一品螞蟻

營業中

休息中

今日同男朋友七點鐘就出門口去佢公司附近食嘢然後我再搭車返工😅上次經過呢間餐廳見到早餐選擇幾多，價錢合理，所以就黎試下～值得一讚既係落單後店員會主動遞杯浸住餐具既熱水畀我哋，抗疫衛生方面做得唔錯👍👍我地各自叫左個自選粉麵，男友揀左雪菜火鴨絲米粉，我叫咗黑椒雞扒米粉， 大家都係配蒜蓉丹麥 多士，腸仔煎蛋同埋熱齋啡😅我嘅雞扒煎得唔香，亦冇乜黑椒味(其實成塊雞扒都冇乜味)，水準非常一般👎腸仔太淋又有點太乾身，肯定唔係用廚師牌🙈 都係麻麻～煎蛋正常，米粉尚算彈牙反而件蒜蓉丹麥多士令我有驚喜👍蒜蓉夠香而且夠酥脆，好味😋咖啡唔太香亦都偏淡咗少少，不過還可接受環境幾舒服衛生做得幾好，都算對得住呢個價錢既～

今日去左黃大仙附近探朋友，諗住食埋野先返屋企，假期關係商場食肆都大排長龍，見到一品螞蟻居然唔使排隊，就入咗去試吓😂座位都好闊落，下午茶時間但客人唔算多。其實仲有下午茶，不過想食飽d，就點左我最愛的海南雞🐥飯😂😂食物好快就嚟到，賣相都好吸引😍雖然是午市套餐，但份量都幾多，雞件夠滑啖啖肉，油飯夠香，三個醬汁都好味，整體質素都唔錯😋餐飲點了凍奶茶，正常餐廳質素🧋😋總結：海南雞飯好食，加上唔使排隊，不妨一試👍

尋日同朋友去食飯，見到呢間一品螞蟻呢家都幾平，仲有折扣優惠，所以就決定食啦，晚餐都有幾多選擇，但係飲品要用半價加購，如需餐湯都要再加錢，即係無set食，最後我揀左食雞扒肉燥大碗飯56蚊，加多10蚊飲即磨咖啡。坐左一陣有嘢食嚟了，啲肉燥正正常常，無咩特別，同台灣比爭啲，但要同台灣比係唔公平，我大致覺得味道似新X陽罐頭，之後佢有一舊翠玉瓜做配菜，因為我好鍾意翠玉瓜，所以即食左先，佢上面係加左啲調味料，似係七味粉加椒鹽，超級鹹同有少少辣，辣都仲可以接受，但個鹹呢，真係無得搞，我以high晒落啲飯先食到舊瓜，但啲飯都變鹹咗，之後佢舊雞扒有切開都細心，有炸過下的，但係無味，似係一塊無調過味的雞扒拎去炸，再上碟，可能因為佢葱油的關係啦😒。個即磨咖啡ok的，奶唔算太多而令到咖啡無左香味，算大杯。佢環境ok，坐得幾好，舒舒服服，所以我地傾下計咁，大約9點半左右，我估計佢地要埋數所以放低張單，之後過左一陣，大約五至十分鐘到，個職員就話麻煩埋左張單先，態度麻麻，我明白你地要收工，但係可唔可以禮貌啲，講句唔好意思，我地要埋數，可唔可以埋左張單先，我一定體量你，但咁的態度令我呢餐飯變得唔係太開心。因為我食唔晒

我一般都係星期六，日在這店食午餐或下午茶，只有一次食晚餐，食物是可以的，最主要是喜歡伙記不會吹你走，好適合假期來慢活一下。他們的湯麵類和牛扒都唔錯，食午餐或下午茶餐，可以加$6有個油菜，可惜永遠都只得娃娃菜，若果可以有多一、兩樣菜轉換下，那就更好了。另外想提一提，這裏的炸大腸竟然好好味，沒諗過這樣刑式的餐廳會做到好味的炸大腸，不過始終少食為妙，我只食過三、四次。這是黃大仙區少有坐得舒服、坐得耐的餐廳，又實惠，會keep住嚟。

行街行到攰攰地，求其搵左間舖坐低下午茶，叫左個甜品，雖然睇落去顏色唔多吸引，全白色，不過食落ok，個香蕉夾餅幾好，餅係脆既，仲有一杯餐飲，咩都試到，抵過單叫好多

星期日嘅下午, 整個黃大仙中心北座, 間間食肆都要排隊, 唯獨是一品螞蟻冇人排隊, 對於趕時間嘅我哋, 呢個係一個吸引。坐位舒適寬敞。午餐有麵、有飯、有意粉, 選擇算幾多, 價錢中等。叫咗一份「椰香海鮮辣湯香茅豬扒河粉」、及一份「滑雞清湯蜜汁豬軟骨髮絲麵」, 熱奶茶及紅豆冰。先講「滑雞清湯蜜汁豬軟骨髮絲麵」 - 好味! 份量十足, 大大碗。湯底清, 豬軟骨味濃肉淋, 骨嘅部份已經燜到變成好似筋咁, 好好咬口; 髮絲麵亦比預期好味, 麵質爽口清新。 所以食呢碗麵食到唔同嘅質感、味道、同埋口感。熱奶茶亦係比預期好味: 濃、滑、厚身、味香濃。雖然未至於茶王嘅級數, 但都係屬於好味嘅港式奶茶。跟住要講下唔好味: 「椰香海鮮辣湯香茅豬扒河粉」- 湯冇乜椰香味, 而且偏鹹; 豬扒碎上, 味道似香橙骨, 好奇怪! 河粉較碎。紅豆冰 - 稀, 冇乜奶味。- - -至於不快經歷: 一位身材瘦削細粒嘅男侍應上錯咗個「椰香海鮮辣湯豬頸肉河粉」, 我哋向佢提出, 佢冇講聲「唔好意思」, 就快速攞走咗碗河粉... 而態度、表情都好似係客人做錯咗咁。極冇禮貌。

住黃大仙，所以算係常客，今次星期日中午黎食兩個人叫左兩個Lunch set，日式雞翼面&老干媽酸菜火鴨絲面日式雞翼面，個髮絲面淡而無味，不過雞翼好好食😍老干媽酸菜火鴨絲面味道好，幾開胃😜兩個麵份量都算多🙆🏻‍♀️

那天去黃大仙時間比較早最後去左食d間餐廳因為貪佢有中式、西式早餐~~咁大家就可以選擇到各自心水啦~~🙆‍♀️🙆‍♀️🙆‍♀️佢都密密有食客入~~佢早餐時段都幾忙~~😙😙😙餐廳以木色調為主~~幾乎全部位都有一邊沙發位~~夠闊落坐得都好舒服~~😎😎😎佢仲放左好多木製品做裝飾架~~小心思~~💕早餐選擇多元化~~大部份是平常食開的西式早餐其中一樣特別dd的是佢個自選麵餐~~配菜竟然有枝竹冬菇、酸菜火鴨絲~~🤡以早餐來說，都幾特別~~😆😆😆佢仲有埋中式早餐提供~~好似粥、炒麵、煎腸粉~~中西式早餐都有~~各選所愛~~😎自選麵餐 ($31)午餐肉、腸仔全都有煎香~~☺☺☺公仔麵軟硬適中，量都夠，湯底正正常常牛油方包的牛油偏少~~🤷‍♀️這個麵餐中規中矩，正常麵餐，沒太特別~~香草豬肉腸 + 煙肉 + 煎雙蛋 + 牛油餐包 ($32)香草豬肉腸咸香~有微微黑椒味~都幾好味~🐷煙肉就煎得可以再香口少少~🥓餐包就烘得乾左少少~🥐這個餐一般一般啦~~😶😶😶自選麵餐 ($31)黑椒雞排腌得咸咸香香~~微微黑椒味~~🐥雞肉不會太柴太乾~~仲碎上埋~~方便食~~不錯不錯~~🤤🤤🤤米粉不會煮得太軟，都夠多，好大碗~~雞蛋

餐包香軟羅宋湯勁酸，好好飲豬扒肉臭轟轟，好似有醃過香煎蘋果味道特別，水果香味固在軟滋滋的果肉薄片內宅在家裡讀愛玲的書如何都罷不了手，餓了兩日，今日食完血值恢復100格

試過幾次Ant One午餐, 覺得性價比幾高, 同朋友出開黃大仙就過嚟食晚飯兩個女仔食量都唔算大, 就叫咗一個‘諾曼第豬扒餐’share。跟湯餐包烘熱咗好好食,湯就正常水準啦。主菜份量十足, 好適合嗜肉人士。因為諾曼第Normandy盛產蘋果關係, 煎豬扒亦附上兩塊蘋果, 整個配搭好match, 食落好fresh, 可以解膩另外仲叫咗兩份小食(豚肉金菇卷&馬拉盞炒高麗菜), 味道唔錯但份量非常少, 有啲失望可能夜晚關係, 餐廳樓面唔算多侍應, 所以好多時客人都要舉手等一段時間先有服務員見到, 呢方面餐廳要作出改善

嚟咗幾次呢間食早餐，覺得佢好抵食味道唔錯我哋約咗9點零鐘，呢個時間人唔係好多隨便坐，而且啲位置都好闊落唔會話好迫，咁我哋兩個人就坐係卡位啦早餐嘅款式都算唔錯㗎啦，有三文治、扒、粥麵同埋米粉呢啲都照顧到我個friend食沙嗲牛肉米再加腸仔煎蛋牛油餐包，我上次都係食佢個沙嗲牛肉麵，但係今次就食雞扒米沙嗲牛肉個friend話啲沙嗲味好濃郁米粉亦都煲得啱啱好唔會話好硬，因為個friend佢病咗所以要求整咗隻熟蛋，不過條腸仔有啲硬我食嗰個雞扒雖然啲雞扒唔係話好多同埋好大件不過早餐來講份量係可以的，太多就濟了，仲有一條菜添餐牌上係寫煎蛋不過可以轉炒蛋唔使另外加錢埋單平均每人$33蚊，呢個環境呢個份量嘅食物算係唔錯㗎啦，住黃大仙嘅朋友得閒可以落嚟食早餐🥣

星期日夜晚大約7點9個人去食飯，但因為個個都唔係好肚餓，所以都只係叫左5個餐沙嗲雞肉串拌香草炒意粉 意粉只係就咁用香草煮，感覺好fresh；雖然係炒，但唔係好油，一D都唔膩沙嗲汁係另上，所以自己鍾意點幾多就點幾多喇芝士汁焗蘑菇煙肉意粉 又係一pat芝士，好cheesy，煙肉好香，不過E個就有D膩喇但料唔算多，不過$50幾算係咁香檳芥末汁焗美國牛肉飯 唔知D芥末係邊，個飯白色的，完全見唔到芥末亦食唔到有咩芥末味不過牛肉都正常，有少少芝士味Caesar Salad 普通冇太大特別，同出面果D差唔多芝士焗西蘭花 超多芝士，好cheesy，如想食菜可以叫E個

初六期間尼食好多人，好爆，不過服務員做野出餐都好快手，唔知係咪因為快手D，客人可以走快D，因為出面實在太多人新年menu lunch set$140今次係食雜扒薯菜，有雞扒，牛扒，豬扒，薯菜係炸薯角餐湯係西蘭花忌廉湯，完全冇西蘭花味，冇忌廉味，得鹹味好澀主菜份量唔多，食唔飽，薯菜其實大約得8-10件，仲要唔脆，焦皮，唔熱，唔知係唔係靠D汁整熱佢所以唔熱西班牙茄汁焗雞扒飯，份量好少，食完唔太飽雞扒偏硬，唔夠熱

不知不覺巳經係年初十一，沖太歲生肖可免費進入黃大仙拜太歲廟太好了。今日做隻單身狗去拜太歲同月姥爺爺，三點半才去咗商場覓食。 以貌取店係我强項，選了裝修時尚的"Ant One" 下午茶☕，點了黑椒牛脷絲炒意粉及凍飲，之後才發現可以加錢變雪糕紅豆冰，還可以加錢加原味/芝士布甸😅。送餐速度快，可能係下午茶時段，服務員都忙於各自各閒談，黑椒牛脷絲炒意粉味道可以，有口感……但🤔好像是清炒或走牛脷絲般，連洋蔥絲也寥寥可數一分錢一分貨，以這個價格享用有裝修新款茶餐廳，不能太多要求吧！

食過幾次一品螞蟻，味道ok的。價錢合理而環境舒適。下餐、下午餐、晚餐都食過，就係未試過食早餐。11點幾 襯仲有早餐，叫個早餐C先* 早餐供應時間：7：00-11：30選擇上有西式、中式（粥+炒麵）、湯麵類、輕食（三文治）小妹揀左 早餐C $35(黑椒雞扒🐓、腸仔、煎蛋🍳、牛油粟米🌽、餐包🍞）熱咖啡☕雞扒食唔出有黑椒，但勝在肉質嫩滑其他腸仔、蛋 正正常常，不過不失。$35 唔駛加一都算ok抵食，同埋野食出得好快