一芳台灣水果茶 (已結業)

曾經係台中飲過一芳水果茶，當時覺得都幾好味，水果茶黎講算幾好飲。所以都一心想係香港試下哈哈，咁岩係荃新天地開，經過就梗係去望下。開左幾日，但係都唔多人排隊，太幸運了。仲要買到杯每日限量100杯既黑糖粉圓鮮奶，wow too lucky!!!1) 黑糖粉圓鮮奶: 之前試過台中既6角巷，好味到爆！！呢杯都唔錯，可惜甜度同冰都係固定><但係d味幾好，粉圓細細粒唔洗咬到牙交軟。不過d粉圓就不夠甜，所以我都係麻麻地哈哈。2) 粉圓鮮奶茶: 呢杯就真係有d普通。茶味不夠重，反而奶味好勁。喜歡茶味的朋友，可能就要選其他的了。

之前同朋友去開朗豪城...朋友話想試...可惜去到已經關門了。今日咁啱帶我家中狗寶貝去荃灣剪髮，經過見到商場牆身嘅大廣告，就諗住放低老友狗狗之後就買番杯試下。上網搵下佢晌幾樓時，先發現原來佢開左幾日咋。去到都有條小人龍，諗緊飲咩之際，見佢有個牌寫住黑糖粉圓鮮奶茶每日限量100杯，我就即刻諗住試試佢啦.....30蚊中杯，33蚊就大杯，最後叫左杯大嘅。叫到我號碼時，一睇其實都只係珍珠奶茶....但一拎上手...「咦....上凍下暖嘅」再啜一啖....幾正喎喂，原來下面啲粉圓係暖偏熱嘅....比平時嘅珍珠更煙韌...係屬偏細粒嘅珍珠...茶味略淡...但啜埋比較甜嘅珍珠，都叫做恰到好處。係價錢就真係貴左啲啲....而佢釘晌牆上嘅飲品係係寫價錢嘅，要埋到收銀睇，或者要去收銀攞定張紙睇先可以揀定飲咩，無得一路排一路睇...