一品螞蟻 (已結業)

今天去奧海城行到倦，去一品螞蟻下午茶，一入去就有位，坐位空間夠濶及舒服。下午茶選擇都算多，有湯麵丶炒河丶意粉、三文治及西多士等，價錢約$30-50，包一杯飲品，算ok 啦。最好是仲有免費wifi 👍🏻侍應有禮，聽到隔離枱落order時，侍應哥哥會講解及提醒是辣湯底...等，細心😃叫左個法式豬扒包，塊豬扒好大塊，包好脆，配合埋包內的沙律醬，好味！法式豬扒包$35連凍飮加$3, 冇加一服務費，埋單合共$38. 下午茶不錯的選擇。