一寿司 (已結業)

其實我自己就個個月都有食一壽司食物質素就次次都唔同我主要去都係食三文魚,蟹棒同赤貝等等食物都係普普通通半價的話都過得去反而值得一提就係服務態度全部侍應態度都幾好由其係有一位應該係經理(穿黑衫)叫到我揮手都會即刻過黎拎單追單等等有d食店而家做唔到咁再串d可能話你唔等得咩?所以食物雖然普通但服務態度都搭返夠

由於聽過宣傳己久的一壽司有宵夜時段,終於有機會一試.好彩都唔算多人排隊,我記得等咗大約20-30分鐘己有位.吞拿魚壽司都係爭啲!!其它都不過不失啦.不過壽司豉油好似偏鹹!3人埋單HK$404博士評語:一試無妨譔寫日期:2010-05-27

第一次去呢間食, 入去望見d壽司明顯細舊過人, 價格貴d就預左, 希望好食, 但係好失望, d飯一夾就散之餘仲唔好食, d料新鮮既, 不過都係少同薄過人, 茶無味&涷, 食左幾碟就埋單, 不過都兩舊水喇, 真係食環境?? 得個好長既魚缸咋喎......

大約七點幾路過見無咩人, 自己又未試過一壽司, 所以決定入去一試, 對住一個大魚缸食飯都唔錯.三文魚壽司 : 幾肥美, 可以接受帆立貝壽司 : 味道麻麻, 唔夠新鮮海膽軍艦 : 有少許苦味活赤貝壽司 : 完全唔鮮甜, 淡而無味燒玉子 : 厚身大件, 但煎得太老金龍卷 : 唔知點解d蟹子面無血色, 但都幾好味, 因為蝦天婦羅新鮮炸壽司飯水準參差, 有時太多醋, 令酸味太重, 而且迴轉帶上的壽司飯太硬, 不知是否放太久.這裡的豉油偏鹹.用這個價錢去板前會比較抵!

第1次黎呢到食lunch , 之後都無食夜晚多。佢地lunch 有lunch set , 四十幾蚊有個餐, 都幾大下, 一個人食唔晒, 2個人又唔夠食。我同個朋友share 左一個壽司餐, $45有幾款卷物俾你揀, 每款有4件, 可以揀2款, 姐係總供8件壽司, 再加一碗細細既拉麵。其實2個人真係唔夠食, 不過又唔想自己食一個餐咁多, 所以最後係唔飽咁走嫁。佢地d 壽司ok啦, 而碗拉麵食落ok, 但食完就令我一個下午都好口渴, 我諗係味精太重了。而朋友食個d lunch set 就話飯太咸, 汁太"傑"。應該唔會有下次。

友人贏了韋達騎師王，話約出來食飯賀一賀佢，夜晚佢就唔得閒就約我星期六下午﹗來到尖咀，左諗右諗都唔知食咩好，最後佢話好想試下一壽司，就來食大佢﹗星期六的三點時間，人客得幾個，找了個中間的迴轉枱就座。有個大魚缸在bar枱後，靚係幾靚，不過好似得幾條魚咁既？有幾樣季節限定，一於試下，先說五色壽司，有隻叫做毛茄壽司，口感十分之核突，有點似肥豬膏的感覺，我就真係頂唔順，什麼都吃的友人就叫座叫好﹗這兒的蟹棒味道不錯，大條得來夠味道，雖然知道是蟹柳之流不過食得過﹗三文魚壽司色水分明，夠香軟糯，好吃﹗帶子幾大件，入口亦軟熟，可惜味道不夠濃。炸鯖魚仔好腥，我唔識食﹗和牛壽司第一次食，和牛是打成免治狀的生牛肉，牛肉味雖未算濃卻新穎有趣，值得一試﹗無飲野埋單食左成三百蚊，一壽司的味道在板長之下，當然比元綠好了﹗

一定要CRAZY HOUR黎食先抵! 總覺得食日本野唔抵,,~ 甘細碟就甘几蚊...~見到呢晚冇咩人排隊就拿拿聲去啦..~~好少可架MA!!!等左一陣好快就到我地LU~好例牌甘叫下三文魚,蝦果D ... ~有個芝士蟹籽壽司好好味,好有芝士味.但又唔會太濃,唔會令到蟹籽食落有腥味~欣賞佢個三款三文魚,唔洗諗甘多,ORDER呢個可以食哂3種味,GOOD!!不過黑椒果個好重手啊..><蛋:唔好睇佢甘大舊甘厚..食落完全唔漏~~唔錯..~~~不過就唔滑..~芒果蟹籽沙律:一定要有芒果!!!!味道會FULL D ~~特長鰻魚壽司:必食~~XD

同朋友係尖沙咀相約做事,完成之後已經晚上9點,之後就相約去食壽司,嘩!簡直多人到無法形容,餐廳9時11,已經肯放人入去食減價時段,我地4人,不停地落單!落單!落單!落單!落單!落單!落單!好好彩,師父絕不偷懶,快手快腳!三文魚:新鮮!~好味呀~蟹子壽司:好重魚鮮味!掂!天富羅:無得頂~勁好味~蟹子沙律:味道好清,好清~我一定會再去食過~

本來諗住去隔離間initial食, 個度水準非常不俗, 無奈今晚晏左去, last order都無埋, 咪轉戰黎呢間, 見佢有分店又成日有人排隊, 諗住叉極有個泡, 點知...食野都係信自己口味最好, 人云亦云根本唔work第1碟既蝦sushi同第2碟辣辣wasabi sushi都好味, 無奈再望下張sushi bar既貨色...來來去去個幾款, 5隻手指數得哂...d三文魚sushi, 簡直可用貧瘠黎形容, 不但細舊仲要無厘血色, 唔駛睇都知唔新鮮. 未試過食bar枱食一d意慾拎野都無...一係舊飯細得離奇, 一係舊魚生青bb, 睇見都唔開胃收人幾十蚊既一件爛鬼a5和牛sushi, 真係失覺哂, 食左都唔知, 牛無牛味. 不過最垃圾係個蜆, d湯好似水咁淡, 蜆又細隻, 蜆無蜆味已係死罪哥仔服務超差, 見佢收野一次收唔哂掉低件野響枱, 唔好意思都唔識講, 只係識哎呀...咁叫...叫佢check野食有無叫錯又十年都唔返黎...個串燒先不知所謂, 個件燒冬菇, 乾爭爭, 鞋烚烚, 一d水份都無, 仲要無味, 件鰻魚叫做好少少, 不過同一般鰻魚飯既味道完全無分別. 條多春魚, 十足

估唔到上一個食評都係由我寫....唔通d人睇完我寫既野就唔想再幫襯??.....sor呀!!今日我一條友又來到一壽司喇,平時同我一齊食既partner終於離我而去喇..一日咁多~是日午餐:- 吉列豬扒拉面>> 食物都好呼之欲出,正是豬扒同拉面既結合.豬扒唔算油,不過有d硬,同埋個皮同塊肉有少少分離,可能係我食得太慢塊扒凍晒啦!個面同上次一樣,其實我嫌個面有少少淋0左的,不過都算係唔錯,尤其係起食飯時候,出菜咁快,價錢又ok的話唔係有好間可以做到.我下個月又會再幫襯既~(咁有冇vip卡0者..)

實在太熱了!!!!!!!!!!想吃日本料理又不想走太遠,看到價錢合理便衝進去~中午時間坐滿但人流不算太多,午餐有很多選擇.最後我點了牛肉湯烏冬+加洲卷同事點了兩拼壽司+小碗拉面份量是多了點,像這種日本壽司料理點在尖沙咀多不勝數,這間算是OK.

同爸媽星期3食完, 星期6再同男友食, 勁好味壽司飯: 夠酸味, 冷度適中(試過其他地方既暖飯真係怕怕)三文魚: 幾肥美, 有d仲切得幾厚,唔錯, $9抵~三文魚芝士卷: 頂有薄薄地既三文魚, 卷內有蟹柳, 青瓜同軟芝士, 芝士好soft,入口即溶, feel真d芝士幾香 $22有4件, 正! 帶子: 好鮮甜, 又夠厚, 仲刺身既感覺tim, 20好抵食, 雖然唔係珍寶size(好似帶子爸爸咁), 佢似仔仔, (同爸媽食左3碟, 同男友都食左2碟)油金魚: 唔算好肥, 但會溶化係口入面, 美中不足係紅色既近背位有少少鯹北寄貝: 都甜, 但唔夠厚赤蝦: 幾鮮, 有蝦味( 同爸媽試過lee度既甜蝦, 無蝦味, 甘甘地, 不過都幾鯹)燒玉子: 好大件好厚, 蛋香幾濃, 唔會太甜, 只係$9, 不過好快飽, 3個人share都ok, 但2人會食唔到其他野咁蟹子沙津: $20 勁大份, 青瓜絲好爽脆, 蟹柳都甜, 沙津醬適量, 撈埋唔會奪左大家味, 3種材料配合得好好牛油果蟹肉:牛油果好香(但2次去有時薄有時適中), 蟹肉都唔錯, $12好抵食蟹子蟹肉腐皮: 賣相唔算吸引, 但爸媽都鍾意蟹肉,

男朋友生日，諗住去食壽司慶祝我地揀左好耐都冇去既一壽司未行到去見佢貼住張poster係塊木板度..以為佢裝修緊冇開原來係隔離鋪裝修者=]我地10點幾到，等左差唔多半個鐘先入倒去，出面好熱丫!!入到去見倒佢個場都幾大下，又唔算好多客..都唔明點解要排隊咁耐先俾人入去我見有班人5-6個倒因為有位又唔俾入而走左我地叫左都幾多野食，發覺佢D壽司已經冇以前既質數啦連最基本既3文魚都唔太新鮮叫左個火舞黑蜘蛛卷，入面D軟殼蟹凍既，食左一件己經冇食有個火炙玉子我之前食過好熱好正架..今次就..唉海膽又苦苦地..比較OK都係個蟹棒同個雞軟骨雞軟骨幾香，可以一試..服務方面一般，可能做緊半價比較忙冇咩人得閒理你咁，叫左幾次加水都冇人理食物同服務都差了很多，又有限時同最低消費而家又有咁多壽司店選擇我諗我會去嘗試其他壽司店好過......

食開旺角果間,郁下都一佰幾十人排隊今晚經過呢間...只係約廿人排...即食感覺呢間個魚缸大 d,多魚 d,靚 d...好感動呀....黑夜半價時段居然叫倒旺角店永遠永遠((話))賣晒既活赤貝剌身....勁新鮮..幾乎要搶住食三文魚子...好似少 d 咁既...蟹羔壽司...一樣咁腥/鮮味...哈哈..一線之差甜蝦壽司...一樣係好大隻....但有2隻無左條尾~!海膽壽司....好大塊...脹卜卜...好新鮮天婦羅蝦壽司....隻婦仲熱仲脆海膽雞軟骨...d 海膽汁唔多夠...要慳住慳住總括黎講....唔駛排好耐隊既時候......超正

依家晌香港食壽司店,一定大排長籠,其實間間價錢差不多,但唔知點解一壽司特別少人(9時後半價另計),可能裝修靚D,香港人一般都覺得環境靚,一定貴D無咁抵食,唔夠板前元綠等親民,其實食物都間間差不多,唔覺得呢種價位有邊間特別勁好食(羽壽司就真係比較好食家)。咁大家食物質素唔差得遠之下,就梗係有靚魚缸的一壽司抵食。48蚊有4ROLLS的串燒就極之唔好食, 反而個燒CUTTLEFISH就勁好味喎,必點! 39蚊有兩杯的飲品,其中一杯我叫左巨峰乳酸,好好好好味呀~一般魚生食品都係咁,無咩特別,而玉子燒就好難食,D蛋又黑又霉又太甜,NO GOOD@ 手卷物就唔錯。