一休(居食屋)日本料理 (長發廣場) (已結業)

呢間一休料理我常常都會來光顧，因為長發商場食日本野既餐廳就是不多，所以由呢間餐廳一開張後，都會常常跟家人來幫襯。今日又同爸爸來快閃食返個午餐。爸爸都對呢間餐廳大讚不絕，因為價錢平，質素又好。午餐選擇仲好多，全部都好抵，而且份量都唔少的。所以每次黎，我地都會望住個餐牌好耐，但都好難決定點咩好。今日經過一輪掙扎後，爸爸點了吉列豬扒拉麵，仲有壽司跟的，可以選三文魚壽司/加洲卷。爸爸點的拉麵份量不少，湯味都不錯，好飽肚。豬扒外皮香脆金黃，中間啖啖肉，外脆內軟好滋味。一啖又一啖，好快又會食曬成份豬扒。爸爸點了加洲卷，仲有3件，份量都幾多。所以呢個餐好抵，有麵、有肉、仲有壽司。大滿足。另外我點了一客壽司餐—竹。入面有多件壽司，件件都好好味，呢度既壽司魚生都好鮮甜、新鮮。唔錯唔錯，我鍾意呢個壽司set,因為價錢便宜，又有好多唔同款既壽司，每款一件，岩曬貪心的我。個壽司set仲可跟一碗淨烏冬/拉麵。所以是十分飽肚的。我選了烏冬。烏冬滑滑的，又彈牙，好好味。另外我們仲單點了一些壽司。分別有三文魚籽壽司。大大粒的三文魚籽。好好味，又足料同新鮮，吃起來十分鮮甜，大滿足。另外一款是海膽壽司。海膽都好鮮甜，完全

朋友係要見架❣️今日約左朋友响青衣行街，我哋都好想食🇯🇵料理，就去左附近長發商場的一間日本料理試吓🙆🏻‍♀️午餐時間，客人都唔少，但好好彩，剛好有卡位，坐位闊落之餘私隱度又高，可以同朋友慢慢傾🤣午市套餐有好多選擇，基本上刺身定食，拉麵，鍋物，飯都有💕重點係價錢好抵食👍🍣特盛刺身定食真係超推介，份量超多，刺身每款都好新鮮，食完好滿足❤️🍱天婦羅炸物脆卜卜同乾身唔油膩，刺身的三文魚厚身好肥美❣️我最愛的燒雞泡魚干，拈上沙律醬食，非常惹味💓雙龍卷又係好推介😂不過太大份，建議要同朋友一齊share先好點😆特別喜愛配上芒果的那款，芒果好甜，炸蝦配上吞拿魚沙律醬原來好夾，好味😋😋總結：絕對有驚喜，食物質素高，下次經開會再幫襯🇯🇵🍱

限聚令之下最後衝刺，原本想食下魚生加拉麵，點知比佢新推出既一人火鍋吸引住，除左價錢貼地之外，仲配好多海鮮，講下有啲咩先：首先有粒好大粒既帆立貝、兩隻大青口、墨魚仔、三文魚塊、蜆、三文魚骨腩、赤蝦、蟹柳、豆腐、雞蛋、芋絲、菜等，有圖有真相。我地擔心份量可能唔夠，所以仲額外加多兩份蜆、雞肉、肥牛同鳴門卷，唔好以為甘就會好貴，追加食品由$5-$18蚊不等，價錢都適中，所以我地就放膽叫。最快到既當然係飲品啦，我地叫左忌廉同凍檸茶，跟住就到生蠔黎，望落雖然唔算肥，但都好大隻，味道有別於出面自助餐所食到既生蠔味道，正。店員見我地食完生蠔，就忙於拎爐為我地預備，食物份量都幾多，所以用到車仔送上，擺到一枱都係生既食物，店員就幫我地點火開爐，個烏冬仲暖暖地，廚房煮完先比客人，更方便，放落湯煮一陣就食到，真夠細心。食物全部都好新鮮，尤其蜆同三文魚腩，朋友話估唔到都好滑，超級飽。值得一讚店員好細心，經常留意到我地既需要主動幫助我地。

見到大家喺OpenRice嘅堂食食評咁好，咁就大膽試吓，點知外賣送貨嚟到屋企係咁差叫咗大版海膽，冇諗過得四粒，個樣仲要咁唔新鮮，如果我要細版，咁咪得返兩粒另外再嗌左個特盛魚生丼⋯佢個份量仲得人驚，得幾片魚生⋯⋯最好笑嘅就係佢贈送嘅麵豉湯放喺所有食品下面，送到過嚟啲壽司同刺身全部變咗熱嘅..........味道我真係唔知好唔好食，因為都熱晒，我都唔知仲應唔應該食？ 我冇諗過啲質素係可以咁差，我仲等咗成個鐘

原來長發新開左間一休 之前喺旺角食過覺得唔錯 今晚就一於再試試佢由於仲係二人限聚令 所以晚飯時間都唔係好多人 店長特別介紹咗一人鍋 見咁凍於是我哋都決定試吓揀咗壽喜燒湯底 個餐有齊豚肉牛肉 種類都算多 仲可以配稻庭烏冬 每個火鍋都會送生蠔一隻 由於疫情關係所以我哋都決定烚熟佢食 不過真係好真係好鮮甜 一啲都唔腥 仲唔會縮水見隻蠔好食即刻 叫多兩隻焗蠔 好多蒜好惹味叫咗啲唔同款式嘅壽司 壽司都好新鮮 特別係三文魚子 每一粒都好飽滿非常推介赤貝壽司 係原個赤貝開咗之後分為三件 直情食到佢海水味鹹鮮 和牛壽司雪花均勻 牛味好香濃炸三文魚皮 估唔到咁好味 用咗少少七味粉已經好入味 脆卜卜送酒一流最後叫咗芝士蛋糕做甜品 好軟好滑 仲好香蛋味 兩三啖就食晒lu

今次又去到一個村屋商場入邊搵美食。竟然俾我哋見到一間新開嘅日本餐廳，對於好耐冇去日本既香港人黎講真係好吸引。我哋一入到去就即刻問吓佢有啲咩好介紹。店員好有禮貌同我哋推介最新推出嘅火鍋，啱啱天氣開始轉冷，呢個火鍋嘅份量剛剛好。我哋叫咗一個受喜燒嘅湯底，味道非常適中唔會太鹹但係香味十足。附上嘅豬肉牛肉亦都好高質量！ 大家見到入邊嘅配料都好有份量嫁！ 依家叫咗火鍋，仲會送一隻生蠔刺身，雖然睇落去非常新鮮不過我哋都怕生食，一樣可以放入火鍋整熟佢黎食，好鮮！ 小食方面我不得不推介呢一個燒三文魚皮 廢話都唔太多講啦因為真係好好好好食！ 入邊我哋都仲叫咗唔少嘅壽司食不過最想推介嘅係一份和牛刺身同生蝦！ 好好味好鮮味！ 好鍾意食蠔既我地，仲叫咗一個熟嘅焗蠔，蒜蓉味好重😍😍😍

前幾日約左朋友係青衣見面，唔講唔知原來長發商場有間幾骨緻既日本料理餐廳。餐廳環境好乾淨，座位寬落，好岩同朋友傾計。餐牌選擇好多，花多眼亂，同朋友都簡左一陣，最後點左烤雞泡魚乾做頭盤，烤得香脆可口，點沙律醬食好yummy。小食仲點左炸雞同烤原隻大魷魚同清酒煮蜆。2款都推介，魷魚大大份，清酒煮蜆唔會太淡無味，唔會有沙。主食我地就點左咖啡牛肉飯同野菜鍋烏冬。2款主食都好大份。咖啡味夠香又濃郁，附送面豉湯。而野菜鍋都出奇地大份，一試湯底就上癮，有奶油又有豬骨湯味，值得一試。

今日放工貪方便諗住食個外賣自取，滿心歡喜拎到返屋企一打開個蓋真係呆左！$68既外賣質素 刺身重簿過壽司上面果一片！咁既質素去食爭鮮重好！以後唔會再食哩間咁既餐廳！下次情願去遠d買！

位於青衣長發廣場地下鋪屬於屋邨地區，今日剛好黎探訪朋友就試一試估唔到環境相當開洋，座位十分闊落大約4點左右同友人到步，可以選擇午餐及下午餐價錢相當平民，午餐約$5x，下午餐則$4x連飲品相信係附近學校學生選擇之處今次叫左2個下午茶餐及1個午餐以及一些小食壽司下午茶為豬軟骨拉麵，肉質鬆軟保持濕潤，拉麵彈牙。驚喜係可以免費改成烏冬牛肉丼飯，牛肉量相當多而且滷得入味，加上紅蘿蔔及洋蔥絲提升口感午餐為牛肉鍋，熱騰騰上枱，特別依加冬天相當暖心。 湯頭濃郁，熱力也可以令肉同蛋半熟另外都叫左鵝肝壽司，煎得恰到好處，微微焦香，油脂配上飯和牛串有驚喜燒得半熟至7成，牛肉味香濃，配搭燒洋蔥別有一番風味另外加左幾種小食，分別為燒三文魚腩/炸芝士年糕/唐揚炸雞/炸蝦反卷以加配價好抵食，性價比好高整體服務好好，員工好好態度，會主動睇下客人有無需要

一天又一天，一個月又一個月，都唔知幾時才至可以離開香港？因此，時不時都要試吓各地美食，今日來到青衣長發邨長發商場尋找美食，行晒成個商場見到『一休』可人兒，因此決定今日嘅美食之旅就係日本。『特盛刺身定食』好豐富，有三文魚，吞拿魚，劍魚腩，油甘魚，鱆紅魚，八爪魚，𩶘魚，帶子，甘蝦，蟹棒10樣嘢，真係超級抵食，帶子好鮮甜，鍾意吖。『槍燒鰻魚飯』鰻魚味濃，薄切槍燒够香口。『雜錦天婦羅』有天婦羅蝦，蔬菜天婦羅就有南瓜，蕃薯，冬菇三樣，天婦羅蝦炸粉唔太厚，可以食到真實的蝦肉，而冬菇够juice。『珍寶赤蝦刺身』超太隻，新鮮，彈牙，食落肚好有满足感。『廣鳥炸蠔』和『芝士蛋糕』亦都係今日的好推介，最最重要係跟餐價只是25蚊同12蚊，無敵價。

約左個舊朋友，去學生時期經常去嘅青衣長發村食野，搵番啲童年回憶☺️真係好耐無去，個環境唔同晒，不過就乾淨整潔左好多😲入商場搵左間日本野食，老闆好nice，見我地望住個餐牌有啲迷惘，就主動介紹啲好野比我地😁唔知係咪老闆講得太吸引，我地都叫左都唔少野食🙈生蠔大大隻，有口感鮮味又夠，正！刺身拼盤最吸引我就係海膽同埋三文魚腩，鮮甜肉厚大大片，好味夾抵食🤤🤤🤤我地仲叫左個一人壽喜燒火鍋食，最後係連湯都飲晒添🙈🙈🙈🙈可能見我地咁捧場，老闆仲送左甜品比我地食，係雪米池同芝士蛋糕🍰🥰食完真係飽到行唔郁咁滯😂😂😂😂

下午茶餐低至$3x 呢間日式餐廳勝在高CP值，特別下午茶餐，有魚生飯拉麵等供應，不過小JunJun當日等唔切下午茶，所以以下係午餐菜式🐮牛柳粒石鍋飯 $65牛柳粒想像中大粒，可以分幾啖進食肉汁豐富，質感幼嫩，牛味明顯不過呢個價錢就唔會有好多粒配菜唔多，略飽濟🦐特盛刺身定食 $75刺身厚切幾大塊鮮味可接受🐷咖哩吉列豬扒飯 $52醬汁咖哩味濃，唔會太鹹豬扒頗穌脆厚度大小適中📍一休(居食屋)日本料理旺角山東街38廣場18號一樓青衣担杆山路6號長發廣場地下114 B號舖

經朋友推介到這青衣小商場吃好西 是本人最愛的日式料理😃最近餐廳新推出一人火鍋 當然要試一試 選了《和風火鍋》有9款火鍋配料 先說壽喜燒湯底 味道濃郁帶甜 配烏冬連湯喝一絕 當然少不了沾生雞蛋吃豚肉五花腩片及肥牛片😋點火鍋更送生蠔一隻👍🏻二人吃一人火鍋當然不滿足 再點了3種串燒《蒲燒鰻魚串》4件一口大小的肥鰻魚肉《秋葵》足足有6條 乾中帶黏《芝士烟肉大菌燒》十分飽水 適合與朋友分享最後主角登場😍刺身拼盤（松）+半打日本室津蠔登場✨前者份量十足 大大隻赤蝦2隻 吞拿魚&三文魚腩&劍魚腩各3片 皆是厚切如手指般厚 而且十分肥美😋半板海膽 完全沒有最怕的腥味 而是帶甜的那種🤩配紫菜吃 吃多多都不怕膩後者有半打的加火鍋送的共7隻 肉質肥厚 蠔的鮮甜在口腔中停留一段時間 幸福感十足😊最後二人連加一 不用$600價錢合理又滋味👍🏻

見屋企附近一間日本料理出左個一人鍋就想去試下，凍凍地最啱食下shabushabu🌟雜錦和風火鍋：呢個鍋係佢地新推出既產品，配料超多，佢係類似壽喜燒形式咁，每人一個小鍋，可以揀壽喜燒/豬骨湯/辛辣泡菜湯。今次特別d想揀平時少揀既壽喜燒湯底，仲額外叫多左一碟牛肉都係加$1x蚊咋。打完邊爐最後放埋個讚歧烏冬就最完美。掛住食都冇影到烏冬張相，d烏冬好滑好彈牙，一d都唔粉。冇得去日本都可以嘆番個壽喜燒過下癮🤣叫呢個餐仲送左一隻日本室津蠔連少食蠔嘅我都覺得正，超級新鮮香草燒雞翼🌿：雞翼係開左半邊黎燒，有心思，燒得好香亦都Keep好多肉汁，而且雞肉都好嫩滑珍寶蟹籽沙律：見到咁大份都嚇左一跳，食得多肉食番呢個清清腸胃就最啱，非常清新，如果蟹柳絲多番dd口感會更加好火炙黑松露帶子卷：黑松露壽司呢個組合都幾新穎，大大件，每件都加左黑松露醬係上面，鍾意食黑松露既一定要試！網燒美國牛仔扒🥩定食：呢個餐真係十分有驚喜，一來佢唔貴，二來啲牛扒煎得啱啱好，七成熟唔會太生，即使肥肉唔多都唔會韌，加埋個燒汁真係超晒班😋Dinner set有埋沙律同前菜跟，好抵最後叫左兩個甜品，好滿足，飽住個肚番屋企！北海道芝士蛋糕：質

食物差，叫左個黑椒牛肉飯，無黑椒，無味，牛肉得三小粒，仲要無味，唯一優點係夠熱，拉麵淋，仲要有幾條烏冬，蛋太熟，仲無切，原隻熟蛋，熱茶都無杯，叫左杯熱奶茶，只得苦味，奶太小，零茶味，服務一般，員工成日自己傾計，唔出餐...吹佢先出餐，仲話係甘啱剛剛煮好.....完全唔抵食，衛生環境差，醬油瓶好污嘈，真係唔敢用，唔會去第二次，睇番評價，最初食完奇怪甘都有成百個好評，一睇原來係"專業好評"影埋門口，餐牌，仲要逐樣介紹，十分專業的好評，如果員工有甘質素就唔駛揾甘專業好評家寫好評啦！