一起‧金饍 (已結業)

是晚二人用膳，等候了半小時才有位置，並不是因為人多，而是店內空間不大卻全是四人枱。先此說明，本人向來被公認為非挑剔食家，普通茶記也能吃得很滋味。可惜今晚太令人失望了！何出此言？先讓我一一評論吧！芝麻燒牛肉飯卷：除了飯味，其他味都欠奉，即使卷物外面全是芝麻，也沒有芝麻香。雜菇：磨菇比較好吃，但菇的份量有點兒對不起價錢，都是一些平價的菇但份量稀少。牛護心肉：看起來漂亮，吃起來嫩口，可惜沒半點牛味及鮮味，店員拿來時肉還是結冰狀態。雪花牛肉：說好的雪花呢？由於價錢比護心肉貴，所以份量也比護心肉較多。但兩者相同之處便是吃不出有任何味道，同樣是冰凍狀態，而且這雪花牛肉更是過之而無不及，簡直是擲地有聲。只能說這是普通薄片牛肉，並非雪花牛。小八爪魚：這個明明是小墨魚吧！而且好咸好咸好咸，不用添任何醬汁已經咸到難以下嚥。飲品艾菲雜果味：沒有一點水果味，一喝便知道這只是一樽糖漿水，而且還是超級無敵甜的那種，連平日愛喝甜飲的她也受不了！最後幾經辛苦下，還是剩下了半瓶。前菜任添但無味，醬汁也是無味(除了不辣卻很咸的辣醬)想不到全店唯一令人比較滿意的，竟然是免費的檸檬水.......當我們吃得七七八八了，由於外

一班人突然想食韓國野，有個就話不如食依間，甘我地就跟佢去啦 首先食左個烤海鮮雜錦。佢端上黎既冰盤上十分豐富，有魷魚，鮑魚，青口，元貝，同大蝦。逐樣拎落去燒，火光映面，見住啲新鮮海鮮慢慢烤熟既樣子，真係有格外既滿足感! 燒得紅透的大蝦，剝殼後，裡面的蝦肉白淨細嫩，咬落去有炙香味外，還有飽滿爽彈的鮮味。很鮮甜! 其他的海鮮中，最令人期待的當然是鮑魚和元貝。鮑魚都好鮮，肉質厚實，元貝爽滑，燒完後表面既香味更加吸引。我自己卻最鍾意魷魚既炭香爽脆口感。食完個海鮮雜錦，大家覺得未夠喉，於是再多叫一樣燒烤，就係烤蔥花牛脷啦牛脷大大片，有淺淺雪花分佈，細心地烤好後，已感受到一陣牛香味撲鼻而來。咬落牛味幾濃，質感比較厚實，但入面幾爽，咀嚼時很是酣暢。微微的蔥花提起佢既味道。燒烤味極正!一餐韓式燒烤，既有海鮮，又有牛肉，一次過滿足哂我地對燒烤既兩大癮道。勝在食材新鮮份量足，我地都食得幾開心!

係荃灣區，集合左好多美食，咩國家都有，今日就試下呢間新野，係食韓國菜，可以烤肉亦可以叫熟食，黎得就梗係叫晒想食既野啦，烤海鮮雜錦，店員送到黎既時候，反應係嘩好大隻喎，立即急不及待，烤扇貝先啦，大約烤左15分鐘左右就熟食得，海鮮一定要夠新鮮先好食，當然不負我望，超好味，鮮甜，不需要用任何醬汁，鮮甜爽口，可惜只得一隻，真係好懷念另一件勁野就係2隻大蝦，隻蝦既長度，差不多等於個爐既長度，當然又係，新鮮係最緊要，燒左大約15~20分鐘左就食得，先除去蝦頭既殼，就已經見到有蝦膏，當然唔好浪費，再拆落去，蝦身肉質爽口彈牙，鮮甜美味，食到真係齒甲番香，回味之後店員推介烤蔥花牛脷，本人都幾鐘意食牛脷，所以就叫左一碟試下，果然冇介紹錯，牛脷肉色鮮紅，並唔係雪到死晒果d瘀紅色咁，烤既時候香噴噴，店員介紹食既時候夾生菜及加麵豉醬會更好食，即管試試，果然冇介紹錯，生菜能吸去油脂，食落冇咁滯，同埋咁樣食法又健康d, 爽口得黎又食到肉質口感，同埋牛脷冇用味精醃製過，所以保持原味之後梗係要試下熟食，韓國菜當然唔小得係芝士，就叫左個芝士雞翼，芝士汁，濃香，軟滑，將已經烤好既雞翼撈芝士汁一齊食，另有一番風味，雞翼不會比

好多好多芝士🧀泡菜飯外圍有極多芝士和蛋漿等大鍋燒熱之後就自行「煮飯仔」芝士好香濃 仲有d煙韌嘅口感加埋滑溜嘅蛋漿 正正正泡菜炒飯嘅泡菜味當然係好香好濃啦完全係刺激味蕾嗰種啊因為佢都幾辣下超級邪惡的組合我食左超多實在太好吃啦佢嘅份量絕對足夠兩個女生食呀

行過荃灣廣場地庫，見到門口午市餐牌吸引，有最簡單最韓國風味的鍋飯，相中有大豆芽，菠菜，木耳絲，剪旦等好吸引，所以點了一客，另外再點了一客鐵板豬肉。一見到什錦飯內是冇大豆芽，菠菜，木耳絲，連韓國餐廳最基本的泡菜及辣醬都冇跟上，店員說相片只供參考，廚師可隨意轉飯內的配菜。鐵板豬肉的配菜竟然是全生的洋蔥，暈了。本人只望最簡單的韓國什錦飯都咁失準，真的希望能有改善。

好耐冇黎荃灣，朋友聚會推薦有間新式既韓國餐廳，結果一行六人就出發我哋今次冇選擇佢嘅蒸海鮮，但反而全部菜色都好有驚喜首先我哋叫咗兩個小食，分別係芝士雞翼同卷物，雞翼溝埋芝士雖然好邪惡，但芝士味好濃好開胃，另外卷物亦都唔會太油膩，整體感覺好開胃去到主菜，我哋首先叫咗個芝士炒飯，同樣地啲芝士好香濃，炒落個飯到一啲都唔會覺得好漏，亦都極速俾全部人食晒另外我哋再叫左個街頭BB雞泡菜炒飯，雞肉本身已經腌得好入味，泡菜亦唔算太辣，雖然冇芝士，但反而更加香更有鑊焦，整體感覺呢間餐廳鐵板做得唔錯！

愛麗絲屋企人一向對韓國菜都麻麻，不過呢一晚竟然就去左食一起金饍👨‍👩‍👧 一入到餐廳，聽到好大聲既Kpop，環境唔知點解令人覺得好school food😂 我地坐低就叫野食喇。首先係泡菜黑豚鍋飯。呢個要讚，因為個飯撈埋好好食，仲有隻蛋，而且泡菜同豚肉都好足料，同埋個飯唔辣，好適合屋企人既口味😀之後係韓式炒粉絲。呢道菜都係用鐵板上既，所以係長期keep warm。粉絲炒得好，唔會太硬，而且會連埋雜菜同魷魚一齊炒，不過就會愈食愈辣既🙈然後就係要推介呢個墨魚飯卷😍 其實係愛麗絲第一次食，之前都知韓國既黑色墨汁飯卷好出名，但一直都未試過。味道係好既，卷裡包住墨魚同餣菜，配上甜甜既醬😋最後就係青蘋果蟹肉沙律。其實有青蘋果，士多啤梨同芒果三種水果，清清甜甜，可以balance番主菜既辣味。不過講到蟹肉，就食唔到蟹味😅 好似係口感粉粉既，冇味，估計係冰鮮蟹肉🙊總括，呢間餐廳係好食既，不過環境就偏嘈，一來餐廳一直播住kpop，又會有鐵板燒韓燒既滋滋聲，加上餐廳隔離係元氣壽司，成日會聽到出面好多人等位同開咪叫籌既聲音🙈

之前去左荃灣廣場行街，睇戲前醫肚，就落左B1，見到有間餐廳門口有一周刊之前採訪過未試下囉。裡唔係只做韓燒，有LUNCH SET， 叫左個炸蝦咖哩飯，朋友叫左個韓式泡菜湯麵同埋燒鯖魚大醬湯。炸蝦飯D蝦都唔錯，入口香脆，韓式咖喱唔太過辢，仲有D雜菜，口味不錯。友人個韓式泡菜飯， 個樣就麻麻地，不過D泡菜湯就幾好味，仲有韓午餐肉。最好食係個FRIEND碟燒青魚，即叫即燒，魚皮D油香好正，個湯就普通DD。叫餐就有凍柚子茶或汽水送，唔洗加錢。餐廳座餐濶落，又有K POP MV 睇得都舒服，喺度食午餐都錯。

是日約了友人去新界摘龍眼，晚上回來時，剛巧路經荃灣廣場，於是一行人便順道在此用餐，友人本想去食shusi,可是適逢晚飯時間，有很多人在門口排隊，由於大家經過一整曰的辛勞，因此各人都未及細想下，便去了對面不用等位的韓式餐廳 看看餐牌，見此處主打海鮮，我們便點了濟州五層塔，韓式牛肉卷，冰凉湯麵，芒果和士多啤梨沙冰。濟州的海鮮五層塔當用餐完畢後，各人都有種未飽的感覺，可能是大家都太累的原因吧……還是有其它……唉！不去多想了，試過一次濟州的海鮮五層塔……便足矣了！

今日下午同朋友去咗荃灣廣場睇戲，睇戲前先醫肚。由於朋友想食韓國菜，所以我哋就去咗試下。落到去，都唔算太多人，兩個人就即刻有位唔使等。入到去見到開放式廚房，環境都算舒適，而且坐位都寬敞，唔會話太迫。店裡面有兩部電視不停播放K-pop，都幾有氣氛。我點咗鹽燒鯖魚定食而朋友就點咗泡菜青口豆腐鍋定食。鯖魚比想像中大條，魚既油份足，食起黎甘甘香香，味道唔錯。但麵豉湯略嫌太鹹。整體而言算係唔錯，值得一試！

荃灣的韓食選擇很多， 大多質素不錯，但這家餐廳絕對是不可一不可再！ 餐牌及陳設感覺與school food相似，但食物質素、價錢和食物份量不能相提並論。冰湯涼麵： 難食到不得了， kimchi冰溶化後跟嘔吐物相似，味道也恐怖，同行一伙人連重口味朋友都忍受不了，絕對不要試。燒肉：質素奇差，肉質很un, 份量少而貴，非常失望。卷物：算是正常的味道，但價錢貴，$68只有非常細的6卷。除非全個荃灣廣場都冇曬野食， 如果唔係極不推薦此餐廳。

如果有人大肆讚美, 又話好食又話肉質好, 又話新派乜乜乜, 除左相信佢係槍手之外, 別無其他。因為此食店應該係我食過最難食兼掠水的韓食店, 食物與MENU完全不相符。我們三人, 點左炸蝦飯壽司(唔記得全名), 泡菜烏賊年糕及煎蔥餅。炸蝦飯壽司, 正常, 蝦明顯係無味的雪藏蝦, 但算數, 已係當中最好。泡菜烏賊年糕, 可以用非常難食來形容。烏賊只有菜譜介紹相片的三分一SIZE, 基本上可以話係觸犯商品說明條例, 泡菜汁浸住飯及年糕, 濕林林, 年糕硬, 飯又糊仔咁, 烏賊只係白焯過放喺個鐵板度, 扮燒。煎蔥餅, 佢上枱時, 我一時三刻唔知佢拎乜來, 無法想像佢係同我叫的東西係同一樣嘢，因為基本上, 呢個所謂煎蒽餅, 只係比麵包舖的PIZZA包大少少, 但係十倍價錢及勁難食, 葱都唔多條。本來仲叫左一個炸雞籃, 但係一來漏單, 二來open kitchen入面的員工, 將食物丟來丟去咁玩, 然後好明顯及100%相信, 會用來煮返比啲客食。所以, 我地最終連炸雞籃都CUT埋, 無比機會佢進一步掠水。埋單加埋一罐超市賣五蚊, 但佢賣35蚊(及加一)的韓國啤酒, 一共330元。三個人夾份食一個P

尋日遲咗去食飯，漫無目的咁去搵野食，落到去廣場地庫睇下，被一間充滿k-pop音樂的餐廳吸引咗入去。坐低後，四圍望間餐廳，再望下其他人食咩。呢間餐廳既裝修同平時去食既韓國餐廳唔同，無咗啲傳統佈置，換來係較時代感既裝潢，應該係走型格路線。又有幾部電視播放梗韓國既音樂節目，啲歌都好係快歌，應該啱晒而家去追韓風既年青人。食物方面，我見周圍既人食梗泡菜飯，飯卷，湯麵等...但反正走入咗呢間非傳統韓國餐廳，我諗都應該試啲新穎啲既野配合下，所以最後叫咗一個'冰湯涼麵'嚟試下。侍應將麵攞到嚟我面前，個樣同餐牌既相一樣，都有支唧筒插住係麵入面。我問侍應，呢支唧筒入面係咩嚟，原來係泡菜既湯汁，俾客人唧落啲麵到食，好搞笑。仲有啲麵有啲冰墊底，原來啲冰係用泡菜湯汁雪製而成，保持到冰涼之餘，又唔怕味道變淡，呢道菜好有心思，而且充滿泡菜味道，哈哈!下次可以再嚟試下其他野食，不過原來聽得多強勁音樂，會令人有啲煩...可以較細聲少少就好

之前見到呢間一直喜歡食韓國野，而且個人比較不嘴雕，好少會覺得d野好難食，除非真係不能接受，但食完一起金饍真係忍住唔講左句好難食d熟食！前幾天晚上同母親來到荃灣廣場，時間尚早，餐廳得瘳瘳兩小枱人。我地有試燒肉同熟食。首先在韓燒方面，叫了梅頭肉同牛舌。價錢頗貴而份量不多，不過肉質不錯，而且頗為新鮮。由於食量不大也就冇再點其他了。然後是熟食，試了海鮮餅同鐵板烏賊年糕。煎海鮮餅：面積小而厚身，分成四等份。幾乎三分二都是麵粉，只得瘳瘳兩三條蔥同少得可憐既魷魚定章魚。不油但冇煎既脆口，比較淋且粉，不是我喜歡的口感。鐵板烏賊年糕：烏賊入面包了飯，浸淫在紅紅既泡菜汁之上，旁邊伴以紅紅濕濕既年糕。飯是泡菜飯，混和了泡菜的味道，極為酸，難以入口，而且味道同烏賊一d都唔夾，我地食烏賊時都要了哂d飯出黎。至少烏賊就冇咩特別，唔似白sharp又唔似燒唔似烤，我自己食唔出啦。紅紅既汁就完全係泡菜汁溝水一樣，冇技術可言。最令人失望既就係我最愛而且一d都唔難煮好難會好難食既年糕！年糕十分之淋，一絲兒煙un既口感都冇，令我十分質疑年糕嘅原產地。以味道方面，完全係將年糕同泡菜汁溝埋煮食。全碟既味道由烏賊既泡菜飯到泡菜湯汁

與太座兩人撐檯腳，選擇了這新開韓國菜館，從開始到現在寫了不少食評，原意是將各食肆的優劣盡量與大家分享，可惜在開飯綱頁內卻有種種籍口，對某些食肆的真相予以滅聲，故日後也盡可能在能自由發聲的iPick中發表開飯不能容納的食評，這樣可以更加暢所欲言，更真實地寫出食店質素，大家到該綱觀摩。這店坐位尚算寬敞，入門即見一大個開放式廚房連水吧，環境也算舒適，還有一部電視整晚不停播放韓式K-pop，氣氛不錯。這晚點了炸雞藍，芝士炸雞蛋卷，烤特牛肋骨，烤三式五花腩和烤日本元貝。炸雞藍，以食物質素來說算是不錯，即炸上檯，夠熱、夠脆，雞肉也夠嫩，可惜如果想食韓式炸雞就會有點失望，因為無論外型和口感都像西式炸雞多過韓式炸雞。芝士炸雞蛋卷，韓式壽司，蛋味和芝士味都不濃，細細件，味道清香，一段可接受。烤特牛肋骨，職員招呼很好，會問是否需要代我們剪開牛肉，但這牛肉就非常失水準，部份食落有根，口感頗靱，牛味也不濃。烤三式五花腩，有三款味道，海鹽醃味烤出來較為食到原味，豬肉味鮮甜，醬燒汁醃味的就比較濃郁，較重口味，而用胡椒葉柚子汁醃味就比較特別，清香中有半點辛辣味，能充分引起食慾，三款豬的肉質都十分淋軟而有噬口，實在不