到嘅靚菜，紅心蘿蔔、紫色菜葉（見識少認唔出咩菜）😹仲有個飯/烏冬配。係幾有驚喜，無諗過佢地會畀咁靚嘅菜如果去溫x菜食嘅話，果碟配菜應該已經係一個火邊爐嘅價錢。如果打邊爐唔岩都仲有其他餐可以揀架！

難得放平日，識揀一定食下午茶，見到有個午後讚岐烏冬涮涮鍋，下午茶時段只係$58！美國特選去骨肩胛牛小排讚岐烏冬，肩胛牛質素好，配上野菜感覺健康d，有生菜，金菇，冬菇，粟米芯同本菇。烏冬份量都幾多，放埋野菜同牛落去就係Shabu Shabu了。讚岐烏冬好彈牙，吸埋生薑豚骨湯底嘅精華。仲有日式芝麻醬跟埋，又係另一番風味。除了Shabu Shabu,還有其他午後定食，都係$58，價錢唔算貴，下次再試。餐廳有玻璃窗，下午食有陽光射入來，裝修風格以日式簡約為主。

食，是人與生俱來的不可或缺的其中一個活動，而息如果是跟一群同性族類也是一個高級享受的宴樂行為，從李白、陶淵明、歐陽修等男人，每每看到他們一同宴樂真是人間享受。今次我亦趁着女友跟他們的朋友去活動的緣故我就跟我們的一班好兄弟去了一間放題火鍋餐廳度吃。不要以為男人不吃甜品，其實男人真是很甜的很愛很愛！而我亦選擇在飯前吃了個美味的甜品，也不要以為綠茶是女人的專利，其實也是男人的專利！就這樣選了幾球雪糕，雪糕香濃又滑，實屬佳品！在吃甜品的過程，火鍋配料已經不知不覺送上，那因朋友真是我得要命了！這些牛肉的質素可是不錯！而我們都是喜愛吃牛的動物來所以你看到我們的桌上全是牛的配搭！配上啤酒汽水乃是一個酒池肉林的現代版！

友人表示馬鞍山推出了新的邊爐店，因此我們決定試一試。我們大概六點左右去到，已有大部份位置滿座，幸好還有一張兩人枱。我們選了鹿兒島牛肉和西班牙黑豚肉配壽喜燒套餐！貴店的服務很好，服務員很快上菜和送上飲料。可惜醬料豉油胡麻醬和醋，當我向服務員查詢鼓油辣椒🌶️，原來是沒有的不過，牛肉和豚肉都很高質，而蔬果盆亦很美味！以兩人份量來說，剛剛好。

原本係Collect Point，以家已經改為變咗幾間餐廳。今次中午入咗去一間日式涮涮鍋餐廳，食壽喜燒為主。🧡美國特選去骨肩胛牛小排壽喜燒套餐都幾豐富架，想食清淡D，可以選擇昆布湯底。有牛小排師傅刀工幾好，牛小排切得非常薄片。牛肉色澤紅潤，雪花分明野菜盛盒烏冬（配胡麻醬），一定夠哂飽。除左涮涮鍋，仲有定食架。賣相好吸引，有勁多片半生熟牛肉堆疊而成，上面有酸忌廉，旁邊仲有隻温泉蛋。可能我食唔慣太生的牛肉，口感一般般，再加上酸忌廉拌飯，真係好酸呀。可能我唔惜欣賞，最後都冇食哂😞😞😞

而家放假都未必去得遠，在屋企附近行街食飯就算了。之前見商場有部份裝修過，見到賣衫店舖轉換改成三間餐廳，今日試其中一間先。“美國特選去骨肩胛牛小排涮涮鍋” 我選了昆布湯底，套餐有野菜盛合同白飯或烏冬。醬料有兩種，柚子味豉油同日式胡麻醬，我選了烏冬因為我喜歡用胡麻醬拌烏冬吃，而美國特選去骨肩胛牛小排，肉質鮮明有雪花師傅刀功夠勁片片牛肉都切得很薄，另外疏菜夠新鮮又有唔同種類菇菌。無想到昆布湯底，只是一塊昆布加滾水。涮涮鍋種類繁多。湯底款式也頗多不過要另外加錢的。

行咗一圈商場都唔知食咩好，見到尼間新開嘅餐廳，門口menu睇落唔錯，價錢又不是太貴，決定一試。內部環境幾好幾舒服，裝修日式，又唔會好似其他餐廳咁吵有少少似去咗日本咁我地兩個一人叫咗一個set我叫咗個海鮮湯底，有超級濃嘅鮮蝦味，啲蔬菜吸晒湯勁入味好鮮甜啲肉望落去雖然唔係話好靚，但係係好食嘅，尤其是個豬肉，係有啲意外地好食仲叫咗尼個炸魷魚，啖啖肉，配嗰個汁有少少wasabi味，幾特別一個set入面有蔬菜有肉同跟一個飯/烏冬，我個人覺得係啱啱好飽，唔會好似港式打邊爐咁飽到勁辛苦埋單一人$170到最鐘意佢個湯底，好多選擇，下次會再來試下其他

這間日式涮涮鍋剛剛新開張，見放在門口的餐牌非常吸引，所以同朋友來嘗嘗這間店。裝修佈置全用木材做格局，比人好溫暖嘅感覺。我們點了兩種湯底同兩款肉類。美國特選去骨肩胛牛小排壽喜燒 $128壽喜燒 (湯底)肩胛牛小排野菜盛合雞蛋、烏冬套餐可以配白飯或烏冬，烏冬可以凍食有胡麻醬配備，又或者可以放湯煮熟吃。美國特選去骨肩胛牛小排，色擇鮮明夠紅潤。鹿兒島黑毛豚肉眼涮涮鍋 $118昆布 (湯底)黑毛豚肉眼野菜盛合烏冬黑毛豚肉眼，半肥半瘦肉質幼嫰。野菜盛合，品種豐富有金菇、日本菇、冬菇、大蔥、疏菜等等。這款幾特別吃下好像蘿蔔片。

馬鞍山有新舖頭緊係要去試下啦~星期五夜晚同女朋友由7點等到8點先入座。餐廳冷氣強勁，如果唔係打住邊爐應該會越坐越凍。每個一人餐都包個鍋，一盤野菜盛合，一盤肉，同一碗飯或烏冬。野菜盛合有多款菜同菇，無入鏡嘅粟米仔好甜。香濃豆乳湯(+$10)。都算香滑，唔錯。鰹魚高湯(+$10)。無鰹魚味，麻麻地。加湯時係加高湯，無分個別湯嘅味道。美國牛小排($138)。有8薄塊，好有牛味，食肉獸一定唔夠。黑毛豚腩肉($108)。都算嫩滑，但係脂肪比較多。價錢唔平，雖然份量合理，但如果又要等咁耐一定無下次。追加極上牛舌($48)。食落有咸牛肉味，如果係厚切就會更好味。

新港城呢排頻頻開新野，UCC集團式痴住開左3間，今次就試左日式shabu shabu。由於單點，價錢可能會貴少少。雖然舖頭有提供lunch set，但要留意返lunch set肉既份量可能會有分別，所以最後我係點返regular menu既set。比較驚喜既係佢有成12款湯底揀，而且有幾款好有特色同少見，食厭左豬骨湯既朋友可以去試下😆我本身好鐘意飲味噌湯所以揀左蝦味噌湯底（最後真係飲左半煲🤣🤣🤣）橙紅色視覺效果一流，而且有大量蝦仔咬，飲落仲有一陣陣蝦既香味，未食都已經想飲哂煲湯🤣肉就我同阿媽各自叫左個牛小排set再加牛舌share食因為佢成個set都幾多菜食，又有烏冬，所以都唔擔心唔夠飽牛肉味道唔算好濃，但都唔算差，不過整體價錢略貴。另外值得一題隻豉油係柚子豉油！！食落有陣陣柚子香好開胃！用黎點肉可以清一清油膩感，點菜更加惹味，唔似食緊豉油😆食食下都想買返支整體黎講，如果鐘意試新野既朋友不妨試下呢間既shabu shabu！