一族小食

營業中

休息中

自從復活節開始病，一直口淡淡，無胃口。近日開始好返，就馬上周圍想搵好嘢食。擒日專程走去大角嘴，就係為咗佢嘅煎釀三寶。而家已經好少小店會賣，一來要開油鑊炸，二來又唔係點賺到錢。十元八塊生意，真係賺埋都未必夠交租⋯⋯呢到仲賣緊$20/8件，份量大小比坊間大舊好多。 選擇又多，有紅腸，腸仔，尖椒，青椒，豆腐，矮瓜，蟹柳，魚蛋。仲有其他炸物，如雞髀，雞扒，雞中翼，雞全翼，炸大腸，薯餅等等。。。。可惜上碟時，部份無開大火迫返D油出嚟，所以有啲油淋淋。但大致上同坊間比較都算唔錯，魚肉夠晒彈口，炸雲吞又唔會油淋淋。豆腐面魚肉大大舊，外脆內軟夠JUICY。另外炸雞全翼$8， 炸得香口乾身，外脆內軟，口感唔錯。

一族小食經開突然想掃街，買咗8件煎釀三寶同薯餅！1. 煎釀三寶8件$22（6/10）8件有2粒魚蛋、2舊茄子、2舊炸豆腐同2條尖椒！尖椒唔辣，其他好一般！2.薯餅$5（3/10）炸得好硬，都係M記薯餅好食好多！總共價錢$27個人口味總評分：4.5/10地址：大角咀鐵樹街76號地下#一族小食 #煎釀三寶 #香港美食 #hkfoodie #hkfoodblogger #hkfoodpic #hkfoods #hkfoodshare #dessert #hkdessertshop #food #hkfoodstagram #hkfoodpic #hkigfood #foodiehk #yummy #delicious #foodie #hkfoodieblogger #hkfoodies #wheelchaireatinhongkong

有時「搵食」在乎環境同服務，但仲有一啲小店都好有人情味，一個小檔口仔，只賣幾款街頭小食，足夠糊口過活，街坊支持就已經足夠☺️———————————————————————————🥢煎釀三寶 $15/6件💬呢個價錢真係超值，好似時光倒流咁；三寶無咩特別嘅要求，剛炸起唔油膩，仲係熱辣辣唔駛翻炸，魚蛋🍡最彈牙，紅腸、青椒🫑、茄子🍆、豆腐，全部都係新鮮，睇得出嘅好，加上豉油、甜醬，就係如此簡單☺️

上次去大角咀做嘢，肚餓，餓餓地喺附近搵小店填下肚，又唔想食得太飽，因為驚食唔到晚餐～ 發現好香嘅呢一間一族小食！喺附近已經聞到佢嘅香味，所以好奇之下，就行咗過去幫襯，發覺佢嘅款式種類好多，而且唔貴，所以就忍唔住試一試～ 本身諗住食薯餅，但係佢要整幾分鐘，我就冇叫到，直接叫煎釀三寶，佢嘅招牌！炸豆腐超級好味！ ！ 外皮整得好香口，真係脆的，而是好大舊，要分幾啖食先食到～ 茄子都唔錯，係凍左少少所以質素冇咁保持得到～至於魚蛋，就冇我想像中咁好食，可能我不嬲對魚蛋要求高少少，但係呢間嘅魚蛋就麻麻地～ 不過，整體都算唔錯，服務態度好好👍🏻👍🏻

今日做做吓嘢，突然間發覺好似有啲肚餓，原來我lunch只係食咗一串魚蛋，所以即刻走咗去買煎釀三寶食。自己一條友走咗入去大角咀，去咗一間好耐都冇去嘅鋪頭幫襯，叫一族小食。。雖然冇以前咁平，但係$10都可以食到五件，喺香港已經係好難能可貴。最重要係咩？好食就梗㗎啦，最重要係識到一種回憶嘅味道，其實10年前已經開始幫襯呢間鋪頭，一直都覺得個老闆好用心去整啲食物,特別鍾意食佢嘅炸墨魚丸同炸魷魚，好希望呢間甘用心嘅小食店可以繼續經營落去

食完午餐行過隔離見到有煎釀三寶，好香呀！所以又忍唔住買左黎食呢間煎釀三寶嘅款式超級多😍 唔似一般既可能得5/6樣野但我都係食魚蛋，豆腐同腸～ 我本黎想叫薯餅，但因為佢唔翻熱，唔翻炸既關係，怕薯餅會凍咗，所以就冇叫到～ 價錢好平，10蚊就有5件，好耐冇見過呢個價錢，好多都係10蚊有3件或4件～ 驚喜既係，煎釀三寶拎上手既時候係熱熱地既，仲以為佢放咗喺度會凍咗。同埋醬汁好味，魚蛋都好大粒，好推介！ 豆腐同紅腸就一般，但都唔會好差或好難食

咁啱喺大角咀做野，下晝餓餓地想搵野食，同事提咗我有童年回憶就係呢間一族小食雖然鋪頭好細，但比大鋪位煎釀三寶滋味好多呢度既選擇種類好多，大部分都係炸起咗，唔洗等 連海鮮都有～我叫咗我至愛：魚蛋，豆腐同茄子🍆！ 魚蛋係真係好好食，炸到外脆，但裏面都唔會太乾 豆腐就還好，但都唔係「乾爭爭」既感覺 不過唯一唔好既，就係有時佢既食物放太耐會凍咗，但又唔會幫您整返熱，因為怕質素下降，雖凍咗少少，但味道仍不錯 都有保持水準仲要價錢好抵，其他應該難搵到

一間絕不起眼的小食店，賣的煎釀三寶竟帶回兒時街邊檔的味道，令人回味無窮🤗店鋪由兒子主理煎炸部分，媽媽則在外負責售賣。食品種類當然比起以前的小販檔多，但我喜歡的由始至終也只有一樣，就是炸豆腐。幸運的是我買的時候，新一輪剛炸好，所以新鮮滾熱辣，皮還是脆脆的，加上辣醬，真是十分好味。老闆娘人很好，我食剩兩舊想要加多一點，她完全沒有不滿意，還說這辣醬味道好，不過她絕無添加，很是親切☺️小食還是舊的好，這小店外完全沒有那種難聞的油益味，真難得👍🏼

行過宜間細細間舖頭, 係眼角哨度好好久遠的炸雲吞皮😆😆😆😆 馬上急不及待🏃‍♀️🏃‍♀️🏃‍♀️去排隊啦！5蚊有三件, 乜都有得食！(基本想食都有）首先👀👀個樣先啦, 好鬼靚仔👍🏻, 炸到金黃色👍🏻, 有正面同側面圖💯, 好大塊呀👍🏻, 裏面嘅餡係細細一小口肉, 好似以前食小食咁, 好脆呀😋😋😋！一咬落去童年回憶又返呭囄 Mmmmmm! 炸雲吞皮(側面）炸雲吞(正面）舖面