影片
港鐵荃灣站 B1 出口, 步行約3分鐘
繼續閱讀
電話號碼
90236337
營業時間
今日營業
12:00 - 22:00
星期一至日
12:00 - 22:00
公眾假期
12:00 - 22:00
公眾假期前夕
12:00 - 22:00
以上資料只供參考, 請與餐廳確認詳情
之前已plan定亞姨嚟，我同老公帶佢嚟食燒肉，就決定前晚（14-9-2024 Sat）食，今次又叫埋女友人WK，佢都話OK，我哋約咗傍晚6點嚟，因為6點下午前結束前落單，之後至埋單，價錢仍計下午茶，唔加一。今次我哋被安排坐上次嗰張枱（上次食評係2024年7月14日刊登嘅呢篇：https://www.openrice.com/zh/hongkong/review/%E8%89%AF%E5%BF%83%E5%96%84%E5%BF%83%E7%A4%BE%E4%BC%81-e5564970），我哋睇完menu，就要$598.00嘅四人餐～世一套餐同加啲嘢食嘢飲。餐裡面有4個飲品，我哋全部揀冷泡白桃烏龍茶，呢個幾好飲，甜中帶甘，好balance。我哋叫咗3set$58.00買一送一，每杯300ml嘅啤酒，共2杯三得利黑啤溝白啤，4杯Asahi生啤。食物方面，大致上都冇問題，$58.00嘅鹽酥雞脆口，但味道唔太夠。今次黑蒜雞比較入味：生蠔，帆立貝同$48兩隻嘅大虎蝦大隻新鮮；但牛油粟米好似冇牛油；同樣$38.00三串嘅雞皮同雞腎，雞皮冇乜問題；但雞腎有少少內臟嗅味。35.00嘅台灣腸，呢隻係甜嘅，但都好肥膩。其他：menu以掃QR code為準。侍應應該係有啲缺陷但有禮，始終呢喥係社企，要多多包容。啤酒會係我哋叫上至上，咁就唔會熱咗唔好飲。送餐機械人真係好得意，識得似真人咁講嘢，有人阻佢路，就話“成日都讓你”或“唔該借借”，“我𠵱家忙緊，一陣再同你玩過”，最有趣係講“我係美貌與智慧並重嘅XXX”，好爆笑，可惜我成日趕唔切幫佢影相。呢喥會有人唱歌。
繼續閱讀
記憶中，呢個舖位都轉手過幾次。沙嗲王、炑八都試過，正正常常，不過呢間一直未有機會試。一得閒嘅時候，招牌下面又多一個#滿櫃膳糧 招牌仔，地下又有回收義賣，八九成新嘅物品，經過處理之後，就賣俾顧客。不知不覺，原來呢間#燒肉店 已經變成一間社企。滿櫃膳糧呢個組織，喺疫情嘅時候，透過一個放滿日用品嘅雪櫃放出街，慢慢幫助大眾過生活。呢間燒肉店請嘅員工，都有社會需要，有銀髮族，都有特殊人士。裡面有一間自修室，原意方便同事照顧小朋友，不過依家已經同鋼琴一樣，開放俾荃灣區內朋友使用。不過作為一間餐廳，點幫人都要食，先符合基本意義嘅。過所以都會想人推介下咩肉最好食，店長提醒我地「食物本身各花入各眼，要記住呢度係一間社企」，聽到呢度，根據以前嘅經驗，都係語出當前，必有後伏。咁唔去都去左啦！咁叫曬所有款式嘅肉類試一次，一定無錯。揀好就自己用QR Code落單，之後會有機械人送去你張枱附近，再由店員放上你張枱呢度嘅肉類，除左雞肉都無醃過，燒完之後，可以自己加鹽、黑椒同各種醬料。C2.牛五花、牛小排、牛板腱、安格斯肉眼、牛舌 、黑豚腩、黑蒜雞 400G *配日本珍珠米飯 300g $358呢個大滿貫系列，豬牛雞都有，差不多齊曬餐牌所有嘅肉類款式，除左本身嘅麵豉湯之外，仲有汽水送。牛五花食佢油花，牛小排同牛板腱食平衡嘅感覺，肉眼好大塊，但好薄，所以紅外線電爐都夠力燒，燒完就自己剪開啦！黑豚腩燒得熟，但要燒到脆邊，需要好長時間。比較特別嘅係黑蒜雞，無蒜頭嘅氣味，主要係黑蒜嘅甜，同埋黑椒味。A7.香辣紅油雞肉 +配日本珍珠米飯 300g $58雞肉浸住辣油，辣椒子都喺面，望住個樣感覺好辣，但佢係少辣，主要係香。安格斯牛板腱 100g $78 腍又唔肥，又有肉味，最後都係決定叫多次。菜品合計 $494服務費$49.4合計$543一人燒肉屋 荃灣眾安街2-8號周合成大廈1樓電話: 90236337
繼續閱讀
餐廳裝修好日系，有多個抵卡靚位，食物質素唔錯架，價錢大衆化👍！呢間善心社企餐廳，食一餐只係💥$48起嘅燒肉套餐，就可以幫到很多人，真係好值得推介🥳！食物方面：餐廳主打日式燒肉，以價廉物美，性價比為賣點！$48起就可以食到燒肉套餐！必食推介：🥩紐西蘭法式羊架，肉質嫰滑好惹味，沒有強烈的羊羶味，肉質鮮嫩，肉味清香且肉汁豐富。 🦪燒蠔同埋燒扇貝都好好食，好大隻好新鮮！🦑燒魷魚，好大塊好新鮮的魷魚片，搭配香濃的魷魚醬汁，口感酥脆、鹹中帶甜，越嚼越香，好滋味啊！ 🦪清酒煮蜆，隻隻蜆都好鮮甜，肉質有彈性，清酒味香濃。而餐廳更定期舉辦義工及表演活動！
繼續閱讀
尋日一個人搵飯食 經過呢間店寫住一人燒肉屋已經吸引左我望真啲原來係社企 入到去服務態度好唔錯食物都ok 一個人食燒豬腩肉餐 對我黎講女仔份量岩岩好 成個體驗都好滿意 下次都會再去 。。。。。。。。。。。。。。。。。。。。。。。。。。。。。。
繼續閱讀
滿櫃膳糧係荃灣以一人燒肉為主題的社企餐廳， 以身為本會和社企《英雄地x滿櫃膳糧》，佢地會定期派發不同的食品，理念係希望幫助弱勢社群。佢地努力透過在各區設立共享雪櫃，達到減少食物浪費的同時，亦能更靈活地讓較缺乏支援的有需要人士能得到適切的支援。同時，在不同的協作機構的協助下，讓更多的資源能更有效地共享，營造出更有人情味的社區氛圍。佢地有一人燒肉食啦！佢地已經改由NGO社企《滿櫃膳糧》重新經營，之後除咗食野之外，仲可以幫到弱勢社群，希望大家多多支持佢地，又有好野食又可以做善事同支持佢地。佢地有好多唔同抵食的燒肉套餐，大家都可以試下。
繼續閱讀