一粥麵 (已結業)

此店店员长期服务态度极差！！！本人感受是堪比全港服务意识最差的铺头！没有之一，只要倒数第一！！！🦶🦶🦶长期装聋作哑，一问三不知，假装听不到！本以为个别员工私人质素，谁知每次体验感都极差！思及，铺头经理有不可推卸之责任！建议大家慎入！！！🦶🦶🦶🦶🦶🦶

水吧果2位，長期都已經係態度差都算，因為呢位經常唔喜歡回答人問題的，只係今次買票後，又有D唔明，唔知張票是否要比佢定等號碼展示，所以問下，點知2位D態度真係差到。。忍唔住問佢地點解咁差態度，就話無。 但係做響背後係咁話我。最好笑到我最後一個餐可以取既時候，因為我都無留意呢個餐有D乜，而個2位又唔叫號碼，只係放左响餐盤便算，所以我自己攞啦。埋位與朋友食左一陣，佢走埋來，話我無買腸粉，呢碟要即刻攞走。見佢攞去掉咗。真係嘔血， 佢地自己放錯， 走埋嚟， 話要攞番， 話因為我冇買， 等就唔認自己放錯食物。 呢兩位真係一絕， 只係有 客人做錯， 佢哋自己一定冇錯， 絕配絕配

今日叫左外賣，食鮑片福建炒飯，等左5-10分鐘就拎得呢個飯無呃人一打開個飯盒就見到有兩塊鮑片😂炒飯就正常水平，啲汁水左小小，份量女人食就啱啱好，男人食可能會啱夠$38蚊一個飯連杯野飲，月尾食佢就啱哂

早餐外賣自取等差不多40分鐘，疫情下已減半坐位，排晒隊已要度體温都放咁多人入內。做又做唔切，又做漏單。又亂咁執食物畀外賣客人，叫A餐又執錯B餐，又要等再做過。不知所謂！

在樓下商場的連鎖快餐店吃膩了，行遠少少，到一粥麵吃午餐，看到有豬潤粥，就二話不說點這個。老公則點了粟米瘦肉粥，另外加了一碟油菜，共$72，非常抵吃。 豬潤份量也不少，滑淨爽口，粥底則一般，不過以這價錢算是這樣吧。

又來一粥麵吃午餐，今次試吃雲吞麵，麵質不錯，但有點䶨水味，加了一碟菜，明明菜牌上寫是腩汁，但落單時說只可選蠔油，還要淋了很多蠔油在菜面老公點了炸兩，口感及味道也不錯。一間普普通通不要有要求及期望的連鎖食店。

啱啱買咗外賣叫咗三個餸有一個餸冇咗肥牛漏咗無比肥牛我T.T 打電話返去又冇人聽依家好無助....其實講真啲嘢食，真心好食！下次我仲幫唔幫襯外賣好..可唔可以俾返啲俾我呀唔該！

經常路過，第一次來吃，形式像一般快餐店，看大大的餐牌，排隊買票，找坐位及取食物。但座位較一般快餐店濶落舒適。鮮蝦福建炒飯 - 足料好味，有很多蝦豬潤魚腩粥(送油炸鬼) - 份量很大，豬潤爽脆，魚腩肥美，粥底夠棉夠滑油菜 - 以腩汁焯的西生菜🥬很好味西柚果茶 - 味道不錯

新年流流，巿係冇邊間食肆開，即使開門做生意，都要加一加二，仲要排晒長龍。唔想等的話，就揀連鎖式快餐店，價錢都唔會標得太高。當日都尚早，但午市某些餐都售罄。揀冇可揀之下，我地只好揀了「沙丹雞扒飯」配凍檸茶（包凍飲）$39 和「鮮蝦雲吞麵配炸兩」$38。這間一粥麵的環境大，坐得闊落，枱又好多，容易搵位。麵有5粒雲吞，都大大粒，但麵質就同雲吞麵舖差得遠。炸兩的油炸鬼都脆身，不過都已經攤凍。「沙丹肉餅」係平時爸爸至愛，但今天只有雞扒咋。塊雞扒相比平時真係細得可憐。菠蘿片送飯都幾開胃。另外附上的甜豉油要讚一讚，好好送飯。唔知係咪新年後加價，兩個餐都各加了一蚊呢？

係我決定寫呢一篇食評之前，我內心都掙扎咗好耐😂因為曾幾何時我恥笑過一位ig有2.1K followers，OpenRice是LV. 4嘅朋友，佢介紹一哥焗豬扒飯嘅食評都有8.3分⋯⋯🤡但係今天，我要寫嘅食評就係一粥麵🥶👇🏽其實都唔係啲乜嘢新鮮事，因為一粥麵上年都推出過粥底打邊爐，小弟都食過一次！不過唔知係咪因為香港人普遍都係食大家樂、美心、吉野家嘅打邊爐居多，所以較少留意其實唔少快餐店都有得打邊爐🤙🏽先至聲明，我係一個唔係太鍾意食酸辣嘅人（食譚仔我從來唔會食酸辣）😊😌不過今晚食飯唔係太多啱胃口，竟然比我見到一個咁特別嘅打邊爐，$68only。由於我老竇比左一張減$4嘅優惠券我，所以實際只係需要$64就可以食到🤭🤭酸菜嘅味道屬於少酸，亦都唔會太辣😆 魚肉及豬肚嘅份量都算多，湯鍋裏邊亦都有芫荽、芽菜、木耳。另外仲有肥牛一盒、烏冬一個以及生菜🥬整體來講都算幾有驚喜，起碼唔使成日去食吉邊先啦🤪 而且一粥麵有送餐服務，店員亦都好有禮貌，所以呢一餐性價比我會比好高分數👍🏽👍🏽 ——————————食物質素：7/10 環境衛生：7/10 舒適度：7/10服務：8/10 性價比：9/10 總評分：7.

服务态度差，下午茶去食野，d嘢超耐，之后仲话机坏左(部number机，姐罗嘢食果部)，根本部嘢都无问题，讲大话，唔啱啦！之后好啦，有野食啦！咁执野个阿姐见到你食完一碟啦，咁就问都唔问咁拎走(btw我仲有其他嘢未食),见到你食完咩就收,😡😡😡,好差啊！D人真係，仲有，个阿姐执野，D水弹到超远，家下你好唔想做咩，唔想做唔好做啰！其实最好就请返D好D嘅人，interview有无啊？选取态度好的，这样客人食得开心，员工又做得开心!is bad!not good enough!

喺大埔又去食下午茶啦，今次揀一間平民化小小嘅一粥麵，位於一個新型屋邨嘅地下鋪頭，入到去大多數嘅客人都係以長者為主，買嘢食嘅方式同出面嘅快餐店一樣，都係要先係收銀處俾錢買，再攞張飛去攞食物。我哋就叫左一個豉椒味排骨鳳爪飯配凍奶茶，同埋一碗牛肉湯河再加一碟炸兩腸粉配熱華田，好平呀兩樣加埋都唔使＄100。排骨鳳爪飯就普普通通，咁嘅價錢都算OK嘅，鳳爪同排骨好似出面啲酒樓嘅點心咁都冇乜分別，都係咁嘅味道，飯既硬度到都可以。個河粉就普普通通泰林啦，不過牛肉味都幾重嘅，咱倆入面啲油炸鬼都唔除嘅，不過咁嘅價錢有咁嘅質素都OK嘅，唔好要求咁多。

與家人到慈山寺參拜後，就帶爸爸到大埔墟馳名的鴻記吃雞蛋仔，$8 一底的雞蛋仔實在超值，可惜這天人流較多，雞蛋仔的質素亦一般，只是淋淋的，不及初訪時的外脆內軟. 當然一底雞蛋仔就不夠飽的，就到了寶鄉村的一粥麵吃下午茶. 燒汁豬扒刈包+粟米瘦肉粥+熱奶茶 ($27) 家父要了這套餐，說豬扒刈包居然要熱烘烘的，相當鬆軟可口. 記得上次於屯門店吃到是凍的，這分店的食物是即製實在好吃多了. 至於粟米粥都是燙口的，粥底都幾綿滑，這個價錢還配上餐飲，實在便宜得無話再說. 燒汁豬扒刈包+齋腸粉+熱檸水 ($27) 媽媽則要了齋腸粉餐，我也吃了少許，只是為了要吃腸粉的麻醬、甜醬而已. 腸粉夠熱又夠滑，配上醬汁已經很美味. 選配食物後，可以優惠價加配 喳咋 ($6)，只售$6 的喳咋也絕不欺場，甜度適中，內裡還有不少花生、綠豆、麥米等，喝後相當溫暖又飽肚. 這分店面積相當大，而且人流不多，水準亦比屯門店好得多，如果下次回大埔，想找個地方吃點輕食，我會再來的~ 大埔寶鄉邨地下G02及G03號舖