一品螞蟻 (已結業)

下午茶唔錯，但服務生態度實在唔好。連桌上的盤子都唔收，要熱水也要叫多次。實在是有些失望。這次來點佐黑椒彩椒炒義大利粉，甜品拼盤，兩人食不夠。因為甜品唔飽肚，又加豬扒法包。義大利粉味道一般，太油。法包好好味，建議試試看。不過服務生態度真係很差，根本叫不過來。桌上有已食完的空盤都不收，直接把盤子疊上去。我都唔知係下午茶唔加服務費的關係還係本身態度就有問題。作為餐廳，菜品固然重要，但服務態度亦然重要。我哋今日食左雖然覺得飯菜唔錯，但態度實在唔好。

The worse service ever!!! A fat boy wearing eye glasses didn't listen carefully about what my order was, and my whole order came out wrongly, no apology and regretful at all!!! Shame on him and this cafe! I asked the manager to come but no one dare to speak with me. Ever the cashier with the worse attitude too. BAD BAD BAD!!!!

同兩個仔來吃晚飯 ，點了海南雞飯，鐵板經典雜扒， 芝士汁焗海鮮飯。味道方面，只能用不過不失來形容，不會有任何驚喜，亦不會令人好不滿。食物的份量算OK，鐵板經典雜扒的份量較大 。上鐵板時有紙圈圍住 ，不用擔心弄髒衣物，很貼心。

建議大家唔好繁忙時間來食，今日因爲趕又出門遲，吉記，大記都full哂排長龍，先去呢間餐廳食。剛開始午市未有人龍，樓面人手好夠，但唔明點解態度要咁差。由未按飛到按飛，由無餐具到要求比义我，由埋單到我要求攞走張單。一直比佢地服務員黑我面同用唔知咩語氣同我講野。埋單我比大紙去找，佢就比好多散紙我。雖然已經計左加一服務費，講真你服務好，我比tips 無所謂。但態度差到一個點，我連加一都唔想比。老實說，我係唔該前同唔該後既人，因為我好清楚不同行業既需求同尊重。無他們，一間餐廳係不可以運作，我們生活不活咁方便，同可享用美味可口食物。To be fair , 佢食物係可以既。唔難食，屬於中等。價錢來講，同區叫中位數，周圍住宅公司既人一定可以afford. Anyway, 如果今日唔係好趕，我絕對唔會比人加我一去黑我面。

位於大角咀奧海城一期UG層的一品螞蟻，食物味道正常，不用等位就能立即入座，而且侍應態度頗誠懇，做事效率okie。餐廳提供午市套餐連飲品，加一後約六十多元，食物有台式、日式、西式；意粉或飯也有。點了一客日式咖哩豬扒蛋包飯，賣相不錯，食物頗快便來到。咖哩是甘口的，而且裡面還有粒粒紅蘿蔔和牛肉。豬扒炸得香口，約有四件，份量可接受，略嫌煎蛋太熟，煮得有點老。整個飯的份量也是多的，吃完後也能充滿力氣地上班。

難得放假的一天去商場搵野食到太多人，見到依間唔洗等位就入左去。鮮蝦蜆肉天使麵大蝦都有三隻蜆肉份量都唔少丫天使麵煮得好腍 好入味！原來海鮮汁都幾好食檸檬芝士蛋糕不要期望太高 始終不是餅店出品 但價錢不貴飯後可一試！芝士不會太膩。

今天去奧海城行到倦，去一品螞蟻下午茶，一入去就有位，坐位空間夠濶及舒服。下午茶選擇都算多，有湯麵丶炒河丶意粉、三文治及西多士等，價錢約$30-50，包一杯飲品，算ok 啦。最好是仲有免費wifi 👍🏻侍應有禮，聽到隔離枱落order時，侍應哥哥會講解及提醒是辣湯底...等，細心😃叫左個法式豬扒包，塊豬扒好大塊，包好脆，配合埋包內的沙律醬，好味！法式豬扒包$35連凍飮加$3, 冇加一服務費，埋單合共$38. 下午茶不錯的選擇。

今日2點後行到過黎奧海城2期, 睇下呢到有咩好野食, 平時lunch time好多附近返工既白領黎食, 因附近有幾間銀行中心。今日晏黎, 見到都有好多位, 唔洗排隊, 所以就入去試下。呢個卡邦尼素雞意粉, 淡淡既忌廉味, 唔會太濃同過漏, 味道好香, 配有東菇及素雞肉, 素食者都可以食, 意粉煙韌, 軟硬適中。呢杯桂圓杞子百合茶轉餐飲要加$12, 都幾大杯, D料好足。百合好大粒, 仲有杞子同桂圓肉, 入口清甜滋潤, 真材實料, 唔係沖劑製成品。

一品螞蟻係我幫襯了好幾次之餐廳。今晚因為唔係好肚餓所以點了一客德國黑椒豬手連意粉及一客菠菜作為二人嘅晚餐。上菜嘅時候德國豬手係用鐵板上，琳上黑椒汁椒嘅時候非常之嘢味。我覺得這黑椒德國豬手好大份足夠二人食用所以10分抵食只係＄118一客。豬手皮非常之脆。總括而言係抵食夾大件。值得推薦給大家。今晚我再次到訪呢間餐廳其中一個原因係佢哋有鮮榨嘅菠蘿木瓜汁非常之好飲但係佢哋而家已經換咗餐牌沒有再供應呢個飲品啦，十分之可惜。希望佢哋會再次擺呢個飲品係佢哋嘅餐單上。希望下次到訪嘅時間再次見到呢個鮮榨菠蘿木瓜汁係佢哋餐單上邊就好啦。

星期日午飯時間一點半左右，不用等位。午餐有意粉、飯等選擇，或者湯麵。被它的名字吸引著。上枱很香，但食落只有淡淡的芥末味。比起以前紅螞蟻在厚福街發跡時的芥末焗飯味道相差甚遠。不過入口尚算美味。所謂野豬肉腸只是噱頭吧，肉質很人造feel，有點怪怪的。

普通過普通的餐廳，仲要食物同服務都唔掂！明明都已經唔係咁多客，叫落單都要推比D細的樓面去寫？乜野意思，碗湯有沙，見個經理行過有率眼又率鼻又率頭髮又行入廚房攞食物，都唔知衛不衛生！食物本生就不好食，成過百元一個餐（主食+湯+餐飲）早之食大家樂好過！

長假期結束前的一天，因為晚上早已安排了豐富的晚餐，決定簡單的吃個午餐了事。近近地來到這商場的「一品螞蟻」，隨便的叫來一個「秘製非洲汁焗雞髀扒伴薯菜」（$60），名字就夠花巧了，但這冒牌的非洲雞辣味不足，只得大量的茄茸，感覺不倫不類的，最大的優點只是雞髀扒甚為大件厚肉，加上陪襯的薯角也有不少，吃上一大件雞排和薯角，絕對夠飽，可以彌補這午餐既無餐湯，也無餐包的不足。這午餐的主角就不過爾爾了，反而餐飲的「熱咖啡」沖調得還不錯，濃香提神，比主菜更來得優勝，實在意想不到。

見新開。橙色sofa環境幾靚 .所以一試  我到底係咪叫錯食物? 其他客叫飯 。意粉果d賣相正正常常而我叫左個set lunch雜菌豆腐湯河 包一杯飲品 碗河粉材料有1，碎濕濕的菇頭菇尾。主要係秀珍菇2。三粒超市賣十蚊三條的玉子豆腐 (非豆腐) 3.一條變色的生菜 湯底係超濃味精 最重要係。如果呢碗河粉賣$20我覺得好正常合理。但呢碗河粉加一 係$$$47等於一碗味千拉面or譚仔面加小食的價錢我從來覺得一分錢一分貨。。但呢碗河粉好明顯令人失望    我給餐廳的意見係         如果不拿手做一類菜。勉強推出只會拉底 餐廳水平。不如集中拿手招牌菜

同家人一起進食，點了下午茶餐，米線唔夠熟，要求翻煮後仍然好硬，卤水雞翼的肉太奇怪，放在口裡，沒有牙齒也可以退去，質疑食材。不能接受新開餐廳的水準這樣低。每天經過也是小貓一兩隻，甚至無人問津。