影片
港鐵柯士甸站 A 出口, 步行約5分鐘
繼續閱讀
電話號碼
27814866
營業時間
今日營業
11:00 - 21:00
星期一至日
11:00 - 21:00
以上資料只供參考, 請與餐廳確認詳情
食家推介
相關文章
經過看到有良心企業證書 好奇之下進店舖看看果然老闆非常友善 這個小社區很多外籍人士所以店舖外牆也有英文餐牌 明碼實價 非常體貼買了三盒兩餸～一定比自己煮菜便宜 而且可節省很多時間💕椒鹽豬排豬排夠鬆軟得嚟都有咬口 醬汁少少辣 非常香口惹味 💕蒜蓉煎蝦碌蝦碌大大隻 肉質爽口彈牙 輕輕半煎炸 蝦殼更沾滿醬汁 貪吃如我當然要給啜乾淨蝦頭還有蝦膏的啊！💕麻婆豆腐喜歡這裡用豆腐店的板豆腐 而不是用即食豆腐食落更加有荳味同更有質感 醬汁帶微辣仲有少少蒜頭蔥肉碎 配飯吃一流💕清炒白菜仔一般我也不會在兩餸飯店點蔬菜類 因為大多很油剛巧看見這裏的白菜仔很翠綠 而且感覺不是油淋淋果然食落好清爽 外賣盒底部都不會充滿着油脂💕柱侯炆豬手豬手炆得很腍很入味 係骨膠原嘅感覺豬皮清理得很乾淨 每一件都充滿份量💕辣子雞辣子雞是我必點項目 這裡煮的雞粒沒有厚厚的炸粉雞粒是有骨的 更貼近餐廳食到的煮法有些食店為遷就香港人口味 不會煮到很辣但這裏的辣很到位 而且辣味是慢慢滲出來的超級好吃😋餐廳還有龍蝦伊麵，例湯等等供應星期六日想躲懶 這裏絕對是一個好選擇！
繼續閱讀
踏入九月，感到有點秋涼，就同朋友去油麻地警署影相打卡，剛好途經文苑樓發現呢一間大排長龍嘅兩餸飯店，果然係兩餸飯天花板，有龍蝦兩餸飯😱，仲要只係$68，不得了。地理位置方便，鄰近西九高鐵站，如果搭地鐵可以喺柯士甸站落，去完食一龍蝦兩餸飯，行5分鐘就去油麻地警署打卡。兩餸飯絕對係無飯主婦嘅恩物，自己買餸煮都唔可以去到咁平。甫踏進店舖，琳瑯滿目至少有20至30款小菜可以選擇，有可量化與不可能化的餸菜，重點係連雞髀都有得食，可惜我已經太遲到店，冇晒龍蝦，不過都冇咗我選擇其他美味小菜。滷水雞髀：特別鮮嫩多汁，雞髀的外皮稍微有些韌性，滷水使表面會有一層醬油的光澤，口感滑順，肉質非常嫩滑，低溫慢煮的過程，讓肉質不會變得乾柴。魚香茄子：茄子吸收醬汁的味道，魚香醬汁的酸、甜、辣味道濃郁，與茄子的柔軟形成了鮮明的對比。味道濃郁而又富有層次感的美味佳餚，好下飯。咕嚕肉：經過油炸的豬肉外層金黃酥脆，外酥內軟，醬汁通常酸甜、香氣四溢，酸酸甜甜好開胃，外酥內嫩的肉質搭配酸甜的醬汁搭配清脆的蔬菜，令人垂涎。辣子雞：味道特別濃郁，夠曬香辣充滿鹹香味，雞肉本身的鮮嫩與外層的酥脆形成了鮮明的對比，辣味和香氣會在口中留存，適合嗜辣人士。肉鬆炒四季豆：保持了其原有的清脆口感，咬下去時有明顯的爽脆感蒜香味十足，炒制過程中加入的蒜末會釋放出香氣，增添風味，重點是鹹淡適中，常見的下飯家常菜。雲耳辣炒椰菜雞球：雞胸肉經過炒制後保持了鮮嫩的口感，搭配醬油和料酒的調味，增添了肉質的香醇和滋味。椰菜的清新口感和淡淡的甜味，平衡了雞肉和雲耳的濃郁風味，使得整道菜更加清爽可口。總結：味道👅不會太鹹 絕對係下飯餸菜價錢合宜 地理位置方便 難怪大排長龍
繼續閱讀
放工時間嘅兩餸飯店真係大排長龍😂 居然我見到兩餸飯裏有龍蝦🦞！難怪會拿到個良心企業獎，真係好抵👏🦞蒜香炒龍蝦真係好香蒜味，同我嘅梅子酒好搭～返屋企一邊睇劇一邊食，好開心🤗🐷話梅排骨、南乳豬手、雞翼超級入味又好下飯！特別係話梅排骨，酸酸甜甜～點佢點佢！🥚老闆極力推薦嘅炒滑蛋，因為加咗啲菜脯入去，超級香～飯都食多兩啖！🐟呢條魚！非常新鮮、好味😋滿足咗我今日想食魚嘅願望！完完整整一條咁大！太正啦！
繼續閱讀
又到一星期最後一日，明明都已經踏入九月都唔知點解天氣仲係咁炎熱，一啲秋意都無，今日放半日所以同個朋友喺油麻地飲嘢傾下偈，食完嘢無咩嘢做就返屋企早的休息，見咁早就諗住散下步行返去圓方，途經駿發花園時見到油麻地警署依然有好多旅客打卡，所以呢頭都仲有好多景點可以發掘。行到去文苑樓嘅時候買支水休息下，由於開始傍晚好多餐廳都陸續開門，行行下見到附近有間賣兩餸飯嘅舖頭叫做「一龍蝦兩餸王」，就咁睇應該係坊間嘅兩餸飯鋪，不過比較少就係有龍蝦食。見到門面比較簡潔，但望入去都有好多款餸喎， 心思思諗不如今晚簡簡單單食一餐都好，始終我哋返工都無咩時間煮飯，跟手打俾另一半睇下有無興趣先，最後都決定買幾款餸返去食啦~ 舖頭入面見到最少都有20至30款餸選擇， 對我呢啲有選擇困難症真係太花都眼亂，職員問我想食咩時，我都心大心細問佢有咩好介紹，佢話招牌一定係龍蝦，除此之外菜膽雞都係比較多人點，其他就都係正常定常餸，最後我就揀咗四個餸再加招牌龍蝦，職員都好快手執每一款餸而且每一盒好飽滿，一啲都唔吝嗇。四個餸包括咕嚕肉、椒鹽豬扒、蘿蔔牛腩同埋菜膽雞，當然唔少得招牌龍蝦，佢即叫即做一定好新鮮。兩款餸都係$43蚊性價比相當高，咁多樣野埋單勁平$200蚊有找。同職員傾咗兩句後就繼續回家嘅路程，行多十幾分鐘左右都已經返到圓方，其實又真係唔算好遠，下次都可以黎呢頭食下野放下狗。返到去隻小寶貝可能聞到啲食物香係咁流口水，趁我等緊另一半返嚟嘅時候快的幫啲食物打下卡先，之後整返熱就食得。打開盒呢半隻波士頓龍蝦好大隻，仲有伊麵打底真係好吸引，呢盒$98蚊都好合理，趁佢仲係好熱嘅時候偷偷地食一啖，龍蝦肉質好新鮮，入口彈牙爽口，啖啖肉質素相當高，再配合上湯伊麵煙煙韌韌味道非常之配合。到個菜膽雞，賣相同埋份量吸引而色澤都好滿意，入口好鮮嫩，廚師手勢好好處理雞既時間剛剛好，就算雞胸都好嫩滑。到蘿蔔牛腩，牛腩炆煮得好嫩好入味，蘿蔔就一啲渣都無，入口好清甜好好食。試埋另外兩個餸先，咕嚕肉酸酸甜甜另一半就最鍾意，亦由於無骨所以每口都啖啖肉好滋味。椒鹽豬扒呢樣係我好鍾意食嘅一味餸，所以一定要出面先食到個鑊氣，豬扒既鮮嫩加上蒜蓉份量好多好香，配合埋辣椒辛辣，整體非常惹味。最後加埋兩大盒白飯，我諗同另一半假日都可以係屋企食，成餐飯$200蚊有找真係非常抵食，下次散步經開要再發掘下有無啲隱世美食同大家分享，話晒呢頭都係旅遊區，好多遊客到油麻地警署打完卡之後途經都可以買返幾盒兩餸飯返洒店慢慢食，香港美食天堂真係名不虛傳，希望更加多本地及遊客留港消費繼續支持多啲小店，咁就真係雙贏。
繼續閱讀
一龍蝦兩餸王🦞剛剛坐高鐵出差回到香港🚄，肚子好餓，回地圖找到了這家店距離高鐵好近，就5分鐘，就過去看看有什麼好吃買回家🏡龍蝦伊麵 （王牌）🦞老闆說這是王牌菜，絕對不容錯過，龍蝦嫩滑，伊麵吸收了龍蝦汁的精華，味道濃郁瑤柱蘿蔔牛腩 🍲牛腩煮得軟腍，入口即化，瑤柱的鮮味滲入蘿蔔，湯汁濃郁辣椒炒白菜花 🌶️白菜花爽脆，辣椒帶出微辣香氣，提升了整體味道層次椒鹽豬扒 🐖豬扒外層香脆，肉質嫩滑，椒鹽調味適中，鹹香惹味，令人食指大動豆豉炒豆角 🫘豆角炒得剛好，豆豉的鹹香味提升了整體風味
繼續閱讀