一冰廳

營業中

休息中

九龍灣番工既朋友都知真係已經食到唔知食咩好，有時又唔想食太多，又要平平地既話都可以試下呢間愈多款式就愈難揀，真係睇到有選擇困難症呀最後都係因為唔太肚餓揀左常餐就算，呢個就係食茶餐廳既好處~常餐A-栗米忌廉湯通粉常餐入面都仲有野要揀，真係不得了，我要栗米湯加栗米~湯底睇落唔係極之濃，不過飲落口就好滑好香，加埋通粉好暖胃。本身可以跟丹麥多士/厚多士，都可以加錢轉奶油豬/芝腿牛角包常餐B-沙嗲牛麵 不過不失既味道下次有機會再試下其他飯類先><

平同好味之間你要點取捨呢？初初我會揀前者，大家都係食一樣嘅嘢，但係價錢可能爭20% （例子就係一個蛋牛治烘底加一杯奶茶嘅早餐，一間平嘅$24 ，但係佢包含咗嘅係佢外賣嘅包裝係我喜歡嘅簡單類型，雖然都係用膠袋）隨着呢一間我食開嘅餐廳上個月開始到而家都未裝修完 ，我轉戰咗第二平嘅一間響附近，同樣係蛋牛治烘底加一杯奶茶嘅早餐呢間要$25，但係佢包含咗一個外賣元素用咗一個膠盒去包一件三文治，我覺得極度浪費）同埋佢嘅質素冇之前嗰間咁好上個星期突然叮一聲諗到呢一間出名滑蛋，咁佢嘅蛋治一定有質素啦 又嚟旦牛治烘底加奶茶早餐，呢一間要$31 （包含嘅外賣元素就係我最滿意嘅～佢用紙袋裝住） 食物嘅質素就唔使講啦，亦都係咁多間之中最滿意嘅。其實我都有試埋佢整蛋治嘅質素，又真係好似爭啲乜嘢咁（可能就係爭啲罐頭牛肉嘅肉香）所以一分錢一分貨，你會點揀？

嚟到呢間茶餐廳，跟朋友一齊揀咗齊人氣早餐A同C，先講返A嘅鮮粟米忌廉湯通粉，簡直係無得輸！湯底超級濃郁，粟米香甜喺口腔綻放，簡直係滋味爆燈！🌟呀，嗰碟炒蛋仲要輕柔得嚟，微微嘅蔥香又帶啲清新。咬落去有陣陣奶香，梗係要讚一讚。不過個奶油朱就仲有進步空間，未夠色香味俱全。早餐C個沙嗲黑豚一丁就有少少令人掛住嘅感覺，豚肉嫩滑，但沙嗲味道就未夠掂，略嫌淡口。話說返，蔥花炒蛋卻又係令人心情大好，蛋香四溢。🍳講到芝士咖哩蛋包飯，就真係全場焦點呢個碟。粉亮嘅蛋皮包住綿滑白飯，同埋咖哩同芝士汁個組合，喺口裏融合得就叫一個准！咖哩微辣帶點甜味，芝士汁同咖哩層次分明，真係錦上添花。🍛整體嚟講，依間茶餐廳絕對值得你試吓！口味得嚟又港式地道，真係一個滿足普羅大眾嘅好地方。下次心血來潮想食民間小確幸，記得黎呢度坐坐哦！👍

上次食過粟米濃湯但覺得一般分唔到鮮打同罐頭個分別可能我真係飲慣左罐頭個種味….*上次見到好多人叫咖哩所以今日試試佢咖哩芝士汁雞排蛋包飯 $61 (個名唔係exact岩 但係個內容係呢幾樣嘅mix)*咖哩汁係偏日式 少少辣 少少甜芝士汁似白汁，無芝士味，但有幾舊磨菇雞排算大塊蛋包飯，蛋外觀ok，同常餐嘅炒蛋一樣味所有野都係現成材料拼埋一碟所以唔會難食唔算特別驚喜，因為透過個名都expect到嘅味Lunch 黎講算係一個唔錯嘅選擇*餐廳lunch 好爆要搭台，台都係偏細張，台與台之間都好貼近係一間食完好快啲走嘅餐廳

💪🏻 常餐 - 鮮粟米忌廉湯通粉、炒蛋、牛油多士 ($51)呢間餐廳最出名係佢嘅粟米忌廉湯！本人好鐘意飲甜粟米忌廉湯，所以就慕名去咗食🤣 鮮粟米忌廉湯係餐廳用新鮮粟米打蓉制成，好香濃嘅粟米味同埋忌廉牛奶味，好creamy，亦都好香甜，配通粉食一流😋！另外粟米蓉都令到個湯更有口感。湯底咸甜都適中，唔會太甜，有微微黑椒味吊味。炒蛋都有蛋香，夠滑身，但略為唔夠咸味。多士牛油夠融，多士都軟熟。💪🏻 滑蛋咖喱吉列豬扒飯 ($62)餐廳嘅飯比起常餐就反而有啲失色。咖哩係似日式咖喱味道，但偏稀，比較水。但吉列豬扒夠厚身，亦炸得夠晒脆！味道：8/10 (8分都係畀常餐🤣）性價比：7/10 食住瘦指數：💪🏻/5

個人認為九龍灣餐廳比較平民，餐廳有好多，選擇就好少。這家冰廳幾光猛乾淨，坐落舒服，食物一般。比較其它隔離餐廳，佢算係最好。普通早餐，加分係奶油豬，聲稱手磨新鮮玉米煮成既湯底做火腿玉米忌廉通粉。加分係通粉個湯，好飲又好忍手唔似落味精，扣分係通粉極霖。煎蛋煮定，都暖既，唔扣分。檸茶檸檬新鮮，加分。會再幫襯，不過一定唔會點通粉。返工食早餐，最緊要味道合格，佢有；速度夠快，佢又有；乾淨，佢又係。幾十蚊食個早餐無咩求。返呢頭要食早餐既會介紹比大家。如果老闆睇到呢篇野改改個通粉就好喇。幫佢介紹下個午餐餐牌，利申無食過，不過d價錢日日唔同好似股票機咁。有機會可能幫襯下，不過幾十蚊其實又有好多選擇。想比very good 但又過唔到自己個關，但佢又係OK高少少。如果見到進步先比返個Good啦！

📍 一冰廳🇭🇰 九龍灣宏冠道6號鴻力工業中心A座地下2號舖時間尚早 食返個早餐先有早餐嘅morning先係good morning😀😋 早餐A 鮮粟米忌廉湯通粉 配蔥花炒蛋 奶油朱(半份)呢個係朋友推薦 話好出名嘅果然好食！佢個忌廉湯好濃 就真係好似平時飲緊湯咁樣 係濃稠嘅唔同平時普通茶餐廳啲雞湯通粉通粉會索曬啲湯 正 不過偏淋蔥花炒蛋好食 蛋好黃重蛋味 好滑至於個奶油朱就一般 稍嫌唔夠脆😋 早餐C 沙嗲黑豚一丁 配蔥花炒蛋 奶油朱(半份) $38同事話呢個嘅沙嗲好食但有啲失望沒有太重沙嗲味豚肉都係打邊爐個種一片片麵偏硬😋 黑椒汁西冷牛排歐陸早餐 $51好大份 好豐富有香草豬肉腸、炒蛋、茄汁豆、沙律菜、多士味道正常好味無特別係抵食

友人不吃牛肉，但喜歡沙爹，上網搜尋後發現呢度有沙爹豚肉做早餐，所以嚟試吓。沙爹豚肉麵：湯底夠濃好味，唔係花生類型嘅沙爹，比較偏向沙茶味，麵底正常，豚肉都唔錯無雪味。另外套餐配一份自選麵包同炒蛋。麵包選了奶油脆豬，個包焗得幾好，夠熱又唔會太乾。另外我唔要炒滑蛋轉做腸蛋，味道正常。友人要的炒滑蛋都好味。飲品點了熱奶茶，味道正常。總括嚟講，如果唔食牛肉都有好選擇。呢度堂食位置較逼，餐廳有提供紙巾。留意到外賣比較多，餐廳使用膠飲管，如果可以轉做紙飲管或可分解飲管就更好更愛地球了❤️🌍

好難得今日lunch時間可以食到呢間茶記，可能大家仲去緊旅行，所以等3張飛就好快有位。前兩日突然想食咖哩，今日就試下日式咖哩野菜飯配牛肉飯啦～當諗緊點樣走牛肉既時候，侍應話改配雙倍野菜就Okay喇🤤開心仔🥰61蚊食到有咁多菜既咖哩素飯係香港真係唔簡單架🤣

今日叫左一份常餐，沙嗲牛肉撈出前一丁，不過泥錯左湯麵，好采佢地都肯換俾我，另外跟葱花炒蛋，同埋丹麥包，味道可以，lunch真係好多人，閒閒地等15mins，侍應態度一般

好耐冇食 呢間既Lunch今次叫左佢外賣黎食有蛋同芝士真係冇得輸 加埋咖喱同肥牛好正呀😍 蛋夠滑 芝士熱辣辣 仲有咖喱汁係好味既🥰不過芝士汁再多少少就更perfect啦💗🤣

食得出粟米忌廉湯通粉嘅粟米嘅鮮味，有粟米碎碎，味道都幾鮮甜，鍾意飲粟米湯要試下，早餐套餐加凍飲都係$38，呢個價錢冇乜幾可食到呢個水準嘅早餐，所以未食過嘅認真可以一試👀雖然講係忌廉底，但食落一啲都唔heavy，因為食得出個粟米嘅比例都幾高，所以都唔會膩不過奶茶唔係一般飲慣嘅大快活奶茶味道，似係伯爵茶奶茶味，問咗係皇冠奶茶，飲得出佢個茶底係香嘅，但自問唔係伯爵茶fan，下次應該會飲其他有機會會再食！

一冰廳地址：九龍灣宏冠道6號鴻力工業中心A座地下2號舖估唔到九龍灣都有間平靚正嘅茶餐廳~鮮栗米忌廉湯米粉+炒蛋及厚多士🍜＄42第一次食到咁濃濃粟米湯好creamy聞落好香😚，啖啖都食到有少少牛奶味，同平時啲罐頭湯好唔同😍，加上米粉又索晒啲湯人曬味和鹹鹹甜甜午餐肉，正😋。滑蛋咖喱吉列豬扒飯🍛$59大大塊豬扒肉質外脆内軟，加上日式咖喱甜甜辣辣😎，真係好岩去餸飯。滑蛋蔥花叉燒蝦仁飯🐷$58新鮮滑蛋充滿香濃蛋味，加上啖啖蔥油味，好Match呀😙。蝦仁爽口彈牙，半肥瘦叉燒肉質外脆內軟夠juicy，味道惹味🥰，同平時啲乾柴柴嘅叉燒好唔同呀🤪。

平時午飯時間，等位都有排，難得今日下午可以叫外賣唔洗點等，就揀左呢間啦。堂食就試過幾次，外賣真係第一次，首先放得企企理理，唔會亂七八糟。今次食返「🐥野菜烤雞飯🐥」，份量都夠，唔會比堂食少，餐廳標明係用金象米，所以口感唔會太差，野菜就有西蘭花、椰菜花同蓮藕等，係冇味ge，但點左咖哩汁就好有味道啦，而雞件就一如以往咁嫩口，漲卜卜，唔會有雪味。往往最簡單就睇到廚師功力，絕對比好多餐廳出色，選擇又多，如果有時間等位簡直係不二之選。👍👍👍

同朋友一早經過九龍灣工廠區，見到呢間一冰廳有粟米忌廉湯通粉好似幾吸引所以就入左去🤣 我見keep 住有客入泥堂食或者外賣，應該都幾出名😏😏沙嗲肥牛公仔麵配炒蛋及奶油豬我見個menu 有手指公所以試下，係正常既一般沙嗲牛麵，不過啲肥牛比較韌，而且肥仔數量比較少，可以唔洗試。不過個粉蛋幾好食，夠嫩滑🤓鮮粟米忌廉湯火腿通粉配煎蛋及丹麥多士個湯好重粟米味，如果喜歡飲粟米湯既就係試下，不過個人認為個通粉有少少淋，如果有歧少少彈性就perfect 啦～～