一休(居食屋)日本料理 (38廣場)

營業中

休息中

又嚟介紹特色餐廳喇🥢！今次就想同大家介紹一間位於旺角嘅日式料理專門店✨。呢間餐廳喺網上嘅評價一直都話係性價比高😎，我睇過餐牌，發現餐廳嘅食物價錢真係比起其他旺角嘅日式餐廳更加經濟🫶🏻。今次我就叫咗幾款突然間好想食嘅嘢食🤭，想知係咩嘢食嘅就一定要睇落去啦～食物方面☝🏻#蒲燒鰻魚飯（$88）首先想介紹嘅係嗰日食嘅主食蒲燒鰻魚飯😋。以呢個價錢嚟講，可以食到蒲燒鰻魚飯真係好難得🙌🏻，呢盒飯除咗有主角蒲燒鰻魚之外，另外都仲有車厘茄、中華沙律作為配菜🤩，都算係有誠意㗎🫡。講返餐廳嘅蒲燒鰻魚先，我欣賞蒲燒汁夠晒惹味🥰，所以食一件鰻魚都已經胃口大增，超級送飯！#海膽手卷（$48）跟著就想介紹下我平時最鍾意嘅手卷之一❤️。海膽嘅色澤都唔差㗎🥳，而且味道甘甜，口感真係好細膩😚，入口即溶。海膽嘅味道都會彌留住喺口腔入邊😍。#日本室津蠔（2隻）（$78）我平時都唔算係成日食生蠔㗎，不過今次突然心血來潮好想食🤣。上網睇返有關於室津蠔嘅資訊，發現原來佢嘅蠔殼相對地係比較薄🦪。講返佢嘅味道先，除咗大隻之餘仲好新鮮😎，完全唔會有蠔腥味🫶🏻。連我呢啲唔係成日食蠔嘅人都唔會抗拒😋，口感方面真係好滑溜，一啖一隻蠔真係好滿足🤩

如果喺旺角想食抵食日本野，不妨可以試下呢間一休日本料理😋燒物、壽司、鍋物都唔錯～首先係燒物，叫左份燒牛舌，牛舌燒得岩岩好唔會太韌，夾埋又香又脆嘅蒜片，好香口😋😋再叫左個炸蝦天婦羅，蝦好新鮮，而且粉漿唔會太厚，食落皮薄蝦鮮，唔錯唔錯😋壽司方面叫左個雙龍卷，一聽個名已經覺得好吸引，因為一份壽司入面有兩個口味，包括龍蝦+吞拿魚沙律同牛油果赤蝦，配搭鮮味得黎又清新👍🏻👍🏻其他口味嘅壽司叫左黑松露帶子、蟹棒、海膽、鵝肝都係好食嘅，而且食材都好新鮮👍🏻鍋物方面叫左個牛肉壽喜燒，同其他日式餐廳嘅味道差唔多，不過就好足料好多，牛肉同蔬菜嘅份量都唔少！環境寬落好坐，而且選擇又多，仲咁方便，下次喺附近都會再黎！

喺旺角搵日本野食，同朋友初次來嚐這間日本餐廳，位置喺朗豪坊附近，餐廳位於大廈一樓，所以要搭電梯上。上到去見餐廳都算大，裝横都呈日本風，7點半時段有好多客人，我地安排到卡位位置，坐得幾舒服。海鮮鍋份量真係幾大鍋，湯底係蕃茄湯幾出味，配料有三文魚，帶子，蝦，蜆肉，蔬菜等，2個人食好滿足，遇到特價優惠好抵食。海鮮鍋 $78鐵板帶子牛油燒黎到有點失望，唔似係鐵板燒既味道，就是入口似煮熟帶子再淋上牛油。鐵板帶子牛油燒 $68蒲燒幔魚飯以日本紅色便當盒盛載，日本軟硬道剛好，幔魚有半條 size, 好多幔魚汁，魚肉唔算厚，不過都軟淋，味道不錯。蒲燒幔魚飯 $88

餐廳正正係朗豪坊對面街，平時出旺角行街呀，買野，見friend呀黎依到食都好方便。上一樓之後全層都係佢地嘅～內部裝潢都花左啲心思，見都都擺左啲日本酒呀、日本燈籠呀同埋公仔。一入到去都已經好有feel。三色魚生飯＄72份量都好大，下面啲飯都有一碗幾兩碗。三色魚生飯裏面有吞拿魚刺身、三文魚刺身、劍魚腩刺身依三種刺身。三種嘅刺身都分別有二片，都幾好！三文魚嘅口感絲滑細膩，加埋塊紫蘇葉，刺身食落去更香滑。 好鐘意紫蘇葉佢嘅香味好獨特，食日本刺身就係要配埋一齊食。和牛粒串燒（2串）＄68和牛好大粒，好似有兩隻手指子公咁厚！餐廳將和牛煎燒到三成熟，如果習慣食熟啲嘅朋友都可以提出整熟少少。串燒有埋略略煎過嘅白洋蔥同埋青椒。但人偏好和牛同青椒嘅配搭多啲。洋蔥嘅辛辣味我唔食得慣，不過正正就係依隻味可以更加突出和牛嘅香。鵝肝壽司＄40鵝肝嘅質地細膩，食落去好鮮美！ 火炙黑松露帶子壽司＄22黑松露嘅香味可以話帶出左帶子嘅鮮味。 刺身拼盤（竹）＄188 有三文魚腩、吞拿魚、油甘魚、鱆紅魚、甜蝦。 特別要提油甘魚刺身！佢咁甘香實在一啖咬落去就感受到佢嘅甘香，成個口都充斥住佢魚油嘅香氣！魚質好好。

鹽燒花魚 $88花魚真係超好味，夾開的魚肉嘅時候啲魚汁湧晒出嚟好Juice而且食落好滑，冇腥味。用鹽燒完之後鹹鹹地，加埋魚嘅鮮味，唔使加豉油都好好味！亦附上檸檬同埋蘿蔔蓉，可以加埋落個豉油汁一齊食。鹽燒厚切牛舌串 $68一嗌就有兩串牛舌，一串有三舊牛舌。上面加咗粒粒黑胡椒一齊燒，好juicy。食落帶有咬口。刺身拼盤 （松）$268壽司拼盤擺盤擺得好靚，同款刺身分開一堆堆。赤蝦食落好Creamy、鮮味。三文魚魚腩見唔到啲油脂同肉分間平均，仲要切到好厚，識落好滿足。海膽半版會加埋紫菜，識落冇苦味，好鮮甜，口感Creamy。仲會有一塊紫蘇葉加埋刺身一齊食，同啲刺身好夾。

食物款式極多大部份都係$100以下基本上可以毫不顧忌咁叫刺身嘅質素都唔差，而且唔會切到好薄煮食嘅壽司飯同鍋物都係又平又大份建議唔需要每人一個主菜反而可以叫多些小食另外，晚市既一至日每日都有啲特別優惠$70 牛肉壽喜燒就係我嘅最愛

前排同女朋友喺朗豪坊行完街，佢話想食日本野，就上Openrice睇下附近有咩好嘅日本餐廳。我地最後決定黎呢間位於山東街嘅「一休」食。餐廳位置固然好方便，裝修亦頗舒服。餐牌選擇頗多，以下係我地當晚點左嘅食物：「肥牛壽喜燒」：好足料嘅一份壽喜燒，值得一讚嘅係啲肥牛好新鮮，而且壽喜燒嘅湯底唔會太鹹。「天婦羅炸蝦」：啲炸蝦炸得金黃香脆，蝦肉本身爽口彈牙，天婦羅汁亦調得幾好。「雙龍捲」：據店員介紹呢道雙龍捲係呢度嘅招牌創作卷物。店員一攞上黎就覺得賣相好吸引，而且好香。味道方面，我個人特別鍾意黃色、用左芒果嘅果邊，因為啲芒果好甜，配埋啲醬汁同入面嘅蝦好夾！「煎鵝肝壽司」：鵝肝份量好大，而且煎得熱辣辣，不過個人略嫌可能煎得太耐！「海膽軍艦」：海膽算新鮮，以呢個價錢可以食到海膽算好高性價比！「火炙帶子壽司」：帶子好飽滿，而且鮮甜味美！「蟹棒壽司」：賣相吸引，而且用嘅蟹棒好好味！總結：呢間餐廳總體用餐體驗良好，值得推薦！

呢間嘢入到嚟見到個裝修幾好，好有信心咁坐低，突然加咗服務員都即刻幫我哋安排中親子幫我哋搬張枱過嚟，心諗冇死啦裝修又好服務又好食物應該都好好嘅，魚生來講都可以，唔好話超級好食，嘢食來講全部都合格，但係就千祈唔好太有期望。

雅蘭對面有好多食肆，今日就嚟試吓呢間日本嘢！餐廳要上一層，有Lift搭，都好方便。餐廳內部裝修都幾靚，空間又大，同一大班朋友嚟食嘢都有位！坐低後，我哋先叫咗一客「燒帆立貝」（$68），呢碟都幾有驚喜，帆立貝有兩串，大大粒，配上甜甜哋嘅醬汁，更加能夠吊出帆立貝嘅香味。之後，我哋叫埋「大阪燒」（$48），燒餅好大個，嚟到時上面鋪咗滿滿嘅柴魚絲，十分誘人。店家好貼心咁預先切好咗四份，方便Share食！麵粉同蛋都好香口，口感鬆化，令人食唔停口！主食就叫咗一客「三文魚生飯」（$72），魚生都有七、八片，份量足夠，米飯較為實淨，撈埋一齊就好好食。另一客就叫咗「特盛海鮮丼」（$78），呢個價錢食到咁多種唔同嘅海鮮真係好抵！除咗三文魚外，仲有吞拿魚、油甘魚等等，種類繁多，特別鍾意佢嘅活蝦，大大條之餘，仲十分新鮮。跟餐可以配嘢飲，就叫咗一杯凍奶茶（$10），因為我係奶茶控，估唔到喺日本餐廳都可以飲到好香滑嘅奶茶！另一杯就配咗檸檬可樂（$12），佢係冰底、可樂分開上，咁就可以按需要調整冰度，食咗咁多嘢，再飲杯可樂，真係令人十分滿足！呢個價位可以食到咁多好嘢，抵到爛呀！

餐廳掛滿七彩繽紛既日式燈籠，木櫃上就擺左好多日本清酒樽，好有日本居酒屋特色，環境闊落，卡座讓食客有私人空間，啱晒同朋友嚟吹水。餐牌選擇有刺身/壽司定食、揚物、鍋類、丼飯、石燒、天婦羅、咖哩、拉麵、手打烏冬，午市套餐免收加一，於1點前離座仲有額外9折優惠，非常。唐揚墨魚咀：炸到金黃色，熱辣辣，新鮮酥脆，灑上檸檬汁，不油不膩。青芥辣八爪魚：彈牙有咬口，八爪魚配芥辣，攻鼻既感覺真過癮。火灸黑豚肉烏冬：豚肉燒得香口，配料有溫泉蛋、木耳絲、紫菜，烏冬掛湯力強，彈牙滑溜，湯底清甜。特盛海鮮丼：有三文魚、吞拿魚、熟蝦、𩶘魚、劍魚腩、魷魚、甘蝦、飛魚籽，全部都肥美新鮮，大滿足。總結，餐廳位置便利，食物有水準，店員有禮貌，性價比高。

同朋友行完T.O.P同旺中後就發現呢間隱藏係茫茫大廈之中嘅日本料理，我同友人作為日式料理狂，當然迫不及待去試試啦～一入店內就即刻感受到充滿濃厚日本氣息，日本燈籠、不同種類清酒、裝橫等都讓我和朋友感受到去日本食嘢嘅感覺。呢間日本料理有包羅萬有嘅食物，唔單單有生食嘅壽司、卷物、刺身，仲有熟食嘅燒物、一品料理、揚物等。因此，無論男女老幼，甚至不太喜歡生食類的朋友們都可以嘗試此餐廳， 感受一下日本文化嘅氣氛。我哋係主食方面叫咗三文魚生飯同埋吉列豬扒拉麵。三文魚生飯味道清爽、口感柔軟，並且豐富多彩，由於生魚片本身的鮮美和米飯的口感，味道相當美味。吉列豬扒拉麵味道濃郁，豬扒的肉質鮮嫩多汁，拉麵則有彈牙的口感，配料的添加也能增加菜品的風味層次。吉列豬扒拉麵是一道豐富的料理，口感和味道都很濃郁，適合喜歡重口味的人士品嚐。而小食方面，我哋就叫咗黑松露薯條同埋炸雞軟骨粒。黑松露薯條味道香濃、口感酥脆。黑松露醬本身帶有濃郁的香氣和味道，加上和馬鈴薯的搭配，使得薯條的味道更加豐富，非常好食而且好適合黑松露愛好人士品嚐。炸雞軟骨粒味道鮮美、口感酥脆。經過炸製後，雞肉軟骨外層酥脆，內部則帶有咀嚼感，並帶有濃郁的雞

約咗朋友喺旺角做facial，做完Facial就好肚餓，在附近搵嘢食，日本菜我很喜歡，當然選擇它。點了一個雜錦壽司拼盤，拼盤有吞拿魚花之戀，三文魚花之戀，磯燒鮑魚壽司，珍寶赤蝦壽司，和牛壽司，油甘魚壽司，帶子壽司，章紅魚壽司，海膽軍艦，吞拿魚壽司等，各款壽司質素都相當新鮮，花之戀是我喜歡的壽司之一，飯團被鮮紅肥美豐膄的三文魚刺身團團包着，表面再加上粒粒晶瑩剔透、咬口十足嘅鮮魚子，以及清新開胃的沙律醬，口感豐富澎湃，入口卜卜脆，淡淡滋味。三文魚腩肥美嫩滑油脂鮮超美味，油脂分配平均，肉質細膩，入口有口感，有着濃郁的鮮味。點了半打日本生蠔，生蠔飽滿肥美，口感富彈性，肉質鮮甜嫩口又滑，蠔味濃郁甘香，帶有淡淡的海水味，蠔味餘韻久久不散，生蠔十分新鮮。總括刺身和壽司都10分新鮮，性價比高。

今日去咗旺角呢邊食晏晝，同兩個朋友一齊食！就去咗朗豪坊附近呢一間日本餐廳食飯！見到呢一間餐廳嘅lunch Menu都好抵！就決定入去試吓！餐廳位置係1樓，樓下可以選擇搭lift上去！午餐時間都好多人，好彩唔使等太耐位置！首先推介嘅食物有牛油果軟殼蟹壽司，一份有6件！呢個價錢嚟講非常抵食，軟殼蟹同牛油果嘅配搭非常match! 軟殼蟹炸得好酥香，唔會有太乾嘅情況出現！我同朋友都非常鍾意食！亦都比出邊嘅價錢抵食！🙉🙉🙉 玉子壽司嘅價錢亦都非常抵，所以我同朋友就叫咗兩件！玉子非常香甜，亦都充滿蛋香味，食得出店家係自家製嘅玉子，店家係講明係自家製壽司，唔係用機嗰啲，呢個價錢有手握壽司食到真係CP值超高！比目魚西京燒亦都非常出色！佢燒得啱啱冇太熟嘅情況出現，每一啖都充滿魚油香，再配以少少沙律，正！最後食埋個牛肉壽喜鍋，個湯底非常甜，食到捧住個肚走😂😂😂佢下晝亦都有好多唔同午市套餐，午市係唔收加一，非常抵食，難怪成場都係好多唔同嘅上班族同埋學生！有機會會再返嚟呢一邊再試吓其他唔同嘅嘢食！值得推介🙃👍🏻👍🏻👍🏻👍🏻👍🏻

今日嚟到旺角呢一間一休日本料理食lunch，我哋今日三個人一齊嚟，好彩都唔使等好耐就有位，餐廳下晝嘅時間差唔多滿場，都幾誇張！佢最大嘅特色係午市唔使加一，亦都標榜所有嘅壽司都係手握壽司，唔會係用機做💥厚燒玉子，玉子燒首先嚟到嗰時候熱辣辣，亦都非常厚身，咬落去有好鬆軟嘅口感，充滿蛋香！份量都好多，有六件，同餐牌嘅相，絕對冇花冇假，非常對得住呢一個價錢CP值極高！！💥酥炸軟殼蟹，一上碟嘅時候有原隻軟殼蟹 旁邊仲有少少沙律菜，同埋蕃茄仔軟殼蟹炸得好香，時間控制得啱啱好，唔會有太熟嘅情況出現，軟殼蟹亦都非常juicy! 食落去亦都有蟹香！超級好食！💥蕎麥冷麵配日本醬油，佢本身個冷麵汁係用日本醬油，再配以芥辣同埋一隻鵪鶉蛋，撈埋一齊之後嘅口感非常好，蕎麥麵亦都爽口彈牙！份量嚟講都算唔少，同朋友一人一啖，正💥明太子雞翼，好耐冇食明太子雞翼，有少少期待，炸得非常香，即叫即做，係傳統日式明太子雞翼嘅做法，值得推介俾大家！💥凍荔枝梳打，夏天飲呢一個梳打，簡直係一流，非常解渴，荔枝味亦都非常濃郁，好飲過出邊嗰啲珍珠奶茶嘅荔枝梳打！跟餐只係$12！總括嚟講呢一間餐廳非常抵食，有機會一定會再返嚟幫襯，餐廳位置

選擇困難症患者最鍾意「我全部都要」，想食天婦羅拼刺身、壽司、烏冬等，全部任君選擇，拼到啱心水為止🥰另外都有各款定食，連鰻魚飯都有，喺平價餐廳見到，都幾驚喜，友人都覺得算唔錯，不過唔記得咗影低🫠🍤🍣 什錦天婦羅壽司定食 $72 跟麵豉湯 🥤🍇 提子梳打 + $5天婦羅蝦2件、蔬菜天婦羅3件整體嚟講夠香脆，冬菇等蔬菜表現比蝦更出色，一啲都唔膩🍻壽司：三文魚、鯛魚、吞拿魚、劍魚腩、熟蝦、帶子一分錢一分貨，當然唔會可能預計會有勁高質嘅壽司魚生，不過都難免有少少失望，平平哋想過吓口癮就無妨🤔