一粥麵 (機場一號客運大樓)

營業中

休息中

麻辣豬扒米線 。麻辣味十足，豬扒有三大塊，分量十足，可以加配特色飲品果茶，有650ml特大杯。冰鎮奶茶也不錯。 雞翼腩肉米線 。雞翼入味，不過無乜肉汁乾身，腩肉算肥，豬扒好食啲。店舖位於入境香港樓層，取行李之前，餐廳分兩邊座位，人流不多。

海南雞味道依然不錯，雞肉嫩滑，帶少量醃製蘿蔔花生，三色醬汁正常發揮，雞份量好似少咗啲，雞油飯岀出色，重點熱辣辣粒粒分明，凍檸茶出色，茶味濃郁甜到較低，恰當好處，唯獨個凍飲杯比較細，剛剛裝修不久，環境舒服，還記得豬扒酸辣米線也不錯，下次再返去試吓。

喺機場入面其實好多野食不過當你需要成日食個陣你就會發覺樣樣都好貴又唔抵食成日食canteen 啲頹飯又係會令人心灰意冷感覺人生好似無哂落趣咁咁有好彩都仲有呢間野係到彌補下有正常中餐食下一粥麵都唔同以前淨係粥同麵依家同茶記一樣咩野都有作為快餐又唔會太違和不過我自己覺得佢嘅粥始終都係幾好食佢個撘配係豬潤粥同裏蒸糉糉就食過幾次個粒咸蛋黃都係流沙同金黃色而個粥就好綿，可能佢用米磨粉所以好滑口而豬潤就食得出好新鮮，同好彈牙而佢唔係薄切，係厚切，份量仲要好多值得推介

講起喺機場lunch, 除左越開越貴嘅Food court, 仲有一個算係正常價嘅餐廳. 原來就係E1個邊嘅”一粥麵”, 喺機場做左十年好似只幫襯過一次下午茶(25蚊一碗細蓉). 今日先發現Lunch時段Staff menu都不錯(11:00開始供應).>菠蘿🍍咕嚕肉配白飯 (HKD53)“先進”地擺部野喺sensor label上, 等左5分鐘左右就有得食. 意想不到嘅高質: 首先, 係熱辣辣出煙的. 然後, 真係好大碟, 大碟之餘係見到好多舊咕嚕肉的, 個醬好甜好好味, 菠蘿🍍切粒份量都唔少, 雖然係罐頭, 但起碼成件事係同青椒, 紅椒, 洋蔥係配合的. 白飯都好大碗, 份量大滿足呢! >紅豆冰 (FREE🤑❤️)好正！紅豆冰竟然係免費轉! 啱哂我li個紅豆控❤️腍腍嘅紅豆加埋奶好好飲👍🏻 >好似仲有粥嘅Staff menu, 下次食粥先

今日去到機場arrival Hall 食lunch，因為趕時間ge關係，諗住食個快飯，所以選擇咗一粥麵 個餐好快就有得拎 大約5分鐘左右咋👍🏻叫左個雲呑麻辣米線套餐份量都好多，米線嘅份量同譚x有得揮湯底叫左小辣都算辣，因為我就唔太食得辣，所以都食到身水身汗，而麻同辣嘅比例啱啱好雲呑比正常細粒，差唔多bite size, 不過每一粒都有蝦喺入面，但皮就比較厚 所以都算合格 $56連熱飲，喺機場黎講算平啦 👍🏻

聽同事講呢間嘅米線唔錯，所以就試一試。由於第一次試只敢試吓個小辣，打開外賣膠袋見到職員有自動幫我米線同湯分開盛載（佢地無問我亦無要求分湯），米線上面嘅辣椒吸引住我嘅視線，睇見已經覺得辣。加咗湯落去米線裡面之後，感覺係越食越辣，勁呀！餸嘅分量算多，米線分量亦非常多，如果再幫襯，一定會叫少米線，同埋問佢地有無小小辣可以揀。

之前都有聽聞呢間餐廳好唔環保，原來堂食都係咁既。今日食早餐！炒蛋腸仔（有兩條）蘿白糕（可配是日粥、餐包等）配熱飲。我個人喜歡通粉就加通粉。通粉唔會糊晒咁，有咬口！其實野食方面真心覺得很好。炒蛋半生熟、蘿白糕又有臘味味道唔會話太過多粉、腸仔唔係普通雞肉腸！通心粉有火腿，份量都算多。但講真，坐低堂食，除左刀、叉、湯匙係可以重用之外，碟啦、碗啦（有d 碗係可以再用既）但偏偏今日我用既全部都係唔環保𠺢囉！熱飲杯係紙杯，講到明堂食都有蓋，咁到底係好心幫我唔洗倒瀉，定係唔識得環保呢？我明白請洗碗工係貴，但係地球唔係更貴咩？

今日午飯就嚟到5樓低港層呢間一粥麵食，嚟到見到其實呢度啲座位唔太多🤔，所以午飯時間需要等位，我排隊購買食物就點左個職員餐豉汁排骨飯配熱奶茶，盛惠$39其實喺機場嚟講算係平㗎，由於呢間餐廳有送餐服務我就攞左個電子牌就去搵位，等左大約5分鐘左右就有位，我將個電子送餐牌放在感應器上一陣就有位服務送餐過嚟，我食落去個豉汁排骨啲肉質好林又夠入味，味道又唔太咸啱啱好，佢地杯熱奶茶嘅茶味又夠濃飲落好滑口，紅茶同啲奶加埋啱啱好，總體嚟喺機場內食到呢啲超值餐係好少有㗎，希望大家喜歡啦

由於在機場禁區工作，一粥麵非常近我的工作環境，故此以往這裡經常成為我的飯堂。這裡不算大，但是亦可擠滿50個人以上，所以會比較擠逼，有時候亦會等位。雖然員工的工作態度還挺不錯，但有時候想靜靜地休息一下這裡就不是佳地了。提及到服務，這裡排隊付款後收銀員會給你一個膠牌，只要將膠牌放上這張黑色貼子上就會自動把號碼傳到送餐處。然後就會有專人為你遞上食物。突然想食這裡的海南雞飯，最吸引我的是伴菜...海南雞旁邊橙色綠色白色一條條的，是醃漬過的，酸酸的非常開胃！外面店很小會有這種配搭哦～另外以前雞的份量沒有這麼多，現在比較多了～可是....肉質沒有以往的滑...退步了。而且飯的雞油香亦較淡，失去了以往出色的味道幾個月前開始發現很好吃的米線已在退步，這幾天食海南雞飯又有點失望....下次要病了才過來吃粥吧....

從荃灣趕上班，不要說吃午飯，就連一杯水也沒有喝過，只能抽空來個快餐。一粥麵任何時候都有人龍，其實個人認為又貴食物又一般，但地點就腳，那也沒辦法。皮蛋瘦肉粥雖然很綿，質地很滑，但過於濃稠，粥料又少，食完只是一陣風。豉油皇炒麵粥是一定滿足不了，只好加錢要一碟炒麵，其實幾乾身，加點甜醬就更惹味。凍檸檬可樂早上還在喝熱飲，但為了趕時間，改了凍檸檬可樂。其實真的不想買外賣，太多不環保的包裝食具，唉！

其實為了環保，真的不喜歡買外賣，但有時因工作關係，偶爾一次吧!下午茶時段，點了雲吞麵套餐，可能是人多關係，都等了近10分鐘。可能想味道好一點，麵跟湯是分開上，結果是又多了一個膠碗，很有罪疚感。麵底雖然分開，鹼水味依然很重，後悔沒有取浙醋，吃得一頭煙，湯底是大地魚湯底，但淡而無味，差爆。雲吞是一口一粒，亦是平平凡凡，毫不突出。相信最好是熱檸檬水，果然是無希望就唔會有失望，應該無下次了。

剛剛由las vegas飛返香港，長途機後好肚餓，就係機場開餐。咁耐無食中式野，即刻幫襯呢間平時好少去既鋪頭。點了麻辣雲吞米線，咿，一啖湯連雲吞食，正呀喂。雲吞裡面粒蝦唔細，皮都夠薄，重點係個麻辣醬，麻住條脷之餘又唔會蓋過陣辣味，辣中適中，配上米線，有驚喜。另外點了雲吞麵，無乜驚喜但係唔差得去邊。

肥妹食黎食去都係呢個有得揀大中小辣或者辣另上我好欣賞 可以揀返唔會太辣定無味雞翼鹵得夠味 但有時會甩皮甩骨大腸夠香 唔太肥唔會乾 都處理乾淨湯豬骨味無乜 如果無辣嘅會無乜味辣中有麻 有油香 但偏油膩肉醬酸菜不太酸 但夠味道再配左九菜 芽菜 腐竹米線 還算健康呢個係機場獨有 所以出面食唔到不過成日都好多員工食 等好耐

每次都唔會堂食 因為旅客太多我只會買返office食而且 都只會買麻辣米線呢個係機場獨有 因為其他一粥麵我無見過佢個辣 可以揀大中小 或者辣另上口味隨你喜歡 又唔會怕太死板個辣比較有層次 有麻子嘅香 辣肉醬加入酸菜 酸酸辣辣好開胃米線 配料有腩肉雞翼 大腸雞翼 淨雞翼 同雲吞今日呢個係大腸雞翼 佢個大腸同雞翼都夠入味米線唔太林 仲有九菜芽菜同腐竹 都足料嫁而湯底係豬骨湯 外賣亦細心地分開裝唔怕我地放到林晒都未食得只係有時會太多人等 等候時間太耐所以堂食好先進 會有個號碼 放喺枱面個標誌就會有姐姐送埋過黎俾你 方便又簡單

之前說過在機場想找性價比高一點又或是味道可口的，真是一隻手數得出，難得仲可以稱飲食天堂。就在入境大堂禁區，不論入境或出境，都有食肆在附近，當然，好味與否是見仁見智。一粥麵位處入境大堂，左右是轉機轉船的櫃檯，人流自然暢旺，加上差不多是獨市生意，收費就算貴一點亦不出奇。下午茶點了皮蛋瘦肉粥，另加$10有炒麵。其實真的為了環保，在下對於外賣餐盒是避得就避，只可惜機場內大小食肆，不少都是用上即棄餐具，破壞大自然，的確要負上責任。今次偷雞不外賣，但盛炒麵的，依然是膠盒，真的很無謂。由於是大集團出品，水準只有穩定，而毫無特色，粥底厚綿，但食落帶點黏口，不太討好，而粥料倒算平均，佔了四份一碗，不過食完有點口乾。炒麵夠乾身，雖然是預先炒好，放入蒸籠保溫，但又不覺太濕，而灑上少許芝麻亦增添香味。份量不多，作為下午茶還是不錯的，只是座位有點狹窄，四周又人來人往，想好好靜一下是莽想了。