三井飽餅專門店

營業中

休息中

依家啲面包真係愈賣愈貴，真係貴到離晒譜。好多地方，普通一個腸仔包都可以賣到成$8，有啲包成十蚊一個，仲要唔好食，食兩啖就無，好似食左陣風咁，所以除非真係乜都無得食，勁少幫襯美心，埾安娜個啲連鎖店，一黎本人一向支持小店，無論買日用品，去cafe飲咖啡，食嘢都好，盡量去小店幫襯下。二黎，連鎖店啲包真係麻麻，可能一早整好晒放喺度賣。唔似啲小店，熱哄哄攞出黎賣。入正題，三井就係幫襯開的面包鋪，平過連鎖店好多，一個菠蘿包賣$3，每次買都係暖既，食落個菠蘿皮仲碎口，成個包都好軟熟，唔似食左陣風落口。其他包都係$5, $5.5左右，好抵食，最緊要仲係好新鮮。不過唔知點解，我最鐘意食佢既菠蘿包，真係好少地方咁好食。有既，但可能啲茶餐廳賣成十幾蚊一個。仲有，佢個花生糯米滋都好正，大大粒，$3/粒。個皮好軟熟，啲涵勁大，花生大大粒，有幾粒，加埋沙糖，花生碎，好香好正。其實，黃大仙有兩間三井，都幾近下。個人覺得呢間好啲，特登返工前行遠小小幫襯呢間。可能呢間人流旺啲，啲包出得密啲，所以比較新鮮同暖身啲佢既店員都好有禮貌，有時買一個菠蘿包，收謝都會同你講聲多謝。