三井飽餅專門店

營業中

休息中

提供開心果糯米糍同開心果燒餅嘅大熱店仍然需要排隊先可以買到，今日大約早上 11 點左右行經經常去開嘅平民又好食嘅麵包店「三井飽餅專門店」竟然有齊兩款產品，仲要比大熱店平一截，毫不猶豫就買嚟試試呢間小店喺黃大仙區最少三十年，作風低調唔做宣傳，專賣港式麵包，麵包定價好親民而且好鬆軟，一磅方包 / 排包賣緊 $11，有餡包 $7 起，迷你包 $9/3個，款式夠多，仲有賣埋蛋糕同中式餅，可謂隱世良心優質街坊小店-🔹開心果糯米糍 $8糯米糍唔算好大粒，切開個皮相對厚左少少，不過餡料都足；糯米皮好滑又軟熟，粘粘糯糯好好入口；開心果餡食到沙沙硬脆口感，有濃郁開心果香，仲相對大熱店低糖得多，食到開心果原味道，加埋芝麻添加口感同味道層次，個人幾鍾意美味指數：8.5/10-🔹開心果燒餅 $8燒餅冇大熱店咁大個，面頭灑咗少少香口芝麻，煎至微金黃；外皮輕糯有少少黏牙，開心果餡同樣唔少，不過冇大熱店咁濕潤，係偏乾嘅口感；同樣係粒粒開心果沙沙口感，夠濃郁而且甜度比大熱店更低，仲冇咁油美味指數：8/10-以 $8 呢個價錢真係冇得輸，重點係完全唔駛排隊，慳返好多時間，如果經開都推薦大家試吓；不過留意返，蒲崗村道分店

朝早行緊返工，經過間麵包舖，見到麵包新鮮出爐，就走入去買返個早餐，麵包款式多，一望埋個價錢，平過坊間好多嘅麵包舖，呢個芝士腸仔包，只需$6.5，味道又好，有夠大個，平價抵食

04/09/2022 小公主生日🎉🎉係屋企附近的屋邨麵包舖訂咗呢個生日蛋糕收到嗰刻都覺得好有驚喜因為第一次係呢間舖度訂蛋糕呢類蛋糕最少要訂1.5磅$240+2隻公仔 每隻$20 + 生日牌Total $290蛋糕可自選口味：黑森林/雜果/栗子比起好多IG店平一半有多味道亦都好食😋所以要周圍發掘下唔同小店既蛋糕先得🤭🤭店舖：三井包餅專門店 地址：黃大仙鳳凰新村雙鳳街24號舖#三井包餅專門店 #角落生物蛋糕 #公主蛋糕 #角色生物公主蛋糕#支持小店 #屋邨麵包店 #驚喜蛋糕

通常生日前一日已經同朋友食左蛋糕，但正日麵係會想食多個蛋糕的話，去三井買都一定冇錯！因為又平又算好食，性價比極高！呢個朱古力蛋糕係我每次必買，口痕或者for平平地食個蛋糕之選真係超正！啲士多啤梨唔會好酸，因人而異嘅，我食就唔覺酸，但男朋友食就覺得少少酸，不過都一定食得入口！

三井麵包店，係我覺得最抵食，而又好食的麵包店。而家好多麵包店都貴左好多，但我又唔係覺得特別好食。反而街坊小店嘅呢間麵包店係真心平，同好食。成日有新鮮出爐麵包，紙包蛋糕食，好美味我剛嘗呢間麵包店，一個菠蘿包都只係$2.5，新鮮熱辣又好食，係近年先加到三蚊雞。仲有丹麥條，個人認為好食過凱x。岩岩阿仔生日，想買特色蛋糕比阿仔，但可惜出面大集團都要三百樓上的價錢，但又不太特色。造型車就要上五百以上，真係貴到我呢個阿媽唔捨得。眼見阿仔平日經過此店，都好想要蛋糕上加車車裝飾的蛋糕，雖然無咩特別，但阿仔鍾意，就成全佢。三井的蛋糕抵食，又好食，蛋糕鬆軟又唔太甜。而今次氹阿仔的蛋糕只係$180，加埋玩得的孖寶賽車，都只係$50，有得食有得玩。

最近愛好發掘麵包店。某日路過黃大仙，傳來一陣麵包的香味，原來三井有麵包剛出爐。買了最傳統的菠蘿包、雞尾包和大食媽最愛的瑞士卷。雞尾包啲料足，味道、口感、餡料嘅量各自打分都值得打滿分。價錢是標準底價3.5，價錢亦滿分，性價比超高。菠蘿包也很好，整體有9分（10分滿分）。至於標題提及嘅瑞士卷，夠鬆軟、奶油夠香和軟滑。不過奇怪就係……每條瑞士卷都附送雞蛋殼。我前後買過4次，每次都中。真係唔明白。

在黃大仙長大的我時常去這間三井麵包店，但其實一直都冇試過他們的生日蛋糕， 直至到離開咗黃大仙區，今日突然經過黃大仙，又有家人生日，不如懷緬過去在陪著我細個成長的餅家裏面買一個生日蛋糕來試試。我選了兒時的生日蛋糕，就是傳統的水果雞蛋糕， 傳統的雞蛋糕是用大量雞蛋做的海綿蛋糕，再配合你選擇的雜果或者係單品水果造成的生日蛋糕，這個傳統的生日蛋糕食落極香雞蛋味，海綿蛋糕的彈性非常之好，非常之新鮮，而水果也非常好，手打的忌廉有著兒時的香滑忌廉味道跟出面的不一樣，非常之有兒時的感覺。

呢日陪男友剪頭髮, 等緊佢剪嘅時侯,就喺附近行下,見到呢間 -三井飽餅專門店。佢個凍櫃入一杯杯布甸/奶凍, 大大杯, $7/杯, $14/兩杯!嘩! 真係好平!仲要咁大杯!望落都唔錯丫?一於買杯奶凍試下!WOW, 一打開蓋, 超白超滑的樣子!好吸引!食落都滑, 都香奶味~當然, 冇可能到成$20/杯細細杯個D比~但$7, 咁大杯, 絕對值回票價!而家到處都充斥住連鎖店,麵包店都唔例外~產品愈賣愈貴~偶爾遇到呢D, 又平又好食的小店,好應該多加支持一下!

依家啲面包真係愈賣愈貴，真係貴到離晒譜。好多地方，普通一個腸仔包都可以賣到成$8，有啲包成十蚊一個，仲要唔好食，食兩啖就無，好似食左陣風咁，所以除非真係乜都無得食，勁少幫襯美心，埾安娜個啲連鎖店，一黎本人一向支持小店，無論買日用品，去cafe飲咖啡，食嘢都好，盡量去小店幫襯下。二黎，連鎖店啲包真係麻麻，可能一早整好晒放喺度賣。唔似啲小店，熱哄哄攞出黎賣。入正題，三井就係幫襯開的面包鋪，平過連鎖店好多，一個菠蘿包賣$3，每次買都係暖既，食落個菠蘿皮仲碎口，成個包都好軟熟，唔似食左陣風落口。其他包都係$5, $5.5左右，好抵食，最緊要仲係好新鮮。不過唔知點解，我最鐘意食佢既菠蘿包，真係好少地方咁好食。有既，但可能啲茶餐廳賣成十幾蚊一個。仲有，佢個花生糯米滋都好正，大大粒，$3/粒。個皮好軟熟，啲涵勁大，花生大大粒，有幾粒，加埋沙糖，花生碎，好香好正。其實，黃大仙有兩間三井，都幾近下。個人覺得呢間好啲，特登返工前行遠小小幫襯呢間。可能呢間人流旺啲，啲包出得密啲，所以比較新鮮同暖身啲佢既店員都好有禮貌，有時買一個菠蘿包，收謝都會同你講聲多謝。

首先, 恭喜三井再次在慈云山區開店!!! 對於一眾街坊, 這真是一件大喜訊~~店子原先座落在雙鳳街, 夾著兩間大型面包店. 但勝在抵吃, 街坊包括我也喜歡一試火腿蛋, 木槺布甸, 都不到$7. 有天想去買個小麥包, 連同附近兩間面包店都消失了, 應該是大財團要收購吧...頓時"冇面包食"~終於, 它東山在起, 在蒲崗村道開店了!! 店子比以前細小, 客人看上去多了. 今天隨意買了一個就上班去. 豬抑扒沙律包很簡而清的包名, 豬柳扒是平常超市買到的, 還有肉汁.沙律醬是三井獨有的味道, 配扒類一流!加上芝麻軟包, 食完想再食~~簡單得在家都可以做, 優勝是划算, 省時間 以後落街就有包吃咯~

上次放咗學同嗰fd覺得有啲餓，又唔知食咩好所以就想試下三井既木糠布甸！木糠布甸其實冇咩味，唔係好甜，但係就好制啦個布甸好大個，都好扺食，我同個fd一人半個就己經好飽，可以當早餐呢！！

晌附近嘅百樂門燒味荼餐廳食完晏，同太太兩個人周圍逛，因為甚少嚟慈雲山，仲晌鳳德公園打個轉，大話西遊咁。但由上面毓華街行落去黃大仙港鐵站，經個依間三井，見啲鬆餅整得幾似模似樣，又好抵，就不如買啲返屋企下午茶！提子鬆餅 $3如果叫英式鬆餅或士乾（scone）就一講就易明係乜，$3真係幾抵，都幾大個吓，質感幾好，比一般士乾軟身同無咁乾，返到去我哋都係搽番果醬嚟食。藍梅鬆餅 $4.5依個就係美式鬆餅（muffin），雖然做得幾鬆身，但只有面面一撮仔藍梅醬，其實成個鬆餅無乜藍梅味，估計都係用色素溝粉漿焗，所以睇外觀先幾有藍梅鬆餅個樣。不過，$4.5一個街坊嘢，都唔會一早有太多期望啦！

又唔記得拎屋企個早餐, 又要破費喇!買個最平既, $2.5~是日早餐:- 提子麥包仲唔係全黃大仙最平?????一陣風~~~~食完.冇感覺既, 得個甜味. 提子成個包得一粒!

是日早餐:- 餐蛋包好耐冇食過餐蛋,多數都火腿蛋~個包上面灑上芝麻,好似第一次食.足料, d肉同蛋厚身.冇乜味道, 不過一個就食飽左.今次冇映相

$5 三個迷你包多左一款紅豆包選擇: 麵包較實淨, 面上撒上白芝麻 餡有少少紅豆茸, 不會太甜 以紅豆品質來講, 紅豆香味不夠濃