一休(居食屋)日本料理 (長發廣場) (已結業)

Lunch time想食日本嘢😇見未開始有人龍就入左去食😃餐牌選擇好多，熱食冷食都好多選擇☺️仲有追加餐牌試咗個刺身定食，有白飯有味增湯刺身普通，對得起個價錢，油甘魚好食☺️咖喱豬扒咖喱汁唔錯但唔夠熱，豬扒炸到好乾。三文魚壽司追加唔錯幾好食😊入面個環境幾好坐，但午餐時候好多客員工唔多，我個餐都等咗好耐。所以如果趕時間就唔好食呢間😅

令人意外的一個外賣....值60蚊？這是在青衣的一間餐廳，在某外賣平台上有4.3分的餐廳，看到相片大家想食嗎？會選茶餐廳 還是 這間 居食屋？我相信大家眼睛是雪亮的！

食物唔好食，侍應會大聲鬧交，senior 鬧人好大聲，被鬧既好明顯無心機做，不停出錯食物。。叫烏冬比錯拉麵我，就咁收走左無道歉無下文，要追仲要等好耐。壽司質素比爭鮮差。。刺身唔新鮮，食又唔係唔食又唔抵。俾大家既笑臉呃左！無下次！伏！

呢間鋪啲員工態度極度有問題，尤其是係果個中年tshirt男，唔憂做咁，冇禮貌！！其他果幾個女仔都係黑口黑面，唔想做就唔好做啦，做到啲客得罪左你咁為咩呢？啲野食又唔係特別好食，壽司set啲味怪怪地，間鋪冇人幫襯咁，啲刺身都唔會新鮮得去邊，可能溶左雪放隔夜都似....食左一啖三文魚腩食到想嘔🤮🤮🤮🤮冇下次！冇下次！冇下次！

有日突然間好想食魚生飯，就Serach下青衣邊度有… 再地鐵站行過嚟。 一入門口係個肥佬西裝友接應，有禮貌就唔覺㗎啦，可能係老細掛。 到落單先經典，一個年紀應該唔老，紮單辮嘅女人行埋嚟落單。由於我哋張枱隔離就係入單機，所以佢喺企係佢部機前面問我要食咩。。。。咁我就講number啦。然後佢講：唔好講number! 因為戴著口罩嘅關係我聽唔到佢講咩，我就問：下？枱number？然後佢再講 ：講個餸菜全名呀!唔好講number呀！我同朋友都呆咗， 係乜嘢服務態度？ 如果唔可以講number， 咁個menu就唔好整個number喺度啦。 再食到一半，見到隔離枱有個男士落單佢又可以講number喎，所以頭先個女侍應態度真係好有問題囉!講真呀，食到谷鬼氣又唔係話好食!! 最多係得個平字，以後唔會再嚟食。不過同場有個後生仔待應係唯一態度好好。

不是第一次食，一進店舖，無人接待，無人探熱，諗住坐低又俾人呼喝要求坐邊度，餐牌、桌子污糟；經理同侍應都好無禮貌，口罩又唔戴好，不停高聲談話；點餐時，經理態度惡劣，「叫咩呀？」、「哩樣無禾」，咩事呀？唔講點知個款食物無？唔憂做咁😡😡😡同家人叫左幾款壽司、拉麵、小食，食物質素每況越下，味道鹹、難食，已經唔係特別平，態度又唔好，咁既質素，使乜黎食呀？俾錢受人氣，真係再無下次，非常差既經驗！😡😡😡

第一次係青衣食飯食到咁嬲，未幫襯過一定唔好幫襯服務差到極點，個肥佬經理好似唔想做咁，全程黑面又無禮貌，點野食叫極都無人理，落單已經要幫佢寫哂食物編號佢只係收張紙跟住入機，落十樣都會漏一半，落左單廚房又會漏幾樣，追完單補完單一句道歉都無，食到一半一臺空碟唔叫都唔收下野，趕收工就態度極差咁趕人走（收十點九點半就黑面收臺）咁gei態度唔係因為長發無第二間日本野應該執左9世，做街坊生意都咁gei服務態度野食就算係正常都要永久bad last!

一休(居食屋)日本料理青衣担杆山路6號長發廣場地下114B號舖之前都未試過呢間餐廳， 喺長發商場既G樓，餐廳入面都幾大好多卡位，點解會再黎幫襯當然係因為覺得呢到抵食，選擇又多，夠晒貼地除左散叫之外，晚市仲可以揀d定食，會配埋麵豉湯同埋雜菜沙律架角切魚生飯定食豬軟骨石頭飯定食鰻魚卷三文魚卷三文魚刺身

之前喺旺角食過哩間，覺得ok事隔多年，試吓青衣嘅分店香芒乳酪松葉蟹卷$52牛舌串鹽燒 $26/1串晚市定食餐 - 網燒美國牛仔扒定食 $55算係抵食嘅，跟餐仲有沙律及麵豉湯套餐追加廣島炸蠔三隻$25唔錯，雖然粉多咗少少🤏但整體口感來說都係合格以上岩燒雞皮，不知所謂，未食過一間鋪燒雞皮係燒成咁，好似食緊白切雞雞皮咁，食唔出有燒過，一咬落去成口油炸芝士年糕，正常之上總結，除咗個燒雞皮之外，其他都可以👍埋單連埋加一Total $228青衣真係美食沙漠，可以搵到哩間嘢咁嘅質素咁嘅價錢，算係咁

尼間嘢位置係長發商場地下KFC隔離，幾近青衣城。午餐時段等左唔洗5分鐘就入得，因為一個人去食，入到去都要同人拼抬，不過都無所謂。午餐點左個魚生定食配麵鼓湯加白飯，再加個熱奶茶(加3蚊)，大約10至15分鐘就到，見到對面點熟食就要20至25分鐘。魚生都算多，而且尚算新鮮，特別係甜蝦，其它就一般般，飯就有啲多，飲埋個麵鼓湯，一個人食其實都好夠。魚生定食75蚊，加嘢飲3蚊，買單總共78蚊，免加一，都幾抵食。

青衣食日本野真係無咩選擇，仲要可以速遞既更加少一休係其中之一，所以都試下叫左兩個拼盤，total $470 到～送到黎已經唔凍，天氣熱都無辦法既其實價錢偏貴，五個女仔細食先叫岩岩好特別出色既有和牛壽司，油花做到少少入口即溶既感覺三文魚同其他魚生都算係新鮮，中上水平但d 飯唔係好靚個種，敗筆左dd

今次唔係嚟食壽司 見到佢有做早餐就入嚟試下 照燒雞扒配出前一丁 豚肉腸煎雙蛋 $36網燒牛扒配出前一丁豚肉腸煙肉 $36早餐大大份 絕對夠飽 牛扒薄薄地但都有牛味 雞扒煎得好香口 只係塊煙肉有啲奇怪 又煎得唔夠香口 整體早餐嚟講係ok嘅

三文魚親子飯 $68本身對平價魚生飯都唔會太大期望，$68親子丼可以話係正常水平，飯都有用醋撈過。岩石燒豬軟骨鍋飯定食 $55個鍋真係好熱😂 冷氣超凍但我食左成三個字啲飯都仲係辣口😂 軟骨唔多豬肉多😂煎自家製餃子 跟餐$18不過不失，細細粒咁吉列芝士蝦餅 跟餐$18有啲蝦肉都幾彈牙但門口勁大風好凍!

收工肚餓，見佢話11點閂門，我21:45入去食晚餐，入去見有兩個外賣公司員工等攞外賣，堂食仲有一枱客嘅。長發商場幾乎間間餐廳都食過，呢間咁耐以來第一次食。有個後生侍應好有禮貌問我幾多位，幫我收走多餘餐具。中年收銀侍應就咁企響櫃位問我食乜落單，面黑黑都幾兇，點了鯖魚定食。等咗十幾分鐘，中年侍應摧廚房出餐，份餐未到佢已經叫隔離枱埋單，10點我份餐一到，都仲未降落枱面，中年侍應就叫我埋單，食咗10分鐘後，佢就同我地兩枱人講‘我哋閂門喇’，企響度q住手望住我哋兩枱人，好似看住監犯咁，當時我都仲食緊半條魚同爬緊半碗飯。中年侍應真心冇禮貌，佢推定架餐車響隔離等收嘢，我一飲完啖湯就執走哂啲餐。我就用咗20分鐘都無，食完個晚餐俾人趕走埋⋯講返個定食，有魚配檸檬、面豉湯、珍珠飯、麻醬沙律，魚肉有點兒實，味道正常發揮。但枱面沖茶的水不熱，杯茶只係室溫的。個中年侍應粗聲粗氣，係咁摧個後生侍應做嘢，執嘢又呯呤呯冷，好似發脾氣咁。撇除咗呢個咁Rude的侍應叔叔，我都仲想再食嘅，很差的經歷。

聽講呢間餐廳性價比高，於是就一於試下。一坐低叫咗三文魚，佢唔係好貴，但係有10塊，咬落去唔係太乾，有少少魚油，口感唔會太過散，係新鮮嘅三文魚。另外試咗個赤背刺身，好爽口，咬落去即刻斷，都幾有鮮味。另外叫咗個燒帶子，牛油味唔係太重，有少少淡，如果加小小鹽更加好，但係帶子都唔會話太難咬。鯛魚腩蒲燒飯用左鰻魚汁， 個味道都同鰻魚飯相似，不過肉質係平時食煎魚嘅口感，到後邊會有少少乾。秋葵串值得一試，上邊有燒汁，食落嗰層牛肉包住秋葵唔會太過熱氣，有胡椒同埋鹽嘅味。芝士蛋糕唔係好厚實嗰種，反而係識落有啲輕盈，有少少蒸蛋糕嘅感覺，但係芝士味重，鍾意芝士嘅話要試。