一粥麵 (碧堤坊)

營業中

休息中

呢碟乾炒牛河有齊所有缺點1. 太油2. 河粉痴黐住晒3. 一開始無煎香d河粉先炒4. 太甜5. 芽菜都炒到軟晒身6. 河粉斷晒碎濕濕仲話自己招牌，我的老天啊，個廚有幾咁渣幾咁hea先兜到碟咁既野出黎比人食？我係11點去食，基本上未有咩客，其實耐心d炒個結果都好唔同，咁既出品不如一粥面考慮摺左個所謂即炒部，分分鐘用預制菜整番熱都仲比呢碟野好食

今天早上大約10:00到此買早餐，人也算多，單也算多。看到在counter 看似兩位經理的兩位員工正努力地工作，一個蘋果臉和另一個穿著深藍色無袖冷外套正合作無間地出餐，每一份餐她們都清楚地打點客人所點的食物是否出齊，這一舉動在過往的這間快餐是少見多。其實在之前見到她們在場的時間整個工作環境也整理得井井有條。今早由收銀員到前線員工以至外賣員工我都要比個like 佢地，之前的這間快餐店的工作效率確實有點混亂，在今日看到的表現，使人相信一粥麵仍然是一間有heart 的集團。

我看到去年12月16日的食評，實在非常共鳴。除了那時候經常沒有河粉及紅豆冰這些基本步外，在改為熱飲情况下，集團仍然收取紅豆冰餐飲價錢。另外加配紅豆沙，永遠只得2/3满，但在其它一粥麺沒有見到這種情况出現。還有一種基本步經常出現，就是外賣送多士，8次有6次都是比漏牛油，就算在這段疫情時期也不例外。在3月21日早上，顧客也只是小貓3，4隻，經理還一面與樓面員工打情罵俏，完全無看看櫃枱員工出餐情况。我買了早餐外賣回家才發現又是少了牛油，是有心還是無意？如果集團有懷疑，可以翻看閉路電視查看。

我非常同意 16.12.2021 顧客的評論。除了套餐配紅豆冰無紅豆冰外，當你轉熱飲，收銀員仍是收取配紅豆冰的價錢，簡直呃錢。另外，加錢買紅豆沙碗紅豆永遠係得3分2，亦都係呃錢。在其它分店好多都装得滿满的。其實深井呢間嘢未必關厨房事，可能係大家樂集團控制成本的策略。隔籬間大快活都唔好得去邊，D飯成日煮到都唔係俾人食。講真，基層市民想付出唔算平嘅價錢,得到根本唔係相應嘅食物，我想問一問，集團良心何在？

呢間一粥麵係我食咁多間最差服務的一閒。好多時套餐配紅豆冰，到入單時就話無紅豆冰，今日又試一鑊，真係一肚氣。又試過幾吹想食河粉話河粉賣哂，好多時都係中午時份。其實問題出在㕑房，該快餐店前線員工亦對廚房敢怒而不敢言。大家樂集又唔敌敢炒廚房。其實其它一粥麵分店我都比100分，呢間如果唔想做，不如執咗佢！

叫咗咸蛋肉餅外賣，跟住去隔離萬寧買野，十分鐘之後返嚟話冇肉餅，我改咗蟲草鷄，個經理用對講機叫入面改，10分鐘之後廚房個阿姐又叫出嚟話我張單號冇肉餅呀，我同個經理講我張單改咗蟲草鷄，佢淨係識叫我攞住張單😨😨😨...我頂唔順俾返張單個經理，過隔離大快活買，兩分鐘走得。絕對唔再幫襯一粥麵！其他人講得啱，服務態度非常差！

食物味道可以 但餐具不清潔在這個非常時期 人都需要繼續生話，要保持心境開朗，小心身體注重衞生。今天工作後去了深井的「一粥麵」吃個簡單晚餐便回家，叫了一個 魚蛋雲吞河，河粉滑滑的，魚蛋魚付雲吞的份量也多，總體味道不錯。很可惜餐具就非常不潔，匙羹仍黏著乾了的食物，我去換另一隻，姐姐話 呢隻污糟唔好要啦，之後遞上另一隻，之後進食都有點不安，希望他們改善一下。

今日跑步跑咗去深井， 冒著大雨一路跑一路聽歌。 雖然辛苦，但覺得可以訓練自己嘅奮鬥心。 人生就似跑步， 間中會遇到雨天， 當雨過天晴的時候， 明天會更好 。冇帶錢就去咗間一粥麵食粥。其實而家你唔難發覺大部分都有alipay或者八達通付款，是唔需要帶錢但要帶手機同埋八達通 就可以。開頭是想舊式嘅餐廳食，但怕要畀現金，因為深井有許多舊式餐室。畀咗單给櫃檯，跟住佢話要等。我大约等五分鐘左右就出來，通常荔灣艇仔粥，我以前就係其他粥嘅舖頭食落都算ok。 這裏的艇仔粥味道清淡一點， 有花生有肉有魚片等等 。有個牛肉腸都算ok， 腸粉幾滑同粥舖一條條有分別， 好似一塊塊咁。 奶茶都係一般啦， 我想一般快餐店嘅奶茶都係咁樣嘅。現在電子錢包都比較流行但係一般只有快餐店連鎖店有，一些舊式嘅茶餐廳係冇呢D設備的。 希望下次可以試下其他嘅舊餐廳。

今日下午休息不用上班。在屋企附近一間連鎖食店品嚐了一款超值的下午茶。雞髀頭抽撈粗麵套餐只是$37。仲可以有一杯紅豆冰。頭抽粗麵食落麵底軟彈煙韌 。雞髀大大隻。紅豆冰不太甜。

搬咗入嚟年幾，最初第一次試完啲粥之後已經唔敢再試，啲嘢難食唔再講，服務態度一般、等候時間超長⋯自從佢上兩個月開始有個椰皇湯加小菜，就即管俾多次機會試試，結果是非常驚喜的，芥蘭苗炒牛肉和肉餅更是食個返尋味！只是人手依然非常不足，生意好了等候時間更長！而且晚飯時間一個多小時基本上吸引的小菜都賣完！但食了一個月左右，開始發現食物質素急劇下降，最具吸引力的椰皇已經沒有了，小菜的材料明顯是換了第二個批發商，和之前吃的是天淵之別！讓人感覺就是生意太好了，可能是好的材料經常缺貨，或是為了減低成本就更改比較差的材料⋯最後很想給商家意見，既然有心改革就做好佢啦！好唔容易先令食客有返信心，但偏偏又要再一次令人失望，無語！

通粉夠曬彈牙 容易入口火煺絲份量多仲有埋栗米炒蛋夠滑腸仔味道吾差好似我咁吾食多士仲可以要蘿蔔糕跟餐我要左熱阿華田，份量不少，奶份量啱啱好，仲用有蓋杯蓋吾怕吹涷職員夠nice夠熱誠，笑容滿面，一朝早食完早餐開心曬！

之前未食過這間連鎖店的出品，去深井跟朋友做些交收，順便要坐下傾傾。我們吃了潮 式魚蛋河配蔥花炸腸。個魚蛋河粉有點驚喜，魚蛋和魚片都幾爽口，河粉就好好吃，是不太容易斷那款，都幾滑，湯底不太鹹。炸兩就普通啦，因為炸麵不是即時炸起，所以不能有太多要求，另外加了一個皇牌椰汁喳咋，味道也可以，不會太甜。但最想講是他們的衞生問題，我去取二隻小碗，都是肥肥膩膩，還有污跡！衞生一定要改善下。

星期日晚上，諗住去一粥麵食個簡單晚餐，但好有驚喜。🤣唔好以為一粥麵只係得粥同面，冬天嘅時候仲有粥底火鍋！😌我同屋企人一向鍾意打邊爐，見到佢價錢一啲都唔貴，當然要試吓！拎到嚟時，我見佢份量好多，心諗一定食唔哂！但食落發覺佢材料好新鮮，特別係魚腩！我食哂後，仲想再加單！屋企人仲叫咗羊腩煲，冬天食一流！出邊食一定好貴，但呢度＄100都唔使😎羊腩炆得好琳，配合埋生菜、腐乳醬，我哋食唔停口！😆😆

最近大家樂集團旗下一間連鎖式快餐店「一粥麵」推出咗一人粥底邊爐...我呢個邊爐🍲Lover，梗係要去試試啦！我哋就叫咗一個去骨醉雞煱($59)、同一個龍躉海蝦拼盤煱($72)。另外加多一客鮮蝦雲吞($7/4隻) 同每人一杯珍寶荔枝紅茶($6)、共$150。兩款煱同時都配有蔬菜烏冬盤(除咗烏冬、生菜、一粒鮮冬菇、兩塊魚片、兩舊粟米、仲有南瓜、半條油炸鬼同兩粒雲吞同兩片豬潤)。唯一吾同既就係龍躉海蝦拼盤喎多咗一客肥牛。而醉雞煱就有兩片脘魚腩。煱底其實可任意選擇用魚湯粥底或者豬骨湯底！醉雞煱洒味濃、細心到去埋骨、而且份量件數都吾少.....$59的確冇得彈！至於個龍躉鮮蝦拼盤...龍躉還好、味道鮮甜、肥牛都吾錯(有成七,八片)！唯一比較遜色嘅係隻蝦...吾係咁新鮮！但係個荔枝紅茶就不得了...超大杯又好飲！老實講，以咁既價錢食到呢啲質素既粥底煱...個人覺得已經算超值𡃤！不過晩飯火煱時段都係得兩個姐姐做送餐、同時又要做執檯、清潔、點爐同加湯底，人手方面就明顯吾夠，忙到踢晒腳...有點狼狽! 順帶一提、我哋食過兩次...兩次都係大慨19:45左右20:00未夠已經賣唒所有火煱咯！如果想試吓..

在晴朗的一天心情輕鬆,悠閒地到"一粥麵"正好是下午茶時段,選了一個抵食雲吞麵下午茶。除了麵還有其他粥粉包不同的配搭供選擇~雲吞麵+一杯飲品 $ 26是個至着數的茶餐。一碗輕食份量剛剛好,三粒皮滑蝦肉爽的雲吞,湯底味道也調校得鲜甜美味,而麵的韌度也拿揑得很準確,有爽,彈牙口感!食麵時加上浙醋更能中和麵裹的梘水。今天下午茶時段人不算多,座位寬鬆,坐得舒服,只是花費26元,有好質數的麵食,感覺很滿足是一個不錯的選擇!