しゃぶしゃぶ四季 (已結業)

馬鞍山有新舖頭緊係要去試下啦~星期五夜晚同女朋友由7點等到8點先入座。餐廳冷氣強勁，如果唔係打住邊爐應該會越坐越凍。每個一人餐都包個鍋，一盤野菜盛合，一盤肉，同一碗飯或烏冬。野菜盛合有多款菜同菇，無入鏡嘅粟米仔好甜。香濃豆乳湯(+$10)。都算香滑，唔錯。鰹魚高湯(+$10)。無鰹魚味，麻麻地。加湯時係加高湯，無分個別湯嘅味道。美國牛小排($138)。有8薄塊，好有牛味，食肉獸一定唔夠。黑毛豚腩肉($108)。都算嫩滑，但係脂肪比較多。價錢唔平，雖然份量合理，但如果又要等咁耐一定無下次。追加極上牛舌($48)。食落有咸牛肉味，如果係厚切就會更好味。