まじめや (已結業)

一行四人，大年初三想食好啲決定去食日本菜我哋坐近落地門，門打開咗坐得好舒服雖然只得一位女侍應，但熱情招呼，抵讚其實一個侍應真係唔夠㗎因為係即叫即整，出菜比較慢，趕時間唔好食呢間建議邊食邊叫，有居酒屋的感覺有酒飲，但我哋唔識飲酒冇叫豬骨拉麵好食，麵夠爽，只係叉燒比較肥三色魚生拼盤， 魚生夠新鮮烤牛舌，有酒味，我鍾意烤明太子雞翼，有少少辣，脆口明太子飯團，料多，好食食得好飽埋單九百多元，但我用團購，超抵食

唔知係咪用團購coupon，所以d野食將貨就價做比我地。炸蝦肯定係翻炸，個皮口感奇怪。拉麵d麵只係暖的,唔熱。明太子魷魚鬚d鬚細條，無咩味。燒蓮藕上面配嘅係泰式甜酸醬，我一路食一路笑，居然咁都可以擺menu.....成晩淨係個燒牛舌好食，同埋一口和牛叫做味道過得去，睇得出有花心思。server服務質素麻麻，食物就上得算快。建議去呢間食點的d唔洗煮嘅嘢(魚生同沙律)。用團購價，每位食咗大概$170。呢個數，真係寧願去迴轉壽司店度食，應該會整體好味d。

今日去左香港既另一端西灣河🏹，山長水遠黎到，梗係要好野啦😍。去左朋友推介既日本餐廳食左lunch，環境唔錯，靜靜地，幾有私人空間，幾岩同朋友吹水聚舊👭，唔會趕人。講返野食，少少失望🙁。嗌左個豬骨拉麵煮雞蛋，送埋2件三文魚壽司。雖然話係豬骨湯底，但係飲落淨係比清湯好少少，冇乜味👎，不過好彩唔係味精湯，唔會食完口渴。豬肉ok，唔韌幾好咬，不過肥左少少。三文魚壽司就正正常常，冇話新唔新鮮。呢個價錢，如果淨係計野食，絕對有其他更好既選擇，不過計埋個環境，就還好🤔

SOHO EAST附近的日本野3隻手指都數得哂依間係其中一間之前都食過幾次 不過不失 都咪到難食的程度但係今次除左食物問題連服務都有問題(仲要好大個隻)入去叫左個三文魚親子魚生飯之後個侍應小姐扔左個盤連前菜係枱面 SORRY 其實佢真係用扔見到本來4種前菜變左3種 我都算啦因為我都無謂又唔特別好最經典係個魚生飯個飯撥開係有煙出GE 飯係無味GE我好似叫左魚生飯唔係刺身定食下嘛?好 番工得鬼閒同你三三四四打算食完就算點知有5位客人要入 我隔離個張4人枱空GE之後個侍應小姐一聲唔出開始推開我用緊個張枱 為左擺張櫈入去!咩事?聲都唔聲推張枱? 本來坐我另外一面個2位男士見到2張枱突然咁鬼親密本來傾緊計都即刻走埋好 快手D再快手D食完BLACK LIST佢算突然阿小姐由我後面又插隻手過黎放底無俾GE前菜........對於佢GE突然之間都就快免疫.....買單 扔 俾張卡佢 番黎 又扔小姐你係咪想番野扔呢下?我明白一個人睇成個場好辛苦 但係唔請多D人係你佬細問題同顧客無關唔好係又扔唔係又扔 口係用黎講野你講一聲顧客都知你想點唔係失驚無神叉D野過黎或者推枱

同行友人X1人收工後到蘇豪東搵食，平時係呢間食開lunch , 想試下dinner ，於是帶左朋友過黎食。刺身拼盤，本身order 左3 樣，師傅送多左兩樣，變相好抵食！ 原價$178 三款刺身。刺身厚度不錯，最愛三文魚！ 神奇炒面，平平無奇。黑芝麻醬沙律好味！ 用黑芝麻醬代替普遍餐廳用嘅白芝麻醬，較為特別！ 值得一吃的前菜！ 生蝦酸辣青瓜，開胃！ 味道不錯！ 麵粉內裡是魷魚，只係章魚小丸子嘅平面版。蛋卷熱烘烘嘅時候都幾好食，所以要趁熱呀！ ！

星期日訓到一點，一起身就食lunch 喇~同友人去左鯉景灣搵食~呢個時間度度都好多人，呢間鋪想試好耐喇~見到門口都係得5-6個人等緊~就決定係呢間度食喇~最後叫左牛肉壽喜燒烏冬定食，友人就叫左薑汁豚肉定食~一落完單，店員就係放低一盤前菜，前菜唔算好特別，但黑色果碟，去到食哂都食唔出係咩黎~ =="店內冷氣開到好大，即使開左門，都感覺唔到熱~跟餐會包一杯飲品，我叫左西柚汁，友人叩左橙汁~除左飲品，仲有湯tim~有得食嚕~第一時間將隻溫泉蛋搬去個飯到撈飯~牛肉唔係用肥牛，所以個湯就唔會好油，而且唔係偏甜的那種~但總覺得壽喜燒是應該用肥牛的~(可能在其他餐廳食慣左~)可能本身食開重口味的關係，但個人覺得湯底唔係好夠味~薑汁豚肉定食~聞果陣聞到有薑味，但一食就無左個薑味，雖然豚肉味都唔太突出~但都唔會好乾同好"鞋"

經友人介紹，知道西灣河soho east開左間新既居酒屋，就去左試試店內環境唔錯，一邊係日本燈籠，一邊擺滿日本sake同燒酒，好有居酒屋既氣氛睇睇menu，價錢比想像中平，per dish都係around $50-100，見咁抵就嗌左五，六個餸蛋黃醬蝦～好好味，個兜係用可以食既米紙炸成，裏面放左蛋黃醬蝦，用pepper燒過既蝦再加蛋黃醬，簡直係prefect match!刺身拼盤~有大細size, 我地嗌左細size果隻, 有油甘魚，魷魚，呑拿魚，三文魚，刺身尚算鮮甜肥美多春魚燒~不過不失吧！三文魚板押~大大舊既板押飯，配上燒左外皮既三文魚，外熟內生，yummy長腳蟹燒~燒得剛剛好，而且已經細心地幫我地剪開左啲殼，方便我地食飲品方面，我地嗌左蜜桃橙酒同沖繩特飲，蜜桃橙酒入口甜甜的，而且能保留蜜桃的味道至於沖繩特飲，加了gin等的烈酒，所以酒味比較濃郁適逢友人慶祝生日，所以準備了生日蛋糕職員細心地熄了燈，日本廚師也出來跟我們唱生日歌，氣氛不錯這居酒屋無論在食物質數同service都做得不錯，價錢亦相宜，high recommend!

星期五的晚上又想找個舒服的地方吃吃小食喝喝酒，突然想起雜誌曾經介紹過西灣河新開了一間來自日本的居酒屋まじめや，まじめや在日本屬較便宜的居酒屋，讓你喝得醉醉亦不用花很多錢。抱著期待的心情去了西灣河,餐廳簡約整潔，一踏入門口已經看到日藉廚師站在bar枱位置，像是生招牌一樣告訴你他們是正宗的日本餐廳, 而員工亦十分有禮貌地安排我們入座,未吃飯已經感覺良好。來到來自大阪的居酒屋,當然要點大阪名物-炸串。一客五件的炸串中印象較深刻的是魚, 牛肉和茄子。魚肉炸得外脆內軟，配上醬汁十分惹味，反觀牛肉較硬，需花點力氣才能咬開，需要改善。必點項目: 炸雞這裡的炸雞質素完全是的意料之外，一客5大件的炸雞差不多是每枱必點的食物，炸雞外層非常香脆惹味，而內層充滿了肉汁，雞肉亦十分嫩滑!油甘魚魚骹-魚骹外層燒得香脆而不會有燒焦的味道，輕輕用筷子一夾便感受到魚皮的香脆，而內裡的魚肉很鮮嫩，很值得一試!這裡的店員非常有禮貌，還不斷幫我們加茶和主動收拾碟子，走的時候老闆更送我們到門外和我們道別，令我印象十分深刻!