七重天餐廳

營業中

休息中

送太太返工途中去筲箕灣食個飯，見銀河廣場外地舖新開了呢間餐廳，啱啱門口有位可泊車，餐廳內有卡位坐可清楚望到，便不作他選。時間不多，食個快餐便走，午餐大約$60至$70。隨餐附送的蒜蓉包和忌廉湯都高質。蒜蓉包好香脆，而忌廉湯裏面有好多粟米粒係用攪拌機打碎，所以好濃郁，口味偏甜。我order的羊扒雞扒飯，個蘑菇汁調校得唔錯，羊架肉質不會太鞋，以快餐嚟講，已算不錯。太太的帶子意粉🍝：重香草蒜香味，帶子瑞士雖是急凍貨色，但也肥美大粒。快餐廳來講，算是不錯的選擇。