一品居 (已結業)

因為此街很多店舖,酒戰前幾個朋友來吃飯,我點了燻魚,擔擔麵套餐,燻魚不錯好飲甜了點,但麵很大碗女孩子夠吃了,朋友點了糖醋骨加酸辣湯麵,這個不夠酸辣,但肉很多,3個女孩子吃兩個餐也吃不完..

其實d 野都幾好味....不過個分量真係少得可憐.....咁少野....點會飽?所以睇下d 客有九成都係女仔咁就知咩事啦~~哈所以....如果你係女仔我都會幾推薦你去食喇

小籠包~$20, 一籠有四粒, 汁都多, 但稀同埋肉味唔濃, 皮唔算太薄, 包都ok.鮮肉白菜水餃~$23, 十隻, 原來係袖珍版水餃, 細細隻, 唔係放湯而係放豉油!? 點解唔分開上呀? 食都最後幾隻咪好鹹lor. 不過好彩, 隻餃都幾好味, 一隻接一隻咁, 好快就食晒lu.肉絲湯年糕~$30, 碗大, 實際份量唔係太多. 味道中規中矩啦. 年糕都算煙, 但肉絲就唔多見啦.服務方面就真係大問題啦, 人手嚴重唔夠啦, 成樓面得一兩個待應, 餐廳地方已經唔大ga la, 係我面前走來走去, 想落order又落唔到. 廚房估計一樣係亂到七彩, 經常漏單, 我order3碟, 就分3次, 每次等10分鐘以上! 好彩我唔趕時間, 同埋呢度環境總比茶餐廳好坐少少, 加上尖沙咀區, 呢度算平啦, 所以都無計較啦.

昨晚看戲後，跟友人到這裡醫肚，各人叫了一碗煄魚和無錫排骨麵，轉酸辣湯底，另加豆漿。先來紙杯上的豆漿，真係大開眼界，一間裝修骨子的餐食店，竟然用紙杯盛飲料給客人，服！跟著來了麵，餸是用碟另上，碗麵冇乜湯，而且唔夠熱，味道不過不失；煄魚則炸到乾爭爭，兼冇肉，總之係難食。無錫骨冇試到，不知味道怎樣。還沒有說那杯豆漿，水一樣淡，街邊幾蚊杯都好過佢哋多多聲。埋單才知要收加一，但望勻整個餐牌也看不到另收加一服務費字句，簡直不知所謂，唔怪得拍烏蠅啦

原本諗住去唯一, 點知來錯了間, 唔好食, 又貴. 叫好耐先有人來, 仲要收加一, 以後唔會來!!唯一好味好多...如果想食貴點就可以去翡翠啦!!

主要都係食麵啦~ 有"担担"麵, 拉麵等.味道唔錯, 但份量少, 食完既飽肚感好似只係食左少少"口立濕"咁.環境只算乾淨, 但唔係特別舒服.以尖沙咀一帶黎講, 比佢食既選擇多好多.

懶得行遠搵"譚仔"，就揀左呢度試。我點左套餐要酸辣排骨拉麵+豆漿，男友點左雞絲冷麵。等左一陣就兩款麵同時出場。失望。我碗酸辣麵望落似一碗拉麵走湯，上面再加d 酸辣"獻"。酸辣湯湯料好少，有酸冇辣，麵太淋，搞到好似食糊仔咁。(張檯與座位高度比例唔太好，我矮o既就感覺食麵時好似...個頭"忠"向碗麵咁食)男友個雞絲冷麵望個樣都ok ，幾香芝麻味，不過d 雞肉好多都唔熟，血紅色果種。夾埋食左七十幾蚊，唔會再食。

一行六人去食ｌｕｎｃｈ*六個人叫左三個套餐包甜品同埋野飲。正！本柚子檸檬真係好ＯＫ！叫左醉雞、雞扒同糖醋排骨三個套餐ｄ菜飯真係無得頂！！！！勁好味。係個冷氣凍左少少ｊｅｉ‥‥甜品係芋頭西米露＊勁好味。好飽…賣單都係每人＄１７.５抵！

個日下午2點幾行到附近, 都唔知食咩下午茶好, 但呢間野就好怪, d 下午茶無寫幾點鐘開始, 又唔出聲, 要我問到先比個下午茶set 牌我看, 擺明駁我叫午餐.... =.=我叫了醬爆雞丁菜飯, 跟個酸辣湯, 上台時, 賣相就一般啦, 醬爆雞丁就麻麻啦, 覺得好怪, 落青瓜炒, 味道都可以, 但個肉噪菜飯就不文不類囉, 唔好吃, 菜又少. 我覺得正隆個醬爆雞丁正好多啦, 有腰果, 而且個菜飯好吃, 午餐外賣價都係23.00 送豆漿

琴晚同老公黎到厚福街, 都唔知食咩好. 最後咪入左呢間一品居試下囉. 佢個裝修都係走摩登Style. 但一睇餐牌都係一般京川滬餐廳所賣的菜式, 冇嘜特別.佢呢到有Set Dinner for Two, 價錢由$168-188不等. 包括兩個小菜, 一個飽點, 一個冷盤, 一個小食及飲品等. 但我地最終都係散叫. 叫左韭黃炒拉麵($32), 蝦仁炒年糕($38), 窩貼($15/一客四件) 及一杯熱柚子檸檬($10). 炒拉麵同年糕個碟頭都比一般細, 果碟大概七至八吋直徑. 而質素方面, 拉麵夠鑊氣, 味道不俗, 但如果可以多D韭黃同少D油仲好. 至於個炒年糕…年糕唔夠”煙un”, 仲好似炒得唔係好夠熟. 食落重有少少浸年糕水味. 而D蝦仁仲奇怪…白到好似D年糕咁, 放埋一齊差D認唔出佢係蝦仁. 雖然成碟野都近乎白雪雪, 但出奇地味道都夠, 唔會淡某某. 不過加D醋會更好食. 重有個玻璃汁略為重手左少少. 至於個窩貼都係一般北方Style, 皮厚, 多肉餡. 但佢地果底都煎得好脆(有D生煎飽feel). 味道standard. 本想加多碟炒菜，但一問之下清炒都要成$42…所以最後都係打消

今日交學費前黎左呢到食lunch2個人嗌左1個飯餐同1個麵餐!飯餐包前菜客飯甜品同飲品;麵餐包餐湯麵同飲品;餐湯要左酸辣湯..好飲!! 小小辣..幾開胃雞扒肉燥菜飯-- 雞扒煎得幾香口,,肉燥菜飯普通無錫骨麵-- 好味!! 無錫骨煮得好入味,,不錯!!甜品係芋頭西米露-- 夠凍又唔太甜.. 正!見到小菜套餐好似幾好味!! 下次再來試!!

原本0念住去某間餐廳友人忘了book位，而間野又full 晒，我0地行下行下，見呢間野都幾多人，就走0左入來。由於天氣太熱關係，我既神經系統遲鈍0左好多，坐落安頓好後至發覺應該找間可以慢慢傾到計既餐廳，不過入0左來，都無辦法啦，心想唯有等佢趕時至搬竇啦。我0地望來望去都唔知食0羊好，每個菜都系幾十蚊，醒起呢度系尖沙咀，所以都估到碟頭唔會大得去邊。個服務員來問我地要0羊，我0地叫拒介紹下有0羊系招牌菜啦，阿姐話套餐啦！之後就行0左去。望一望四個二人餐，都系食唔同既野，阿姐果然真系答得好行丫0下。是日叫0左套餐B，個雞絲粉皮，正！個醬不太多不太少，粉皮好滑好彈牙；宋嫂魚羹，好高興既系，上臺時仲好熱，唔錯；小籠包，唔得，裏面0的肉都唔知道系咩肉來0架，食落感覺好唔得；糖醋排骨，最唔掂，細細粒，又硬又乾；蔥爆牛肉，ok啦，都唔再有咩期望；最後，有個Taro 西米露，taro 得一兩粒，都系ok啦。雖然碟碟都系細細碟，我0地都覺得剛剛好，不會太飽或唔夠飽。好既系，個廁所好乾淨，比起有0的大餐廳更乾淨；其實，我想呢間餐廳曾經想做高格調，看看佢既裝修設計，都唔系求求其其，只系而家舊左0的；看看0的碗

和朋友經過,看到新開鋪頭,心想進去試試,叫了個咕嚕肉,嗯!不錯,多汁.回锅肉够嘢味.整間鋪頭紅噹噹幾得意啊!雖然細細間坐落挺舒服,價錢也不貴,下次經過再來.

o個次放工地，經過厚福街見到間紅卜卜o既上海鋪，見到o的橈好大張好似好舒服，咁就行o左入去試試~喜出望外~個酸辣湯o的料幾足、幾夠味同埋松子貴花魚賣相幾靚味道夠新鮮~~~~六十八蚊咋~~值得一試~

約了舊同事和一位從加拿大放暑假回來的朋友食晚飯，諗住去尖沙咀多ｄ選擇。舊同事因為要加班，於是我就和加拿大的朋友逛吓街再順便睇定去邊度食。行過亞士厘道、樂道、出番去彌敦道，再等埋舊同事行去厚福街，千揀萬揀最終揀左一品居。起初入到去都以為ok，只係座位迫小小。坐落睇睇餐牌，叫了一個套餐，有回鍋肉、獅子頭、粉皮白切肉、小籠包、同埋酸辣湯，另外再要多一樣豆沙鍋餅。落單後就和朋友邊傾計邊等，看見隔離檯兩位哥仔只叫了兩個餐加2杯野飲，個阿姐(侍應)都上錯菜，仲攪錯左3次，最後連野飲都攪錯，認真一絕！其實當時都心知不妙，不過都冇計，唯有希望佢食物方面好ｄ。點知，冇一樣係得。個回鍋肉無味，勁求其；獅子頭d 汁又係無味，個獅子頭又唔好味。小籠包又係冇水準可言，酸辣湯更係超難飲。唯一係個粉皮白切肉叫個勉強可以，但也不是好。最後既豆沙鍋餅每人都只是吃了一件。好耐都未食過咁難食既食店。朋友都紛紛講，呢間野都唔會做得長。