影片
港鐵太子站 D 出口, 步行約3分鐘
繼續閱讀
電話號碼
21118488
營業時間
今日營業
07:00 - 22:00
星期一至日
07:00 - 22:00
以上資料只供參考, 請與餐廳確認詳情
太子依間「一食鍾情」餐牌價錢親民，除咗有得食佢哋嘅招牌白滷水潮州菜之外，居然仲有得食打邊爐，今次Order嘅胡椒豬肚雞煲二人套餐，份量好多，其實足夠3個人食，好可惜今次套餐包埋嘅自家製糖水賣曬，唯有改轉飲熱飲或凍飲，另外，老闆請咗半條潮州凍魚俾我哋食，最後食唔曬，仲俾咗我兩個外賣盒，好Nice！胡椒豬肚雞煲半隻（單點$198），豬肚份量多，口感彈牙，食落好乾淨；半隻鮮雞肉質嫩滑，雞味濃郁；胡椒湯底內有紅棗、桂圓、杞子、芹菜、薑絲、紅蘿蔔、香蔥，略嫌飲落偏向藥膳湯底味道、胡椒味道較淡。正價叉燒例牌（單點$98），多汁、半肥瘦叉燒，叉燒雖然表面鋪滿蜜汁，但食落不會容易覺得甜膩，肉質偏瘦，但口感不會覺得乾柴、反而食落肉質軟腍，加上叉燒外圍部份帶有燶邊，食落帶有焦香味道。開邊半條潮式白滷水凍烏頭（單點$49），採用低溫慢煮形式製作，即使烏頭經過冷藏之後，肉質依然在實淨與鮮嫩之間取得平衡，另外，採用白滷水醃製，調味上不會太鹹，反而更能帶出魚肉的鮮味，而且已經起骨，食落啖啖肉，配以普寧黃豆醬食用，味道正宗。四式滷水拼盆（跟餐$0），秘製九香金錢𦟌，口感薄身，肉質不韌、帶有筋位，食落充滿香料味道；馳名滷水燻蹄，肉質皮脆肉爽，雖然滷水色澤較淺、使用的香葉、八角、果皮香料較少，而調味上以鹽為主，所以味道較清新；流口水豬生腸，口感爽脆，配以黃芥末食用，味道鹹香帶辣；骨香水晶鳳爪，肉質Q彈，食落好入味，配以蒜蓉醋、潮式辣椒油食用，味道酸辣。生菜（跟餐$0），食落好新鮮。2碗白飯（跟餐$0），飯粒口感粒粒分明。2杯飲品（跟餐$0），熱港式奶茶，茶、奶比例適中，茶味濃香。
繼續閱讀
位於太子界限街的「一食鍾情」，係一間新開的餐廳，主打白滷水鹵味：金錢𦟌、墨魚、生腸、鵝掌翼、豬肚、鳳爪及燻蹄等等，應有盡有餐牌定價適中親民，份量十足，性價比高👍🏻晚市時段更設有窩心晚餐A-F，多款精美客飯及白滷水可供選擇，奉送老火豬骨雞湯、薑湯番薯糖水及熱飲老火豬骨雞湯晚餐奉送的老火豬骨雞湯白滷水凍魚四寶飯必點餐廳招牌白滷水！四寶包括凍魚開邊半條、生腸、豬肚及墨魚(由於唔食燻蹄，所以轉咗墨魚)。白滷水比較注重食材原有的味道，保留鮮味，凍魚口感鮮嫩，魚肉甜美；豬肚、生腸同墨魚都好爽口入味，正呀胡椒豬肚雞煲配米線湯底清甜美味，帶陣陣胡椒香，微微辣，有唔少雞件同豬肚，好足料！米線係另上的，吸收晒胡椒豬肚湯的精華上等豬骨雞湯浸小白菜豬骨雞湯滿有鮮味，浸住新鮮翠綠的白菜，健康美味薑湯番薯糖水番薯口感粉軟，薑湯唔會太甜，薑味適中，好暖身熱阿華田&凍檸茶
繼續閱讀
去咗太子辦年貨，同媽咪食埋個午餐先返屋企母親大人話想食滷水，random咁運作間滷水店，品質唔錯白滷水鵝下莊$120滷水比起平時嘅滷水汁鮮甜，味道冇咁濃下莊有成隻滷水鵝髀，肉質會鮮嫩D 叉燒燻蹄雙拼飯$56叉燒半肥瘦，中間層肥膏咬落系爽彈的，唔會有油膩感個白飯淋咗好多叉燒汁喺上面，甜甜地忍唔住食晒成個飯豬扒包$38豬扒包想健康啲，仲可以走牛油添豬仔包烘完好脆，+$6可以要多半個奶油豬，實行雙重嘅邪惡
繼續閱讀
最近搵到呢間新開茶餐廳🍴主打食白鹵水鹵味，但除左鹵水佢哋仲有火鍋等，選擇好多😳又多一間平靚正既餐廳🍲胡椒豬肚雞煲（半只） $198可以揀滷水鵝戓鹵水拼盤（例）另有生菜、白飯同蕃薯糖水🍲鹵水拼盤有牛展、燻蹄、鳳爪同生腸。生腸好入味仲爽脆，燻蹄、鳳爪一樣出色🍲豬肚雞煲既湯底好足料，雞肉厚肉又滑，豬肚食極都有🤭湯仲可以飲，暖身🍲生菜大大盆、新鮮🍲番薯糖水大大陣薑味，岩哂冬天食🍲潮式白鹵水凍烏頭1條（足1斤）$98一場黎到當然要食下佢哋主打既白鹵水，魚肉鮮嫩爽滑，開半後好方便食用，而且烏頭肥美多油，凍既烏頭再加埋檸檬汁剛好可以減少油膩感，配上普寧豆醬，更加鮮味🤩
繼續閱讀
想食潮州野好耐 但近排天氣凍凍又勁想食羊腩煲🤤見到有這一間餐廳有齊曬諗都唔駛諗即刻捉左另一半一齊去食💕餐廳環境坐得好舒服🤤野食好味 環境乾淨衛生最正係💕價錢仲好平民 係超抵‼️✐火鍋套餐包括 1/4隻白滷水鵝+古法羊腩煲仲有配埋生菜1碟，白飯2碗，糖水2碗咁既配塔先係248蚊🤤😍性價比超高啦🍴白滷水鵝我都係第一次食 滷水味香 但唔會死鹹👍🏻🤤出色同埋個鵝真係滑到令人驚訝😳好食阿🍴羊腩肥瘦均勻 我的愛係有皮既羊腩😍份量足個羊腩湯底好野味 加生菜真係食到唔停口🤣入面仲有腐竹等配料 ✐馳名白滷水烏頭 （一條）比佢地既白滷水吸引🤤食多條魚整體好滑 完全無腥味 仲有陣淡淡香既白滷水味令人驚訝係 這一間舖頭既性價比真係太高🤤想食潮州野真係要黎食下啦😍
繼續閱讀