一豆花

營業中

休息中

路過見到，企係到望呢塊廣告老板開口問：係咪試食呀？好主動好友善！門面店員就比較無表情既🤭由於試食，我見佢裝左1/3碗到就叫停啦真心想試下好無味咋，因平日普通豆花$13一碗雞公碗❤️ 薑汁？我覺係糖水咋但豆腐花係幾滑，感覺係新鮮既，都唔錯佢唔係水水既質地，係偏實啲啲 28/9前都可免費試食，岩味既之後就幫襯下啦香港加油！

我成日以為油麻地C出口係有街邊魚蛋食，原來淨係得呢一間「一豆花」先有，為咗做運動前食少少野頂下個肚，就坐咗入去食魚蛋並唔係普通既魚蛋，而係鵝油魚蛋，係第一次食😯👍🏻偏油膩，而且陣味係有啲特別，唔識形容，幾新鮮但唔算有興趣再試，不過肚餓想食魚蛋$10係幾平既另外我叫多咗碗紅豆沙豆花，都還好既，豆腐花幾滑，同埋$17都幾大碗，紅豆沙同豆花既比例大約1:4啦，我食完啲紅豆沙仲有豆花剩，就無食晒了

返工要食，放工都要食。黎到呢間一豆花食小食。門面裝修好特別，餐牌豆漿有小甜/無糖揀套餐有腸粉，燒賣，魚旦加杯豆漿$28蚊。佢地仲有腐賣，EE話佢地啲腐乳好出名架。下次試下先。

要食豆腐花，當然要揀最傳統、最簡單果種，先可以食出果種風味。好味嘅豆腐花，最緊要係豆味濃、口感滑。難得一見有專賣豆腐花嘅糖水舖，可惜豆味同口感都一般般。不過，價錢平平哋，過下口癮亦不失為過。

今日早餐食得好飽, 於是就skip咗個午餐, 點知到咗三點三又開始肚餓，內心有啲掙扎啦！究竟食個茶餐好唔好?! 抬頭一望，見到"一豆花" 個招牌， 哦，我有答案啦！呢間舖嘅豆腐花有成十款，仲未計冷熱兩類！我叫咗一碗芝麻糊豆花堂食，豆味唔算太濃， 芝麻糊就甜咗啲，但勝在夠熱又唔貴， 補補鈣！

今天，happy Friday 。同老婆，囡囡一同出去佐敦食下野，因為帶埋阿囡係身，所以食糖水方面，要照顧埋佢既健康。香港人，食飯後糖水，總離不開杧果，朱古力同士多啤梨口味，如果文青d , 又會選擇食下舊式熱糖水。但有品味而又識為女仔美颜既，同另一半食下豆腐花，其實都係一個唔錯既選擇。呢間”一豆花”，雖然分店都有幾間，但本人之前都全部分店都去試過哂，最后總結質素係有保证，唔需要特登去邊間先食到最好。而選擇方面，我同太太都鐘情佢地既店長推介”意米白果豆腐花”。豆腐花，幼滑而且有豆味，已經發現佢地好比心機去做好呢樣基本要求，而白果搭意米，更加連糖水都唔再落去豆腐花上面。不過，有少少驚喜食法，原來食前再加幾滴彊汁落去，味道更加會提升，大家不妨去試下，我個妹，食下食下，都食左我半碗，真係食糖水唔係大人專利，小朋友都識食。温馨提示，佐敦店，有堂食內座位，可以同另一半，開心share , 唔使等位，又可以慢慢坐低傾多陣。

有晚過嚟油麻地食飯, 食完去咗呢度坐低食碗豆腐花! 之前喺荃灣比我發現到檔5蚊雞豆腐花, 呢檔嘅豆花就冇咁抵喇...要12蚊! 不過勝在有位坐~雖然話係一間舖頭入面, 但其實環境都有少少污糟....都係求其放咗兩三張摺枱!再望到個地下...就感覺好似坐咗入去佢廚房或者去咗街市食甜品咁..我都係叫咗最簡單嘅冰糖豆腐花再加黃糖, 呢碗豆腐花就一般滑啦....可能食過荃灣嗰間先入為主, 硬係覺得其他冇咁滑~ 而且呢度嘅豆腐花又比較碎同埋熱豆腐花竟然唔夠熱! 而且份量都比較細碗.....不過味道嚟講, 都食到啲豆味嘅....整體CP值就唔算高喇, 未必會再食~

路過 見到有豆腐花 就入去試下...點知 行入幾步 就聞到小小酸臭味...其實, 雖然係舖位 但係環境根本就係舊式街巿...騎虎難下 我硬着頭皮坐低... 唉...我明你忙... 但放低要放穩... 慢慢黎... 好在無 6親... T^T 唔使擔心 過咗兩分鐘 就會融入環境嘅味道, 唔會再覺得臭~ XD我哋要薑汁豆腐花 同埋冰糖豆腐花, 其實都係會黎碗淨豆花, 因為 糖同薑汁响枱面, 自己按喜好加就 ok~原本期望唔高, 但係一放入口 幾驚喜吓, 滑 好嫩滑...估佢唔到都幾好~ XD糖嘅質量 同薑汁嘅質量都 ok 的, 唔係頹嘢~朋友要凍既豆腐花, 夠凍;我要熱嘅, 又夠熱, 無欺場~所以都幾多人食, 幾乎滿座~ 開心番之際, 一個小朋友入嚟 即喊, 猛咁大聲叫 好臭好臭啊...我同朋友... 面色有灰番...嗱嗱爬埋碗野 比錢走人... 

天口咁熱，一有機會就想食啲凍既甜品消下暑經常經過呢間一豆花，今日終於有機會入去試下原來呢間豆花有好多分店，店內有好多特式豆花，原來仲有啲熱食叫左一碗凍既薏米銀杏豆花，凍既豆花從雪櫃取出，加上一勺薏米可能係凍豆花關係，豆花唔算太滑，但入口一陣透心涼，薏米銀杏糖水甜度剛好，店內仲配有薑汁糖漿同普通糖漿仲叫左燒賣，$10/6粒魚肉燒賣友人叫左呢個熱食套餐，$25有腸粉+燒賣同魚蛋，再加一杯豆漿，非常抵食！

凍芒果豆腐花 $20其實吃過晚飯後，我和父母二人都非常之飽，但愛吃芒果的媽媽看到「一豆花」有凍芒果豆腐花卻忍不住要外賣一盒回家吃。回到家後一打開外賣盒便看到粒粒芒果都佈滿在豆腐花上，芒果的份量都算是多，芒果香甜而帶芒果香。至於豆腐花方面也不錯，豆腐花口感幼滑而帶微微的豆香。芒果跟豆腐花兩者都相當不俗，但總覺得分開兩者吃味道會更好，這是因為芒果的香甜味有點蓋過豆腐花的豆香而變得有點遜色。雖然凍芒果豆腐花並不是我最愛的組合，但整體上還算是不錯，下次再來一定會嚐嚐其他味道的豆腐花。