マヌル屋

營業中

休息中

牛頭角小巷呢間寶藏拉麵店，由居港日本師傅主理。一入去就被滿滿貓咪包圍 - 牆上貓貓poster、擺設，連碗碟都印住貓貓，貓奴一定心心眼😍𓂃𓈒𓐍 *ﾟ. 𓂃𓈒𓐍 *ﾟℕ𝕖𝕜𝕠 𝕄𝕖𝕟𝕦ﾟ*𓐍 𓈒𓂃. ﾟ*𓐍 𓈒𓂃🍜 雞白湯三重奏1️⃣ 瑪瑙拉麵（原味）・每日新鮮熬煮雞湯・慢煮雞胸腍過布丁・雞叉燒烤焗過好香（湯底清爽唔黏喉）2️⃣ 黑蒜雞白湯・黑蒜油清淡唔搶味・保留雞湯原味又帶蒜香・建議先飲原湯再拌勻🍜 麵條選擇・黃麵｜掛湯力強口感彈牙・白麵｜口感清爽👨🍜吧檯體驗・睇住師傅製作拉麵・雞湯在鍋滾煮，香氣撲鼻 • 上枱前會先預熱碗、湯底用blender起泡𓂃𓈒𓐍 *ﾟ. 𓂃𓈒𓐍 *ﾟ. 𓂃𓈒𓐍 *ﾟ. 𓂃𓈒𓐍 *ﾟ. 𓂃𓈒𓐍 *ﾟ🤑 人均消費：～$100🤩 推薦指數：8.5 / 10📍 餐廳資料：マヌル屋 (牛頭角)牛頭角馬蹄徑5號寶峯大廈地下6號舖☆.。.:*・°☆.。.:*・°☆.。.:*・°☆.。.:*

間舖頭細細間，坐喺吧枱位可以睇住師傅用心煮麵，超有feel！😎 最得意係周圍都係貓貓嘅擺設，連個碗都係貓貓樣，貓奴表示完全投降！😻⭐瑪瑙瑙麵 Manuru Ramen ⭐(慢煮雞胸、雞叉燒、荀、洋蔥、京蔥、青蔥) 🍜個雞白湯底打到好似cappuccino咁起晒泡，超綿密！😍 飲落啖啖雞湯嘅鮮甜味，又唔會好油膩，好順喉！🤤 啲慢煮雞胸滑到不得了，雞叉燒又夠香口，配埋啲爽口嘅麵，真係冇得彈！💯⭐黑蒜雞白湯拉麵 Black Garlic Ramen⭐ (黑蒜、慢煮雞胸、雞叉燒、荀、洋蔥、京蔥、青蔥）🧄黑蒜味勁香！一上枱就聞到！🧄🤤 黑蒜嘅甘香同濃郁嘅雞湯底夾埋一齊，層次即刻昇華咗！🤩 食落啖啖都係幸福感，忍唔住要成碗湯飲晒佢！👍👍呢間小店絕對係誠意之作，無論環境定食物都超高質！ highly recommend！💖

🍜 這間小店完全值得一試！門牌的日文，完全唔識讀，近日問店員才知讀“瑪瑙瑙屋”在這間日式拉麵店，每碗拉麵都滲透著店主的用心與堅持。坐在吧檯前，親眼見證他熬煮雞湯的過程，散發出的香氣已經叫人垂涎三尺。🔥 🍗 **慢煮雞肉** 簡直令人驚艷，肉質嫩滑得像在嘴裡融化，一試難忘。 💯 **推薦口味**：黑蒜雞白湯與雞白湯加黑椒粉，風味層次豐富，每一口都是極致享受！我每次也飲清麵湯。最讓人驚喜的是，一向不愛拉麵的朋友竟然主動要求再訪！這就是美食的魔力，讓人一再回味，想再次光顧。真的是吃一口就愛上，真。是我最愛拉麵名單之一。

最近造訪了一家以貓咪為主題的日式拉麵店，店內的溫馨氛圍和清香的雞湯拉麵讓我印象深刻。這家小店隱身在鬧市一角，店面不大，但一進門就被牆上滿滿的貓咪裝飾吸引——從手繪海報到可愛的貓咪擺件，處處透露著店主的用心與個性。牆上還掛著介紹拉麵種類的圖表，還有不少貓咪照片，有些甚至穿著小衣服，實在讓人會心一笑。這樣的環境不僅適合愛貓人士，也讓整個用餐體驗變得輕鬆有趣。這次點了一碗招牌雞白湯拉麵，端上桌時，乳白色的湯底散發出清新的雞香，讓人忍不住想馬上開動。湯底是用雞骨長時間熬製而成，入口溫潤順滑，帶有濃郁的雞肉鮮味，卻不顯油膩，喝起來清爽又溫暖。麵條選用細直麵，硬度剛好，吸附湯汁的能力很強，每一口都能感受到湯底的鮮美風味。配料方面，碗中有一片慢煮雞肉，肉質軟嫩多汁，帶有淡淡的醬香，搭配湯底非常合拍。不過，其他配料如溏心蛋或海苔需要另外付費追加，基本款的拉麵顯得稍為單調，讓人覺得略有遺憾。湯底的濃度適中，適合喜歡清淡口味的人，但對偏好重口味的饕客來說可能稍顯清淡。建議店家可以提供湯底濃度的選擇，或者將一些基本配料包含在基本款中，這樣會更符合顧客的期待。店內的環境非常乾淨，木質桌面和藍白相間的拉麵碗都帶

去咗幾次，次次都冇開門，早兩日夜晚終於食到，原本有啲期望，原來好普通有黃麵同白麵揀，黃麵類似粗麵，口感更彈牙，白麵口感淋啲，唔好食。個湯好普通，唔夠濃，唔知係咪點咗少鹽嘅關係，但係真係淡到咩味都冇😂因為出面嘅拉麵普遍都好似比較鹹，諗住少鹽變正常，點知，出事🤣肉就有兩款，雞肉同埋雞肉叉燒，雞肉好味啲，幾嫩，溏心蛋都ok想試嘅朋友記得唔好點少鹽，好難食😂平時食開淡口味都唔係好接受到，因為可能個湯係泡沫嘅關係

新年期間摸咗三次門釘，今次終於食到。新年結束後嘅第一個營業日，見到門口排晒長龍🤣不過聽講就算唔係長假後，呢間舖頭都會成日排長龍。.店內空間唔大，就好似日本拉麵店咁，得12個座位，入到去有種去左日本嘅感覺🤣。老闆係日本人，淨係識講日文同少量英文，另外有一個人識講廣東話主要負責煮野食。.🍜瑪瑙瑙麵（黃麵/白麵）+糖心蛋$89+$10見到餐牌有分黃麵同白麵，都唔知有咩分別，所以一人叫一款。我比較鍾意食白麵，似係平時食一蘭拉麵果重麵。.嚟到飲啖湯，雞湯上面有好多泡泡，一飲啖湯好有雞味。其中一款叫咗少鹽，但我覺得少鹽嗰款冇咁濃。配料方面好有心思，有兩種唔同嘅雞肉，兩種都好嫩滑。.加左糖心蛋，我覺得隻雞蛋偏生，大部份嘅蛋黃都係生，一啜就差唔多無曬個雞黃，我比較鍾意糖心蛋係半熟雞黃有d gel 口嘅狀態。

有次經過嘅時候見多人排隊就行埋去睇吓呢間咩嚟。隔咗一個月之後咁啱要喺附近買嘢所以決定去試試佢 真係有驚喜個湯好濃郁，好香雞味，本身唔算太鍾意食雞白湯 ，但呢間嘅湯底好啱我口味👍🏻雖然平時鍾意食鞋雞，但佢哋嘅慢煮雞胸做得幾好，一啲都唔嚡，仲覺得好香黑椒味 糖心蛋都唔錯，唔會太鹹 第一次食覺得佢好似細細碗，但食晒啲麵飲埋個湯都幾飽 已經幫襯咗第三次，第一次個叉燒有啲乾，之後嗰兩次就正常好彩住附近，想食嘅時候都唔使特登去好遠😋

事緣兄弟講我知牛頭角開左間日式拉麵🍜我就黎睇睇點解崇尚日本文化嘅兄弟都會推薦呢間店啦！-一走入木門就係廚師面前嘅吧台，後面有置物籃可以擺物品。-餐牌只有3款雞白湯拉麵，可見廚師係專心一致去做一件事情，有種日本職人精神嘅感覺。-點餐紙畫單，可選白麵定黃麵。除左一般走蔥選項，仲有少鹽選擇，非常細心。-🍴瑪瑙瑙麵，走蔥熱碗上枱，面頭係打成泡沫奶白色嘅雞湯。明顯見到2款唔同嘅雞肉，口感味道都各有特色，再添層次感。-撥開泡沫，是清爽泛黃的雞湯。由於打左泡，湯會較為溫暖，而唔係熱度燙口嘅感覺。-麵身掛湯程度，睇圖都知道。本身仲好擔心會唔會有洋蔥留比我，超開心，真係乜蔥都走晒！☺️-🍴朋友點嘅版本，加紫菜-食完最大記憶點係佢雞湯底清爽，連我前一日腸胃炎都仲食到就知道。的確有種係日本亂入一間拉麵小店嘅感覺。

《瑪瑙瑙麵》 鋪頭主打以雞做主題嘅拉麵 所以連湯底都係用雞湯做底 雞味非常濃郁　上菜前仲會打一層泡沫係面 令到湯底更加細滑 大鼠飲晒碗湯都唔會覺得口乾配菜方面有 青蔥 京蔥 竹荀 同埋辣椒絲 當然都唔少得主角 雞胸同埋雞肉叉燒最驚喜係雞胸 因為店舖係用慢煮嘅方法處理 所以非常嫩滑多汁 同平時食開嘅口感有明顯嘅分別餐廳提供白麵或者黃麵 大鼠就揀咗白麵 非常之掛汁 每一啖食落都有湯嘅鮮味同埋麵嘅爽口感建議可以因應個人口味加入餐廳嘅蒜粉同黑椒 同拉麵非常夾.《黑蒜雞白湯拉麵》呢款拉麵同上面嗰款拉麵樣貌上並無分別　主要係碗底多咗黑蒜油 大鼠覺得黑蒜油有少少蓋過本身雞湯嘅味道 如果你係第一次嚟食 或者唔係特別重口嘅人士 會比較推介瑪瑙瑙麵~.《總結》店主係日本人 每一位入座同離座嘅客人 佢都會親自打招呼 都幾親切睇到舖頭嘅環境 就會知道店主係一個貓奴 因為除咗滿滿嘅貓貓裝飾之外 連碗同埋餐具都係貓做主題設計而成 如果你都係愛貓人士 一定會好開心另外要提醒大家 前往餐廳之前 要留意佢嘅社交平台動態 因為有時會出現突發情況 需要休息一天

呢家拉麵店都開咗一排，終於有機會試。大概一點多鐘去，門口大約已經有5-6個人排隊，等咗約15分鐘之後方可進入，都算快。點了基本白雞湯黃拉麵，坦白講，比起預期有些少失望。起泡嘅白色雞湯唔夠熱，味道比較似史XX雞湯，唔夠鮮。配料也非常簡單，只有幾片筍，連基本京蔥也沒有。至於雞蛋和其他配料都要另外點。較出色的係雞叉燒，的確又軟又香。89元的價錢以拉麵嚟講其實唔算貴啦。見幫襯都係以年輕人居多，在呢個老年人為主的區開日式拉麵店是有一點風險的。

讚-湯的確唔錯 清得黎係有味 油香既清爽感控制得好 雞肉真心好好味 滑得黎又有啲燒左既肉香 但又無點污染到碗麵 餃子就無乜特別-氣氛好有日本小店feel 無論係位置同埋播放既音樂 同埋大量貓擺設 都好有生活感 老闆仲係咁啍歌 好有輕小說場景feel彈-拉麵好似煮得腍左少少

中午12點去到拉麵店門口 已經見到有5-6個食客排隊😯店舖位置同工業區有一段距離 岩岩開始午飯時間就已經要排隊 提升左我嘅期待值🙈店舖入面唔大 有12個吧枱位 見到有兩個廚師加一位樓面姐姐 叫左個黑蒜雞白湯拉麵 一上菜望到碗麵好多泡🫧就咁望睇唔到係黑蒜味 撥開啲泡先會見到淡啡色嘅湯底雞叉燒幾特別 出面唔太常見 有烘燒過嘅味道雞胸唔柴有雞味算滑黑蒜味比我想像中淡 我原本以為會好重口味😂食完碗麵成個口都係雞嘅味😂麵係唔包雞蛋嘅 聽到坐隔離嘅哥哥有問姐姐碗麵有冇蛋 姐姐答無 所以隔離哥哥加多左隻蛋餐廳好多貓嘅裝飾報置 食完碗麵見到碗邊都係貓貓圍住埋單離開嘅時候老細會用日文講再見 有一下以為自己去左日本當地拉麵店😂

一訓醒就好想食拉麵既我捉左朋友去搵未試過既拉麵店食！.跟住就搵到呢間マヌル屋🤪查個字典マヌルネコ係叫做曼努爾貓所以由門口度入面裝飾擺設都有好多小貓咪呢～.一去到麵要排隊架 入到去係日系吧枱式 可以親近啲睇到師傅煮麵炸餃子呢～.咁我同朋友各自叫左瑪瑙瑙麵同埋黑蒜雞白湯拉麵 各自加咗糖心蛋 朋友仲加左紫菜 我又加左餃子🥟🤤 （去食拉麵時必加既餃子控✌🏻😂.兩款麵其實相差既就只係有冇黑蒜 雞白湯底佢有寫經11個小時熬煮所以都入味同雞香味重的 加埋黑蒜味既亦都幾夾唔會遮左雞湯味佢個雞叉燒又滑又軟身 呢個就真係估佢唔到！.餃子六隻 38蚊對比出面好似算性價比幾好 配埋餃子汁 幾岩我口味🤤🤤.臨走前師傅仲會用日文講多謝同再見架師傅同店員都係日系路線 開心🤤🤪.下次路過呢頭 再黎食過🤤🤤

90分，觀塘黎講，超水準，勝價比高，新鮮，好味，湯好鮮，會再去食！一家三口食，6點前到，只需等候五至10分鐘，職員亦10分好，那在裝修簡潔，有日本的感覺！小朋友記得自己帶餐具。

平日既晏晝黎都要排隊先食到, 不過好彩大概等左20分鐘已經有得入座, 都算係可接受範圍😎 呢度只係得三款拉麵選擇, 湯底基本上一樣只係加左唔同既口味, 可以追加唔同既配料, 同埋有一款餃子做小食👍🏽 呢度既老闆係貓貓愛好者, 由裝飾到食物用具都會見到貓既蹤影🐱瑪瑙瑙麵🍜($89)湯底用雞湯做基底, 上菜前會用打蛋器去發打出一層泡沫, 味道有濃郁既雞香, 鹹度適中, 食完飲曬成碗湯麵唔會覺得口渴, 配料方面有用嫩滑既慢煮雞胸, 帶有微微燒香既雞叉燒, 荀, 洋蔥, 京蔥, 青蔥, 麵底可以揀白麵/黃麵, 兩款麵都好彈牙掛湯😍 餃子🥟（$38)即叫即煎, 個人覺得偏油左少少, 煎到餃子皮微脆, 餡料唔算多🙁個人覺得呢度既拉麵幾出色, 而且價錢公道, 連日本人麵黎食, 值得推介俾鐘意食雞白湯拉麵既朋友🤩