一粥麵 (玉蓮臺3座)

營業中

休息中

食物味道大不如前  員工態度十分惡劣  對牛頭角這間一粥麵非常失望 今日十二點半至一點期間 收銀同事回答客人問題態度十分冇禮貌 冇問客人需唔需要一次性餐具 反而責備客人另外有位比較年長員工一齊責備客人 態度差 語氣惡劣 難怪牛頭角一粥麵客人越來越少！！！

可能因為呢間餐廳位於草根階層嘅社區，而且比較多大叔大媽幫襯，發覺唔少食客都冇乜修養，例如見過阿伯因為嘢食遲咗整好發脾氣，喺個位度大呼小叫。另外，亦都遇過大嬸粗聲粗氣話我坐咗佢個位，但佢行開又唔放嘢喺張枱或者櫈上面，點知佢坐嗰個位呢？至於員工態度方面，大部分都OK，不過有個執枱嘅阿姐比較冇禮貌。食店除咗餐飲味道之外，其他顧客同職員嘅素質都好重要，所以我唔想再去呢間餐廳，費事遇到冇禮貌嘅人。

如果揾唔到合心水嘅餐廳, 就會去連鎖快餐店, 服務同食物水準都不會太差, 而且會睇吓佢嘅優惠餐有咩菜式.🌸洋蔥豬扒飯 + 奶茶有2 件豬扒, 份量不少, 肉質鬆軟唔係太肥, 有拼椰菜, 合乎均衡飲食, 但就唔見有洋蔥, 可能在煮嘅時候巳溶哂. 飯量唔細但醬汁少, 雖然話醬汁之類係唔健康, 但淨白飯唔係咁好食, 好彩啲飯唔係太硬, 都易入口.🌸奶茶一粥麵嘅奶茶真心不錯, 味道唔單一, 係港式奶茶風味, 有時仲好飲過一般茶餐廳嗰啲. 總括來說, $40蚊一個套餐, 响現在咩都貴嘅香港, 可說是超值. 讚!

呢排天氣時晴時雨，幾易感冒，喉嚨有少少唔舒服，打算食清淡少少。lunch黎食超級多人，幾特別有機械人送餐。粥加腸粉加凍檸茶 $58上海排骨菜飯加通菜加凍檸茶 $70味道唔錯，價錢略貴

～晚餐．鰻魚排骨煲仔飯～🐟 鰻魚 👉🏼 腍滑，唔係超市個種彈牙鰻魚，鰻魚汁啱啱好，味道唔過咸，份量有三份一個煲。🍖 排骨 👉🏼 五粒大排骨，酒樓飲茶個重味道，入口好滑。🍚 米飯 👉🏼 夠乾身，有飯焦。㊙️ 個人評價 👉🏼 呢個價錢食材質素唔錯，可以encore，但出post嘅時候應該無賣了。💸 埋單連飲品 👉🏼 ＄60🏡 地址 👉🏼 牛頭角牛頭角道297號觀塘花園大廈玉蓮臺3座地下19-21號舖☕️ 一個人的餐桌 一個人的孤獨 請我飲杯咖啡 瀏覽下網誌 謝謝

可能今年因為沒有晚巿堂食，大家都爭住買盆菜返屋企做節，而我就後知後覺，結果......當然買唔到合心水的小盆菜。幸兒，有日經過一粥麵，發現推出了一個「五福臨門」煲套餐，嗰賣相都有啲似小盆菜，一於外賣回家頂當啦!「五福臨門」煲套餐本身都好經濟實惠，仲被我發現用手機外賣自取滿$100再有9折優惠，簡值超值。「五福臨門」煲套餐 ($142.2/9折後)除了一個迷你煲仔之外，還配埋原隻皇子鴿、白飯兩大碗和兩客私房靚湯，抵到呢....究然「五福臨門」煲有啲乜? 有多隻古法扣鴨掌、一大塊紅燒花膠、四粒北海道瑤柱、數件南乳豬手和幾隻花菇，仲有啲生菜墊底，都好足料呀! 所有食材都好入味，鴨掌滑嘟嘟；瑤柱夠鮮香；豬手入味肉嫩；花菇好厚身，最愛當然是紅燒花膠，大大塊之餘，又滑又富膠性，正!而 啲汁用來佐白飯都唔錯添! 原隻皇子鴿大小中等，但略為瘦身，唔夠肥美。睇落有啲乾身，食落又唔係喎! 肉質幾香嫩，不錯!私房靚湯味道甘香濃厚，滋補順喉，仲見到湯內有不同菇菌，真材實料，好飲!

今日近近哋係公司搭shuttle嚟咗牛頭角呢間一粥麵食lunch，我叫左個上海排骨菜飯～排骨有三大塊，比較薄身，岩岩整起熱辣辣👏咬第一塊肉質偏硬左啲同有少少鞋口，有啲失望😪 但第二三塊都好嫰滑！😯 幾好食👍 不過就真係太鹹。。。食完都幾口渴🙈四季豆整得乾身，但太油。。。所以我都冇食曬反而面頭既肉燥唔會太肥或太鹹，不錯～菜飯飯粒略嫌淋咗少少，但係菜粒份量幾多而且大小適中，幾有口感，適量油份令成個飯食落無咁乾入口更加滑👍$44黎講都算合理收貨架啦！

今日又去左牛頭角食個early lunch，１１點黎到呢度，menu都幾多選擇👍(連蜜糖雞扒配炒蛋/烚蛋呢D早餐都仲有!?😯)我叫左個鎮江骨菜飯配肉燥四季豆 ($45)，落完單等左大約５分鐘～鎮江骨味道酸酸甜甜，肉質淋滑👍但個汁就太稠啦，真係似連鎖快餐出品😅伴碟嘅雲耳好大塊爽口，但係實在太無味道，有啲食之無味棄之可惜既感覺🙈配鎮江骨個汁又唔夾，如果有啲醋或麻辣撈一撈會好好多😅 肉燥份量算多，味道唔錯，亦唔會太肥，配四季豆或者飯都好食👍四季豆夠乾身，但同時間可能炸得太勁好多尾部都有啲變黃同略嫌油左少少～反而覺得個菜飯好出色！👏👏 菜既份量算幾多，而且係爽口，適量既油份令個色澤靚啲又唔會太油膩😋整體黎講呢個價錢黎講都算中上，會再黎試下佢既燻魚菜飯👍

首先，要向黑雨下仍然在工作的人致敬！當日，好蛋人排隊買早餐，都心唸收銀員應該會做到媽燥底、食都都要預左會無平時甘好食；但……結果食物依然保持水準！到我落單既時候，同收銀員姐姐講「雞扒炒麵」，佢就好好態度話吾好意思阿，停左雞扒好耐啦，而加轉左豬扒，要豬扒炒麵好吾好？都好食，吾差架….. 我心唸應該都係吾想我係到唸阻佢時間（後面條隊好長）但到我食完哂成個早餐，又吾錯，豬扒吾會好硬，都軟，食左個靚早，心情都好！

一粥麵係我一向病左，😷唔舒服會幫襯既餐廳。因為好味既粥麵店係香港少之有少，佢地既粥又綿又滑，我最喜歡佢既皮蛋瘦肉粥配炸兩，係病人最佳既清淡選擇。另外，佢地既炒麵配豆漿，都係另一選擇。👍🏻👍🏻👍🏻

今晚同老豆兩個人食，老豆又揀左來這間，貪佢平平地，野食清清地無咩味精算係健康中式餐。此店位於屋邨範圍內，眼見都有不少長者來幫襯，價錢經濟算係良心企業，店內不常滿客，每次到來都不用搵位好方便。冬瓜盅+鮮蝦福建炒飯 ($68)冬瓜盅都幾受歡迎，上星期來光顧賣晒，今次終於點到，見在場好多食客都有點。冬瓜盅睇落細細但都分到四碗湯，有少量蠔豉蟹柳蝦魚肉，湯料吊一吊味湯清清地解暑飲味道不錯。福建炒飯比出面食的無咁油，但炒蛋飯底一般而已。鮮蝦淨雲吞 ($32)原本係鮮蝦雲吞麵可轉做淨雲吞，雲吞都有7粒仲有幾條小棠菜，每粒雲吞都有鮮蝦肉食落都幾好味，可以點埋少少潮州辣椒油更惹味。

小妹愛飲湯，特別鍾情冬瓜盅！一知道一粥麵再次推出迷你冬瓜盅，就即刻黎報到！1 set包括一個冬瓜盅、一個小菜、白飯同茶，另加多廿五蚊左右可以配多一個小菜雖然係迷你版，但都唔算細個，入面有少少海鮮肉同蟹柳，味道清清地，我就最鍾意挖埋d冬瓜肉出黎食雞味道一般，唔特別加配嘅蜜桃咕嚕肉味道唔錯, 可惜唔係好脆另外友人點左個馬拉盞炒通菜，估唔到又炒得幾香，好味跟餐配粉葛湯如果唔係成日去酒樓食飯，間唔時可以黎呢度食下迷你冬瓜盅止止癮都唔錯呀！P.S 特別鳴謝友人的新相機，影得不錯吧

1月20日星期日天氣轉涼，晚餐決定去食煲仔飯，到家附近的連鎖式快店食，去到的時候大約晚上七時，見到有好多客人已經坐低了，差不多滿座，反而購票處就沒有人排隊，我點了臘腸滑雞煲仔飯配熱奶茶，48元。取票後找個位置坐低等叫號，出奇地，不用十分鐘便煮好，憑票到柜枱取餐，取餐時已聞到很香的煲仔飯味，等了兩分鐘才打開煲蓋，滑雞肉嫩，臘腸惹味，飯香，有飯焦，豉油咸甜適中，奶茶一般，附有大鐵匙，方便起飯焦，很細心，值得一讚。整體來說，好味且性價比高。(是次光顧獲送三張現金券)

自從去了新公司, 一粥麵算經常幫襯, 但一般都是食粥麵多, 之前食過粥,麵尚算OK, 都食過上海排骨菜飯, 今日就試左揚州炒飯, 講起炒飯,一般都少係呢D地方食到, 係茶餐廳, 冰室比較多, 一粥麵都有就試下, 如果同其他茶餐廳比較, 一粥麵炒飯唔算太好食, 但對於著重健康既人來講, 佢地既揚州炒飯炒到剛剛好, 唔太油淋淋, 炒飯要炒得好, 一來唔可以太濕太乾, 又唔可以太油, 但LUNCH TIME時間唔多, 等左一個鐘就太耐, 但佢地係即叫即煮, 都算係咁, 雖然款色唔多, 但已經叫比一般餐廳較健康

我好耐都冇食過3x蚊既lunch啦,而家茶餐廳閒閒地都50蚊先落樓。同事話一粥麵有個set好抵,原來係皮蛋瘦肉粥+炒麵先$36。皮蛋瘦肉粥熱辣辣,大大碗,入面有少少雞絲,4-5舊大皮蛋,粥都算綿,幾好食。炒麵色水唔深,以為冇乜味,原來又幾夠味喎,仲可以隨自己口味落麻醬&甜醬,不過就略嫌油左d,一餐半餐還好,唔適合成日食。