一冰廳

營業中

休息中

【午餐】芝士咖哩蛋包飯 配日式炸雞 HK$57午餐都真心幾大份，抵讚係一冰廳啲炒滑蛋真係好滑，拌飯是一流！同埋都幾多件炸雞，而且舊舊炸雞都好大舊，平均有3-4舊，日式炸法好香口，而且炸完舊雞都仲好有肉汁！【全日特餐】車海老（蝦）：北海道湯咖哩鳥冬 HK$50配招牌炒蛋 ＋HK$10升級為奶油脆豬坦白講佢個「咖喱烏冬」一啲都唔咖喱，佢一上枱嘅時候我仲以為係咪比錯咗「蕃茄湯底」，其實我有啲不滿！再者其實佢個湯底真係唔好食，蕃茄味好淡，烏冬口感一般！不過佢個炒蛋都係好食嘅！【茶餐】生炸大髀拼薯條 HK$39無論雞髀定係薯條，都真係新鮮生炸，所以超級香口又好食！平時食平時食茶餐廳嘅雞髀同薯條都係整定，但係但係真即叫即炸嘅生炸雞髀真係唔同啲！正宗茶餐廳風味！

住係土瓜灣廿幾年由以前有好多好好食既茶餐廳到而家無乜得揀偶爾發現呢間小店茶餐廳即刻拉埋老公一齊試試先滑蛋蝦仁叉燒飯隻蛋真係炒得好滑流啱啱好唔會太熟 餸同飯既份量都好夠老公既吉列咖哩豬扒滑蛋飯餓得濟 我未影得切相就拮左黎食咖哩唔會好辣 豬扒又唔會好厚吉列粉好大碟 男士都好夠飽性價比ok!!一路食都一路聽到人嗌外賣店員做到無停手 但態度都好好好明顯係做開街坊生意💛❤️唯一缺點係舖太細坐得唔算舒服 人同人坐得靠貼

有時行過都見到有人排隊，今日差唔多兩點見到唔使排隊就入去試下。一入到去接近8成人，心諗唔係有限聚令唔準過半數嘅咩？坐低要自己剔餐牌點野食，一本唔怕聽錯落錯單，二來慳人手，ok呀！之前上網做過功課，一於點個茶餐試吓大力推介嘅粟米湯同炒滑蛋啦！大約5分鐘送上熱咖啡，咦？點解杯咖啡係體溫咁嘅？算，可能係特色都唔定。。。味道一般之後黎個鮮粟米忌廉湯通粉，還好都叫做熱嘅，當然試吓個湯先啦，入口重忌廉嘅，但係冇乜粟米味囉，望真D點解咁多黑點嘅，上網睇真D，應該係綠色嘅新鮮香草黎個喎，點解會變左鑊撈嘅，再試吓舊餐肉粒，面頭係靭嘅，個心D肉縮哂，我估係油溫未夠就落炸鑪而且炸過龍先會咁。最後係招牌炒蛋多士，賣相一流，食落都唔錯，之但係唔係表面咁滑，睇真D原來係著通炒蛋再倒D生蛋漿響面扮滑蛋，ok有創意喎，抵讚；吖，仲有件多士其實係唔錯嘅。平心而論，唔好因為睇D讚到上天嘅食評而去幫襯就唔會失望嘅，$39蚊個常餐係應該無乜要求嘅，當行過試吓一試無妨，但自問唔會再去喇。順帶一提，衛生環境有好大改善空間！

🥲foodpanda落單叫咖喱湯烏冬送到黎發現係蕃茄湯打咗去問兩次都堅持佢哋嘅咖喱係紅色嘅堅持佢哋嘅咖喱係有蕃茄🥲仲大聲夾惡鬧番我轉頭態度真係不能接受，我覺得送錯餐唔緊要，唔好擘大眼講大話指鹿為馬。另外都唔知係咪真係黃店無從證實。

講定聲新年快樂先 🎆🎉🍾️ 無錯！又來到土瓜灣 🤣 原來佢都收埋好多小店 wo ！今次呢間黃店茶記，都有唔少好評喎 🤤 不過有次🐻想晚市嚟食，去到先發現原來佢剩係開上下午 🤣 大家要留意唷！今次同男友午時黎，睇到佢好受歡迎，無論堂食定外賣 😳 我地order左常餐「鮮粟米忌廉湯通粉配招牌滑蛋、厚多士」同埋「芝士咖喱蛋包飯配日式炸雞」仲跟杯凍奶茶添 😛😛推介/意見‼️（5隻🐻最高分✨）✨ 「芝士咖喱蛋包飯配日式炸雞」🐻🐻🐻🐻🐻本身🐻唔太好日式咖喱，不過今次真係有驚喜，佢既日式咖喱有種特別既甜味再帶少少酸，加埋佢哋招牌既滑蛋同埋香脆炸雞 🍗 總次就好開胃啦🤤 雖然個芝士汁唔算好芝士，反而似忌廉汁，不過個咖喱汁已經贏咗啦 🥰✨ 「鮮粟米忌廉湯通粉配招牌滑蛋、厚多士」 🐻🐻🐻🐻第一次食有粟米忌廉湯底既通粉，唔係hea底，係濃郁既粟米忌廉湯 😳 所以食得好暖胃，而且佢本身加左炸午餐肉粒，不過🐻就覺得似番炸左好多次咁，口感唔算太好，如果改善一下就最好啦🥰✨凍奶茶都係值得一讚啊 🤤 係🐻最愛既茶同奶既比例，而且夠曬大杯唷✨ 價錢‼️$38 「鮮粟米忌廉湯通粉配招牌滑蛋、厚多士」

買3個餐全錯！我明繁忙午餐時間，你錯一個我都理解但3個全錯就難接受囉...沙嗲肥牛米 變左 腿蛋麵煎蛋咸牛通 變左 炒蛋腿通炒蛋煙肉米 變左 煎蛋餐肉米 唯一岩係飲品...Ps: 已經12:40 係open rice落單預計12:55 可取，到舖都等到13:10先有，我已經無吹單係門口等！

因為疫情關係開始WFH了，人又懶，lunch唔會想煮野食。 見土瓜灣fb group都好多人讚一冰廳，今日就決定lunch叫外賣！叫了一個忌廉粟米湯餐肉通心粉，同咖哩豬扒飯wow估唔到外賣都好食，因為好多時外賣真係番盞屋企話唔好食！淨係記得影咖哩

一直放在 to eat list終於來吃啦😋芝士咖哩蛋包飯配日式炸雞，滑蛋和咖喱非常好吃，飯也煮得剛剛好。相比之下炸雞油味有一點點大（個人意見），下次可能會轉肥牛或者牛肋條。總之很好吃，值得去第二回！！

送完家姐返學，肥仔話好想食 #粟米濃湯通粉🍲已經知佢想食 #一冰廳😂😂 🌽#鮮粟米忌廉湯通粉 ❌不含味精➕麵粉❌首先呢個餐可以揀 「早餐自由選」或者 「全日常餐」🌽要推薦呢度嘅 🥩豬扒 / 午餐肉 （厚切）🌽 個粟米忌廉湯好濃郁，鮮粟米嘅味道，仲食到少少原粒粟米，係有心思嘅〰️ 至於係咪真係一試難忘呢，就𝗼𝗸𝗮𝘆 𝗹𝗮 ，未試過都可以一試🥓 #沙嗲肥牛通心粉 💲𝟯𝟱 （➕$𝟭𝟬 轉奶油脆豬 / 芝腿牛角包🥐）➰ 藉得一讚係唔係俾勁肥嘅肥牛 ，而係有d素質嘅，但沙嗲味道一般（正正常常）🥐 個奶油脆豬係鬆軟，但唔夠脆，勁油，可以唔洗試𝗢𝘃𝗲𝗿𝗮𝗹𝗹隔咗成2年冇再食，食物質素同以前差唔多，冇失望亦都冇驚喜，但呢個價錢呢個質素，完全係好𝗼𝗸𝗮𝘆‼️而且老闆員工一樣都咁𝗻𝗶𝗰𝗲，食嘅係 一份「人情味小店」〰 始終未有機會試到午市，下次試完再𝗳𝗲𝗲𝗱𝗯𝗮𝗰𝗸! 🔖收銀處仲可以有口罩😷俾大家歡迎自取（如果唔小心食嘢整污糟咗，都唔洗戴翻個舊口罩，好細心）📍一冰廳 (土瓜灣)土瓜灣長寧街53號地舖

今天來到土瓜灣體育館做運動，然後朋友介紹來到一定聽吃午餐。朋友說這裏的服務態度一流。可是我卻自然接二連三發生了一些不幸的事件。首先，當我來到店裏，職員說要三位後，職員回應說等一等，職員卻沒有給我們等位的數目票，當我發現後，我們要重新等待，結果變成白等。然後當我們點餐的時候，這裏點餐服務是在過膠的餐牌上寫上數目，過膠片可以用刷走，有一位服務人員問我們有沒有價單，我們說沒有收到，然後他就向收銀處說我們仍沒有價單，結果職員發現我們的訂單被刷走，需要重新點餐常餐，本來是午餐肉忌廉湯通粉，可是我轉了粟米忌廉米粉。雖然這裏說粟米是新鮮的，但是我卻吃出是忌廉罐頭粟米。這裏的招牌是炒蛋多士，我認同這裏的多士非常好吃！送餐時候是有點點熱，然後吃上來是非常趣口！熱檸水

一冰廳💛土瓜灣出名黃店，外賣叫過幾錢，堂食都係第一次。下午2點幾到，已經要排隊。多得個限聚令，小店位少所以要排得仲耐。其實真係好多野想叫，奈何眼闊肚窄，佢份量都多架！同女朋友一人叫左個飯，蔥油豬扒飯蔥油份量好足！可惜蛋無叫太陽蛋，撈埋一定勁好食！豬扒係好大塊，40幾$我覺得好滿足啦日式咖喱炸雞飯，招牌之一！仲配埋芝士汁，個咖哩不是普通咖哩磚，係有另外個調味過，有少少辣，但十分惹味，炸雞熱辣辣，3大舊，如果有多啲就好啦野飲用冰杯上，好用心，總結相當唔錯的，有機會黎土瓜灣可以一試！

幫襯左好耐嘅平民冰室😍🍛叫左牛肋條同烤雞 (對面個肉排飯係人地嘅🤣)佢個咖哩汁同芝士汁真係永遠都唔會輸！蛋又好滑好香🥺🥰但肉un左啲啲Btw勁大份🤣次次都食唔曬

老實說，紅土區要搵間可以食嘅選擇唔太多😅（可以坐底食嘅地方，唔計飲品/小食店）一冰廳係其中一間。😀電視係播正常嘅台，唔駛聽到d 誤導性內容嘅節目👍🏻👍🏻👍🏻唔怕倒胃口～叫左兩個餐～1. 全日常餐：粟米忌廉湯通粉，湯底幾濃郁，唔會稀，濃味🤤炒蛋算香滑～而且餐可以轉配唔同嘅餸/唔同粉麵，幾好，頗彈性💕2.全日特餐：車海老配北海道湯咖哩烏冬，我覺得反而似特濃蕃茄湯，而且辣辣地，咖哩味唔夠重，但味道其實係ok 的😂總體：價格合理，滿意的～ 阿姐d 態度都好好（以下餐牌供參考😂）

《粟米忌廉芝士蛋包炒飯配原條鰻魚》$85 真係好好味😋 原條鰻魚已經好正，好肥美🤤 個蛋炒得好滑，加埋炒飯一齊好食，不過如果多返啲蛋就更加正❤️ 至於個汁有原粒粟米🌽，普普通通啦，濃度味道都適中😋 食物質素：8/10 服務態度：7.5/10 等候時間：10分鐘（中午）回頭率：8/10

第一，埋位冇餐牌（算，小事，自己隔離枱拎）第二，安排我入位後先知門口有人等位冇人埋佢第三，叫野食後10幾分先話個餐有d野賣曬第四，遲叫野食既人齊左食左一半我先到左一樣第五，炸物黑到一舊炭咁 硬到刮損個口第六，等左20分鐘吹單 侍應勁快回一句來緊就算第七，食曬野起碼等左10分鐘野飲先到第八，熱朱古力d粉痴到杯邊周圍都係第九，餐牌唔係張張枱有 但牌上又有枱號 野食落枱時亂曬第十，侍應們亂咁走來走去 冇餐出都唔吹單唔幫手第十一，做細細間茶餐廳，唔識變通，唔識互相幫忙，而收銀應該係主管，但只聽電話、收錢，任由入面亂來，唔識主持大局，感覺上最hea就係佢第十二，兩個餐連野飲$116左右，但感覺上$90都唔值咁既服務同食物質素 我覺得係茶餐廳中算係極品差既一間 所以呢間野真係不可一不可再