一起蕃

營業中

休息中

兩位女員工全程黑面，擺低任何嘢都可以用「掉低」嚟形容，企埋一邊睇電話片就曉笑，對客個面口衰到一個點，連小朋友都問點解佢地咁冇禮貌，食物其實ok但服務極趕客，唔會再幫襯 。

蕃茄醬汁湯底 新鮮蕃茄比例1/3 湯底完全水狀鹹味 越飲越鹹味精湯底完全都唔清甜雞扒又係鹹到嘔 份量又少 剩係得四嚿整體性價比超差貪新鮮唔想食魚想食蕃茄體驗超差真係冇下次唯一抵讚係冇走塑膠匙羹都硬淨

新搬黎呢邊，四圍試食下附近餐廳，喺呢間買咗外賣，話自己係皇牌辣鮮蕃茄湯底，成碗一舊蕃茄都無，仲要冇乜蕃茄味，仲要有死咸味，叫咗一餸川味牛肉，咸到黐線，未食過咁難食嘅蕃茄湯麵，仲話另一款先多蕃茄，個湯底稀到d渣都無乜，味精可能放最得最多，呢度附近啲餐廳好少有咁難食，難食到要上黎叫人避雷，勁嬲😡小店唔爭氣，唔係人哋唔俾機會你，呢間絕對唔會有下一次，連試其他嘢都唔想呀Ps:外賣份量偏少，男人一定唔夠食

本身落單揀咗辣鮮蕃茄湯底，但店員落錯單🥹得番原味蕃茄湯。飲落有茄味，但唔濃郁比較清淡。但勝在飲完唔口渴！冇辣唔緊要…枱面仲有支辣椒油，辣度十足之餘仲有些許麻香味👍🏻👍🏻👍🏻即刻令蕃茄湯底level up 🆙 🆙 🆙 選擇咗‘一起自選湯麵’米線份量唔多，朋友食完仲要過對面食多碗豆腐花🙈但配料確實唔錯👍🏻🌟燕尾蝦雲吞（3隻）雲吞皮薄夠滑，皮餡比例岩岩好，內餡好新鮮，調味又得宜，食落仲有少少嘅肉汁。呢個係必食之選！🌟炸魚腐（3粒）真心勁大粒，好足料！外貌似鯪魚球，食落煙韌夠彈牙。🌟餐肉粒超級厚身，而且仲有5-6粒，好抵食！重點有煎過，夠香脆。🌟糖心蛋時間控制得岩岩好，蛋黃夠濃稠。如果切得靚少少會吸引好多！

有相自己睇唔多講，$6餸嘅得兩三條腐皮/金菇，$11雞肉食晒成碗都係得五六粒細😅黑胡椒蕃茄湯底唔錯，辣味蕃茄湯可以食中辣，小辣冇乜味，整體湯底味道吾錯，希望餸嘅份量可以多少少。～～～～～～～～～～～～～～～～～～～～～

本身今日係想食醉藥雞既，但係奈何真係太多人，唔想等行吓行吓就比呢間蕃茄小店吸引左🌟🌟價錢嚟講荃灣區真心抵食，60幾蚊一個餐到，蕃茄湯底，唔係嗰種好假嘅蕃茄湯，仲有少少肉碎tim面底都好特別，竟然有米通同麵皮，爽滑q彈又掛湯，好正呀蕃茄墨魚餅米通墨魚餅好驚喜，又厚又彈牙，份量大到好似塊扒咁另外叫咗一個花甲蕃茄雞湯麵皮雞仲要係雞髀都幾嫩滑，花甲幾隻，冬天飲返碗暖暖嘅湯，真爽食落又唔覺得口渴，應該唔係味精湯，推介

一眼就睇出呢碗湯底係真。番茄湯底，唔係用罐頭番茄湯，番茄皮、番茄核和少量的番茄肉係嗮碗米線入面，鐘意食番茄嘅人會好鐘意😍😍🍅蜜糖腸方面係比較硬實的口感，多幾片就比較好。（圖中食食到一半時影的）另外碗邊有黑色斑點，唔知是太舊定點

先讚下佢地d個蕃茄肉碎湯底的確幾好味 仲有我鍾意食嘅咪通 而且小食嘅麻辣三兄弟都唔錯但係食個lunch起咗身十幾廿次讓人出出入入如果有機會再食可能都會選擇嗌外賣唔會堂食！

我真係好鍾意蕃茄湯米線～之前都食過好幾間主打蕃茄湯既米線，今次發現到呢間係荃灣路德圍既一起蕃，午餐幾抵食包埋支裝豆漿或者冷泡茶。  1️⃣腐皮墨魚卷鮮蕃茄湯米線（$55） 墨魚春卷有三條，食落都彈牙好食既，不過就冇特別食到入面有墨魚粒咁樣。湯底係清甜既類型，蕃茄味唔算特別濃厚，不過飲落順口。  2⃣️一起肉餅鮮蕃茄湯米通（$56） 肉餅都幾大塊，食落有肉汁，唔會煎到乾身，不過略顯甜味過鹹。米湯中間浪住啲湯汁，食既時候啖啖都飲到湯汁～  3⃣️溏心蛋（跟餐+$6） 溏心蛋好唔錯🤩真係有日本餐廳既質素。溏心程度好理想，而且入味甜甜地咁。  4⃣️鹽酥大什錦（$38） 有雲吞、雞粒、蜜糖腸同埋炸魚皮。入面鹽酥雞最好食！雖然唔係好大粒，但係炸得卜卜脆，夠香。另外炸魚皮都好唔錯，浸一浸落蕃茄湯到再食又更好食😋 

呢個舖位轉左手好多次，每次新鋪都做唔長，同埋每次經過都見到入面得好少人，所以經過好多次都冇入去， 今次終於試一試佢 ，發覺唔食真係又走寶。佢個湯係真鮮茄， 唔單止濃郁而且有一片片新鮮嘅蕃茄，並唔係用番茄罐頭，米線係幼身既，唔會煮到淋晒一夾就斷，而且好彈牙，我個人好鍾意食煙韌彈牙嘅米線，覺得好正👍，糖心蛋有酒既香甜但又無咩酒味， 個蛋黃係醃到有味煙煙韌韌嘅口感，好特別好好食，個川味牛就ok 但比較乾， 有啲似啲零食牛肉乾放咗落湯，唔太鍾意， 總括而言，絕對值得再食🤤

早餐時段,入到店內, 沒有客人, 店員在清潔餐牌, 要了蕃茄湯早餐, 最初見到餐牌寫生滾雞肉, 好奇這是什麼, 所以叫了, 吃的時候發現, 不知道是否因為先吃了奄列及麵包, 之後過了一段時間,再吃蕃茄雞肉通粉米粉, 我覺得湯底有點偏鹹, 不知是否放了一段時間, 米粉吸收了湯汁, 所以有點偏鹹, 反而雞肉就冇問題, 飲品選擇, 沒有咖啡、奶茶, 但有豆漿及柚子蜜, 我選了豆漿

今日去左荃灣路德圍的一起蕃食午餐，叫左個$49 L1套餐：生滾雞肉鮮冬菇鮮蕃茄湯米線，隨餐送豆漿或冷泡茶。蕃茄湯底濃郁，可加辣，雞肉及鮮冬菇都夠嫰滑，米線又彈又滑，好味😋

如果唔係朋友推薦然後帶我過嚟食，我應該唔會主動入去呢間餐廳，門面唔算吸引。由試業開始到而家食咗十次左右，由開頭質素唔穩定，而家慢慢變咗我嘅飯堂之一😛 唔可以期待超級好味同有驚喜，但呢個價錢食餐家常便飯係ok der。我最鍾意黑椒蕃茄湯同花甲蕃茄湯，連平時唔食蕃茄嘅我都會接受到。如果黑椒再重手啲會更好，花甲蕃茄湯就會比較甜，好香嘅蕃茄濃湯口味😋 -推薦花甲：洗得乾淨，無沙，好味生滾雞肉：同個湯好夾，我覺得好食過鮮雞

🤴🏻放工行過路德圍嗰邊買晚餐返屋企，就揀咗新開呢間 ‘ 一起蕃 ‘ 😄😄外賣湯麵分離，有見心思👍🏻👍🏻～～～香辣牛🐂筋+鹹牛🐂肉炒蛋+蘿蔔皇牌辣鮮蕃茄🍅湯底泡飯～～～（中辣）味道似冇材料嘅稀薄羅宋湯，微辣多蕃茄🍅甜😁😁！第一次見到有炒蛋🥚款式可以選擇，蛋🥚質順滑加埋少少鹹牛🐂味🤴🏻幾鍾意☺️☺️牛筋🐂超 ‘淋 ’ ， ‘ 淋 ’ 到似食緊啫喱😄😄，蘿蔔大大舊十分淋同入味，最後如果飯量多啲會更好😂😂～～～炒滑蛋🥚+生滾雞🐓肉麻辣湯底麵片～～～（小辣）有一款好特別嘅麵底 ‘ 麵片 ‘ ，問咗係餃子皮😁😁，鍾意試新嘢嘅我梗係要試吓啦！😂😂另類啲嘅主食感覺都唔錯！😙😙同樣叫咗炒滑蛋🥚質地同鹹牛🐂肉炒蛋冇分別都係咁滑😋😋，雞🐓肉都幾嫩，唔錯嘅雞🐓味

讚1 打風黎食 得番呢間有開 所以揀左 幾有意外之喜 蕃茄湯味道好真 唔似茄膏果種味 仲有麵片揀 好煙韌滑溜 墨魚餅好味道 爽彈足料 呢頭無乜同類舖有呢種水準2 冷泡茶都幾飲彈1 環境有啲黏黏地 夥計都努力啲清潔