七重天餐廳

營業中

休息中

今日經過筲箕灣，入咗一間餐廳食下午茶，意外地有驚喜，叫了薯條+魚柳及乾炒牛肉意粉，乾炒牛肉意粉是少油抄的，是西餐廳做法，不是一般茶餐廳多油但像乾炒牛河有鑊氣那種. 另外一個是我推介的薯條+魚柳，兩様都炸得香脆，魚柳是原條的，以這個份量及出品已經超出咗個價錢$38連飲品，希望唔會咁快加價😝侍應服務也好好，其間我們倒翻了水，我們未來得切叫幫忙，侍應已立即拿着布來幫手抹並示意不緊要，令原本不好意思的我們不會尷尬👍🏻下午茶有好多選擇自由配搭，下次會再來「七重天」

叫左個下午茶38蚊，凍飲3元薯條只得10條總共，仲要炸唔熟跟住我問啲伙記，薯條得咁少嗎有個有個好老 嘅阿叔答我係咁嘎啦，麥當勞都無咁平麥記有28元餐呀不停係咁係咁嘎啦係咁嘎啦38蚊的確唔可以要求太高，但佢地既態度真係差

印象中細個嘅時候喺北角食過一間同名嘅餐廳，今晚嚟到筲箕灣再試，出乎意料地好味！我哋叫咗晚市套餐，一個蜜糖烤雞扒飯，一個厚切鹽燒牛脷意粉，每個餐都跟紅或白湯、蒜蓉包同埋餐飲，我哋揀咗紅湯，簡直係驚喜地好飲，紅湯味道非常濃郁，帶少少辛辣，湯嘅鹹唔係落重鹽或味精嘅死鹹，飲得出喺湯裏面嘅材料熬出嚟嘅味道。蜜糖烤雞超級大塊，雞皮煎到脆卜卜，又有蜜糖嘅甜味，非常香口，雞肉非常嫩滑，食晒係會有少少滯，但味道非常好！牛脷雖然得兩片，但非常厚身，而且煮得好腍，鹽燒嘅鹹味亦都調校得恰到好處。個人覺得呢間餐廳嘅質素非常好，希望推介俾其他人嚟食，唔好埋沒咗好嘅餐廳。

七重天餐廳（筲箕灣）地址：香港筲箕望隆街2號銀河廣場地下1，1A及2號舖日期：16/06/2024 19:07:39 111.PA .鐵板美式什扒 $138.00-眼意-黑椒汁3.1.忌廉湯1. 熱檸水1. p4.鐵板美式什扒 $138.00-眼飯-洋蔥汁3.1. 忌廉湯1. 熱奶茶多奶1.晚D3.蜜糖烤雞扒 $88.00-眼意-蒜蓉汁1. 忌廉湯1. 熱奶茶多奶總數：$364.00我覺得這餐廳的美式什扒餐份量好大份、好好食、蜜糖烤雞扒意粉，雞扒好大塊好好味、意粉好軟熟，忌廉湯好甜，熱檸水好好飲、熱奶茶好菜味

拎外賣時，見有一個外賣飯盒袋，上前問有冇嗌我的外賣時，她說等等，等了一陣見她返番去收銀位置，冇嘢忙緊就再問，然後不耐煩走返去，聽到廚師話外賣喺依度，佢就收我張飛，然後即刻唔耐煩咁pack, 走到來大聲說：你嗌一個飯盒啫！ 都明白她意思喇，即係嫌棄人買一個飯盒，要睇她面色囉。我接了外賣，心諗咁樣我以後不論我買1個飯盒或買n個飯盒(s)都唔會幫襯依間買喇！

去鶴嘴海岸線行完一轉回程去到筲箕灣，轉去地鐵站見到呢間餐廳下午茶時段星期日都唔使加一，梗係醫下肚先返去，兩個人本身叫咗兩個餐焗吞拿魚豬仔包拼炸雞翼和煙三文魚牛油多士，但係都唔係好夠飽，又叫多一個豬扒包，飽哂

發現筲箕灣有間隱世平民西餐廳，由東大街一路搵野食，雞蛋仔、茶餐廳、魚旦粉密密麻麻既食肆好難揀阿🥹穿過街市兜下兜下發現有間落地玻璃既餐廳，望下個餐牌，都幾便宜； 一於同老公去試下先！我地兩個人，嗌左3個下午茶！🔸卡邦尼意粉🌟🌟🌟個汁有啲淡，同埋汁太小.. 🔸肉醬意粉🌟🌟🌟個汁甜左啲，不過不失🔸吞拿魚豬仔包+炸魚餅🌟🌟🌟呢個認真唔推介， $40唔期望會得半個豬仔包，頗失望的！我寧願食意粉/飯！！ 但係個炸魚餅好味😋嗌左兩杯熱檸水， 飲前望一望個杯；有個由上一位客人留低既唇膏印🤢 、水吧睇唔到，樓面仍都睇唔到🙁

今晚約咗朋友在筲箕灣銀河廣場嘉禾戲院看戲，我們預早咗時間買戲票然後打算在附近找地方食晚飯。在戲院下面有一間七重天餐廳，個名有啲懷舊及好似有些熟識。但當時冇位，我們在門口看看餐牌，剛好有一枱大枱離開，見有位，於是我們就進了入去試吓。餐湯有羅宋湯及忌廉湯，我試了忌廉湯，好creamy,好味配即烘蒜茸飽，好香脆。我點了招牌厚切鹽燒牛脷，中間好軟腍，外面煎得好香，而且真的非常厚切朋友點了德國咸豬手，外皮炸到好脆，裏面的肉好夠腍還有法式焗田螺下次想試吓鐵板餐，不過見到鄰枱的鐵板雜扒份量太大份了，可能會試帶子牛柳吧最後，老闆娘還請我們吃雜果啫喱，可惜大家都吃得太飽及趕時間，留待下次吧

以前一路有食開, 食物質素越來越差, 而加晚市基本上冇客, 我叫左個芝士肉醬意粉, 黎到變左芝士甜醬意粉, 本來換過第二樣野食就冇事, 但個廚聽到肉醬太甜, 大大聲係廚房入面發脾氣話好正常,仲走出黎睥住我, 老闆娘唔好意思都冇句, 又完全冇阻止個廚騷擾客, 完完全全比個廚房佬壓住。

11:00過後，放假日來食個早餐人唔算好多，地方尚算清潔乾淨一個人，俾咗個6人卡位我坐早餐C：羅宋湯牛脷粒螺絲粉+ 腸仔、炒蛋、餐包、熱奶茶羅宋湯粉份量唔多，味道尚可，茶餐廳算係咁。比較特別係餐包唔係方包。奶茶好夠味，但唔知點解無落糖都好甜。感覺雖然比較求求其其，但$38咁多樣嘢，算係咁啦。（後記：個姐姐突然Short咗，不停講lolly lolly lolly talk….加上一位牛排有幾大，係咩形狀的客太嘈，我就走咗啦）

送太太返工途中去筲箕灣食個飯，見銀河廣場外地舖新開了呢間餐廳，啱啱門口有位可泊車，餐廳內有卡位坐可清楚望到，便不作他選。時間不多，食個快餐便走，午餐大約$60至$70。隨餐附送的蒜蓉包和忌廉湯都高質。蒜蓉包好香脆，而忌廉湯裏面有好多粟米粒係用攪拌機打碎，所以好濃郁，口味偏甜。我order的羊扒雞扒飯，個蘑菇汁調校得唔錯，羊架肉質不會太鞋，以快餐嚟講，已算不錯。太太的帶子意粉🍝：重香草蒜香味，帶子瑞士雖是急凍貨色，但也肥美大粒。快餐廳來講，算是不錯的選擇。

今天早上開完三小時的Teams meeting..餓到暈暈哋..決定行去筲箕灣七重天餐廳嘆個午餐！甚喜歡他的洋蔥豬扒跟薯菜！ 羅宋湯夠料, 酸酸地..好味! 多士夠脆熱..滿意！煎豬扒上枱, 賣相十分吸睛..味道好！豬扒煎得香脆..肉質好軟淋..薯條熱辣辣, 再加加一罐無糖可樂..成個人滿足曬！埋單73蚊, 這餐我給80分！

我姨甥最愛呢間嘅炸魚柳成日都話要食，所以隔幾日又會去食一次😂佢地呢間啲炸魚柳即炸好香脆又唔會乾又大塊，真係幾好食，推薦👍🏻👍🏻👍🏻其他野食都不過不失～下次再試吓其他野食😆

經過見新開就入去試吓佢個下午茶～我朋友叫左炸魚柳我就炸雞髀🍗都係即叫即炸！炸魚柳炸得香脆內嫩👍🏻雞髀好大隻，炸得都好多汁又嫩，炸野唔錯！反而佢啲飲品加得太多冰，少冰都仲係好多太誇張😂但整體不錯的炸魚柳暫時係我第一位❤️

平日晚上，見新開張，就入去試試。晚上六時後需加一服務費，茶餐廳的格局，個人覺得這裡的價位，比起附近的餐廳是偏高少少，但如果出品好，其實是合理的。紐西蘭特級肉眼扒 $168 - 本身點忌廉湯，但落錯為羅宋湯，幸好味道都算唔錯。肉眼扒點五成熟，但嚟到應該七成以上熟度，半塊近邊位較韌，黑椒汁OK，整體只屬一般...煙三文魚忌廉汁天使麵 $68 - 賣相OK，可惜剛開張，原來未有天使麵，落單時及menu上都無提過，要送到上枱先知，都不緊要，但... 最怕就係意粉overcook到發漲的質感，加上竟然有拉絲效果，但無乜味道的，唔想再食第二次。奶茶係成餐飯之中，最好味的...