三多美食

營業中

休息中

唔多講，過份程度一睇相就知。係咪以為我叫左三餸？張相係乜都未食之前影嘅，特登攤開晒d雞出黎，雞皮都有幾塊，雖然我都食雞皮，但辣子雞，雞肉佔八成都唔過份吧～好明顯青椒比例遠高過雞肉。其實佢嗰盆辣子雞仲係一大盆，唔係餸尾。眼見佢夾俾我嗰陣見其實有好多雞肉。可能係我衰，唔即時出聲，離遠睇以為自己嗰盒除左多青椒應該都有合理份量嘅雞肉，點看一開盒真係咁過份。係我叫少飯的，唔係佢問題。不過連少飯都少到咁，得幾啖。可能又係我問題。

食個雙餸飯$60落樓呢個價錢都要對得起俾返少少質素叫咗咕嚕肉多寶魚蜆啲餸唔熱冇汁啲肉鞋條多寶魚大大話話都$40，貴在條魚都唔緊要，我照嗌成條魚真係得肉都唔知有幾多，冇汁放到啲魚油滰晒 總結俾個評價：狗也不吃

今次已經係第二次叫外賣食喇，佢既兩送飯我覺得係幾出色既！今天叫左椒鹽豬扒同埋魚香茄子呢個飯同送既份量真係好多，我作為一個90kg 既男人食完都會好飽！佢個椒鹽豬扒真係好熱辣辣又多肉又好脆，椒鹽味好足。而佢個茄子真係好香又多魚香，d 汁撈飯食真係一流。成班同事食左一次都想再食，之後都繼續會叫👍

今晚去呢度買兩個飯，找錢個陣店員找咗兩個5毫子俾我，講真毫子對我來講真係冇乜用處，重點係間店冇一樣商品係要用到毫子，但佢竟然俾毫子，所以我就好聲好氣同店員講唔要毫子要1蚊，佢就同我講冇散紙，咁我又講返「毫子而家冇人要㗎喎」，然之後佢勁嫌棄嘅態度同我講：「係冇人要㗎，咁你要唔要啊，唔要就唔找」，聽到佢咁講我成個人呆哂，雖然我知香港服務業冇態度可言，但係連最基本找錢俾人都做唔好，冇散子，不如執咗佢啦👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻

三多美食呢間兩餸飯最近呢都好出名，未必係咪佢好好食，但係佢又真係良心餐廳，晚上九點半後，有需要人士可以帶乾淨嘅盒嚟攞食物。講返正題先，就係餐廳嘅食物。兩餸飯基本上都係嚟嚟去去嗰啲餸。三多就40蚊三餸飯，加12蚊呢就可以揀海鮮嘅餸。好老實講作為一個foodie對食物有啲要求，食兩餸飯都當然要升級加返個海鮮。我是揀咗三個餸，分別係咕嚕肉、西蘭花炒蝦球同埋蜜椒鱔球。蜜椒鱔球就係加12蚊先可以揀嘅餸！老實講食兩餸飯都係簡簡單單一餐，都唔會期望太多，過蜜椒鱔球都幾有驚喜。除咗有香甜嘅蜜椒味，仲可以食到鱔嘅鮮味，鱔肉食落都唔會話好唔新鮮。我都幾推介呢個星級三餸飯！有時想簡簡單單的一餐，一於試下啦！

最初走過土瓜灣的時候，冇諗過進入這間店舖進食，在櫥窗觀看下發現有很多餸菜可以選擇，當中比炒蛋吸引，雞蛋顏色鮮豔而且感覺很滑。其次一大盤西蘭花炒蝦仁感覺新鮮，配以鹹蛋蒸肉餅，十分抵食。而朋友同樣叫一大盤西蘭花炒蝦仁，配以川色的麻婆豆腐口感非常，再加埋蒸魚。完全適合基層人士可以用便宜的價錢食到住家菜。勉卻一重功夫，我們到的時候是剛開門營業，於食緊一食緊途中望返門外，發現門外已經堆滿很多人排隊，建議可以早一點去可以遇到有足夠的時間選擇，因店舖座位並不是太多。