一生懸麵

營業中

休息中

在香港，拉麵平時就食得多，沾麵黎講就真係唔係好多間有，今曰就帶老豆黎到荃灣的《一生懸麵》，急不及待，即刻點左個叉燒海老沾麵，沾麵特別之處是麵條跟湯底是分開上的，再一注注沾上湯汁吃，湯汁放滿櫻花蝦，蝦味香濃，麵條煙煙韌韌，很有口感😋飲品配上靜岡綠茶可樂，把綠茶混進可樂裡，究竟是什麼味道呢？🤔 還要注進好伏既綠色😂，但居然產生成不可思議的味道，可樂甜中帶著綠茶香，玻璃瓶更讓可樂元氣滿滿😝而老豆就簡左食期間限定既慢煮豚肉叉燒蜆貝羊肚菌拉麵，湯底是用新鮮蜆貝煲的，非常鮮甜😋小食只有煎餃，內裡肉香滑嫩，明明就說不吃這樣多，最後還是光盤🤣

💁🏻‍♀️認識呢間拉麵 係因為之前佢出過雪糕拉麵 但一直都未試過 知道佢荃灣開咗 近近地 所以就嚟試吓佢哋嘅拉麵 但一問之下原來雪糕拉麵已經暫停 但嚟緊可能有新口味出 期待🤩🍜蜆貝羊肚菌拉麵$95+慢熟豚叉燒$20食拉麵 第一件事 飲湯先 超濃蜆貝味🤤 好鮮好搶嘅味道🤩 三隻大蜆貝 脹卜卜 超鮮甜 超滿足 而麵嘅硬度揀咗標準 熱湯拉麵係幼拉麵 覺得少少偏林 每啖麵伴湯一齊食 鮮味會更出更享受 如果淨食麵條 味道會偏淡 叉燒肉質比豚肉滑 但唔算太突出🍜特濃豚骨沾麵(熱麵) $82好鍾意佢個特濃沾汁 真係好香濃 沾麵係粗麵條 標準口感 有彈性 非常唔錯 燒過嘅豚肉 充滿油香 非常惹味🤤 🥟煎餃子 $29皮薄 少少脆口 餡料豐富 有啲驚喜 食落仲有肉汁 幾唔錯😋👍🏻Sage桂花烏龍冷泡茶 $20淡淡嘅桂花味 最鍾意佢個香甜味係會留係口腔 好鍾意呢個淡淡嘅清香味🥰👍🏻Sage蜜桃紅茶有氣茶 $22有氣嘅蜜桃茶 都係第一次飲 清甜嘅桃味 唔會太甜 唔係個種一飲就好惹痰個種甜 係好清新嘅甜味🫶🏻

最近知道一生懸麵由千色匯搬左去路德圍附近 平日搵個放工時間就決定去支持 餐廳位置唔大 平日有機會都要等10-15 分鐘左右 點左兩碗拉麵/沾麵 🍜 其中一款係新出推廣款式蜆貝羊肚菌拉麵面再加配左慢熟豚叉燒湯汁清淡但不失海鮮鮮味 好適合唔重口味的人士 蜆貝爽口鮮甜 加配的慢熟叉燒肉質亦嫩滑 幼麵口感清爽滑溜 海老沾麵加配了半熟蛋 半熟溏心蛋吸引力唔可以睇少放入海老湯汁味道更加昇華 這個湯底相對濃郁許多 配搭沾麵會相對較適合而且粗身麵條相對不會因吸取過多湯汁而過咸兩人分享加配了紫菜 $10 有4 塊 脆口爽身 浸落拉麵湯汁吸收精華更惹味 飲品Sage 蘋果桂花烏能有氣茶Sage 蜜桃紅茶有氣茶Sage 的飲品一向都係有質素之作 作為有氣冷泡茶清香之選

今日嚟咗荃灣站隔離嘅拉麵店，一望落去店舖門口非常之有日本嘅風格，不過店舖比較細，所以我哋特登避開食飯時間試一試啲到啲拉麵。首先係海老拉麵，大量嘅櫻花蝦喺麵上，配上佢嘅湯底真係要加多個面先至夠食。蜆貝羊肚菌拉麵- 湯底清新配有一陣陣嘅蜆肉海鮮味。 我哋還加配咗叉燒添。整體嚟講兩個拉麵都不錯。

一生懸麵 嘅出品一直都維持日本特色，雖然比一般拉麵店少啲款式。但沾麵 可以揀冷麵、熱麵，維持正宗之餘，配合各人需要，抵佢由旺角開始，到荃灣、九龍灣。再到荃灣宜家搬埋去地舖，應該會吸引更多人，因為真係見到7點開始已經爆場，想入去食，係一定要攞飛，然後坐喺門口排隊。 睇下餐牌有咩食 舖頭環境 睇完就用QR code落單啦！ 蜆貝羊肚菌拉麵$113 (+$18叉燒)宜家每間分店，都有唔同嘅#期間限定 口味。試完呢款，可以去另外兩間分店，試埋另外兩款。先飲湯，主要係海水鹹味，但唔會好鹹好腥，撈埋羊肚菌醬，湯底好清好夠味，仲會有多種鮮味。蜆有四隻，都算幾多。因為加左$18，所以我碗麵有兩款叉燒，一款係腩肉，肥瘦相間，入口即融，加埋用火槍燒過，有少少焦香，都可以令一個好清嘅湯底，加返少少油脂。另外一款叉燒好瘦，無脂肪，有胡椒香味。唔知呢個都係期間限定嘅叉燒，定係慢煮叉燒浸耐左呢。下次要試多次，先決定到啦！ 野菜山拉麵(粗麵)$78佢呢碗嘅粗麵，用左沾麵嘅麵。呢碗麵主要用豬骨湯底，本身都有啲油脂，加

開完會肚餓經過荃灣突然想食拉麵就搵左呢間拉麵店食下，呢間日本拉麵店地方淺窄，坐位唔係好多，晚餐時間都比較多人等位，好彩我去到既時候唔駛等位就入座，座位與座位之間都好闊落既，起碼唔駛左頂右頂，而拉麵既款式都唔係好多比你選擇，有湯麵和沾麵比你選擇，主打都係特濃豚骨沾麵和海老拉麵荃灣分店做緊期間限定蜆貝羊肚菌拉麵，仲加左叉燒同埋慢熟豚叉燒，同埋好似日本餐廳咁可以加配煎餃子🥟我就選擇左期間限定蜆貝羊肚菌拉麵蜆貝羊肚菌拉麵：$98我就加配左叉燒同埋慢熟豚叉燒，本身碗麵都夠大兜，加埋肉會更加豐富🤭麵既硬度我揀左柔軟，本身自己唔鐘意食太硬既麵質，鐘意硬身既朋友麵可以揀麵既硬度既，湯底比較鮮甜，可以因為有海鮮既關係，叉燒肉質比較軟熟唔硬比較好食半肥瘦既比例岩岩好，蜆貝估唔到都好大粒，肉質好爽口整體都唔錯👍🏻📍地址：一生懸麵 (荃灣)荃灣富榮街7號富裕樓地下7號舖

拉麵係日本的美食之一好多香港人都喜歡味千拉麵係香港人較熟悉，可惜近年分店比較少今日收工後落左荃灣去左力生廣場地下的一生縣麵餐廳以bar檯形式打造日本當地風格桌上有檸檬水提供餐牌有沾麵，拉麵2款種款式再選擇湯底有辛辣湯，櫻花蝦同豬骨湯沾麵係用粗麵$85可以選擇熱麵或爽口彈牙的凍麵有爽脆的荀同大大片叉燒櫻花蝦湯比較淡味，櫻花蝦充滿香氣辛辣湯有花生醬味，比較杰，非常惹味辛辣拉麵 $85都係用粗麵 好香麥味有椰菜 非常淋同帶點甜味兩件叉燒 啖啖肉湯底可以揀正常辣同少辣我叫少辣豬骨湯加少少辣岩晒唔係好辣的既我辣味易入口我到最後可以飲埋碗湯真係好好味荃灣分店有期間限定的蜆貝羊肚菌拉麵

每日中午放工都係我嘅me-time，我通常會四出覓食，發掘下又抵又好食嘅野。經過路德圍附近，見到呢間之前係千色匯位置開過嘅日本拉麵店，之前食過都唔錯的，一於再試下....位置係捐血站附近，地點好易搵的店子不太，裝修日式簡約風，坐得幾舒服有幾款拉麵同沾麵揀價錢都係80至90左右我點左推介款式嘅拉麵🍜蜆貝羊肚菌拉麵**$95蜆貝有3大隻，蜆肉食落好新鮮，湯底都好夠鮮味，加啲羊肚菌真身感覺足料啲。日式叉燒2大片，仲加左黑蒜油，食落好冧又唔覺肥膩，溫泉蛋加埋湯頭食，幾鮮味。麵身具彈性，鐘意冧身的可以叫佢煮冧少少。🥟煎餃子**$29一碟5隻，外皮煎得香脆唔硬身，內饀豐富脹卜卜。🥤桂花烏龍冷泡茶**$20原支冷泡茶，桂花及烏龍茶味香濃，食完拉麵再飲，清清腸胃嘅油膩及飽滯感，零糖夠健康。下次點沾麵試下。

知道一生懸麵搬咗舖即刻過嚟食而家喺捐血站嗰個位舖頭座位少左但多咗社恐適用嘅面壁位今日好彩比我坐到對住廚房嘅bar枱因為我好鍾意睇住大廚煮嘢食😌我知道佢哋幾間分店分別有唔同嘅期間限定本身疊埋心水試，但今日售曬😂世事往往就係關了一扇門開了一扇窗#雞白湯拉麵雞白湯最近十分流行呢間我覺得好啱胃口濃厚得嚟順喉，冇「金寶湯」味兩片慢煮雞胸肉，嫩滑且有溫度兩片慢煮叉燒，肥瘦參半，厚薄適中伴一整隻醣心蛋，醬油味濃京蔥加紫洋蔥，露筍加粟米仔配菜我覺得都幾適中太多反而會蓋過雞湯嘅鮮味#海老拉麵大量櫻花蝦，係大量！令湯底增添鹹香同雞白湯一樣係幼麵更掛湯，可選硬軟度慣了手機食先之友，必點硬麵呢度個湯熱到飛起，食到底都夠熱兩片叉燒加半隻醣心蛋可能因為真係好多櫻花蝦食太慢個湯會越飲越鹹另點了一份餃子 $29呢個價錢話貴唔貴但叫多隻醣心蛋都只係 $15我就會寧願叫隻蛋😂整體嚟講我覺得比之前商場舖仲好食左唔知關唔關我上次食雪糕拉麵事😂值得支持！希望越做越好！

呢排經常喺荃灣搵食嘅我發現一個新開嘅拉麵店——一生懸麵 🍜好耐之前喺旺角試過佢 味道真係令我難以忘懷🤤今次發現佢哋開咗新分店喺荃灣 我當然唔會錯過🥰餐廳如果就咁睇map有啲難搵 但去到發現原來就喺荃灣捐血站後面裝潢OK舒適唔迫👌🏻新開張嘅店舖都有啲新意 不過一啲都冇影響到佢哋一貫嘅水準限定推介 - 蜆貝羊肚菌拉麵🐚湯底清甜鮮美 充滿蜆嘅香味😋呢道用左幼身嘅拉麵 硬度有3個選擇 我個人就鍾意食林身啲 好似索左湯底咁一碗有4隻蜆 隻隻都脹卜卜 煮得岩岩好仲有2塊薄叉燒 份量適中 一個女仔淨係食個麵都飽🤓特濃豚骨沾麵🐷豚骨湯底濃郁得嚟唔會好似出面咁太鹹可以同麵條充分融合咁食用左粗身麵條 韌度都適中沾上豚骨湯底嘅每一啖都好滿足😎可能新開 (?) 小食原來得煎餃子🥟餃子外皮金黃 內裡餡料不過不失沾上醬油嘅餃子更加惹味$29有5隻算係咁至於飲品 我地都揀左特別啲嘅款式白桃烏龍冷泡茶 & 桂花烏龍冷泡茶🫖兩款茶都係無糖 帶有清新嘅茶香🍃加上淡淡水果或花香嘅點綴清涼解膩之餘又健康

今日經過荃灣見到新開呢間拉麵舖，於是就入去試吓🐓雞白湯拉麵 $95 +叉燒 $20 + 半熟蛋 $12-雞白湯湯底有濃濃嘅燉雞湯味 拉麵屬幼身 掛湯感一流 配有一隻半熟流心蛋、二片雞胸肉及兩片叉燒 雞胸口感甚為嫩滑 而叉燒肥瘦參半 肉帶微微鹹香感 湯底十分出色🦐海老沾麵 $88-沾麵湯底內灑滿櫻花蝦 內有炙燒過嘅叉燒粒 湯底味道較濃較重 沾麵麵條粗身 配有兩條炙燒過嘅燒肉 油香味道強🥟煎餃子 $29-餃子為一口size 外皮微脆 碎肉帶汁 ☕️白桃烏龍冷泡茶 $20-無糖茶取其香味 香桃香氣再加百搭烏龍茶茶底 解渴止膩☕️桂花烏龍冷泡茶 $20-個人認為桂花香味不及香桃幽香總括嚟講，味道確實唔錯，可以一試

呢一間係旺角有開鋪頭，不過成日想食都要排隊，仲要等好耐，難得荃灣開左間新鋪就衝去食啦！蜆貝羊肚菌拉麵蜆貝羊肚菌拉麵係結合了蜆貝、羊肚菌和拉麵的料理。有濃郁的湯底同豐富的配料，蜆貝肉質鮮嫩，仲要有大粒，味道好鮮甜。鐘意海鮮和食用菌，那麼蜆貝羊肚菌拉麵絕對值得一食！魚介豚骨沾麵魚介豚骨沾麵的湯底濃郁，麵條Q彈。湯底係由魚介和豚骨熬煮而成，以獲得濃郁的風咪另外仲加左小小雞蛋汁，食落唔會太咸，整體上味道好獨特同埋鮮甜。煎餃子餃子底部好酥脆，餡料超級多，肉汁滿滿。Sage 桂花烏龍冷泡茶Sage桂花烏龍冷泡茶是一種以烏龍茶作茶底，添加了桂花的芳香的冷泡茶飲料。這種茶有著清香的烏龍茶味道，並融合了桂花既味道。Sage 蜜桃紅茶有氣茶飲落唔會太甜，有滿滿既蜜桃香味同埋淡淡的紅茶味道。值得一叫！📍地址：一生懸麵 (荃灣)荃灣富榮街7號富裕樓地下7號舖 #香港美食 #香港探店 #香港旅游攻略 #香港 #香港生活 ＃我的美食日记 #美食日常 #美食探店 #探店 #人气打卡餐厅 #香港美食推荐 #旺角 #旺角美食 #旺角探店 #拉麵

一生懸麵一直係人氣排隊店，知道佢地荃灣店搬左去新址即刻要朝聖一下🥳店子小小以counter位高櫈為主，中間亦有低櫈枱方便客人，不過叫得人氣店要有排隊既心理準備，或者好似我地咁避開繁忙時間🏃🏻‍♀️🔸特濃豚骨沾麵店內其中一個主打🎖️沾汁果然不負特濃之名，質地濃稠而且充滿豚骨精華，每一口都係濃濃鹹香，配搭凍粗麵更有嚼勁🤤叉燒肥瘦適中，燒過後入口脂香四溢，就連沾汁亦有幾塊豚肉令味道更濃郁。如果想清埋剩餘沾汁，記得要問店員加入清湯先飲呀！🔸海老拉麵拉麵湯無咁濃稠，但豚骨香氣同樣出色，上面鋪滿大量櫻花蝦更加添一層鮮味。海老拉麵配搭幼麵掛湯力強，仲配有慢煮豚叉燒，口感柔軟而仲保留濃濃肉香🥰🔸煎餃子拉麵店必點小食煎餃子，豬肉餡加上薄身餃子皮比例剛好，而且煎至金黃非常香口😍🔸Sage 白桃烏龍冷泡茶 / 蘋果桂花烏龍有氣茶Sage係一直好欣賞既本地品牌，見到有得嗌一定會揀🥰白桃烏龍無另外加糖味道清香，蘋果桂花烏龍就甜度較高，配合到唔同人口味🙆🏻‍♀️

🦪蜆貝羊肚菌拉麵+慢熟豚叉燒🐷蜆貝羊肚菌拉麵係荃灣店限定野，小編見到限定就叫左個試試🥢。拉麵可以揀軟硬度，但就冇得揀粗幻麵啦🍜。蜆貝羊肚菌拉麵嘅拉麵係幼麵，小編覺得幼左啲🤏🏻。湯頭充滿左海鮮嘅鮮甜，而且啲蜆大大隻，又脹卜卜，超好食！☺️🦐海老沾麵+叉燒+紫菜🦐海老沾麵嘅沾麵湯非常濃郁，而且充滿啖啖蝦味，係小編鐘意嘅味道！🥰沾麵湯嘅賣相亦非常好，面頭鋪滿了小蝦乾，每一啖食到小蝦乾🦐而且沾麵湯入面嘅肉粒俾到驚喜小編喎，肉粒舊舊都入口即溶呀！😋叉燒嘅厚度適中，而且有好香嘅炭燒味，值得加錢要多兩塊叉燒🤣🥟煎餃子煎餃子煎得幾香口，味道唔算有驚喜，正常日式餃子🥟Sage 桂花烏龍冷泡茶 ☕️Sage 白桃烏龍冷泡茶 🍵白桃烏龍冷泡茶同桂花烏龍冷泡茶味道都非常清新😤，白桃🍑烏龍冷泡茶更加有好出嘅桃香味！配拉麵都係一個唔錯嘅選擇😜