たまご園 (荷里活廣場)

營業中

休息中

呢間餐廳睇佢個名都知道，主打就係食雞蛋！餐廳入面嘅佈置都係以黃色為主色調、同埋有好多雞蛋造型嘅裝飾🤩 我哋叫咗個好岩打卡嘅三文魚親子牛油果生雞蛋拌飯、同埋太陽蛋和牛漢堡～ Lunch set包餐湯+沙律，超豐富！生雞蛋拌飯造型超吸睛😍 魚生撈生雞蛋一齊食好夾～太陽蛋嘅蛋黃係橙黃色的好鮮艷～和牛漢堡扒好厚身，肉質軟嫩味道唔錯～下次想試埋佢嘅梳乎厘pancake😋 要預番等候時間25分鐘，今日趕時間所以冇食到🤣

自從我光顧過「旺角」，跟「九龍灣」分店的日本雞蛋主題餐廳「たまご園」之後，我終於發現「たまご園」的大部分主題招牌食品、飲品跟甜品，都跟甜味「雞蛋」蛋黃有密不可分的關係。「たまご園」無論是雞蛋蛋黃主題食品、鹹味主菜食品抑或甜品都用上雞蛋作為材料。我第一次光顧「旺角」分店「たまご園」，主要享用和牛漢堡扒加煎蛋套餐、唐揚炸雞，還有蜜桃口味的梳乎厘班㦸。光顧「旺角」分店之後，我第二次光顧「たまご園」在「九龍灣」的分店，分店位於「九龍灣」「德福廣場」二期樓上的位置。當時光顧「德福廣場」分店「たまご園」的食客數目看似也不少。由於「たまご園」始終只是日本菜餐廳，不像港式餐廳那麼有「牛腩飯」食品，所以我在光顧「德福廣場」分店「たまご園」的時候，改為享用「親子丼」，飲品「士多啤梨奶昔」，跟「士多啤梨梳乎厘班㦸」。我之所以每次光顧「たまご園」都享用「梳乎厘班㦸」甜品，皆因「たまご園」以甜味雞蛋「玉子」作為賣點，所有食品飲品裡面都有濃厚的「玉子」雞蛋蛋黃甜味，就連「梳乎厘班㦸」甜品裡面的甜味也不例外。反而「たまご園」裡面的「牛肉」類別食品實際製成品裡面的味道跟口感，相對之下就沒有「たまご園」「梳乎厘班㦸」甜

荷里活廣場新開左Tamago-EN，鍾意日式輕食、鍾意日式蛋卷、鍾意日式蛋包飯、鍾意疏乎厘班戟嘅你就要試吓啦！之前已經試過呢度嘅班戟，覺得佢非常得！好重蛋味，今次試多咗其他食物，就同大家分享一下：凱撒沙律配慢煮蛋： 重點嘅係個慢煮蛋但係就覺得冇咩特別沙律都係一般啦！芝士明太子筷子卷： 係非常好味！佢係類似一個薄身嘅大阪燒，上面加咗入本蛋，日本蛋實在太好味，個蛋黃好濃好香！芝士係可以拉絲嘅，呢個真係值得推介！特製五款玉子串燒：呢個係鎮店嘅特色，每一款都係有唔同嘅味道，但係上面嘅配料太，少建議可以多番啲，本身玉子燒嘅味道都好好！個人覺得明太子味道、海藻醬，同埋親子三文魚都好味！今次甜品就嗌左上次食唔到嘅宇治抹茶疏乎厘班㦸。本身蛋味好重嘅班戟就冇得輸啦！個人就覺得始終都係抹茶可以重茶味而少甜會好啲，因為紅豆已經係好甜！

阿女放學，搵地方泊車食飯，荷里活商埸絕對係好選擇，我同阿女都鐘意食日本野，之前係喺朗豪坊見過呢間都想食，望下餐牌啲相實在吸引，於是揀左呢間。我地又要食飯，又想食甜品，但又怕肥，所以order 左一份牛肉蛋包飯，一份梳乎理pancake，一杯朱古力奶昔。果然好大份，蛋味濃，賣相好靚。蛋包飯個牛肉軟腍腍，小朋友都容易入口，個汁好得，阿女食野好揀擇，都係咁食。梳乎理pancake係主打，跟日本食嘅相若，質地唔係蛋糕，係好似以前某酒樓食嘅白兔仔棉花糖咁，好好味！朱古力奶昔唔係M記type，係朱古力加鮮奶加雪糕，不過價錢唔平就細杯左啲。整體感覺唔錯，但價錢就比較貴，午餐時段，可以好似其地日本餐廳咁，加錢跟沙律飲品就好喇。

荷里活鋪新開張，店面乾淨企理，裝修得好可愛吸引。作為雞蛋控，當然要來試一試。晚上7:00到達，估唔到都幾多人食。拎完票，好快就到我喇！首先，當然要試試蛋包飯。是日點左白汁三文魚蛋包飯。雞蛋果然不錯，有蛋香，配上香濃幼滑既白汁及菠菜，沒有讓我失望呢！驚喜是上面配上紫蘇葉及明太子。大愛紫蘇葉既我當然開心滿滿。之後，點一個基本的菜式——雞肉親子丼。賣相一般，食落雞肉沒有腥味，不過不失。主打既雞蛋半熟，保留蛋香及質感，👍。亮點是旁邊既柚子芥末，令整個感覺提升了。甜品方面，我點了雞蛋梳乎厘。空氣感滿滿，有蛋香，不會漏，連不好甜既米大人也說棒呢！上面既cream 真係好正既，甜香令我想起日本旅行呢！整體來說，裝修及味道不錯，雖然價格不是太親民。不過，以荷里活既日本餐廳來說，也很不錯呢！

豐盛雞蛋晚宴！呢間餐廳喺荷里活商場新開一個星期左右，幾高人氣。我哋大約18:20去到，啱啱有位唔使等，坐好之後就見到門外要攞飛等位喇，好幸運！臨走仲見到外賣自取有折扣優惠，下次都想叫下外賣！Tamago- EN特製5款玉子串燒$78- 五串玉子燒分放左番茄仔、海藻醬、親子三文魚、明太子沙律同蟹肉喺上面。建議一定要趁熱食！玉子燒質感好幼滑軟綿，蛋香加上日式醬油味道好滿足。個人喜歡番茄仔同明太子沙律，Toppings味道幾突出，同蛋嘅味道好配合。用竹籤吉嚟食非常方便。推介！特上鰻魚終極TKG生雞蛋拌飯$82- 鰻魚外層幾脆，份量都唔少。外觀隻雞蛋好靚，影相打卡一流。蛋白食落去好似一陣風咁，冇味道，建議落番少少豉油同紫菜調味。整體唔錯。三文魚子生雞蛋拌飯$65- 我超級鍾意食三文魚子！今次三文魚子都幾新鮮，唔會死鹹又唔腥，而且呢碗飯唔係得幾粒魚子，係有三大湯匙嘅三文魚子！我食完覺得非常滿足！畫龍點睛嘅蛋黃好濃郁，好值得推介！是日西湯及沙律$15- 今日西湯係番茄湯，味道酸酸甜甜，好開胃。沙律普普通通，美中不足嘅係冇dressing，剩食生菜，冇味道。蛋沙律三文治配薯片$48- 呢個三文治可食

呢間出名食🥚既餐廳一直都想試，今日就同屋企人一齊嚟食lunch🤣佢個蕃茄湯好好飲，麵豉湯就一般不過不失啦🤔我嗌既餐係煙肉明太子忌廉意粉配慢煮蛋，個蛋真係做得好好😍係一吉落去個下啲蛋汁就流晒出嚟，最近係餐廳食呢種意粉啲蛋都會有啲熟得滯要撈幾下先會流汁🤣🤣所以見佢個蛋做得啱啱好覺得都唔錯 (可能有少少誇張🤣)煙肉都多嘅，有唔同種類嘅菇，價錢唔會太貴，應該會再試!👍🏻👀

有日同我媽行完街見到荷里活新開左間野，見到有得食梳乎釐就行入去order。佢地話要等25分鐘，ok等咯，一等就黎一個鐘都未到...唔問都仲好，一問落先知原來無落單，仲諗住偷偷幫我地落翻單唔俾我地知...再等落去下午茶都變晚市啦癡線既講真，有台客有無落單都好見咁耐無野上都走去問下先啦，扮下斟水乜都好啊，就咁pat低成粒鐘，仲要係無野食真係多得佢咁既服務令我對佢地餐廳立即差評，無得食仲要成肚火，一句sorry都無

新店發現估唔到荷里活開了たまご園🥚😍😍😍作為雞蛋控的我，當然不會錯過燉牛肉蛋包飯蛋包飯 オムライス 蛋皮入口滑溜燉牛肉汁香濃兼有點似紅酒汁🍷食落好開胃燉牛肉 唔小心變左配角美中不足，飯唔係茄汁飯😆TAMAGO EN 特製5款玉子串燒 造型冇得輸，玉子串燒夠厚身食落好滿足 🤟🏻蛋味香濃得來，中間仲係juicy 的；5️⃣款toppings 味道各有特色，我食左個海藻醬同蟹肉🦀，同玉子燒好夾 🤝士多啤梨梳乎厘班戟 🍓🥞甜品是必須的班戟軟綿綿，蛋香味濃郁，加少少cream 同 糖漿就已經好正了今餐真係好滿足，愛蛋之人不能錯過餐牌見到有呢款蛋型飲品，不過冇點到，唔知個樽拎唔拎得走呢座位仲有蛋蛋cushion，好可愛本身仲有點到個吉豬滑蛋丼，不過我地太肚餓，冇俾相機食先