三ステーキ (已結業)

三拍牛扒食過深水埗個間 住港島見到灣仔有梗係要去食！自助禁機點餐 環境空間感同裝修都好好多 行同坐都舒服😌食鐵板最怕係食完成身一陣味 真係幾困擾🥴所以灣仔分店係每個靠牆既位置都裝左個小小既抽油煙筒 貼心👍🏻不過油煙筒長 令到切牛扒既時候有啲吾方便 要伸刀叉入去切再拎翻出去🙈———————牛扒質素同水準一如既往既好 牛味濃郁🤤 牛扒燒至一成熟放上鐵板 利用鐵板既熱度將牛肉燒至合適既熟度 ☝🏻記得食幾多切幾多 否則牛扒就會過熟吾好食😫———————

第一次在香港試食自助式石板牛扒店，原來已經開了幾間分店。今日跟大家姐行完書展後去試食，一入舖要先在售票機購買食物（有店員協助），然後才安排座位，灣仔舖面積比較小，加上顧客自取食物，感覺較擠迫。大家姐點了三拍子牛扒（180g）,我選了牛柳（厚切的）（200g），放在燒熱了的石板上，要幾熟可以自行控制（上石板時預設係一成熟的），我的厚切牛柳真係非常厚切，我曾擔心燒唔熟，但其實係唔駛擔心的，逐少逐少咁燒對於想要七、八成熟係無問題的，味道不錯，肉汁豐富，而且仲有多款不同醬汁可添加，很好！即場還有沙律菜、通粉沙律、白飯、牛肉湯、白開水等無限供應，牛肉湯的味道不錯，有點像牛尾湯，味道香濃。如果一、兩個人吃會較方便，形式特別，可以一試。 多人食飯唔會揀

老公話帶我去試新野 , 係懷石料理類既餐 , 自助形式先喺部自助售賣機揀扒類  , 要咩份量 , 拎個計時器落單....坐底等計時器發聲自己去持餐 , 乜都自己拎既 , 價錢包埋白飯 , 湯 , 沙律通粉...任裝 , 牛扒係燒左大約2至3成就放上個舊石比客人 , 客人邊鋸邊自己去"烘"塊肉 , 都OK既, 不過客人要留意進餐進度 , 舊石大約半個鐘開始唔夠熱.....事後老公提我原來希張貼客人可以玟換舊石....我地都總算食得晒個餐 , 成餐食左約1個鐘

本身男朋友👦🏻話帶我去西環食呢個熱石牛扒🥩，咁啱喺媒體得知港島開多咗兩間分店，於是就去咗灣仔分店喇😄。·一入門口位置放咗一部自動售賣機，先自助落單俾錢購票 (好有日本特色👍🏻，就好似喺日本去拉麵店🍜咁)，然後店員會安排座位💁🏻‍♀️，同埋俾一部bibi機。·牛扒價錢包咗自助形式嘅沙律吧🥗，所以等緊bibi機響時，可以出去拎沙律、湯🥣、飯🍚、水同餐具🍴。到bibi機響起，就可以去「取牛處」拎牛扒喇🤤。·話你知啦💡～店舖上碟嘅牛扒都只會係1成熟🤨，所以見到血水滲出係正常咖，然後就由自己擔當大廚👩🏻‍🍳，喺熱力石板上控制牛扒嘅生熟度。另外，牛扒係冇調味嘅，所以提供咗唔同醬油俾客人選擇😉，分別有：三拍子蒜蓉、鹽🧂、黑胡椒粒、茄汁、酸汁、豉油、牛扒醬汁。·✨妹豬仔👧🏻💬: 我地都點咗 🥩，肉味香濃、充滿肉汁，味道唔錯😍！重點係，拎牛扒已經聽到好大嘅滋滋聲，就知熱力石板夠曬熱辣辣！價錢HK$109💰嚟講，算係高質而抵食👍🏻！之不過，沙律吧🥗嘅嘢就真係嘛嘛地，有待改善🙈。另外要注意⚠️，店舖地方唔大，而牛扒只用木板連熱力石板上碟，所以拎牛扒時要加倍小心至得！

之前食過深水埗嗰間好正，好想再食，點知名氣越來越好，咩時間都經常有人龍，聽聞呢間人少，估係地點唔就腳，就專登過黎試。服務算周到，人手好夠，因為間店雖大，但人少😅抽風勁，無咩味，後來先知原來因為根本就無咩味...先食沙律菜同埋通粉，幾鍾意個黑椒通粉嘅調味，有再添~菜都新鮮~湯方面老公話味精，所以我唔敢多飲。我記得牛柳易咬，所以叫返呢個。見到件扒，本來心情好興奮，但食食下開始覺得唔對路，竟然痴石板?!我記得上次嗰間無咁情況...搞到外面又乾又硬甚至焦，裏面就繼續滲血...唯有快手切哂佢放碗，但就變得唔熱...我終於明白點解唔係咁香...深水埗嗰間石板上有油，所以又唔痴，又好香，一上枱就見到勁彈油。但呢間見塊牛同石板之間超乾...其實做多少少已經可以改善個問題，有啲浪費。另外，有少少意外，老公攞件牛埋位時經過風口位，但由於係必經之路，無得避，亦唔知咁誇，吹起咗蓋住牛嘅紙巾，成張油紙翻起貼到佢身上😱😱😱我作為客人都唔知有咩計，但店主店員真係要諗諗點可避免再有類似情況發生...另一個小問題係隔離枱張收據在枱上被吹黎吹去，好驚加料...一個阿媽帶2個小朋友，人哋教緊仔又唔好意思同佢講...唉...

之前經過深水埗已經好想試Triple Steak，得知佢係灣仔開左分店，我就叫埋同事一齊lunch 嘅時候去試下。.我地一行四人大約12:30左右到，門口有兩、三個組別等緊，等左大約15分鐘左右就有得入去坐了。入面座位係類似吧枱嘅設計，座位同座位之間都有啲逼。點餐係去門口嘅自動點餐機到自己落order，可以用紙幣同硬幣付款，部機接受嘅最大面值紙幣係$500。.我order左300g嘅牛柳($115)，order完會俾個取餐提示器你拎返位，有得拎餐嘅時候去取餐處到拎自己份牛扒。係等拎牛扒嘅期間都有野做架，可以睇下個食用教學。一份牛扒係包左任食沙律、湯同飯，可以趁等牛扒呢個空檔去拎，拎餐具亦都係自助嘅。溫馨提示，記住拎圍裙，個熱石板都有啲彈油嘅情況。.終於到拎塊牛扒，我有啲失望，因為明明話取餐嘅時候係1成熟，但我個塊一拎到已經係3成熟左右。而且，因為塊石板好熱，又無咩位可以擺開啲煮好嘅牛扒，切開無耐就好快熟，食到最尾，啲扒已經接近全熟我覺得牛扒味道係ok嘅，但真係太難掌握個熟度，成餐飯好忙，食得好急。枱上面有唔同調味料俾你加，我好似淨係加左燒汁。我懷疑每塊石板同牛扒嘅加熱程度都唔同，其中一

灣仔分店300g西冷白飯@椰菜@沙律通粉@中湯@都任食不過其實一般坐位...灣仔尼間近牆位好難坐因為佢做到凹左入去（有個抽氣管）扒佢1成熟出你想食幾成熟就自己切件係石頭煎下肉質.其實真係👉🏻👈🏻🥴不過招呼不錯👍🏻整體.未食過可試下我相信係日本原裝版本唔會咁一般

熱石牛扒最近大熱， 聽聞深水埗店要排1個鐘😱， 醒目既我去左灣仔店食， 不用排隊😂。這裡採用全自助形式， 牛扒選擇有三款， 分別三拍子牛扒、牛柳及西冷。 自助Bar 供應沙律、沙律通粉、白飯、湯、水等。我地揀左牛柳200g及三拍子180g，$200有找， 覺得好平。 🥢牛柳 200g $85厚切牛柳， 肉質軟嫩😋， 生熟程度自由發揮。🥢三拍子牛扒 180g $75原來三拍子意指牛肩位置🤔， 肉質較實較韌較多根， 這個不建議食。

不知不覺又到lunch，見灣仔都開左三ステーキ，石燒牛扒，$75有交易即想試下，據聞好多人幫襯，不過我地呢班打工仔最大嘅優勢就係自由時間食飯，避開最多人時段呀。 自動販賣機，購票後再入座，好方便。 等待中的同時順便去自助吧位裝定飯同湯先。 餐廳面積不大，簡約設計木系主調，座位多是靠牆面壁思過位，單拖去食冇老尷，多人去食就排排坐，2點多來到，不太多人，我地一行6人都搵到位坐。 位子空間比較小，有個小型的抽油煙管，仲有建議食法。 每個位的木架上提供了不同的調味料，牙簽及紙巾。 自助吧位，有水、沙律、椰菜、熱湯及白飯任食。 取牛處。 有圍裙，好窩心呀。 似乎是推介。 開動了。 三拍子牛扒(180g)，$75。 生生地的安格斯牛扒，建議食法係食幾多切幾多，張牛扒切成細件在熱力石頭上自行烹調，生熟度自己話事，正！石燒安格斯牛扒，大件厚肉，牛肉味濃，肉質鮮嫩，幾好味呀。 味道似中式湯。 通粉沙律。 野菜。果然係掂，＄75食好西，おいしい！抵食！下次有機試西冷。

其實之前已試過去深水埗分店食，排成30min先可以入座估唔到佢的分店現嫁開在灣仔咁緊係要拉埋班同事幫襯下呢間分店都幾多座位，不用點排隊已可以直入相比深水埗分店，佢有一個更貼心的設計有抽風位，食呢d熱石牛扒最怕食到全身油煙味呢個絕對係加分位而且佢地有任食通粉和沙律唔會怕食唔飽肚

點了一份400g三拍子牛排，肉味不錯，只是那個牛排醬汁味道偏鹹。可能我點的是最大份量牛排，而我是祝小築少切出來烤熟的，當吃到大半時已經感覺那塊熱石板溫度下降了不少。所以如果點了一400g 的份量，需要一開始把牛排切開，然後才慢慢進食。兩款自助沙律很新鮮美味。餐廳地方清潔度尚可接受，始終都是平民化的餐廳。我是晚上六點半左右到餐廳用餐，當時不是太多客人。但是到了七點左右開始多人來用餐，客人多時整間餐廳都充滿了很濃厚的燒熱石氣味，那時才感覺到抽風有些不足。整體來說價錢與質量也是不錯的。

上星期行街經過灣仔克街見到一間新開嘅”三拍子牛扒專門店”，剛好今日太太約了朋友外出食晚飯就去試一試這家三拍子牛扒專門店。店面積不算大裡面有大約20多個座位，一進店內侍應就會協助你去完成購票的動作然後把一個會震動的牌給你。這裏主打是安格斯牛有不同的部位選舉，而所有套餐價錢都已包括了白飯、沙律、牛肉湯和清水。我點了最基本嘅三拍子牛扒套餐有180克嘅安格斯牛，牌震動嘅時候就去廚房嘅窗前取餐，望落去已覺得這塊牛肉質素應該不錯，當我喺第一刀切落去嘅時候感覺非常嫩，其實上菜時已經幫你煮至medium rare係可以即刻食的，如果係想熟小小嘅就再放一會。不過要快因為石嘅熱力有限或者如果你擺上去喺上面放太久的時候就會well done。牛肉肉質很好只需加小小鹽做調味已經足夠，分量方面180克其實一個人都已足夠因為仲有飯同埋沙律。性價比非常之高。下次會去試埋其他嘅西冷牛扒。👍🏻👍🏻😋😋

昨天晚飯時段行過，新店入去一試。在購票機有職員教道如何購買，只收現金。不收八達通和信用卡有點不合時。還有店內是沒有標明最低消費額和每人最少要消費給多錢！但我今次和小朋友進食，職員話小朋友不買套餐，一定要買一份沙律，即$30。有問他點解，沒有解釋，只不斷説小朋友要買一份沙律。算吧！我點了一份三拍子餐和一份沙律餐另加汔水（$15一罐），合共$165。環境尚可，位子比較迫，自己去取牛扒，人多時，自己取會比較危險，因沒有盤子。食物質素可接受，幾好吃，有肉味。白飯任吃，湯（味精水）和沙律汁（稀如水）不能接受，改善下！總結：可一試，會再回來吃要看時段

去新開的灣仔分店試一下三拍子牛扒及牛柳，一個人自修也不用尷尬，三拍子牛扒$78，飯湯沙律任食，比其他類似舖頭唔駛加$30先有得食飯更加抵，唔駛一百蚊就可以食到牛扒餐，性價比亦高，遲下應會變成飯堂，唯一不足係廳面都幾大油煙，抽風唔係太理想。

平民吃石板煎牛扒，深水埗有間紅店 三ステーキ Triple Steak；每次經過見到條長龍 ...。自去年年尾開業，終今月在灣仔開第四分店。今午，去試吃少肥的西冷牛扒；要最少的份量 200g (另有 300g 及 400g)。因進行生酮飲食，不可吃太多蛋白質。多吃椰菜沙律填肚啦。(正)