一品螞蟻

營業中

休息中

星期六放工本來想去壽司郎，用APP預訂時間失敗，所以諗住去到排隊，點知當日已經唔會再派籌。咁唯有搵第啲嘢填肚，一出門口就見到間食肆，天氣熱求就腳有位唔洗等情況之下入去食個晏。入到去先量體溫後安排入座，目測都有6-7成食客，不過座位距離都算幾寬闊，感覺唔會太逼。我哋揀咗假日午餐連飲品:-牛肝菌醬雞粒燴飯伴安格斯小牛排，份量唔太大，伴飯口感似Risotto，外部柔軟而中間仍帶啲硬硬哋嘅口感，個菌味醬汁香濃配上嚼勁嘅飯粒簡直係完美結合。飯內有啲秀珍菇同雞肉，飯面有5、6片所謂安格斯小牛排，牛味唔突出，但食落鬆軟。蒜香豬仔骨酸辣湯髮絲麵，個酸辣湯底一啲都唔酸又唔辣再加冇嚟味道，仲有少量唔熟嘅津白件。髮絲麵如其名纖幼而有彈性，麵浸耐咗都冇話淋同爛。豬仔骨4件細細件另上，外層香脆、肉質嫩滑，醃味得宜但蒜香味欠奉。服務、環境同食物都好一般。

好幾個月疫情之後... 發現原來此篇稿件一直儲存未有更新😒這段期間沒多動力上載... 很多食肆也受疫情影響停頓一段日子....😥又到晚飯時候，雖然黃埔區食肆都有很多… 到要決定幫襯哪家時又有點困難🤨見到門外餐牌價錢合理…多選擇😌便選擇了"一品螞蟻"試試😅其實餐牌多…選擇多🙄越看越花多眼亂🥴真係有點選擇困難症🤭最終都係睇返墊餐紙上的套餐G，另一半就選"廚師推介" 晚餐C 菠菜忌廉汁焗龍利柳飯套餐G...前菜係大蝦沙律😍賣相不俗，用鮮雜果，忘記了有冇薯仔? 略嫌沙律醬汁太多🥴廚師推介...晚餐C前菜三文魚沙律...主要係沙律菜加片三文魚，一般沒有驚喜。主角終於出場🤗香煎豬扒加蘋果及龍利柳焗飯😂煮熟了生果熱食都係怪怪的🥴興趣不大😵豬扒還可以，一般煎熟沒多期望，肉質鬆軟，但略嫌油膩😔焗飯賣相也不用多介紹🤭見圖也知極多忌廉汁🧐味道一般，魚柳有點鹹😒餐飲奶茶咖啡中規中矩😅茶餐廳口味🤔奶茶尚可👌其實之後都有再幫襯過午餐，價錢🤏😅簡單速食👌沒要求啦😆

星期日食早餐方方便便食樓下間早餐店環境舒適落地開陽 店員服務都唔錯-📌沙嗲牛肉煎蛋米粉（💰34）煎蛋🍳可以揀太陽蛋或者熟蛋米粉可以轉面或者通心粉成個湯個味都幾濃幾重沙嗲味(⁎⁍̴̛ᴗ⁍̴̛⁎)牛肉份量都足夠 不過略鞋-📌香煎薄牛扒、西煎雙蛋、茄汁焗豆、配餐包（💰40）依個價有咁多嘢(˶‾᷄ ⁻̫ ‾᷅˵)其實真係幾抵食🥩牛扒去係薄牛扒唔會話好鞋💕都幾好咬口🍅茄汁焗豆就微暖既嘅🍞餐包就正正常常有再焗番-📌嘢飲方面就叫咗熱奶茶☕️都幾重茶味🍵有少少淡、可以再濃啲

#吽黃埔 | 有得揀，就是爽😍✨✨✨✨✨✨✨✨✨✨✨✨📍一品螞蟻 Ant One 紅磡黃埔天地時尚坊(第2期)地下G9號舖Shop G9, G/F, Fashion World (Site 2), The Whampoa, Hung Hom評分 score : 6/10 ⭐️⭐️⭐️⭐️⭐️⭐️ ▫️ ▫️ ▫️▫️味Taste : 5/10飽 Portion: 7/10抵 Value: 7/10🥦🥚 香煎素蝦雜菜鮮菌烏冬蛋餅 Panfried udon with veggie shrimp, roasted vegetables & mushroom in egg - $68餐牌有幾頁的素食選擇，有選擇就是爽！終於可以在朋友前扮扮討人厭的選擇困難症😆 蛋餅是餐廳所推薦的，上桌時感覺份量有點少，但吃起來就有點多。可能較少調味，還有烏冬在蛋餅裏面，所以相對燒汁有點不夠👉🏻👈🏻 不過吃太濃也不太好🤡話說跟餐會免費跟餐送新鮮西瓜汁，又覺得好像抵了😋

去紅磡黃埔天地逛逛，人流不多，比往日的周六清靜多了。下午茶時間，見到「一品螞蟻」的食客都不少便入去試一試。叫了一客薄牛扒煎蛋意大利粉，好惹味的黑椒汁，牛扒的稔滑，意粉質地熟度也非常好，是一客可口的下午茶。牛油煉奶西多士 也不錯，雖然是很普通的食品 但是服務員熱誠有禮，知道我們會分享食物，便主動給我們餐碟，小小一個舉動足以令顧客再來光顧。

今日去咗黃埔做嘢可惜lunch time定係得半個鐘 見到ant one 有位就即刻入去 嗌咗一個 牛肉咖哩蛋包飯 ， 咖哩好香甜 蛋有夠滑，飯既份量唔算太多， 每一啖都食到蛋咖哩同飯， 口感好豐富， 估唔到一個快飯可以咁好食 ，飲品仲有得揀西瓜汁，西瓜汁都幾香幾好味如果下次有時間再試下其他唔同種類嘅食物。

以前公司要返星期六嘅時候，一大班人連埋上司都鍾意嚟食早餐。但平時都鍾意嚟呢度食午餐，呢度選擇夠多而且比較decent , 今次就同同事去試吓呢度嘅set lunch. 睇到set lunch嘅餐牌，就胃口大開。雖然今日冇非常聞名嘅牛脷餐，但我點了個非洲汁焗雞髀扒伴薯菜, 同事就點了一個台式肉操配香辣雞小腿飯。台式肉操雞髀飯，同事話味道唔錯，佢之後兩三啖就食晒。以我嘅非洲汁雞扒配薯格，類似蕃茄蓉汁淋上面，賣相幾靚加上底墊住一塊塊鬆脆薯格非常香口嘢味，在面上嘅雞扒亦非常多汁可口，配上酸甜味嘅秘製非洲汁成個餐好match到㗎，最重要係杯餐飲，呢度最出名嘅係杯香滑咖啡，一啲都無酸苦澀。香濃又滑飲完口腔有餘韻。黎親呢度食飯都覺得好圓滿。

三人行食返個下午茶先～經過依間門口決定試吓啦～睇落個餐牌都幾吸引唔知好唔好食呢蜜汁豬軟骨麵有四種湯底可以選擇～我揀咗椰香海鮮辣湯～湯底食落都算濃～不過唔算太好味～湯就多粉冇幾多～有大約三舊豬軟骨～食落都幾淋幾入味～配兩條生菜味道一D都唔夾黑椒雞扒煎蛋意大利粉～可以配燒汁或者黑椒汁～份量好少～個碟就好大～雞扒得三份之一塊同煎蛋差唔多大～孤寒到一個地步～再加一隻蛋$55真係貴到飛起～仲要食完一D都唔飽～雞扒冇乜味～意粉煮得太耐唔彈牙下午茶餐配一杯飲品～一杯好立克一杯熱咖啡～沖得太多水完全冇味服務麻麻叫極都無人應～依間嚟一次好啦～真係冇下次

難得的工作機會去到黃埔，見到一間裝修唔錯既西餐廳便去進食午餐！lunch set價錢分西餐及粉面，粉面大慨$40-50，西餐就$60-70左右！今次選擇左日式炸雞蛋包飯，好有驚喜！（$60）第一係蛋包飯好多茄汁而又整得好靚，一見到賣相已經好想食🥰🥰第二係佢個炸雞炸粉同雞既份量約一比一，唔會只係食到粉皮，一細舊一細舊甘，又好適合淑女細細淡食lunch😊😊加凍飲$3而且可以選凍西瓜汁（免費餐飲）係一個好舒適又優雅既lunch set🤤🤤

呢間西餐廳價錢唔算太貴，環境都算大幾舒適，嗰日同朋友係到食晚餐，都係嗰到坐左幾耐傾計，可能因為唔算好多客人排隊，所以侍應都冇話係咁執枱抹枱，好似趕你走咁，所以坐得幾自在。但野食就真係麻麻🤢🤢🤢🤢餐牌上面其實都係普通既扒阿意粉嗰啲，但樣樣味道都麻麻😖😖首先，個湯偏淡，好似溝左水咁🤮然後，個意粉味都好淡，啲忌廉汁唔杰水汪汪咁，食曬啲意粉，仲有碗汁係到，變相啲意粉食既時候會冇乜味🥴🥴🥴🥴

在紅磡黃埔有地鐵後，到黃埔花園次數也多了，今天毛毛細雨，自然找地鐵出口附近的食市。一品螞蟻是連鎖店是信心之選，當時剛是12 時，店內只有一兩枱客，很多空枱包括卡位，但知道是兩位就只許坐對位的多人長枱，其實我們吃完都未到1時就離開，何必這樣吝嗇。午餐選擇不錯很多元化，我叫了炸雞蛋包飯，價錢只是60元，賣相和味道都不錯。朋友要黑松露醬白汁海鮮意粉，一般水準，但價錢只是68元，可算實惠。每個套餐配有餐茶。如加16元，則可配餐湯或蔬菜或北海道牛奶布甸，更可滿足大胃王。

約咗個客喺黃埔開會, 佢話塞車要遲啲 ,咁我就搵間餐廳坐下啦, 眼見呢間舖頭有落地玻璃,感覺開揚, 就入去坐低叫早餐 。呢度全部都係大卡位或者四人枱， 地方亦都好闊落, 仲有 freewifi， 真係食早餐當中又可以用電腦， 好似去左starbucks咁。呢個就係我揀嘅F餐， 有豬柳， 白菌腸仔 炒蛋 ， 仲有個餐包。成分餐最重點就係塊豬柳， 熱辣辣， 一定係即刻煎唔係微波爐翻叮， 肉質好淋， 調味都唔錯。 個餐包就丁咗下都叫暖暖地， 最麻麻就係嗰個腸仔炒蛋, 要用放大鏡先搵到兩片白菌， 我就略嫌偏油,$38, 都屬於係中高價嘅早餐, 有啲要求唔係好過份啫 。

平時全家都會成日嚟呢度食嘢，因為無論早午晚都幾優惠，質素穩定，尤其是有黃埔卡同會員。黃埔卡適用於一至五，會員都係一至五有九折，儲分可以換野。服務都算幾好。琴日就試咗個早餐兩人$100有找each 3x-4x, 加$8有嗰個通粉質素就一般般啦，唔差嘅，至少啲檸檬都唔會好似出邊有苦澀味。分量就咁睇有少少單薄，不過做brunch都夠飽。所以無論星期一至日，咩時段都好多人去食, 但又通常剛剛好唔使等位Keep it up!

中午在紅磡區搵食，真的不易，準時放lunch,立即衝出去搵位，但已經要排隊等候，幸好只等兩張枱！侍應問我趕時間？我說「係」！又不是高層，當然要準時返去！她先把menu給我👀，挑選午餐後再告訴我坐的位置，座下不久就送上午餐及餐飲秘製非洲汁焗雞脾意粉：份量ok,但汁不夠多，如果送上少碟沙律🥗就更好！我最欣賞午餐可以選擇鮮榨西瓜🍉汁

周不時都會食呢間，貪佢位置方便，坐位闊落又舒服。而且座位多，每次去都會有位唔使排隊，減少好多煩惱。午餐餐牌都幾多選擇，主打有呢個西式 lunch set ， 一至八號，豬牛雞魚素食俱備，價錢都係五十幾至七十幾。若果想清淡啲，食碗粉都得，從 A 至J 有肉有丸，配埋餐飲都係五十有找，實在是潮州牛雜魚蛋麵店之價錢咋......今天唔肚餓，食碗麵好了。係豬軟骨 mix 紫菜魚卷米粉，連埋餐飲同加一，盛惠 $54。湯夠清，唔油膩；豬軟骨好入味，又夠淋；反而紫菜魚卷就比較淡，冇乜味。最後，杯咖啡仲好有水準。抵食啦！