一粥麵 (置富第一城‧樂薈)

營業中

休息中

其實一粥麵都係大家樂集團，所以嘢食水準都唔會太高，但係見到又令人想食🙂。一粥麵，顧名思義有粥有麵🤠，同埋一啲腸粉類。 今日唔太肚餓，一於叫佢嘅炸兩試下，腸粉皮夠唔夠米香嫩滑，炸兩夠唔夠香脆😎😎。都係三十幾蚊就有一碗麵，快食快走都係一個好選擇。炸兩好唔好食，取決於佢嘅腸粉皮夠唔夠滑，同埋炸兩咬落去夠唔夠脆口🤓。 兩者配合加埋一齊，咬落去有少少油份滲出嚟，就代表好嘅炸兩🤭。 加埋我最愛嘅三色混醬，甜醬芝麻同埋麻醬，好簡單嘅食材配料，但係就其實都幾好食😈。一粥麵啲粥其實都唔差，下次再嚟食👻。

我覺得一粥麵係大眾化嘅食堂 ,粥粉麵飯樣樣都有齊 ,可以照顧到很多老人家嘅胃口 有我哋細個食嘅艇仔粥、油炸鬼、炒麵同炸兩一般連鎖店餐廳都係做西餐居多.一碗碎牛腩米粉好惹味,牛腩 細細粒容易食.炸兩唔係周圍都有得食㗎,一粥麵仲維持到有我哋細個炸兩的味道已經好難得.我最喜愛嘅粟米粥 又清又健康有多元化嘅食物種類,例如呢個雞髀飯下午茶仲抵食28蚊起,而裝修係一般,羊毛出在羊身上.如果唔食粥仲有好多其他種類揀、例如雲吞麵、小菜 、飯類等等

睇完某雜誌介紹，一直心思思想試下，今天因為買唔切餸，終於有機會來試下。粥底火煱有兩款，個人覺得醉雞煱比海鮮肥牛好味和抵食。首先，醉雞有少少酒香，而且烚左幾耐都好，雞肉都一樣滑👍🏻，其他配料方面丶豬潤夠厚，好有口感丶雲吞亦用足料，粒粒都有一至兩隻蝦，不過，魚腩則比較多碎骨和油炸鬼因為濕左，所以唔脆。至於海鮮肥牛火鍋，主角是帆立貝，粒帆立貝夠厚身，亦算新鮮，但洗得唔夠乾淨。但三色手打丸則麻麻，墨魚味果粒，仲好似有D臭。肥牛係普通貨色，約有五至六片。整體而言，$78海鮮肥牛火鍋vs$58醉雞火鍋，後者大獲全勝。

初開店時，這間一粥麵絕對是屋苑快餐店之首選。尤以晚飯之小菜，價錢雖較同集團的大家樂貴，但絕對物有所值，性價比甚高。但自數年前身型較胖的男經理離職後，一切也改變了。近月試再光顧，發覺每下越況。腸粉吃得多，而粗糙到令人難以下嚥的並不多見。快餐店服務員多的是，但有若花名為“唐英年”的，抹枱時把枱面的糖掃落食客身上，還要瞪上一眼，再加多句“糖嚟啫”咁霸氣者，也絕無僅有。同為一粥麵品牌，愉翠苑那間的食物和服務都好多了，筆者絕不介意多走幾步。

話說早兩日去買下午茶，買左豬扒包配炒麵魚蛋外賣。拎飛後就等叫號碼，過左好幾個號碼都未到我，我就上前去水吧問，個個「培訓員工」睇都冇睇我張飛就叫我：「等Number叫飛啦」（語氣唔好），之後我就話：已經過咗好多個Number，同埋點解我見到人哋出咗炒麵，我嗰個外賣盒都仲未整，之後負責整麵嗰邊個主任又係態度不友善就話：「我都睇唔到張飛！！」之後仲話外賣得兩粒魚蛋，堂食先有三粒。我問點解但冇人解釋......整體來說服務水準下降👎🏻👎🏻👎🏻

-15/11/2017天氣開始轉涼喇就好想食返啲暖笠笠既野食食粥就最好不過啦來左一粥麵食左呢個香茜魚粒粥有花生呀蔥呀最憎既薑呀同埋香茜仲有魚粒魚粒係冇骨既唔怕會啃親

今日(21-4-2017 Fri)去醫院後出o黎食個晏,由於時間早,所以有好多位,由於好肚餓,所以買o左:$33.00o既雲吞麵餐,呢個有油菜,加$9.00要凍豆漿,再要個煎蘿蔔糕,要$16.00,TTL$58.00.去到攞食物,煎蘿蔔糕即有,雲吞麵餐就要等叫No.,咁我先攞煎蘿蔔糕,煎蘿蔔糕有三件,我嗅到好香,食吓先,好彩唔係全凍,煎得唔燶,夾起o黎唔會散,臘味足,口感正常,唔差.味道: 5分食o左一兩啖,我o既雲吞麵餐整好喇,麵o既份量唔多,唔大粒o既雲吞有5粒,食吓先,雲吞餡o既蝦同豬肉各一半,味道鹹香,麵就冇過腍,湯就太清,不過算啦,又係健康啲.味道: 5分而油菜係生菜,OK正常冇問題.味道: 5分至於凍豆漿,張單寫冰鎮豆漿,都唔係o既,凍又唔係太凍,味道就唔太甜,都係OK o既.味道: 4分服務:我叫o左雲吞麵餐後要凍豆漿,收銀就即同我講加$9.00;蘿蔔糕$16.00.我食完o野後起身走人,啲亞姐會即刻行o黎收o野,好有效率.環境K o既,夠闊夠舒服.衛生:有蚊滋飛o黎飛去,個杯有漬,呢啲要攪好佢喇.抵食係2.75分

簡單晚餐，味道不過不失。鳳抓排骨煲仔飯 $45飯煲得軟熟又夠香，可惜飯焦太燶。皮蛋瘦肉粥餐 $29幾抵食既宵夜餐，除左粥之外仲有四粒鯪魚球～個粥煮得好綿，鯪魚球夠彈牙。豬手湯麵餐 $43配XO醬蘿蔔糕，蘿蔔糕唔錯。豬手太多毛無清乾淨，麵質爽口。

今日返工放飯同事介紹附近有一粥麵，下午茶幾抵食，咁我就諗，不嬲麵唔鐘意食粥，所以都唔去呢d鋪頭！不過，佢介紹咪去食下囉！入到自然略過哂d粥，一野就見到牛肉刈包！就好想食，諗都唔諗！就叫呢個，個餐仲配多樣小食，咁我就加左個豉油皇炒麵，飲奶茶！$27都幾抵！個牛肉刈包幾好食，牛肉份量唔少，仲有好多蔥，同醬汁，個包皮好軟熱熱地！好味個豉油皇炒麵不過不失，三四啖食哂！整個下午茶餐唔夠飽！不過幾好食既個刈包

今晚一支公食飯, 所以響呢頭收工就順道食埋先返屋企. 唔想食快餐, 黎左呢間食港式粉麵.兒時最喜歡食炸醬撈麵, 一於懷念一下. 一碟炸醬麵要35蚊, 有D貴, 份量中規中舉. 麵質無梘水味, 食落爽口彈牙, 加左少少湯, 麵餅都無黏埋一舊, 唔錯. 炸醬都算幾多, 可以撈到成碟麵, 味道帶甜, 無辣味.反而個上湯就咸D, 撈落麵度剛剛好.

每年公司一次大會都要去呢區，但由於人生路不熟又肚餓，是但搵間快餐醫肚先！ 細雲吞麵，先飲啖湯，好香蝦籽味！但果種味道香得黎唔實在。呢個價錢$30蚊連飲品係合格，但相比傳統老店始終有好大距離，睇你想要咩。 咸肉糭，材料豐富，綠豆、蛋黃、肥豬油樣樣齊，$18蚊算抵食！熱檸檬茶，檸檬三塊算厚，但杯茶無咩檸檬味，茶味淡。整體黎講$48蚊係好抵食，以呢個價錢嘅表現係對比其他連鎖食店出色。

試了新出的蝦球撈麵，賣相好蝦子多蝦亦夠大舊，但麵分量太少，39元不連飲品只送一碗味精雲吞麵湯。完全不夠飽，很不划算。味道方面個人覺得有點清淡，蝦子不太鹹吃得不夠過癮。嘛跟想像中差不多，不會翻兜就是。

今次唔想食兩碗粥, 所以叫1個粥1個撈麵, 但D人唔知做乜, 叫咗走青, 整幾次先走哂D青, 所以比平時等得耐~  豬潤粥今次D豬潤唔夠大塊, 細咗D, 同埋又un咗少少, 但個粥底都還OK, 而且落咗好多薑絲, 可能驚D豬潤仲有味~  叉燒腸叉燒都算好多, 但個皮略為厚咗  雲吞蝦籽撈麵雲吞有5粒, 一啖一粒的size, 至於個麵, 變咗一大厚, 要加少少湯先分得開, 但都幾勁鹼水味, 雖然佢都灑咗好多蝦籽响面, 但d蝦籽冇乜味, 好彩唔腥啫~

中午外賣滷水雞翼飯，番到屋企打開發現無雞翼，淨係得茄子同飯。想打電話去分店，上網揾唔到，打去1083問，話呢間舖無登記電話。唔通要搭車番去攞幾隻雞翼？係，我應該開黎撿查下先走，但買幾樣野唔通樣樣拆開撿查先得？

$30一個午餐，扺食夾大件！套餐有粥、雲吞麵、牛腩河等等選擇,仲有小食，炒麵、菜、炸兩等等配撘，真係唔錯！叫咗牛腩河配菜心，牛腩好入味喎，清湯又唔係大濃味精，河粉又唔太油，比想像中大碗。菜心啱啱好，完全冇過熟，爽口，蠔油放一邊，唔會梗硬迫你食蠔油菜！家樂高級版，幾清靜，而且好乾淨，服務亦好好。