一碗肉燥 (喜薈)

營業中

休息中

一碗肉燥店面已黃色為主，遠遠已留意到呢間店。台面既餐紙有佢地既logo公仔，俾小朋友盡情發揮想像畫畫，大人又可以食餐安樂飯幾好。餐內食物選擇不算多，但食物質素卻有驚喜。所有餐選主食先，在配上肉燥(可揀辣/唔辣2款肉燥）。送蜂蜜紅茶，轉其他可+$。也有小食可加。鹽酥雞排香脆可口，肉質嫩滑，炸粉不會太厚，份量超大块。面類反而一般。泡沫珍珠奶茶好飲，自己落糖唔怕過甜。唯一缺點，送太多飯過少。

之前見到呢間餐廳成日排隊排長龍，琴晚終於有時間去見識下餐廳環境都唔錯，d公仔真係好得意本身諗住想試下個香葉三杯雞，點知唔小心落錯左不過d員工都好好人，話幫我問下廚房可唔可以換過左大概5分鐘後就有得食啦味道黎講我就唔係話咩食家，不過我又真係覺得幾好味個肉燥飯都幾好味，份量都夠飽肚有突最後杯珍珠奶茶，有夠茶味d珍珠又夠咬口，同埋都幾滑總括黎講我會比85/100絕對值得再食多次

其實起初拎位係唔知要拎飛定walk in就得，因為D職員同客人完全零交流，叫又唔應，完全無視我地！除左我地，仲有D客人都好似我地企係左係度唔知點好，到後黎先見到有呢部「拎飛」機，服務態度真係要改善一下～～～講番食物先~鹽酥雞扒肉燥飯 $51 食晒啲飯都仲有好多雞扒，雖然肉燥汁只係一般貨色，但好岩撈飯食，而且佢塊鹽酥雞扒好大塊，炸得香脆，加上半隻既滷水糖心蛋，真係食得好開心！台灣腸係另加既，最估唔到係有Ｄ調味粉可以自己落，我同朋友都倒左勁多既海苔粉，味粉仲有山椒粉/七味粉揀！3款味粉~雞翼豬頸肉肉燥飯 $40一樣有糖心蛋!豬頸肉　很腍，味道夠！不過相比下，我覺得鹽酥雞扒吸引Ｄ！時菜 $5我地坐既係高枱，所以坐得有D唔舒服><餐牌

長沙灣很多舊樓重新建造後，多以底座做大型商場，樓上住宅的香港典型建築形式，這店就在新建大廈地舖，裝修很明亮，簡潔，牛肉麵味道不錯，但缺少了地道台灣口味，湯底亦已經不像，港式多些，味道還可以，牛肉比較細塊，不像其他店用牛展，黑醋豬軟骨麵，都不錯，但豬軟骨硬了少許，豆漿無糖，讚，附糖水，可以自己調較。

之前行過見到成日排長龍，不過見多數食飯時間啫，今次就下午茶去，堅唔洗等位，雞朳確係幾正嘅，但都唔及味粉咁吸引，加咗味粉落雞朳度，風味就唔用哂，正，但肉燥就麻麻，珍珠奶茶都係一般啦，味粉配飯就正好多，味粉有幾款（紫菜、七味粉）同外面食嘅味粉係真係有分別，價錢方面，合理，大眾化，裝修好新頴，全店都用黃黑色，勁似元氣，附近泊車就差D，沒乜錶位，要泊去元洲商埸或新樓車場，整體都算唔錯既選擇，所以可以再去食下其他野

還記得上次特意去試另一間新開的人氣台式餐廳的經驗,一直都遲遲未試呢間同樣大人氣的台式餐廳,因為大多人幫襯,怕又要等又中伏😅由於呢間餐廳開了一段時間,人潮終於減退,加上機緣巧合下,在同事邀請的情況下,終於在晚飯時間一試呢間。初試就一定係叫最出名,最常食,最多人推介的肉燥鹽酥雞扒飯啦！呢個飯同其他餐廳比較絕對係高質素果批。一放低最吸睛的就係果隻半流心的滷蛋,呢個精心的配菜已經將好多出名的鹽酥雞扒飯比下去。肉燥份量剛剛好,夠撈飯得黎又唔會令個飯好濕,肉燥又唔會調味調得太濃,相當可口。到塊鹽酥雞扒,份量唔小,絕對夠食。雞扒未身唔細件,唔駛加勁多炸粉令雞扒變大變厚。雞扒果真炸得夠酥脆,加上店員足夠,廚房一煮好就能奉上給人客品嚐同樣地,鹽酥雞扒都係配有粉(三種口味)俾客人自己落,添加一份玩味跟餐唔駛加錢有杯凍綠茶,對有選擇困難的我黎講,可以解決選擇飲品的麻煩。當然,好似只需要加3~5蚊,餐飲就可以選其他台式飲品(如珍珠奶茶)。由於我和同事都比較大食,所以決定跟餐加點左個小食,呢個九層塔雞翼其實唔錯,只不過有鹽酥雞扒在場下,雞翼明顯無噤吸引。但佢個九層塔有炸過,加上小小鹽粒,食落爽口又香呢間餐廳食物

肉燥係台灣必食之一，香港都有間連鎖肉燥專門店幾成功。不過都係鐘意食小店。今日嚟到長沙灣哩間一碗肉燥試下。講真如果唔係經開，特登過嚟食都幾唔方便。店舖唔近地鐵，做街坊生意多。裝修設計好年輕，黃色好sharp, 唔講以為去左漢堡店。晚市包飲品，四，五十蚊一份，價錢都算過得去。回魂黑醋豬軟骨飯味道沒有台灣風味，反而似上海個款味道。豬軟骨有四件，雖然味道ok, 但炆得再淋d會更好。主打叫肉燥，講真有點失望。唔係難食，但食唔到台灣風味，有點港式肉燥嘅感覺。好吃鹽酥雞排撈麵賣相份量都好吸引。雞排好大件，外皮酥脆而薄。味道中規中矩，不過有少少油味，扣少少分。另外，店員會送上三款調味粉，方便客人自己調味，不錯。

有朋友入左院，去探佢的時候經過里到，見到隻雞仔幾得意，就決定探完病之後幾個朋友一齊去試下。平日晚，重要七點半左右，竟然都滿晒坐，要等位囉😲於是侍應問我地四個肯唔肯坐吧位（即係高腳椅），肯的話就馬上有位。四個餓到上心口，當然無問題啦👌🏻👌🏻👌🏻內部裝修好有心思，用上卡通的🐔🐽做牆紙點菜紙一人張，好方便👍🏻而且全部都係套餐組合，價錢十分經濟。最貴的套餐都唔過$62，除非你再加小食啦，重之埋單一個人一百蚊有找🤑黑醋豬軟骨，附送溏心蛋半隻🐣豬軟骨香甜鬆軟，啲軟骨連我里個無牙婆都咬得開。跟飯的肉燥可選辣同唔辣，里個係唔辣的，咸度適中，內裡重有少少肥豬肉，送飯一流🍛不過飯量對男生來說有點少跟餐加$5要左珍珠奶茶🍹一般台式食店所飲到的味道，正正常常，無特別朋友的辣肉燥飯配鹽酥雞扒雞扒炸得非常好，唔油唔肥，啲皮又薄又脆，食埋落肚都無咩罪惡感🙊肉燥里件事都係辣的好差啲唔認得，三色調味粉，自己配搭。我挺喜歡山椒粉，麻麻辣辣，好得意😋當然，大部分人都係用海苔的，我明。紫菜飯感覺朋友跟餐唔洗加錢有蜂蜜紅茶，即飲沖劑，無驚喜朋友貪得意叫的-九層塔烤雞雜菜鍋望落好清淡，朋友話蔬菜份量算多，有紅蘿蔔/豆角/脆玉瓜/

相約很久沒見的中學同學晚餐，剛好同學是在附近上班，她就推薦這家台灣魯肉飯給我。位置都易找，m記對面就是了！我們分別叫了鹽酥雞扒魯肉飯及台南鳳梨豬排魯肉飯，味道都不錯，台式食物一般偏油，魯肉飯都當然偏油，也是很正常的！味道不錯！特別是鹽酥雞，有3款不同味道的調味料自己調味的！也有不少台式飲品選擇！個人覺得也是聊天的地方，不會怕有入座時間，我們都愉快的聊了差不多兩小時！

首先好感激貴公司為我地提供最新款既攞飛機器 實在係又新淨又好用🙃對於貴公司員工既態度同埋你地既排隊機制我地真係推崇至極🙃員工既態度簡直稱得上一絕🙃 叫飛就隨便㩒個號碼 如果係連續三個號碼一齊叫就停1秒再去下一個🙃遺憾既係我地並冇武林大俠一般既眼力🙃可以一眼關七🙃而且係叫每一個號碼既時候唔會出來問下有冇客🙃唔會follow up🙃真係過眼雲煙 一閃即逝🌟問佢叫咗未佢就話 噢 我㩒咗架啦 係你自己睇唔到🙃 真係噢你條命👏🏻👏🏻👏🏻 重要好耐先come up到個follow up🙃由於我地實在冇武林大俠一般既耐力所以選擇走咗🙃可能貴公司既冷氣好涼 環境有好乾淨 另到員工唔捨得離開店面🙃感激貴公司對我地既招待以及俾我地見識到咩叫優質服務🙃👏🏻👏🏻👏🏻Sorry for 眼殘同唔係武林大俠🙃你最真誠既晚市顧客🙃

今日係長沙灣試左間新開食台灣野既餐廳，叫「一碗肉燥」，顧名思義主打係肉燥，餐廳裝修簡單舒適，杯子同埋碗碟都印有唔同既可愛公仔圖案，值得讚既係椅子下面有個籃仔可以擺放手袋/書包，唔係間間餐廳都有咁既設計，其實呢啲少少設計方便到客人我覺得係幾窩心的。我同朋友分別叫左一個肉燥飯同肉燥麵，之後再點左三個小食，有蚵仔煎、煎餃子、串燒魚餅。首先講下肉燥，味道係ok既，肥瘦比例正常，但肉燥份量少⋯⋯大約一湯匙左右，蚵仔煎好食，蚵仔好肥美，餃子就普普通通，七味串燒魚餅入面有豆，豆香加埋魚香味，不錯。飲品點左杯凍泡沫珍珠奶茶，估唔到佢少冰得黎又夠凍，糖醬分開上都幾細心，自己可以調教合適嘅甜度。

睇住佢開因爲日日搭車都會經過，今日試左，叫左塩酥雞排肉燥飯加台灣腸！雞扒應該有醃過，但食起黎唔似塩酥雞味，又乾！肉燥太少了吧～雞已經好乾，肉燥又少根本撈唔到飯食...糖心蛋都幾滑，台灣腸味啖！整體感覺覺得所有食材都唔岩味咁，而且真係好乾...果3樣調味粉落左都無助食材變美味，反而令到食味更難食，一d都唔match。飲品揀左凍蜂蜜紅茶，一貫香港餐廳飲品=無味！令外餐廳方面，樓底高無壓迫感，但冷氣亦唔足夠，食到流汗幸好價錢唔貴，不過位置咩都唔近，唔會特登再去！睇食評話好好味....我諗冇咩要求既可以一試嘅～伏

每次經過都見門口一大班人, 今日就提議下去試~~好彩12點左右未算多人, 待應生話坐高枱即刻有位, 咁梗係唔等la~店內設計屬簡潔新潮, 用黃/白作主調點單紙一人一張, 好方便~見到"燥底撈"個名咁得意, 就一於試下係咩料LA~~叫左"山椒七味豬扒+燥底撈"原來係肉燥撈米線 (似係米線O既粉....)點左香辡味, 辡得岩岩好~ 唔會搶左肉燥O既味, 第一啖食入口已經停唔到, 真心想講係食過最好食o既肉燥!!里間肉燥唔跟台灣傳統, 感覺是為香港人而設, 食得出醬底好燶, 但一D都唔油膩~ 豬扒夠冧夠入味朋友就點左回魂黑醋豬軟骨, 佢揀飯底~ 肉燥同樣出色, 試左一件豬軟骨, 不是很冧那種, 岩鐘意有咬口O既朋友朋友反映飯底手撈肉橾軟乾身, 好似唔夠汁咁, 下次要問下有無得叫少飯~~始終個飯對女仔黎講算大碗.跟餐附送凍/熱茶~ 如果唔鐘意, 可以加錢叫珍珠奶茶之類."一定會再黎!!"  臨走前心諗.......

唔知咩機制，要寫夠200字先有得比評分，垃圾，下面番正題。今日（17年8月9日）第二次食，比開業嗰陣少咗好多肉燥第一次食記得肉燥好充足，食到最尾嗰啖都仲有肉燥，而家食兩啖就無晒肉燥，要干食白飯，倒不如改名叫一碗白飯

首先，佢價錢其實真係冇得輸;第二，裝修格調於同區內實屬出色，大至天花模仿珍珠在飲管內的模樣的裝飾，小至員工圍裙上的扣針公仔，真係要俾掌聲brand design的團隊。但一間餐廳最核心的是食物，其次是員工與客人之間的交流。 你呢兩樣做得好，價值貴都值得俾，而裝修亦都只係錦上添花的伎倆。第一次試，叫最低價錢嘅set，最平嘅都做得好，其他應該差極有限。台式重點嘅泡沫珍珠奶茶茶味和奶味都較淡，珍珠算有咬口但無味;溏心蛋同切粒豆角係最出色，灼青菜就真係灼青菜，棒棒芝士超級鹹，食到半條算你叻，貢丸話係QQ，食落只覺得肉質鬆散，想食麵但唔想食肉燥，因為就係怕好似下圖咁，油過茶餐廳沙嗲牛ps:午市都幾旺，喺個場仲有好多位嘅時候，經理已經好落力安排大家坐得tup tup hum，後面成排櫈，四位檯已經坐緊1+1+2，一餐飯半個鐘佢已經周圍問坐低咗嘅客你係咪一位你係咪一位，公司應該要多謝呢類經理，佢將你鋪頭嘅坐位完全maximized!