一粥麵 (已結業)

今晚6點半去咗上水一粥面食，買票都排晒隊，餐廳也9成滿座。我哋見到”花膠醉雞鍋肥牛餐$68” 即刻就點了，服務員送上來，我們都有點驚喜😁d配料多到我一個女仔都食唔晒呀...有一碟醉雞塊(幾嫩滑) 一盒肥牛片(都有好多片), 另有鮮魚片、魚旦、魚片角、雲吞、烏冬、粟米，生菜，仲有花膠筒，在火煱煲內還有蒸籠可以在邊食火煱同事蒸鮮魚片及醉雞塊👍🏻👍🏻 咁大份真係要兩個女孩才食得晒呀...價錢$68，剪埋報紙折扣券仲平多$4👍🏻😁

今日落雨，又濕又凍，個午餐又太難食，所以放工好想去食返d熱野暖暖身。本來諗住食炸雞店，咁啱望到隔離呢間仲有下午茶，價錢又唔係太貴，就揀左呢間。今次叫ge下午茶餐有一碗細蓉，一隻雞全翼同一杯奶茶。碗細蓉都有3粒雲吞，雖然唔係話大大碗，但香港百物騰貴，32蚊有3樣野又食得飽，味道又正正常常，價錢都算公道！！！杯奶茶好啱我口味！食完個下午茶真係好暖好滿足，成個人當堂精神曬。

今晚又想偷懶唔煮飯，之前大魚大肉咗幾日，清清地食個粥和腸粉做晚餐就最啱。喺上水晚餐時段有粥食的地方，大概只有三四間。一粥麵係最中之一。艇仔粥，粟米腸粉 $39粥還粥，海鮮還海鮮。粥底味道較淡，搞勻材料先有返啲味。粟米腸粉蒸得較乾身，味道較淡，要加多少少豉油食。碎牛粥，羊城叉燒腸粉 $38粥底又綿又滑，碎牛肉質感較軟，油炸鬼增添口感。粥的溫度夠熱，食咗個人舒服晒。羊城叉燒腸粉好足料，食完好飽肚。叉燒不會太肥，腸粉較乾，熱食還可以，冷咗先食就真係有點難入口。快餐還是快餐。食物真的很一般。值得一讚係店員的服務不錯，收餐、清潔，快手又乾淨。

久違了兒時屋邨酒家美味干炒牛诃，今天竟然在上水一粥麵找回，牛肉大件件數亦多，肉質剛好有咬感，芽菜爽口足夠，只欠忘記添加芝蔴，厨師鑊氣炒功絕不遜色並可餚美大排檔或酒樓的出品，開工午膳又一意外驚喜！

今日收工同男朋友去左上水行陣街就是但搵d野食，於是去左上水匯間一粥麵食晚飯。我叫左頭抽墨魚片頭墨魚丸撈粗（$37）個麵冇煮太耐都尚叫爽口，但墨魚片頭同墨魚丸唔太食得出墨魚味。男朋友就叫左荔灣艇仔粥配蔥花炸腸、豉油炒麵（$63）男朋友覺得佢個粥入面有蝦叫做有誠意XD但炒麵炒得唔夠乾身，蔥花炸腸唔夠脆！我地都叫左凍檸檬茶，屬正常味道冇咩特別！如果呢個價錢配呢個味道，略嫌太貴而且份量少，男士會食唔飽。男朋友耍手擰頭話冇下次！

跟家人約了去錦田採摘士多啤梨 先搵地方 醫肚餓 上水匯地方方便感到乾淨排隊不用五分鐘就 搵到位及點餐粥麵店人流快 基本上不要等太久 點了兩個必食午餐生菜配雲吞麵炸兩配牛腩麵雲吞麵鮮蝦 新鮮 分量不算少炸兩份量太量大 就是 ok牛腩麵 合格水平不會太鹹要一讚 地方環境清潔乾淨 衛生下次再來要穩陣之選

作為宅男, 又係那句, 上水茶記唔掂, 幫襯大財團, 有時會穩陣D.上水匯5樓, 幾間食試, 一粥麵地方夠大, 但環境總係暗暗的。不過是旦啦, 反正我都係外賣....見二字頭, 買個細蓉試下, 連杯凍0茶, 29大元.食落雲吞較實, 因外買湯另上既關係, 麵身亦較韌, 湯有神, 但無髓, 即係做得幾似細蓉咁格, 但食唔到廣東味道.不過叫做企企理理, 叫做有性價比啦, 大路貨, 收貨啦

一入去買飛，收銀姐姐態度好好，點之攞完張飛，去取餐處，我揸住張飛係到等，個服務人員好似當我透明咁，只係做佢自己野，約等左3分鐘佢先攞我張飛，然後態度極差叫我揸飛睇NO，取餐！d態度好似我欠佢＄咁！跟住我行去搵位，離遠睇住佢張d食物推埋一邊，跟住出曬所以人既單，係到電腦系統到，好似麥記嗰d咁，只留我既No，5出，但食物已經放在出餐位成10分鐘！我嬲爆，咁去收銀要求揾店內經理！投訴嗰位店員！個經理不停向我道歉。我只是去食野唓，5駛受你氣牙，5駛咁既態度牙！無我們d街坊鄰居去食野，你又點會有糧出牙！😡😡😡😤😤😤最後我都要求退款去第二道食，費事背脊骨落牙！希望你店能夠增加員工陪馴！

琴晚好晏先收工，過晒晚飯時間，又有啲肚餓，唔知食咩好，行過一粥麵，見到有個宵夜之選，29蚊有得選水餃麵或皮蛋瘦肉粥，仲可以配紅豆沙，抵食!一於試下水餃麵，麵質非常爽口，麵身好滑，麵與麵之間唔會嗱埋一住，簡水味唔重，湯底有淡淡的韮黃香味，水餃大大隻，入面既鮮蝦又夠爽。絕對對得住以麵作招箂的名號陳皮紅豆沙，好香陳皮味，而且仲意想不到咁大碗，滿滿紅豆和蓮子。估唔到快餐店出品既麵竟然可以拍得住傳統麵檔。like

粥+麵永遠是最絕配的，店名已知一二招牌菜是什麼。粥，都有吃過，在連所食店來說，水準屬於中上。但今日主要推介，我最愛的「豉油皇炒麵」，好食的條件首要是熱，此食店會以即叫即煮方式吸引客人。麵條幼細軟軟，每條麵著色帶濃濃的豉油味，有蔥、芽菜作配料，更能提升鮮味，好好味!

是日lunch食遲左 成3點已經係下午茶時間同同事黎到一粥麵 好抵食 決定叫2個!見到新出咗個刈包餐 好有中國食個啲肉夾膜嘅風味揀咗個五香肉燥餡 好好味 甜白又香軟嘅麵包 中間夾咗味道咸香嘅肉燥 5肥5瘦 加埋無數嘅花生碎 軟綿綿又有咬口 好好味熱檸水剛好解一解油膩感，酸味味再食多個細蓉，蝦肉好香，麵線夠幼，夠淋，好彈牙

今日行經依個豆腐潤商場，唔想食咁飽，就想食碗粥當餐，見依度有幾款粥餐加十蚊重有碟炒麵，所以就起依度食食物嚟到，食個炒麵先。一入口咸到爆，又唔夠熱，啲麵質又渣，求其食左兩啖就算至於碗豬潤粥，啲豬潤唔係黃沙潤，但都算唔錯，但個粥底係有"味"既粥底，食完感到口渴。