影片
營業時間
今日營業
07:00 - 21:30
星期一至日
07:00 - 21:30
以上資料只供參考, 請與餐廳確認詳情
優惠
超惡劣的外賣包裝服務, 究其得過且過！外賣二磅的黑草羊腩煲, 用超薄錫紙盒 加 透明包裝蓋, 再用外加保鮮紙包裹外面. 連湯連羊腩冇分開包裝, 外賣袋拿起來軟泡泡的, 拿上樓不到五分鐘路程, 錫盆全部变型 ,最終湯汁跟羊腩完全分離. 結果變成冇湯汁嘅羊腩煲！ 想要反應一下意見啦！分店電話打極都冇人接聽 ！差！差！差 ！快餐店駛三百幾蚊, 羊腩肉質尚算可以, 材料都算足夠的, 但冇汁的話變成大打折扣, 變咗貼錢買難受, 超級惡劣的外賣服務 ！
繼續閱讀
昨天朝早想食炸両，去新港城一粥麵食個艇仔粥套餐（$47）！真係一碗難食到極點嘅粥，除咗因為佢加咗魚片（魚肉放喺粥，係我覺得最腥嘅食法！🤮), 仲讕係真材實料咁加蝦仁，魷魚，但全部係急凍充滿雪藏味！仲竟然唔係落瘦肉，落叉燒！叉燒泡粥！😨！最後我落咗三包胡椒粉先勉強食咗大半碗！而那碟炸両，又凍又淋！服務態度又差，白白浪費了食碳水化合物的quota! 全日諗起呢碗粥，我彷彿仲聞到那股腥味，我諗要過一排先敢再食粥，自己煲都唔想，好大陰影！
繼續閱讀
好少去一粥麵食，成日以為得粥同埋雲吞麵食，點知原來有好多選擇。今次去食下午茶，除咗有粥，麵之外，仲有好多下午茶套餐，同埋懷舊小食。俾我見到依家好少有既炸髀 + 紅豆冰 既組合，真係童年回憶，即刻試下。佢既炸髀變咗做生炸無骨雞髀，有啲似炸雞扒，不過都好香脆，同埋份量唔細。紅豆冰就正正常常，不過唔使加錢，已經好難得。套餐仲有頭抽撈粗，十分飽肚，不過就冇其他配料。成個下午茶組合 - 生炸無骨雞髀 + 頭抽撈粗 + 紅豆冰，加埋都係 $38，真係性價比十足。
繼續閱讀
晚上粥鍋邊爐另上一碗粥,只有半碗，粥水都這樣慳,其他分店都有一碗粥滿, 食過幾間粥底鍋都不是只有半碗粥,地方污蔑,有小強在牆壁行走,呢間衰到不得了.這分店之經理真是要好好檢討下.
繼續閱讀
雖然只係下午茶，但份量很多，而且價錢便宜。適合打工仔一族平時省錢又夠飽，一個炒飯+一碟菜都係只需$58蚊，連埋一杯熱野飲，真係已經好少地方做得到。😣😣😣👍🏻👍🏻👍🏻
繼續閱讀
您可能會有興趣的...