一龍拉麵

營業中

休息中

湯底好清，冇其他豬骨湯底的黏稠，似係開粉，叉燒偏少，可能因為佢價錢平過其他日本拉麵店少少？龍蝦湯底似即食湯/薯片的味精味，好失望囉😫，唔會再去食。情願俾貴少少食番正宗啲既真 日式拉麵，不過馬鞍山好似冇😭

放工黎呢邊搵下有咩食 比佢個龍蝦湯拉麵吸引左就一於試下佢呢到坐位好少不過食麵速度夠快所以都唔洗點等就有位坐佢有幾種麵可以選擇 我當然要試龍蝦湯拉麵 蝦都夠大隻有肉 一碗有4隻 價錢相對其他拉麵較貴 不過都可以接受

商場的這一層有一種寧靜的氛圍，店舖位於較內的區域，不容易被看到，總共十個座位不到。仿屋台的設計呈然了淡淡的日式風格。主食選擇不多，但可以貼近你個人口味而選麵條的軟硬度，辣度和配料等等。點完後，就可以看著拉麵師如個純熟地煮出一碗碗拉麵。來一碗最基本的日式餃子拉麵，有溏心蛋，配料比較少，只有筍干，青蔥，如可多加添一點更佳！麵量不算多，餃子味道不錯！來的時候是平日晚上 7點左右，由於商場人流極少，感覺我們食完後，員工可準備收檔似的！蠻適合獨個兒或兩口子來食的拉麵店

間唔中收工一個人霖唔到食咩就黎屋企呢間拉麵店環境好輕鬆拉麵都幾好食個湯夠濃好鮮味最重要服務好好好有禮貌所以我覺得好放鬆有傾有講既開放式廚房好有特色客人同員工聯繫好重要好開心會keep住繼續黎

食物難食，成件事極不安，衛生情況極差見到間野d評分好壞參半，咪入去試下，點知一試中伏。真係食味千都好過你食物認真麻麻湯一d都唔濃叉燒燒得還可以，但份量少糖心蛋都還可以，得半隻三個廚師傷風感冒就唔該請假係度咳咳咳咳咳仲要唔戴口罩成鬼日係度玩手機，仲要勁嘈Totally not recommended.Not professional at all.只好勁快食完走人。雖然馬鞍山係美食沙漠，但六十零蚊貨仔其實有大把選擇，食其他鋪頭仲好過你

昨天晚上，我們一家人去試下，因住係附近，了解下新開的食肆，又見到這裏負面評論，走去試下。經過試味，相信正面的評語才是真實、較可靠的。遠處聞到龍蝦湯香味，食落去鮮蝦（龍蝦湯)麵及叉燒(豚肉濃湯)麵，湯底很好，不鹹，比我地係東京所食嘅無咁鹹，鮮蝦和叉燒味道不錯。今次試左軟麵，對我來說比較軟，下次試下硬麵。年輕的師傅都很用心準備，燒好叉燒、煎餃子。再值得一讚是鮮蝦的蝦身已除殼，只有蝦頭及蝦尾附著，可以食得很方便👍🏻👍🏻

我竟然喺美食沙漠馬鞍山入面搵到綠洲！今個禮拜三同四同同學去食，連續兩日食完我哋都覺得嗰個叉燒拉麵超正，超好食。個🍜啲湯好濃郁好香，啲麵好彈牙，好滑，啲叉燒又好好食，真係冇得頂🤪 下次試吓食其他拉麵👅 間🍜店老闆好，環境好，服務好，食物好，唯一嘅缺點可能就係座位唔係太多，人多嗰陣可能要稍為排吓隊咁。但係除咗座位數量之外其他嘢都一百分💯！我強烈推薦你哋都要去試吓食🤡

我同班同學每個禮拜都會去食，琴日定前日都有去！、馬𩣑覺難得有間咁有水準geh🍜店！ 幾好味 湯底夠濃 麵又適中 雖然。少D位，但非常推薦🤪 仲諗咩，快D去試la.!

$63碗拉麵都有咁既水準我覺得雖然間鋪細左少少 得10幾個位 但五臟俱全 服務都好好 一黎到就比杯水 招呼你坐低 我今日食左個豚肉拉麵 佢地有信州曲麵同9州真麵 我唔係一個食評家 所以唔知有咩分別 佢哋就細心咁同我講有咩唔同 我覺得服務唔錯 當豚肉拉麵黎到 比我第一印象係配料好足 湯又岩岩好 味道我覺得係好食既

我的選擇: 龍蝦湯底蝦拉麵龍蝦湯好濃，麵的軟硬恰到好處，蝦新鮮先生選擇:火灸豚肉豬骨湯拉麵豚肉好香，而且爽口，湯夠濃味小食:餃子，好香脆!廚師注重品質~事件1: 原本我是選蛤肉的，但廚師解釋蛤肉唔新鮮，所以無蛤肉，所以選了蝦肉。事件2: 期間有2位客人想買外賣，廚師先了解客人的路程遠近，然後解釋因為乾麵煮左，放得耐就唔好食，即使麵湯分開亦然，最後2位客人決定堂食。廚師詢問客人是否趕時間，先幫客人預備拉麵。這是少見的。

今日放假無野做，諗住去到新開商場WeGoMall食個晏就。一入到商場，就聞到好大陣蝦味 香到成個商場都係果陣味，搵左好耐都唔知陣味係邊到嚟。最後問左個保安先知原來一樓角位有間細細地大概十個位左右既拉麵鋪。行到過去，見到師傅煲緊龍蝦湯，都好足料。雖然當時坐係度既客唔多，心諗可能有伏，但係一支公又唔想上酒樓同去食刺身咁孤獨，死就死啦 叫左碗龍蝦湯拉麵試下佢。等左晤係好耐，太約五分鐘左右碗麵就到左，都幾多豐富，有五隻大海蝦 仲要無殼，其餘就係蔥 粟米 木耳 荀片同半隻蛋。湯底夠濃 唔係味精開水。最後同個師傅仔吹左陣水，原來佢地用50磅龍蝦頭去煲湯底。而且雖然鋪頭細，但師傅整麵有心機，可見唔係隨便整。食完麵同師傅仔吹左陣水就埋單走，盛惠$83。個人認為$83食到新鮮蝦同咁多配料既拉麵已經物超所值，仲便過食其他大牌子拉麵鋪。

龍下湯堅得!!虾又新鲜，首先煲湯香味吸引我入去，我望望有咩食，師傅話煲緊龍下湯，我忍不住叫番碗。女朋友试食豬骨，之後師傅拿虾出來煎，香到爆，撞龍虾湯，正。麵有兩種選，粗，幼，我選擇配幼麵，走荀，正肉黎啦，龍虾湯俾我预期一樣濃，虾既香味同龍虾非常配，麵又掛到湯，真係好食。相反豬骨就普通，龍下湯可以番焯，兩碗不同層次。

第一次出黎食拉麵會覺得佢比超市個味千拉麵差10000000000 倍😓😓😓😓😓樓上個不可一不可再既食評講得太中point個湯淡如水 個面軟如shxx 真心唔知食緊咩希望在下手 啊門

難得馬鞍山有新商場，新餐廳，假日緊係同老公試新嘢啦～午餐諗住輕食一碗拉麵，就去咗一龍。去到唔駛等好耐就有位。對住廚房食都算坐得舒服，唔會太熱。但啲食物真係不敢恭維。。。叫咗兩碗拉麵同老公一人一碗。鮮花蛤配特製龍蝦濃湯($83)。食拉麵一定飲啖湯先。係就係有龍蝦味，而且店主話無加味精，但真係太咸，食完之後好口渴。花蛤數量都多，但有兩三隻有沙。個麵唔算彈牙。揀咗走筍但筍仍在老公食灸燒豚肉配濃厚豚骨湯($73)。我偷飲湯底，好味過龍蝦湯底但都係太咸。豚肉不過不失。同樣揀咗走筍但筍又出現喇! 不過我地無同店員講，自己放埋一邊就算。總括來講，如果你非常重口味嘅可以一試，但我已徹底失望~

可一不可再，難食過味精拉麵，價錢卻貴上幾十蚊🤢最大的問題係拉麵底嘅問題。湯底已經唔係做得好，仲要加個充滿梘水味難食到顛嘅即食拉麵，食一啖已經後悔⋯員工其實無問題，因為佢地都係只係跟step 做嘢，所以最大問題係個材料同烹調方法，我自己覺得：第一，換拉麵底，第二，唔好再落粟米🤦🏻‍♂️，第三，塊紫菜都係難食都顛⋯湯底唔講咁多，因為啲即食拉麵味完全蓋住了湯底的味⋯此店老闆如果要收番咁嘅價位，真心希望老闆去日本食下人地嘅拉麵，或者搭幾個站去石門食下，人地收同樣價錢，好食過你好多倍，真心希望你能做出有誠意的食物。如果無心做，真係唔好做，希望你們能改善。