三多麵食

營業中

休息中

每逢月尾就要喺公司開夜啦 由於唔想外出食飯所以就 嗌外賣返嚟食 公司有budget畀我的 所以就要 豪氣啲 叫咗個 三餸麵 雲吞墨丸炸醬麵 再嗌咗個蜆芥鯪魚球 同埋油菜同埋魚皮 同其他同事share首先講下自己嘅三餸麵 雲吞就屬一般 蝦都算彈牙 塊皮就浸浸得太耐太爛 墨魚丸真係唔喺度出名嘅所以真係比較失色 反而我最欣賞就係個炸醬麵 佢啲肉絲都算大條同埋都係唔太肥 個炸醬麵有啲微辣 碗麵底下有兩條菜晾起 下面全部都係油呢度其實出名食菜肉雲吞 由於本小姐係唔食芫茜㗎 所以就不敢恭維啦嘩講下佢個蜆芥鯪魚球鮮真係超好食 外賣到返嚟公司都仲係熱嘅 超彈牙 個蜆介醬唔會因為外賣而少咗你睇下嗰份量幾足 呢度係有兩份嘅份量 鯪魚肉好新鮮完全沒有腥味整體嚟講質素係幾好嘅 又喺公司附近應該都會再幫襯嘅

下午茶推薦！平時lunch行過，見到好多OL排曬隊，心諗普通粉麵店有咩咁吸引呢🤔今日終於有時間過黎一探究竟！睇睇到底有咩咁把炮餐廳環境普通，有幾張圓檯，係平常粉麵店既擺設佈置，坐底之後問姐姐有咩推介，佢就話一定要試鵝腸米，結果一試愛上平時打冷既鵝腸係灼熟，所以會係米色或者白色，但呢間竟然係黃油鵝腸！香港地好少見啊😲不過最驚喜係佢個辣椒豉油小小辣味，應該有落姜蒜一齊落鍋炒過！超級香！鵝腸本身無咩味，要靠個豉油帶起鮮味，夾埋d香蔥一齊食真係好鍾意！鵝腸份量多，堆滿成個碗面，全部鵝腸洗得好乾淨，幾乎無肥膏係入面米粉煮得略軟，大力d夾會斷，湯底係清湯，好清新！下午茶精選！唔會太heavy不過如果係lunch要排隊先食到就不了！大家想試下既話比較推薦下午茶少人d時間來

其實已經唔係第一次食三多，最初係ＩＧ見到朋友黎食。睇到張相好似幾吸引咁，而且本人又好鐘意食鵝腸，所以一直bookmark底。自從第一次同男朋友黎食之後，一試愛上。就算住得唔近，又唔係咁岩路過，都會間唔中黎食，唔食就會心掛掛咁。本人覺得最好食既係鵝腸，好有咬口，如果鐘意食內臟既人應該都會鐘意。而最令人surprise既應該就係魚蛋啦，最初嗌魚蛋個陣以為係一粒粒個啲魚蛋，送到黎先知係一餅餅既魚蛋。個時都只係以為係普通同魚片差唔多口感，點知！三多既魚蛋係超結實，必須一試！同埋本人都係蔥既愛好者，所以食粉麵都一定要叫多蔥（最好成碗都係蔥個種）。而三多既蔥係切條唔係切粒，所以可以食到完整既蔥，而唔會沉左係湯入面。

話說以前喺一齊喺中環返工嘅拍檔，都係鍾意周圍搵嘢食嘅地道食家，所以經常帶我去唔同嘅餐廳食好嘢，而令我最震撼同埋回味嘅，始終都係三多嘅巨型鮮蝦雲吞同埋爽脆豬膶！首先係中環區食平啲真係唔容易，而快靚正嘅粉更係OL至愛， 拿拿聲食完仲有時間去shopping嘛😆然後佢哋又真係幾足料嘅，所以而家我每次去親中環都會專登抽時間再次回味！不過盡量都會避開lunch Time時間啦！因為真係太多人排長龍😛鮮蝦雲吞豬膶米粉！識食一定叫：「加腩汁！唔該！」首先佢會比定一碗佢哋秘製嘅辣椒豉油你（鵝腸或者豬潤先會跟架💓）然後主角出場啦！先講薑蔥，好新鮮，通常我會放落辣椒豉油到備用🤣🦐鮮蝦雲吞真係大大粒，裏面勁多爽口蝦肉同埋豬肉，絕無欺場！🐷而我最愛既豬潤😍睇相都見到大大塊好厚切！ 質感係非常之嫩滑爽脆👍🏻同SSP好出名但係鞋到飛起嘅豬潤跟本冇得比！🍜湯底因為加咗腩汁嘅關係所以特別濃厚同惹味！（利申：我係食麵鐘意飲埋湯嘅）每次食完都覺得非常之滿足！如果係即刻返屋企嘅話我仲會整多一打新鮮雲吞外賣🤤返屋企得閒煮麵嘅時候淥兩粒過下引😛如果九龍區都開返一間就好啦！

行完大館之後，想搵間近近地又感覺地道嘅食店食晚餐。來到依間麵店睇落都啦錯，就同友人叫左一碗雲吞麵同一碗水餃麵，加一碟油菜，仲有檸蜜及華田。麵好好味，彈牙好爽，我習慣加紅醋在匙上，夾麵點來食。另外再加多一點辣椒油在湯更好味😊雲吞好夠料，蝦都好彈牙。同樣好飽滿的水餃內有爽口嘅菇，菜，肉，蝦，好味。油菜我地叫左菜心，好翠綠好甜。總結而言此店都好值得推介嘅，若價格更街坊會更好。不過中環區都算係合理掛，地方都乾淨企理。

其實已經幫襯咗三多好多、好多年，而且食咗好多、好多次，但第一次係度讚佢啫。每次食都可以保持水準，相信是店主那份堅持，真是值得讚許。好鐘意食呢度嘅雲吞鵝腸粗麵，因為雲吞大大粒，蝦同猪肉份量配合得啱啱好，咬落去好有鮮味，簡直是皮薄饀靚；鵝腸份量不算少，好爽口，食得出是新鮮，再用奉上的特別調配的豉油，真係食到腍腍脷；而麵亦好爽口，食唔出有無鹼水味，湯亦飲唔出有鹼水味。其實呢度d豬潤都好good，應該是豬沙潤，厚切兼大件，好爽口，無腥味，真的值得推介。難怪中午排長龍啦！

不知看官們有否聽說過，有很多離開香港一段時間的港人，於世界各地暢遊後，回港也會最先想來碗雲吞麵的，或許在很多人心目中，雲吞是港式麵食中的表表者吧？不過在下呢，卻另有所愛啊！這位愛人是誰? 她就是雲吞的近親(好似係)，鳳城水餃是也。大部份雲吞也是彈牙的鮮蝦及豬肉，有些則是全鮮蝦的，而在下喜歡的鳳城水餃呢，除了以上餡料之外，還加上爽脆的筍絲及木耳絲，或許是小的貪口爽啦，所以比起鮮蝦雲吞，小的更愛鳳城水餃呢。為免加入麵食令水餃數量驟減，所以很多時候也是點選淨食的，什麼?吃完很快肚餓?且!到時咪再覓食囉！只吃水餃不滿足之餘營養也不夠均衡，尤其纖維量絕對缺乏，這時，需要來碟綠油油的菜蔬補給了，粉麵店通常只有菜心及芥蘭，還記得小時候不懂分辨，奇怪菜心為何會帶苦味的呢，及後知道是這是芥蘭後，就非常抗拒她了，直至長大後才懂欣賞，而近半年開始，吃油菜是要求全走(即蠔油及油也不下)，反正隔離那碗的味道已很精彩，這碟就回復她的原貌好了。

近日天氣十分炎熱，食飯又好似冇乜胃口，想食D酸辣野，就去三多食碗麵，但因為中午時間，已經有人龍，又好多人外賣，好在人流去得幾快，所以都唔係等左好耐，入坐後姐姐已經問你食咩架啦，好在我專一，至鐘情佢個碗炸醬鮮蝦雲吞撈麵就好快落單同有得食，酸辣度剛好，開胃又唔太燙口，麵質爽口彈牙，香蛋味，鹼水味不太重，肉絲肥瘦均勻，份量多，仲有通菜一小撮，間中會食到有冬菇片，鮮蝦雲吞有三大隻，隻隻都飽滿，而且十分足料，皮薄餡又靚，蝦🦐爽口大隻，鮮味仲有碗湯，正常啦，麵既一碗份量真的剛剛好

過左繁忙既午餐時間，經過三多呢度，見入面有位就即刻入去啦，係中環返工既人都知道，lunch time. 一定大排長龍，唔使排隊就食到真係一個小確幸咁我地就叫左呢度出名既菜肉雲吞拼鵝腸剩食另外男朋友食豬潤麵加多杯凍奶茶。菜肉雲吞皮薄餡靚，又大大粒，肉同菜既比較岩岩好，食落好滿足鵝腸更加係唔試唔得，佢清得入面乾乾淨淨，一點肥膏都冇，食落爽脆無渣而豬潤就夠新鮮嫩滑，煮得岩岩好，冇過火，配上跟餐既辣椒鼓油，一絕

咁岩一個人黎做野，搵左間唔駛講環境，只要講味道既餐廳。呢間平時行過過左十二點半都排哂隊。睇其他食評知道佢菜肉雲吞應該好好食呢。我想食飽啲所以點左個撈麵。菜肉雲吞係堅得！皮薄，餡黎講菜同肉比例好適中，食到兩者味道味道同口感上又配合！抵讚！麵底冇話好特別，唔覺咩蛋香，湯唔會重鹼水味唔會好鹹，就咁飲okay既。整體我諗菜肉雲吞配湯麵應該夾啲。價錢中間唔可以叫平喇。等野食黎同時間我見到原來大部份人男男女女都會叫佢既鵝腸食，望落係幾吸引，佢會跟個辣豉油點黎食，下次黎都會試一試佢！如果你係第一次黎，不妨就叫菜肉雲吞鵝腸雙拼！

This is one of the gem in the busy Central district. This noodle joint have a lot of choices of noodles you can pick from. The variety of topping are all very tasty. My favourite is the veggie dumpling and duck intestine. Not many places serves the duck intestine anymore but this place does. With its low price tag there are always long queue at lunch.

It was a Wednesday night around 19:30.I was able to be seated immediately and was given an English menu. I ended up getting a wonton noodle but had a lot of add in dishes which was not on the menu due to a friend helping me order, I also got some vegetables.The waitress was very friendly but spoke minimal English.My noodles come out with the beef lung, Wonton, dumpling, and sweet and sour pork.Noodle bowl: The actual wonton and dumplings were phenomenal. The wrapper on the wontons was very thin

[ 狗年第一POST🐶| 食上癮的粉麵 ]••祝大家新年快樂❤️恭喜發財 身體健康 心想事成 年年有餘...(詞窮🙊)，最重要係食極都唔肥😋嘻嘻好多親戚都話我咁大食都唔肥，開心~~~其實都肥左好多😆-🔹鵝腸菜肉雲呑河($47)⭐️7.5/10有睇開我Story既都對呢碗麵好熟悉😂因為我成日都食，不過最估唔到既係👉🏻最多人問既都係佢😳呢度既菜肉雲呑係必食‼️超級大粒，食落好香，入面有白菜同少少芫茜，真心勁好食🤤連屋企打邊爐都要買返去食💚鵝腸好爽口，好正啊👍🏻都係我既必食😆仲有食鵝腸先有既秘製辣豉油，唔食鵝腸係無架💁🏻‍♀️-🔺Lunchtime會現長長既人龍🐉大概要排20分鐘，而且座位有點逼🤔---

中環午飯時間，三多永遠都排著長龍，前面至少有30人，排了20分鐘終於可入座。二話不說，即刻叫了鵝腸併菜肉雲吞河，外加炸鯪魚球。鵝腸洗得好乾淨，肥肉已去除，配上獨家的醬油，爽口又美味。菜肉雲吞超大粒，食完4粒都飽飽地，唯一可惜的是這裡的河粉實在不合格，粗糙不滑，一夾就斷，入口的感覺幾難食，友人叫的雲吞麵，麵的質素亦是麻麻地，唔彈牙，結論是叫淨雲吞應該會好好多。鯪魚球炸得酥脆，份量亦十分足，值得一試。價錢稍貴，座位也十分擠迫，吃完快快走人。總體而言，仍是值得一試。

一向都知道三多要排隊，見今日天氣好涼爽所以就決定去排下隊。三多出名效率高所以等左15分鐘就可以入去同樣地一坐低就要落單，所以有選擇困難症嘅朋友記得喺門口睇定稔定啦！我今日叫咗菜肉雲吞+鵝腸米😋三多嘅雲吞永遠都唔會令我失望，除咗多料之外，皮又夠薄😋今次係第一次食呢度既鵝腸，夠爽得來又唔算太肥，再加埋佢微辣嘅豉油，成件事好夾！一碗麵女士食完份量岩岩好唯一就係座位會比較迫...一張枱要坐六個人，男士可能會比較辛苦....💎💎識食推介: 豬潤/雲吞/鵝腸/自家製辣椒油