七月餐室 (已結業)

豐富的茶餐廳呢間茶餐廳平時都有食開，真係抵食又好味！同朋友成日去，叫左個全日早餐，好正，用料好丰富，份量又大，好飽好滿足！大大件牛扒配埋德國腸，煙肉，茄汁豆，黑松露炒蛋，黑松露好香，蒜蓉牛油多士。朋友叫左個鰻魚滑蛋蓋飯！大大塊鰻魚！好好味又大碗。再叫多個蝦多士，炸到好香脆，蝦肉又多，好彈牙呢！另外呢度嘅紅豆冰值得一贊！帶有煉奶味，好creamy 紅豆又軟又甜☺️埋單好平，好味又大份，下次再嚟過，好抵食！

七月餐室算係最近九龍灣新開既食店，因為鋪位夠大，lunchtime黎講都唔洗等太耐就有位，係打工仔福音，尤其是而家天氣咁熱🥵餐牌都幾多野食，有set lunch有咖喱類有常餐同all day breakfast🍽天氣太熱☀️所以揀左日式讚歧冷烏冬配雞扒🐤$58本身諗住冷烏冬會配芝麻醬撈，不過原來係配上類似日本冷麵既汁，值得一提既係烏冬好夠凍😂另外雞扒炸完淋上日式醬汁，香口得黎肉質都幾嫩滑👍🏻以九龍灣工業區既餐廳黎講，食物質素算幾好，而且坐位幾寬敞，價錢係區內屬中等，性價比都幾高，九龍灣打工仔lunch又可以多個選擇👍🏻

位於九龍灣工廠大廈的一家冰室，新開業的茶餐廳，燈光猛烈，地方廣闊，環境整潔企理。午餐選擇不只是港式碟頭飯，還有其他西式、日式、炒粉麵飯等等，價錢相宜。人氣午餐之選：鰻魚滑蛋蓋飯配鰻魚汁日式蓋飯，鰻魚份量不多，一共兩片，還有滑蛋、紅蘿蔔及蔬菜。鰻魚淋上鰻魚汁及灑上了鰹魚片；蛋香滑溜；白飯乾身，如果多點醬汁，更易入口。餐室特飲：檸檬可樂午餐附送熱飲，亦可加錢轉特飲。夏天解渴良品就是一杯冰凍的檸檬可樂，酸酸甜甜，透心涼。

有時唔想煮飯，就會喺屋企附近嘅冰室食嘢。呢間冰室味道一流，價錢都唔貴。我哋見到下午茶時間唔少人叫「漏奶華」下午茶餐，$38有份流心多士，仲包一杯熱飲☕️。諗諗下都係試下「宇治抹茶漏奶華 」。多士大大件，有抹茶醬、紅豆餡仲有大大片牛油。一上枱仲好熱，牛油好快溶。呢件甜品幾香，又唔係好甜😀。老婆揀咗份七月金磚蝦多士，一切開估唔到有勁多蝦膠，好鬼彈牙好食。老婆都覺得幾抵食😋。見佢仲有唔少小菜同星馬印度菜選擇，連咖喱🍛都有好多唔同款式。下次先試下😍。

🔸宇治抹茶漏奶華 $38（送熱飲）一切開就有大量流心抹茶醬，加埋紅豆餡係絕配。打卡一流，價錢唔貴。🔸七月金磚蝦多士 $42（送熱飲）雖然同想像中有啲唔同，但係見到西多裏面竟然有厚厚嘅蝦膠，就覺得好有驚喜。鮮甜又彈牙，誠意推介。🔸西蘭花炒斑片 $75（送白飯 老火湯）斑片好厚肉，肉質唔鬆散，質素唔錯。西蘭花爽脆冇青味。🔸魚香茄子煲 $68（送白飯 老火湯）煲仔熱住上，幾有誠意。好重鹹魚同埋魚露香，餸飯一流。🔸經典紅豆冰 +$9🔸奶茶紅豆冰 +$9紅豆🫘夠多又香甜。椰汁同奶茶底都好濃郁。📍七月餐室 (九龍灣)九龍灣宏開道19號健力工業大廈地下2B號舖

食物款式好多，咩類型都有啲，西式、港式、連馬拉都有😂。馬來白咖喱牛肉飯 $68同一般食開嗰白咖喱有啲唔同，少左椰汁，如果想食有椰汁嘅就可以叫另一款。咖喱味濃厚，好多舊牛肉，汁唔會太稀或杰撻撻。全日早餐（雞扒）$60all day breakfast黎講價錢幾平，同樣有齊基本嘅食物，每款食物都有水準，雞扒同滑蛋都嫩滑。女士黎講都夠飽，有豐富蛋白質。奶茶紅豆冰 跟餐+$9比較少見奶茶紅豆冰，奶茶紅豆比例平均，味道偏甜，夏天消暑唔錯，紅豆係完整一粒加紅豆蓉夾雜，同時食到兩種唔同口感鹹檸樂 跟餐+$9有一杯裝滿冰同有鹹檸檬嘅杯加一支可樂，鹹甜適中，可以自己調較可樂份量

今日去開附近做YOGA ，完左見到一間新開茶記，一於試試餐廳的座位非常闊落。午市的選擇都有好多不同的種類。如咖喱、常餐、ALLDAY在眾多的選擇中，我揀左最愛的鰻魚飯1.鰻魚滑蛋蓋飯配鰻魚汁（ $68）飯上有滿滿濃滑的滑蛋，呢個價錢有咁大條的鰻魚。正且鰻魚非常肥美，鰻魚上舖上滿滿的蔥花和木魚，配上甜甜和香濃的鰻魚醬汁。入口油脂豐盛好滿足、好味道及好送飯！2.咖啡紅豆冰（+$9）非常濃郁的咖啡，配上半杯甜甜的紅豆，非常滿足。

疫情關係都少出去午餐，某日路過見都多人企係門口等，望下個名又幾得意，所以上左手openrice search下，見d人話唔錯的，所以就快快試左個鰻魚滑蛋飯外賣自取，好快手，落到鋪已有得拎！番到office 打開，外觀唔錯，面係見唔到白色飯既，食落都唔錯，滑蛋夠曬滑唔鞋，又夠多，岩曬lo 飯食，鰻魚雖然好似細條左d, 但都夠食，重加左兩舊紅蘿蔔同少少菜，如果菜多番少少就更好喇！總括黎講係好味的！藉得再試其他野！

餐廳環境整潔，坐位闊落冷氣又夠，仲有部超大電視！銀芽肉絲炒麵：肉絲份量非常多，炒麵卜卜脆咬落口會卡卡聲，加埋啲汁中和返感覺冇咁熱氣！蔥油香茅豬扒煎蛋飯：蔥油同香茅超野味，加埋兩隻太陽蛋撈飯一流！豬扒都大塊炸過所以好香口加埋香茅簡直絕配，香茅味又唔會太濃都會食到豬味！經典紅豆冰：超冰凍紅豆冰，消暑又解渴，啱晒熱辣辣嘅天氣！紅豆同奶比例啱啱好，唔會太甜！檸檬西洋菜蜜：感覺平平無奇嘅凍菜蜜，原來加埋檸蜜可以係好好飲！飲落好濃嘅西洋菜味加埋蜜糖平身已經好好飲再加左檸檬中和酸酸甜甜！

平時好少黎九龍灣工業區食野，今日行過先發現呢到有間質素唔錯，價錢平民化既餐廳！🌟馬來巴東牛肉飯 $68巴東牛肉選用了牛腩部位，食落都夠軟淋，味道甜甜地，仲有薯仔，個醬汁用黎撈飯都幾惹味🤤+$9 有特飲 叫左杯紅豆冰，好大杯👍🏻😍🌟鰻魚滑蛋蓋飯配鰻魚汁 $68蛋炒到好香滑，蛋味濃，鰻魚嫰滑，口感幾正，鰻魚汁唔會太咸，反而甜甜地，一啖鰻魚一啖滑蛋，口感豐富😆+$9 叫左杯咸檸樂，仲係玻璃樽裝，好夠汽😂😋🌟PINK PINK 漏奶華 $38份量十足，兩塊多士夾住士多啤梨果醬，上面灑滿粉紅色既士多啤梨粉，望落好吸引😍😍，食落好香好甜👍🏻👍🏻加左杯雜果賓治，有好果唔同生果，飲落幾正，又唔會太甜，好炒餐廳有得飲，係童年回憶😊

要去九龍灣處理一啲事情，搞掂咗之後，搵咗兩個朋友一齊食飯，佢哋好熟呢頭，帶咗我嚟呢間地道餐廳，話我知呢度好抵食😆朋友果然冇講錯，呢度嘅食物分量好多，真係抵食夾大件😆，食到我哋全部都好飽😁我哋叫咗呢啲食物share😆：- $62嘅「XO醬豬扒🐷炒公仔麵」：豬扒🐷有好多件😆，公仔麵份量好多，非常大碟，仲吵得幾好味😋呢啲小菜都配有「絲苗白飯 • 老火例湯」- $68嘅「香辣椒鹽肉排」：唔係好辣，啖啖肉，幾香口😆- $58「蒜蓉炒芥蘭」：落咗好多蒜蓉🧄，芥蘭菜🥬新鮮爽脆，簡簡單單不過炒得好惹味😋- $68「金銀蒜🧄粉絲蒸鮮魷🦑」：魷魚🦑新鮮，肉質結實😋；金銀蒜🧄分量又係好多，同埋粉絲一齊食，好味道😋- 跟餐飲品半價：加 $13嘅「奶茶紅豆冰🥛☕️🫘🧊😆」、$9嘅「熱檸水🍋」、$9嘅「熱奶茶☕️」：紅豆冰 都有幾多紅豆🫘，唔係好甜，幾清新😋；朋友話 熱奶茶☕️幾香幾滑😆

偶爾休息下冇煮飯，夜晚去屋企附近嘅冰室食下小菜😍。🔸七月海鮮煲$78海鮮煲有唔少魚柳、青口、蝦肉、魷魚。海鮮份量多，質素都唔差。尤其係魚柳有炸過，口感幾香脆🔥；魷魚都好彈牙，老婆好鍾意。芡汁幾有蒜香，又唔會太鹹。🔸黑椒茄子牛仔骨煲$78茄子有預先拖油，牛仔骨口感夠腍。黑椒汁味道香甜唔太辣，餸飯一流😜。🔸白咖喱牛肉飯$68質地香滑，甜味好重，椰汁味道好香。佢哋用牛腩肉，份量好多，而且好入味，值得揀選😊。🔸椰汁紅豆冰🔸奶茶紅豆冰📍七月餐室 (九龍灣)九龍灣宏開道19號健力工業大廈地下2B號舖

好味指數：😋😋😋😋😋推薦指數：⭐⭐⭐⭐⭐ 約咗朋友係九龍灣lunch，平時啲茶餐廳通常都座得好逼，呢間相對寬躺，仲有好多卡位可以坐😝🍜馬來咖哩喇沙豬頸肉湯米粉$50配料有豆卜、芽菜，米粉同配料都索灑啲湯汁好入味😋豬頸肉好爽口，份量多👍🏻👍🏻🍛馬來椰汁咖哩雞肉飯$65bb辣，咖喱汁好香，撈飯食好開胃😍😍啲薯仔大大舊，估唔到都咁入味🐔🍽宇治抹茶漏奶華$38宇治抹茶版西多士，滿滿嘅奶&抹茶粉，入面仲有紅豆餡🫘一切開即刻漏奶🤣🤣值得一試😋不過記得要即刻食，擺太耐會比啲奶浸淋咗🫘經典紅豆冰叫咗個椰汁紅豆冰，味道不錯。呢度有奶茶紅豆冰order，覺得好創新🤣🤣有興趣可以試下📍七月餐室 (九龍灣)地址：九龍灣宏開道19號健力工業大廈地下2B號舖

尋日下午去左七月餐室食lunch +下午茶，開頭以為只係一間普通茶餐廳，原來佢哋既質素十分好，性價比極高，尤其是佢既下午茶款式，漏奶華同七月金磚蝦多士係必點推介。✨👍🏻漏奶華$38自家創作既進化版西多士簡直滿分，花生醬西多士中央注入大量花奶，而表面報滿柯華田粉，一切有大量花奶流出，做到漏奶效果🥛，中層除左有花生醬，仲有一大片牛油，真正色香味供全，因為用花奶加柯華田粉，所以甜度適中，十分推介。👏🏻😋七月金磚蝦多士$42另一必點推介蝦多士，兩大塊多士厚薄適中，表面報滿一層蝦滑，再炸到金黃香脆，最讚既地方係表面香脆，多士內部仲保持鬆軟，而且一丁點都唔油膩，廚師功力非常高。🥪👍🏻馬來咖哩喇沙香茅豬扒湯金邊粉$52香濃既湯底辣度適中，金邊粉沾上湯汁超讚，而香茅豬扒外脆內軟，豬扒軟冧得離有咬口，非常有水。🐷🍲另外常餐既芝士撈公仔麵及焗意粉都好好味，整體七月餐室係我食過茶餐廳系列裡面算係最用心最有質素既其中一間。🥢🍱

今日黎到九龍灣食lunch, 見到呢間裝修幾靚又好新，就入去試下😋環境真係幾好，地方好大，坐得好舒適，仲有部超大電視👍🏻· 馬來咖哩喇沙豬頸肉湯米粉喇沙湯頭好濃郁！🤤有小小辣好惹味，喇沙配菜應有都有，豆卜，芽菜之類都有齊。米粉吸哂啲湯好入味，豬頸肉份量好足。· 馬來椰汁咖哩雞肉飯都係小小bb辣咁，食唔到辣都應付到，咖喱椰汁好香濃，用黎撈飯真係一流👍🏻雞件好滑，全部雞都無骨，薯仔炆到好淋，一樣好入味。· 宇治抹茶漏奶華 $38有啲似馬拉版西多士好特別😋一切落去啲入面啲綠茶汁流哂出黎，好似心太軟咁😆😆😆入面係紅豆餡，唔會太甜，好夾宇治抹茶，好食到停唔到🤤