ラーメン味

營業中

休息中

突然想食日本野, 同媽媽lunch黎食...我叫左個滑蛋鰻魚飯, 等5mins 到, 熱辣辣上,份量幾大, 不過賣相已經一般, 因為所謂既滑蛋彷彿全熟了... 還加了冬菇同洋蔥, 冬菇? 好似唔太match.. 食菇亦怪怪地!! 鰻魚食左都唔覺... 冇咩味...媽媽就幾滿意佢個拉麵, 佢鐘意料多, 可能下次試下佢d 壽司會好d啦...

之前用錯了舊的店名來給食評. 現在更正, 用回正確的店名來評價. 環境okay, 食物都算幾好, 幾平均. 主要點便當, 拉麵等. 價錢不算貴. 我個人較喜愛雞扒便當, 豬軟骨拉麵.但油煙比較大. 食完離開時, 很多時全身都有油煙味.

都唔係淨係平o既，質素都ok，唔好睇佢門面咁xx... 坐坐下仲有d屋企feel tim~~個三文魚窩多油左少少，但係味道足，刺身都新鮮，燒牛脷好過有次o向百人一朱食o既橡筋好多好多~~! 起碼食完唔會諗話以後唔會再黎食

明日日本客人已經飛來講價，今日又要落西環趕工影相。食午飯時同事問有沒有日本拉麵食，方圓幾條街都係得呢度似D樣，見價錢平平地又幾多人幫襯，所以就來試一試。米睇佢舖面不大，但原來都坐幾多人，除左地下仲好似有樓上添。我們坐吧檯，仲可以睇到電視。各式午市套餐都只係三十蚊左右，已經包小吃及飲品，我們叫了咖哩豬扒飯及九州湯拉麵。我的咖哩豬扒飯用一大碗上，賣相OK。甜甜的日式咖哩味道都不俗，入面都有薯仔及紅蘿蔔，算交足功課。炸豬扒幾好味，都唔韌。賣咁平飯當然不是日本米或珍珠米，只是普通米飯，但整体來說是幾好。餐前小吃是一碟紅橙色的八爪魚仔，立即給了同事吃，佢話味道OK，除左硬左少少之外；同事的九州拉麵湯底是濃濃的乳白色，渴了一口是有味精，味道還不錯。配料都算豐富，有豆角、木耳絲、粟米、梆菜等，自家製的叉燒有五小片，吃了一片半肥廋的，醬油味不太突出，但幾軟熟，味道都不錯。都當然不是自家製是成箱入貨的，未能確定來源，但都幾彈牙沒有多少梘水味。拉麵還有煎餃子3隻，細細隻的是超市買得到一kg一包的貨色，皮硬硬又無咩餡，結合套餐價錢，OK咁啦！隨餐附送的咖啡只是雀巢即溶咖啡，早知要杯熱檸茶好過。埋單56蚊，不