スーパー丼 (大埔超級城) (已結業)

點餐時要盡快決定，不可以想一下，小朋友再加飲品即刻有面色給看，態度其差，最後唔加怕了他，食物扁減，和牛餐不知所謂，比錢仲要受氣！臨走仲要眠眼望望態度極不友善，非常受氣的一餐。

A place and the dishes are aesthetically pleasing and cute. The food is good for its price. I ordered Assorted Seafood Sashimi Donburi, and it comes with soup, and a dessert (?). The soup is tastyyy, the main dish has a very nice and non-sticky rice, although a bit cold, but it is probably supposed to be that way. Salmon is nice too The staff is welcoming and speak English very well!

食魚生既一間日本野當然 唔食生野既朋友仔都有選擇既都有好幾款熟食供選擇我揀左雞扒食 覺得唔錯 套餐跟配既麵豉湯同蒸水蛋就唔係好得 個水蛋有陣腥味而我朋友食魚生丼 認為魚生偏少

大埔尼間superdon裝修風格簡單而日系風,午市時間人少少, 真係可以係到打卡都冇人理。今次要講一講服務先, 其實開左咁多年既superdon我都未食過, 我一直以為係自助式既餐廳, 因為連茶水都係自己倒, 不過冇諗過既係, 當我地個餐做好時, 我地準備行出去, 就見到服務員已經拎緊過黎你個位到, 尼一點係我意想不到既。再講講今次點既食物:1️⃣雜錦天婦羅海鮮丼 – 可能係純天婦羅配飯, 醬汁吾係咁多, 但天婦羅係炸得好食既, 睇到圖片佢既炸粉吾會厚, 食落吾會油膩, 而且都鎖到入面食物既水份, 吾會乾柴。2️⃣黃金炸雞丼 – 同圖片吾同, 佢既黃金(蛋黃)係放係另一個兜兜到自己落, 同埋飯都係另外一個碗裝, 所以一黎到個賣相就吾係預期既咁。炸雞鮮嫩多汁, 外皮小小脆, 炸得幾好!

最近一田大減價，所以返工嘅時候嚟到大埔一田，行到咁上下好肚餓，所以喺附近搵食。大埔超級城都有好多嘢食，經過superdon 見到佢都有好多種丼飯，所以決定去食。今次叫咗呢個鵝肝和牛丼$98💓呢個丼真係超級好味，個飯底裏面有啲牛肉汁，甜甜地，撈飯一流。另外佢嘅主角鵝肝，佢炸到好脆口💓💓而和牛都十分嫩滑，絕對唔係嗰啲好劣質嘅牛肉👍🏼呢個餐仲送埋一個麵豉湯同茶碗蒸，男士一定好夠食。👍🏼下次經過會試吓其他刺身💓

來到大埔咁遠做嘢，緊係要試吓啲大埔區嘅特式餐廳啦，見到呢間餐廳個餐牌幾吸引，就入咗去試試，週末嚟講，下午茶時間佢人流都算係比較少，後來先發現呢原來佢個下午茶淨係得星期一至五先有㗎咋，不過是但啦入咗去就試下囉。呢間餐廳係分開咗點餐區同埋進食區嘅，別係唔同嘅舖位。其實就如同你去快餐店排隊買嘢食差唔多，不過可能下午茶有落場時間，員工的服務態度比較鬆散及慵懶🙈🙈🙈麥當當姐姐起碼會有笑容先😔😔😔點完菜後，見到員工在夾三文魚進飯碗，本以為是在製作我點的餐，因為當時根本沒有其他人在排隊，我是唯一光顧的客人，等了數分鐘後，吃飯的員工只是拿著飯碗徑自走了，完全沒有理過我或者告訴我還要等多久，呆等了幾分鐘後，終於有本來一直在聊天的其他收銀櫃同事注意到我的存在，並把師傳叫了出來給我盛飯😐😐😐然後師傅就隨便的夾了數塊三文魚進碗內給我，因為我一直以來吃的丼飯都是密舖平面看起來很豐盛的，也在數分鐘前目睹了員工自己盛給自己的福食，是夾了一個double份量的三文魚，所以到終於拿到整個飯餐的確是有點失望的，但見到師傅尚算有心思去砌那個蛋黃進牛油果中就安慰自己算了，但畢竟我吃的是都好幾十元一個的丼飯，其實也希望餐廳能提

鵝肝和牛丼鵝肝煎到外層脆卜卜, 個飯甜甜地配埋酸菜，酸酸甜甜幾好味👍，但和牛好煙韌，諗住將個和牛一分為二，點知好難咬開，要成舊食口😂😂。茶碗蒸蛋好滑，味道偏淡，食到底有蟹柳

圖片有啲嘔心，但全部真實‼️經過見到有最愛嘅鰻魚飯就試吓啦，叫咗個鰻魚飯外賣，返到屋企發現勁多骨，仲要唔係平時鰻魚嗰啲好幼身好軟嘅骨，全部都好似魚骨咁粗，唔挑出黎真係會哽親嗰種，已經好細舊咁食，一舊分到好似指甲咁細，都可以有三至四條骨，完全食唔到，$95鰻魚飯有埋麵豉湯，茶碗蒸，本身覺得好抵，都唔期望會好好食，正常就得啦，但係從來未試過食咁多骨嘅鰻魚，好失望，但係太肚餓，食咗啲飯就算😒一定冇下次

食唔到附近個間，唯有食呢間，近近地，過下口癮🤣下午兩點，人唔多，見到座位都幾濶落，唔唸囉，就試下呢間。點了角切魚生飯。送麵豉湯同蒸蛋。麵豉湯唔錯。唔會過鹹。角切魚生飯，啲魚生無乜味，有啲腥味。可能我通常都係食三文魚啦。其他魚係咩味就唔太清楚，不過三文魚都稍為好少少，整體來說勉強合格。蒸蛋比較稀，有蛋味，我第一次食呢款蛋，唔知呎啲叫好定唔好啦🤣呢個價錢黎講，都唔要求得多，正正常常呷囉，過下口癮都ok get.

由買飛到搵位都係自助形式，但係都會有員工周圍行，等人一走開，就會馬上清理，等下一個人坐。環境都算闊落，位周位之間都隔得幾遠，形成一個私人空間。買咗一個套餐，會有一個魚生飯，麵豉湯同一個蒸蛋，飲品可以加錢換。我揀咗一個吞拿魚蓉加一個溫泉蛋。吞拿魚蓉都唔算好碎，溫泉蛋剛剛好，成個飯都唔錯！之後，再有一個和牛配帆立貝熟食飯，牛唔會太硬，難咬，唔會太熟，淋淋地都可以。帆立貝就冇咩可挑剔，不過不失！呢個刺身係另加，一片$12，有帶子，三文魚，同甜蝦，都算新鮮，整體賣相同味道都唔錯！

❤️特選鰻魚丼 鰻魚都算幾肥美，又幾大件，好大碗飯，跟餐配麵鼓湯有d咸，燉蛋都幾滑，性價比都算高🧡十勝豚肉丼 個醬汁都幾好味，好似日本食果d 鋪仔入面既豚丼，不過d豚肉有少少肥💛日式餃子 煎得幾香脆，加配價$10/3隻，好抵！！

今日買左兩個飯，一個係和風牛肉，一個生薑豚肉，外賣嚟。返到屋企發現兩個都係牛，睇返張單明明都係寫一牛一豚，服務水準真係令人失望，已經冇咩人排隊買，都可以執錯。因為屋企吾近大中，如果吾係一定換返。講返味道，吾知點解咁多好評，因為真係好麻麻，吉野家都好過佢。首先啲肉好乾，吾好食，個湯又吾好味，又或者個湯吾啱我口味啦，但個飯大真係好麻麻…… 另外，雖然見有食評話外賣冇茶碗蒸，但而家外賣係有嘅，呢個就正常冇咩特別。吾知而家個質素係味比以前差好多，我係第一次食，但應該吾會再食。有個建議係外賣的話，汁同肉可以分開，因為飯索哂汁，住得吾近返到屋企比飯吸哂汁味，會淡左。總結兩個字，失望。

平時見慣銅鑼灣店大排長龍，都無機會試。點知一次好攰，想是但求其食，俾我見到大埔超級城開咗呢間良心小店💛環境新淨，有 d 似 cafe 的文青裝修，重點原來佢咁平喎！😍見好多人話熟食丼好過魚生丼，就試試😎.🟥温泉蛋和風牛肉丼🐮 $58🟧太耐冇食吉野家，好想過口癮食牛肉飯，於是叫咗牛肉飯。多吉野家一粒流心蛋，但比吉野家較少牛汁亦冇咁甜，牛肉厚身少少，份量係滿意的，不過不失。.🟨鰻魚飯 $98🟩呢個係失望，不多介紹😂.✨✨!! 必食推介!! ✨✨🟦生薑豚肉丼🐷 $58🟪一樣價錢黎講，豚肉飯有驚喜😍 同樣地有大大粒温泉蛋，豚肉帶淡淡薑味，唔會太鞋或韌，加少少七味粉更加帶出醬汁香味。.以上套餐都配茶碗蒸&麵豉湯，茶碗蒸冇諗過咁足料，又菇又蛋柳又圈圈片，仲滑嘟嘟，係加分的😆牛丼豚肉丼都只係$58! $58! $58!❗真心好抵❗糧尾飯堂😂.

之前食過銅鑼灣嗰間鵝肝牛肉飯，都幾抵食嘅，質素又唔差。今次嚟大埔超級城，就試吓刺身丼先。依個set包括麵豉湯、蒸蛋、刺身丼，刺身都幾新鮮，有帶子、甜蝦、三文魚子、吞拿魚、三文魚、鱆紅魚，啲飯略嫌唔夠味，可以落多少少醋。整體係不過不失嘅。蒸蛋都幾好味嘅。

上星期日買咗和牛鰻魚飯，等咗20分鐘返到屋企先知得一塊鰻魚，非常失望。今個星期諗住比多次機會佢，點知仲差，以後都唔會食佢嘅熟食。今日嗌咗黃金炸雞丼，見圖非常吸引，作為蛋黃迷當然要試一試。叫完等咗20分鐘先有，我相信係因為即叫即做。但如果可以講明大約等幾耐會好啲，可以有個預算。同樣叫外賣，返到屋企打開盒雞已覺中伏。點解黃金炸雞啲黃金完全無黐住啲雞嘅？佢係炸完先放幾pat蛋黃喺上面。都算，但食落去真心救命。佢啲雞係完全無調味。點解可以咁嘅？究竟我食緊啲乜？真係無下次！